விக்கிப்பீடியா:ஒத்தாசைப் பக்கம்

கட்டற்ற கலைக்களஞ்சியமான விக்கிப்பீடியாவில் இருந்து.
 கொள்கை தொழினுட்பம் அறிவிப்புகள் புதிய கருத்துக்கள் ஒத்தாசைப் பக்கம் 
குறுக்கு வழிகள்:
WP:HD
WP:HELP
எப்படி தமிழ் விக்கிப்பீடியாவுக்குப் பொருத்தமாகக் கட்டுரை எழுதுவது என்று ஐயமா? பக்கங்களைத் தொகுப்பதில் சிக்கலா? உங்களுடைய கேள்விகளை இங்கே கேளுங்கள்.

கேள்விகளை எழுத, இப் பக்கத்தின் மேற்பக்கத்தில் உள்ள "தலைப்பைச் சேர்" என்பதை அழுத்துங்கள். கேள்வியை எழுதுவதற்கான கட்டம் திறக்கும். அக் கட்டத்தில் உங்கள் கேள்விகளை எழுதுங்கள். தமிழில் எழுதுவது நல்லது. தமிழில் எழுத இயலாவிட்டால் ஆங்கிலத்திலும் எழுதலாம். எழுதிய பிறகு கீழே காணும் "பக்கத்தைச் சேமிக்கவும்" என்ற பொத்தானை அழுத்தவும்.

« பழைய உரையாடல்கள்
தொகுப்பு
1 | 2 | 3 | 4 | 5 | 6 | 7 | 8 | 9 | 10 | 11 | 12 | 13 |14|15|16


கட்டுரை உள்ளிணைப்புக் கருவி[தொகு]

இந்தக் கருவி Source Editing-இல் செயல்படுகிறது. இதை Visual Editing-லும் பயன்படுத்த இயலுமா? சுப. இராஜசேகர் (பேச்சு) 04:37, 23 திசம்பர் 2023 (UTC)[பதிலளி]

@சுப. இராஜசேகர்: Source Editing இல் மட்டும்தான் இதனைப் பயன்படுத்த முடியும் என நம்புகிறேன். எனது தொகுப்புப் பக்கத்தில் Source Editing மட்டும்தான் உள்ளது, visual editing தெரிவதில்லை.--Kanags \உரையாடுக 07:18, 23 திசம்பர் 2023 (UTC)[பதிலளி]

எனது ஊர் கல்வெட்டு வரலாறு எழுத வழிகாட்டவும்[தொகு]

எனது ஊர் கல்வெட்டு வரலாறு எழுத வழிகாட்டவும் மருதநாடன் (பேச்சு) 14:05, 1 சனவரி 2024 (UTC)[பதிலளி]

சமிக்ஞை[தொகு]

சமிக்ஞை எனும் சொல்லானது சைகை, குறி எனப் பொருள்படும் (விக்சனரி). சமிக்ஞை என்பது தனித்தமிழ்ச் சொல்லா? அல்லது வடமொழிச் சொல்லா? மா. செல்வசிவகுருநாதன் (பேச்சு) 04:01, 9 சனவரி 2024 (UTC)[பதிலளி]

சமிக்கை என்றும் குறிப்பிடுகிறோம்.--கி.மூர்த்தி (பேச்சு) 04:29, 9 சனவரி 2024 (UTC)[பதிலளி]

தொடர்பிழந்த இணைப்புகளைக்கொண்ட கட்டுரைகள்[தொகு]

பகுப்பு பேச்சு:தொடர்பிழந்த இணைப்புகளைக்கொண்ட கட்டுரைகள் துப்புரவு செய்வது குறித்து கேட்டுள்ளேன் உழவன் (உரை) 16:02, 13 சனவரி 2024 (UTC)[பதிலளி]

Yபேச்சுப் பக்கத்தில் வழிகாட்டிய நண்பர்களுக்கு நன்றி. உழவன் (உரை) 01:57, 20 சனவரி 2024 (UTC)[பதிலளி]

உங்கள் பரிந்துரையைத் தருக[தொகு]

பகுப்பு பேச்சு:உண்மைத் திரைப்படங்கள் உழவன் (உரை) 02:34, 18 சனவரி 2024 (UTC)[பதிலளி]

Y:பேச்சுப்பக்கத்தில், பெயர் மாற்றலுக்கான முடிவெடுக்கப்பட்டுள்ளது. உழவன் (உரை) 01:58, 20 சனவரி 2024 (UTC)[பதிலளி]

வார்ப்புரு:கடல்வாழ் உயிரினங்கள்[தொகு]

