சங்குமுகம் கடற்கரை

கடற்கரையில் உள்ள கல் மண்டபம்

சங்குமுகம் கடற்கரை இந்தியாவின் கேரள மாநிலத்தின் திருவனந்தபுரம் மாவட்டத்தில் உள்ள ஒரு கடற்கரை. இது திருவனந்தபுரம் நகரத்திற்கு மேற்கே 8 கி.மீ தொலைவில் அமைந்துள்ளது. திருவனந்தபுரம் பன்னாட்டு விமான நிலையத்திற்கு மிக அருகில் இது உள்ளது. இது திருவனந்தபுரத்தில் உள்ள ஒரு குறிப்பிடத்தக்க சுற்றுலா இடமாகும்.

நட்சத்திர வடிவிலான உணவகம் ஒன்றும் நீர்ச்சறுக்கு பயிற்றுவிக்கும் பள்ளியும் இங்கு உள்ளன.

கடற்கன்னியின் பெருஞ்சிற்பம் - கடற்கரையில்

சலகன்னிகை எனப்படும் சிற்பம் ஒன்று இங்கு அமைக்கப்பட்டுள்ளது. இது 35 மீட்டருக்கும் அதிகமான நீளம் கொண்டது. இதைச் செதுக்கிய சிற்பி கானாயி குஞ்ஞிராமன் சென்னைக் கலைக்கல்லூரியின் பழைய மாணவராவார்.