வார்ப்புரு:கடல்வாழ் உயிரினங்கள் எந்த வார்ப்புருவில் உள்ளவை பொதுவான உயிரிகளை வைத்து உருவாக்கப்பட்டுள்ளது. உலகின் கடல்வாழ் உயிரினங்கள் அனைத்தையும் இதில் எழுத இயலும். இது போன்று எந்த ஒரு வகைப்பாட்டியல் தன்மையும் இல்லாமல் இப்படியான வார்ப்புருக்களை இருக்கலாமா? இதனை உருவாக்கியவர் கைப்பாவை கணக்கு என்ற அடிப்படையில் தடை செய்யப்பட்டுள்ளார். முறையான விக்கிவடிவம் இருப்பதால் மட்டுமே இதனை பேணுதல் நன்றா? உழவன் (உரை) 07:14, 23 சனவரி 2024 (UTC)[பதிலளி]

நீக்குவது சிறப்பு AntanO (பேச்சு) 08:22, 4 பெப்பிரவரி 2024 (UTC)[பதிலளி]

தலங்கள் <> தளங்கள்[தொகு]

தலங்கள், தளங்கள் - இவற்றில் எது சரியானது? AntanO (பேச்சு) 08:21, 4 பெப்பிரவரி 2024 (UTC)[பதிலளி]

பகுப்பு:இராஜஸ்தானில் உள்ள சுற்றுலாத் தளங்கள் என்பதிலுள்ள தளங்கள் என்பது தலங்கள் என்று இருக்கவேண்டும். ஆனால், தலம் என்பது தனித்தமிழ் அன்று. ஸ்தலம் எனும் வடமொழிச் சொல், தமிழில் தலம் என அழைக்கப்பட்டு நடைமுறையில் உள்ளது! பொருத்தமான சொல்லை பயன்படுத்த வேண்டும் எனும் எண்ணம் என்னுள் நீண்ட காலமாக உள்ளது. -மா. செல்வசிவகுருநாதன் (பேச்சு) 09:21, 4 பெப்பிரவரி 2024 (UTC)[பதிலளி]
இந்து சமயத்தில் holy place என்பதை புண்யஸ்தலம் என்பர். இதனை புண்ணியத்தலம் என தமிழ்ப்படுத்தினர். காசி, இராமேஸ்வரம் ஆகிய இடங்களை புண்ணியத்தலங்கள் அல்லது புண்ணியத் தலங்கள் என எழுதுகிறார்கள். தமிழ்நாட்டில், ஒவ்வொரு சிவன் கோயிலிலும் ஒரு மரம் சிறப்பாக கருதப்படும். அந்த மரமும் அங்கிருக்கும். எடுத்துக்காட்டாக வன்னி மரம், புன்னை மரம் ஆகியன. இதனை ஸ்தல விருட்சம் என்றழைத்தனர். இப்போது தல விருட்சம் என தமிழ்ப்படுத்தியுள்ளனர்! - மா. செல்வசிவகுருநாதன் (பேச்சு) 09:54, 4 பெப்பிரவரி 2024 (UTC)[பதிலளி]
தளம் என்பது இடத்தைக் குறிக்கும் அல்லவா? எ.கா: வீட்டின் மேல் தளம். மேலும் ஆ.வி பகுப்பிடலில் Tourist attractions in India, Tourist attractions in Rajasthan என்றுள்ளது. எனவே, இந்தியாவில் சுற்றுலாப்பயணி ஈர்ப்புக்கள் என்றவாறு பெயரிடல் பல இடங்களையும் உள்ளடக்குவதற்கு ஏற்றதாக இருக்கும் அல்லவா? ஏனென்றால், இங்கு நகர். வழிபாட்டிடம், கோட்டை உட்பட்ட பலவும் உள்ளடங்குகின்றன. தல விருட்சம் தல மரமானால் இன்னும் சிறப்பு. --AntanO (பேச்சு) 10:48, 4 பெப்பிரவரி 2024 (UTC)[பதிலளி]

பகுப்பில் தலைப்பு மாற்றம் செய்ய பரிந்துரைக்கவும்[தொகு]

பகுப்பு பேச்சு:போலி அறிவியல் என்ற பக்கத்தில் உங்களது முன்மொழிவுகளைத் தாருங்கள். உழவன் (உரை) 13:13, 12 பெப்பிரவரி 2024 (UTC)[பதிலளி]

கட்டுரை மீளமைக்க உதவி[தொகு]

ஆர்த்தி அகர்வால் இந்தக்கட்டுரையானது மொழிபெயர்ப்பில் ஆர்த்தி அகர்வால்(நடிகை) இந்த கட்டுரையின் உள்ளடக்கத்தை மாற்றி பதிப்பிக்கப்பட்டுள்ளது. பழைய கட்டுரையை மீளமைக்க முடியாததால் புதியதாகவே உருவாக்கியுள்ளேன். பழைய கட்டுரையை மீளமைக்க முடியுமா? வேறென்ன வழிகள் உண்டென்று கூற முடியுமா??

@பிரயாணி:
  1. ஆர்த்தி அகர்வால் கட்டுரையை மீளமைத்துள்ளேன். இக்கட்டுரையில் மேற்கொண்டு செய்யவேண்டியது எதுவுமில்லை.
  2. நீங்கள் மொழிபெயர்ப்பு செய்தது, Arti Agrawal எனும் கட்டுரையை. கவனியுங்கள் அக்ரவால்; அகர்வால் அன்று.
  3. நீங்கள் மொழிபெயர்த்த உள்ளடக்கத்தை பயனர்:பிரயாணி/மணல்தொட்டி எனும் பக்கத்தில் இட்டுள்ளேன். *ஆர்த்தி அக்ரவால்* எனும் புதிய பக்கத்தை ஆரம்பித்து, இந்த மணல்தொட்டியில் உள்ள உள்ளடக்கத்தை புதிய பக்கத்தில் இட்டு, பதிப்பிடுங்கள். - மா. செல்வசிவகுருநாதன் (பேச்சு) 19:30, 14 பெப்பிரவரி 2024 (UTC)[பதிலளி]
மிக்க நன்றி பிரயாணி (பேச்சு) 10:14, 15 பெப்பிரவரி 2024 (UTC)[பதிலளி]

கட்டுரைத் தலைப்பில் ஐயம்[தொகு]

வணக்கம், கட்டுரைத் தலைப்புகளில் ஒரு பொதுவான வடிவம் இருப்பது நல்லது. விக்கிப்பீடியா:பெயரிடல் மரபு எனும் பக்கத்தில் சில விதிகள் உள்ளன. ஆனால் பின்வரும் சில கட்டுரைகளில் எந்த மாதிரியான வழக்கத்தினைப் பின்பற்ற வேண்டும் என்பதில் குழப்பம் நிலவுகிறது. எனவே இது குறித்தான தெளிவு உள்ள விக்கிப்பீடியர்கள் தங்கள் கருத்துக்களைத் தெரிவிக்க வேண்டுகிறேன். இதன் மூலம் கட்டுரைகளைத் துப்புரவு செய்வதில் என் போன்றவர்களுக்கு தெளிவு கிடைக்கும். நன்றி உதாரணக் கட்டுரைகள்:

-- ஸ்ரீதர். ஞா (✉) 08:42, 15 பெப்பிரவரி 2024 (UTC)[பதிலளி]

தமிழக உழவர் உழைப்பாளர் கட்சி -பக்கத்தை நீக்கியது தொடர்பாக[தொகு]

தமிழக உழவர் உழைப்பாளர் கட்சியை பற்றிய கட்டுரையை எழுதியிருந்தேன். அதற்கான சான்றுகள் கொடுக்கப்பட்டிருந்தது. கூடுமானவரை விதிகளை பின்பற்றி எழுதி இருந்தேன். அதன் நீக்கம் குறித்து தெளிவு வேண்டும். எதன் காரணமாக கட்டுரை நீக்கப்பட்டது?@Sangeethkumar07 Sangeethkumar07 (பேச்சு) 06:06, 19 பெப்பிரவரி 2024 (UTC)[பதிலளி]

வணக்கம், அந்தக் கட்டுரை கலைக்களஞ்சியக் கட்டுரை இல்லை என்பதனால் நீக்கப்பட்டது. காண்க: கலைக்களஞ்சியம் ஸ்ரீதர். ஞா (✉) 06:14, 19 பெப்பிரவரி 2024 (UTC)[பதிலளி]
கலைக்களஞ்சிய நடையில் எழுதப்படவில்லை, குறிப்பிடத்தக்கமை குறித்து வெளிச் சான்றுகள் எதுவும் தரப்படவில்லை.--Kanags \உரையாடுக 06:36, 19 பெப்பிரவரி 2024 (UTC)[பதிலளி]

en:Template:Pending film தயாரிக்கப்பட்டு கொண்டிருக்கும் படங்களுக்கு இந்த வார்ப்புழுவை பட்டியலில் ஆங்கிலத்தில் பயன்படுத்துகின்றனர். இதனை இறக்குமதி எவரேனும் ஒருவர் செய்து தருக. முன்கூட்டியே நன்றி! ஸ்ரீவேங்கடகிருஷ்ணண் (பேச்சு) 17:05, 19 பெப்பிரவரி 2024 (UTC)[பதிலளி]

Cite-Web வார்ப்புருவில் தமிழாக்கம்[தொகு]

வார்ப்புரு:Cite web வார்ப்புருவில் இதுவரை பார்க்கப்பட்ட நாள் என்றிருந்தது தற்போது 'Retrieved' என மாறியுள்ளது. இது நிர்வாகிகளால் மட்டுமே தொகுக்கக்கூடியதாகக் காக்கப்பட்டுள்ளது. இதனை மீளமைத்து மீண்டும் தமிழில் வர ஆவன செய்யுமாறு வேண்டுகிறேன். பயன்பாட்டு எ.கா: கொக்குத்தொடுவாய் --சிவகோசரன் (பேச்சு) 14:07, 22 பெப்பிரவரி 2024 (UTC)[பதிலளி]

வார்ப்புரு இற்றைப்படுத்தப்பட்டுள்ளது. இல்லாவிடின் வழுக்கள் ஏற்படும். Module:Citation/CS1/Configuration இங்கு மொழிபெயர்க்க வேண்டும். தற்போதைக்கு 'Retrieved' என்பதை மாற்றியுள்ளேன். @Info-farmer: AntanO (பேச்சு) 18:58, 22 பெப்பிரவரி 2024 (UTC)[பதிலளி]
நன்றி. --சிவகோசரன் (பேச்சு) 15:49, 23 பெப்பிரவரி 2024 (UTC)[பதிலளி]

இதை en:Template:Infobox religious text வார்ப்புரு:Infobox religious text தமிழில் புதுப்பித்து தர வேண்டுகிறேன். எவரேனும் செய்து உதவுங்கள். நன்றி ஸ்ரீவேங்கடகிருஷ்ணன் (பேச்சு) 00:08, 28 பெப்பிரவரி 2024 (UTC)[பதிலளி]

புதுப்பித்திருக்கிறேன். வேறு மாற்றங்கள் தேவையென்றால் தெரிவியுங்கள்.--Kanags \உரையாடுக 06:38, 28 பெப்பிரவரி 2024 (UTC)[பதிலளி]

வார்ப்புரு:தொகுக்கப்படுகிறது[தொகு]

வார்ப்புரு பேச்சு:In use என்பதில் உங்களது எண்ணங்களைத் தெரியப்படுத்துங்கள். இது முக்கியம். ஏனெனில், பயனர் ஒருவர், பிறரின் பதிவுகள் இல்லாமல், தான் எண்ணியபடி ஒரு கட்டுரையை உருவாக்க இது உதவும். இவ்வார்ப்புரு நீக்கிய பின்பு பிறர் மேம்படுத்துவதே சரியானது. இது இருக்கும் போதே இதனை நீக்குவது, சரியில்லை. ஒரு குறிப்பிட்ட அளவு தனிநபர் உரிமை தருவது இவ்வார்ப்புரு. எனவே, கால எல்லையையும் முடிவு செய்ய கேட்டுக் கொள்கிறேன். இல்லையெனில், ஒவ்வொரு கட்டுரைக்கும் பேச்சு:கிளினசு லோடோய்டேசு இதுபோல எழுத வேண்டிய நிலை எழுகிறது. --உழவன் (உரை) 02:49, 13 மார்ச்சு 2024 (UTC)[பதிலளி]

உங்கள் விருப்பப்படி தொகுக்க உங்கள் மணல் தொட்டியைப் பயன்படுத்துங்கள். இரு மணித்தியாலங்களில் தொகுக்க முடியாவிட்டால் எதற்கு ஆரம்பிக்கிறீர்கள்? ஏன் இந்த அவசரம்? தயவுசெய்து உங்கள் மணல் தொட்டியைப் பயன்படுத்துங்கள்.--AntanO (பேச்சு) 13:43, 13 மார்ச்சு 2024 (UTC)[பதிலளி]
சரி. உழவன் (உரை) 15:45, 13 மார்ச்சு 2024 (UTC)[பதிலளி]

மொத்த எண்ணிக்கை விவரம்[தொகு]

வார்ப்புரு:Unreferenced இணைக்கப்பட்டுள்ள கட்டுரைகளின் மொத்த எண்ணிக்கை அளவு தேவைப்படுகிறது. எங்கு பார்க்கவேண்டும்? - மா. செல்வசிவகுருநாதன் (பேச்சு) 06:08, 18 மார்ச்சு 2024 (UTC)[பதிலளி]

மொத்தம் 6,049 கட்டுரைகள் உள்ளன.--Kanags \உரையாடுக 06:42, 18 மார்ச்சு 2024 (UTC)[பதிலளி]

நான் தேடியபோது, அதிகபட்ச display count 500 தான் பார்க்க இயன்றது. இதனை 5000 என மாற்றுவது எவ்வாறு? - மா. செல்வசிவகுருநாதன் (பேச்சு) 06:52, 18 மார்ச்சு 2024 (UTC)[பதிலளி]

நான் தந்திருந்த இணைப்பின் முகவரியைக் கவனியுங்கள். அங்கு limit=5000 ஆக மாற்றியிருக்கிறேன்.--Kanags \உரையாடுக 07:01, 18 மார்ச்சு 2024 (UTC)[பதிலளி]

@Kanags: மிக்க நன்றி! தெரிந்துகொண்டேன். உரலிக்குச் சென்று limitஐ மாற்றிக்கொள்ள வேண்டும். 5000 என்பதுதான் அதிகபட்சம் போன்று தெரிகிறது. 10000, 6000 ஆகியன முயற்சி செய்து பார்த்தேன். எடுத்துக்கொள்ளவில்லை. - மா. செல்வசிவகுருநாதன் (பேச்சு) 08:06, 18 மார்ச்சு 2024 (UTC)[பதிலளி]

பெருநகர பேராலயம் அல்லது உயர்மறைமாவட்ட பேராலயம்? - Metropolitan Cathedral[தொகு]

பேச்சு:புனித மேரி பெருநகர பேராலயம், சங்கனாச்சேரி ஸ்ரீவேங்கடகிருஷ்ணன் (பேச்சு) 01:45, 26 மார்ச்சு 2024 (UTC)[பதிலளி]

வடநடு சீனா[தொகு]

வடநடு சீனா என்ற கட்டுரையில் புவிக்குறியீடுகளை சீர் செய்து தருக. கண்டு கற்றுக் கொள்கிறேன். உழவன் (உரை) 06:18, 30 மார்ச்சு 2024 (UTC)[பதிலளி]

விக்கித்தரவு[தொகு]

தாங்கள் உருவாக்கும் கட்டுரைகளை தவறாமல் விக்கித்தரவில் இணைத்துவிடுங்கள். விக்கிப்பீடியா:விளக்கப் படங்கள் என்பதில் 9, 15 ஆகிய விளக்கப்படங்கள் உங்களுக்கு உதவும். காண்க: வடநடு சீனா, ஸ்ரீதர். ஞா 💬உரையாடுக 06:26, 30 மார்ச்சு 2024 (UTC)[பதிலளி]

இக்கட்டுரைக்குரிய விக்கித்தரவில், எம்மொழியிலும் இல்லை. காண்க. இதுபோன்ற கட்டுரைகளுக்கென்று தனிப்பகுப்பு இருந்தால் விக்கித்தரவில் தானியக்கமாக இணைக்க உதவியாக இருக்கும். உழவன் (உரை) 06:42, 30 மார்ச்சு 2024 (UTC)[பதிலளி]
விக்கித்தரவில் இல்லையெனில் உருவாக்குங்கள் -- ஸ்ரீதர். ஞா 💬உரையாடுக 07:13, 30 மார்ச்சு 2024 (UTC)[பதிலளி]
நன்றி. கட்டுரையாளருக்கு உருவாக்கக் கற்றுத்தருவேன். உழவன் (உரை) 07:31, 30 மார்ச்சு 2024 (UTC)[பதிலளி]
நீங்கள் கற்றுத்தரும்போது இந்த பக்கத்தினை அறிமுகப்படுத்துங்கள் d:Help:Contents ஸ்ரீவேங்கடகிருஷ்ணன் (பேச்சு) 01:58, 3 ஏப்பிரல் 2024 (UTC)[பதிலளி]
நன்றி. அப்பயனர் ஆங்கில துறை கல்லூரிப் பேராசிரியை. தேர்தலால் கல்வியாண்டு முடிய உள்ளதால். 'கற்றலும் கற்பித்தலும்' தள்ளி போகிறது. முதலில் நான் கசடற அறிந்து கொள்ள அப்பக்கத்தின் இடைமுகத்தினை தமிழாக்கம் செய்வேன். உழவன் (உரை) 02:08, 3 ஏப்பிரல் 2024 (UTC)[பதிலளி]

வரைபட வழு[தொகு]

பேச்சு:கபாரவ்சுக்கு தகவற்பெட்டியின் வரைபட வழு களைவது எப்படி? உழவன் (உரை) 06:28, 30 மார்ச்சு 2024 (UTC)[பதிலளி]

கட்டுரையை மேம்படுத்த விழைகிறேன்[தொகு]

விக்கிப்பிடியா விதிகளின் படி 'புதுயுகன்' கட்டுரையை மேம்படுத்த விழைகிறேன். உதவும் மூல பக்கங்கள் யாவை என்று உதவுங்கள். நன்றி Sai160221 (பேச்சு) 10:28, 4 ஏப்பிரல் 2024 (UTC)[பதிலளி]

ஜெயப்பிரதா அல்லது ஜெயபிரதா எது சரி?[தொகு]

செம்மைப்படுத்துதல் திட்டத்தின் மூலம் ஜெயபிரதா என்பதை மொழிபெயர்த்து வருகிறேன். இதனின் ஜெயபிரதா தற்போதைய கட்டுரை தலைப்பு என்று உள்ளது. எனக்கு ஜெயப்பிரதா/ஜெயபிரதா எது சரி? என்பதில் குழப்பமாக உள்ளது. எவரேனும் உதவுக ஸ்ரீவேங்கடகிருஷ்ணன் (பேச்சு) 03:17, 6 ஏப்பிரல் 2024 (UTC)[பதிலளி]

@Sriveenkat எனது பரிந்துரை ஜெயப் பிரதா. ஜெயபிரதா, ஜெயப்பிரதா ஆகிய வெவ்வேறு தலைப்புகளிலிருந்து ஜெயப் பிரதா கட்டுரைக்கு வழிமாற்று தரலாம். - மா. செல்வசிவகுருநாதன் (பேச்சு) 03:42, 6 ஏப்பிரல் 2024 (UTC)[பதிலளி]

தெலுங்கு மற்றும் பெரும்பான்மை மொழியிலுள்ள விக்கிப்பீடியா கட்டுரைகளில் அவரது பெயர், ஒரு சொல்லாகவுள்ளதால் தமிழிலும் ஜெயப்பிரதா என்று ஒரே சொல்லாகவே வரும் என்பது எனது கருத்து. ஜெயப் பிரதா எனப் பிரிந்து வராது.--Booradleyp1 (பேச்சு) 09:44, 6 ஏப்பிரல் 2024 (UTC)[பதிலளி]

ஆம், ஒரு சொல்லாகவே வர வேண்டும். ஆங்கில மொழியில் பெரும்பாலான இந்தியப் பெயர்களை இரு சொற்களாகவே எழுதுவார்கள். ஜெயப்பிரதா தான் சரியானது.--Kanags \உரையாடுக 12:04, 6 ஏப்பிரல் 2024 (UTC)[பதிலளி]
@Sriveenkat: எனது பரிந்துரையை திரும்பப் பெற்றுக்கொள்கிறேன். @Booradleyp1 and Kanags: ஆகியோரின் கருத்துக்களைப் பார்த்த பிறகு, மீண்டும் ஆராய்ந்து பார்த்ததில், அவர்கள் சொல்வதுவே சரி எனப் புரிந்தது. இருவருக்கும் நன்றி! ஆங்கில விக்கிப்பீடியா கட்டுரையை மட்டும் பார்த்து எனது முடிவைச் சொல்லியிருந்தேன். 'ஒருவர் அவர் சார்ந்த மொழியில் எவ்வாறு அழைக்கப்படுகிறார்' என்பதனையும் கவனிக்க வேண்டும் எனக் கற்றுக்கொண்டேன். இதைத் தவிர்த்து, மன்மத லீலை எனும் தமிழ்த் திரைப்படத்தில் அவரின் பெயர் ஜெயபிரதா என title cardஇல் இருப்பதால், ஜெயபிரதா எனும் தலைப்பிலிருந்து ஜெயப்பிரதா எனும் கட்டுரைக்கு வழிமாற்று தர பரிந்துரைக்கிறேன். - மா. செல்வசிவகுருநாதன் (பேச்சு) 12:23, 6 ஏப்பிரல் 2024 (UTC)[பதிலளி]
சரி, ஜெயப்பிரதா என்பதுதான் பொருத்தமானச் சொல் என்பது தெளிவாயிற்று. உரையாடலில் கலந்துக்கொண்டு உதவியமைக்கு நன்றி. ஸ்ரீவேங்கடகிருஷ்ணன் (பேச்சு) 06:50, 7 ஏப்பிரல் 2024 (UTC)[பதிலளி]

ஈழப்போர் எதிர்ப்புப் போராட்டங்கள் கட்டுரைகளை ஒன்றிணைத்தல்[தொகு]

ஈழப் போர் / இலங்கை உள்நாட்டுப் போர் எதிர்ப்புப் போராட்டங்கள் என்ற தலைப்பின் கீழ் ஈழத்தமிழர் உரிமைகள் தொடர்பான எதிர்ப்புப் போராட்டங்கள் பகுப்பில் உள்ளவற்றை கலைக்களஞ்சியத்திற்கேற்ப முறையாக தொகுக்க வேண்டும். தற்போதுள்ள நிலை கலைக்களஞ்சியமற்று (சொந்தக் கருத்து, உசாத்துணைற்று) உள்ளது. கட்டுரைகளை ஒன்றாக்கியதும், அக்கட்டுரைகளை நீக்கிவிடலாம். ~AntanO4task (பேச்சு) 04:13, 8 ஏப்பிரல் 2024 (UTC)[பதிலளி]

எ.கா: பெப்ரவரி 5, 2009 அவுஸ்திரேலியா கன்பராவில் தமிழர் பேரணி என்ற இக்கட்டுரை செய்தியாகவே உள்ளது. இவ்வாறானவற்றை கலைக்களஞ்சியமாகக் கொள்ளவியலாது. --~AntanO4task (பேச்சு) 04:15, 8 ஏப்பிரல் 2024 (UTC)[பதிலளி]
 ஆதரவு-- ஸ்ரீதர். ஞா 💬உரையாடுக 03:20, 15 ஏப்பிரல் 2024 (UTC)[பதிலளி]

புலம்பெயர் தமிழர் கட்டுரைகளை ஒன்றிணைத்தல்[தொகு]

புலம்பெயர் தமிழர் தொடர்பான கட்டுரைகளை புலம்பெயர் தமிழர் கட்டுரையுடன் ஒன்றிணைக்க வேண்டும். உலக நாடுகளில் தமிழர் என்ற பகுப்பில் உள்ள பல கட்டுரைகள் கலைக்களஞ்சியமற்று (சொந்தக் கருத்து, உசாத்துணைற்று) உள்ளன. கட்டுரைகளை ஒன்றாக்கியதும், அக்கட்டுரைகளை நீக்கிவிடலாம். எ.கா: கயானாத் தமிழர் - சொந்த ஆய்வாகவும், உசாத்துணையற்றும் உள்ளது. ~AntanO4task (பேச்சு) 04:21, 8 ஏப்பிரல் 2024 (UTC)[பதிலளி]

 ஆதரவு -- ஸ்ரீதர். ஞா 💬உரையாடுக 03:19, 15 ஏப்பிரல் 2024 (UTC)[பதிலளி]

தமிழாக்கம்[தொகு]

இரண்டு கூற்றுகள் தொடர்பாக பயனர்கள் மற்றும் நிர்வாகிகளின் கருத்து கேட்கிறேன்.

அ. கட்டுரையில் பெயர் வைக்கும் போது,

  1. அதில் வடமொழி எழுத்துக்கள் இருக்கலாமா? தவிர்ப்பது நலமா? (எடுத்துக்காட்டாக யுஎஸ்பி ஃபிளாஷ் டிரைவ்)
  2. ஆங்கில பெயரை தமிழில் வைப்பது சிறந்தது? மேற்கூறிய எடுத்துக்காட்டில் ஃபிளாஷ் டிரைவ் என்பது தகவல் சேமிப்பான் என்று இருக்க வேண்டுமா?
  3. தலைப்புகளில் புள்ளிகள் தேவையா? எடுத்துக்காட்டாக IKEA என்ற அதிகாரபூர்வ பெயர் ஐ.கே.இ.ஏ என்று பெயரிடப்பட்டுள்ளது.
  4. இலத்தீன் பெயர்கள் தமிழில் மொழிபெயர்க்கப்படவேண்டுமா (எடுத்துக்காட்டாக Panthera tigris )
  5. சம்பந்தப்பட்ட கட்டுரைகளின் பெயர்களில் ஒருமுகத்தன்மை இல்லை. எடுத்துக்காட்டாக:
  • சுக்கோய் சு-24 (சுகோய் எழுத்துப்பிழை)
  • சுகோய் எஸ்.யு-30எம்.கே.ஐ (புள்ளிகள் உள்ளது)
  • சுகோய் எஸ்யு-30

இவை கூகுளை தமிழாக்கத்தை விளைவாக அல்லது எழுதிய பயனர்கள் தெரியாமல் இவாறு வைத்திருக்கலாம்.

இவை அனைத்தும் திருத்தப்படலாமா? இதற்கு ஏதேனும் சிறப்பு வழிமுறைகளை பின்பற்றவேண்டுமா?

ஆ. இரண்டாவது, வார்புருக்களில் (infobox)

  1. பல சொற்கள் தமிழில் மொழி பெயர்க்காமல் ஆங்கிலத்தில் உள்ளன. எடுத்துக்காட்டாக வார்ப்புரு:Aircraft specs
  2. ஆங்கிலத்தில் உள்ளதில் சில அளவுருக்கள் (parameters) இல்லை. எடுத்துக்காட்டாக வார்ப்புரு:Company
  3. பொதுவான ஒரு கருத்து. convert வார்புருவில் சில அலகுகள் தமிழில் உள்ளன (எடுத்துக்காட்டாக அங்குலம், அடி) ஆனால் மற்ற பெரும்பாலான அலகுகள் ஆங்கிலத்தில் உள்ளன. இது பல கட்டுரைகளில் பயன்படுத்தப்படுவதினால், அலகுகளை ஒருமித்த தன்மைக்காக மற்றும் புரிதலுக்காக முழுவதும் தமிழில் இடலாமா?

நன்றி! Magentic Manifestations (பேச்சு) 15:09, 9 ஏப்பிரல் 2024 (UTC)[பதிலளி]

விக்கிப்பீடியா:பெயரிடல்_மரபு#செயலிகள்/ மென்பொருட்கள் விக்கியில் பின்பற்றப்படுகிறதா? உதாரணமாக: கூகுள் நிகழ்படங்கள், அழுகிய தக்காளிகள் போன்ற ஒரு சில கட்டுரைகளில் இது பின்பற்றப்படுவதில்லை. ஏன்? சில நிர்வாகிகளும் இதை ஏற்றுக் கொள்கின்றனர் என்று எண்ணுகிறேன் காண்க பேச்சு:அழுகிய தக்காளிகள். கையேடில் இருப்பது போல் இருக்க வேண்டும் என்றால் அழுகிய தக்காளிகள் கட்டுரை ரோட்டன் டொமாட்டோஸ் அல்லது ரோட்டன் டொமாட்டோசு என்றும், கூகுள் நிகழ்படங்கள் கட்டுரை கூகுள் வீடியோஸ் அல்லது கூகுள் வீடியோசு என்றும் இருக்க வேண்டும். இதைப் பற்றி தெரிந்து கொள்ள ஆவல்! எவரேனும் பதிலளித்தால் நன்றாக இருக்கும். நன்றி ஸ்ரீவேங்கடகிருஷ்ணன் (பேச்சு) 02:47, 15 ஏப்பிரல் 2024 (UTC)[பதிலளி]

பெயரிடல் மரபுப்படி மாற்றலாம். அந்தந்தக் கட்டுரைகளின் உரையாடல் பக்கங்களில் உரையாடி மாற்றுக் கருத்துஇல்லை எனில் மாற்றுவோம். மாற்றுக் கருத்துக்கள் இருந்தால் அதன்படி பெயரிடல் மரபில் இற்றைசெய்யலாம். நன்றி -- ஸ்ரீதர். ஞா 💬உரையாடுக 03:14, 15 ஏப்பிரல் 2024 (UTC)[பதிலளி]

கட்டுரைகளில் புத்தக ISBN எண்ணை தரவாக சேர்ப்பது எப்படி[தொகு]

கட்டுரைகளில் புத்தகங்களை மேற்கோளாக கொடுக்கும் போது, ஐஎஸ்பிஎன் எண்ணை எப்படி தரவாக (Source) பயன்படுத்துவது... Malaramuthan (பேச்சு) 06:58, 16 ஏப்பிரல் 2024 (UTC)[பதிலளி]

வணக்கம், வெறுமனே ISBN எண்ணை மட்டும் சேர்க்காமல் பின்வருமாறு சேருங்கள்.
நீங்கள் காட்சித் தொகுப்பு (visual edit) பயன்படுத்தினால் ctrl+shift+k அழுத்தவும், கைமுறை --> நூல்--> பின்னர் உங்களிடம் இருக்கும் தகவல்களை வைத்து மேற்கோளாக சேர்க்கலாம்.
Source edit எனில் பின்வருமாறு கொடுக்க வேண்டும். (தகவல்களை பொருத்தமாக மாற்றிக் கொள்ளவும்)
<ref name="Wankhede2009">{{cite book|author=Deepak Mahadeo Rao Wankhede|title=Geographical Thought of Doctor B.R. Ambedkar|url=https://books.google.com/books?id=1QT2oec2u3oC&pg=PA6|year=2009|publisher=Gautam Book Center|isbn=978-81-87733-88-1|pages=6–}}</ref> ஸ்ரீதர். ஞா 💬உரையாடுக 14:35, 16 ஏப்பிரல் 2024 (UTC)[பதிலளி]
நன்றி Malaramuthan (பேச்சு) 06:19, 17 ஏப்பிரல் 2024 (UTC)[பதிலளி]

ஒப்பான தமிழ்ச்சொல்[தொகு]

@Kanags:, @கி.மூர்த்தி:, @Paramatamil:, Sociable number (en:Sociable number), Untouchable number (en:Untouchable number) இவ்விரண்டிற்கும் பொருத்தமான தமிழ்ச்சொற்களைப் பரிந்துரைக்குமாறு கேட்டுக்கொள்கிறேன்.--Booradleyp1 (பேச்சு) 13:50, 16 ஏப்பிரல் 2024 (UTC)[பதிலளி]

@Booradleyp1: இரண்டிற்கும் எனது பரிந்துரை: Sociable number - இணக்க எண், Untouchable number - தீண்டத்தகாத எண்.--Kanags \உரையாடுக 07:45, 17 ஏப்பிரல் 2024 (UTC)[பதிலளி]
@Booradleyp1: Sociable number - இணக்க எண் Untouchable number- தகாவகுஎண் பொருந்தும் என நினைக்கிறேன்--கி.மூர்த்தி (பேச்சு) 08:19, 17 ஏப்பிரல் 2024 (UTC)[பதிலளி]
இருவருக்கும் மிக்க நன்றி. மற்றொரு பெயரையும் உறுதிப்படுத்திக்கொள்ள விரும்புகிறேன். en:Amicable numbers என்பது விக்சனரியில் 'நட்பெண்கள்' எனத் தரப்பட்டுள்ளது. நட்பெண்கள் என்ற தலைப்பில் உருவக்கட்டுமா?--Booradleyp1 (பேச்சு) 12:43, 17 ஏப்பிரல் 2024 (UTC)[பதிலளி]
Amicable numbers -நட்பு எண்கள் பொருத்தமான சொல்.--Kanags \உரையாடுக 07:33, 18 ஏப்பிரல் 2024 (UTC)[பதிலளி]
நன்றி Kanags.--Booradleyp1 (பேச்சு) 11:17, 18 ஏப்பிரல் 2024 (UTC)[பதிலளி]

சுஷ்மிதா சென் - Pageantry - தமிழாக்க உதவி[தொகு]

வணக்கம், நான் தற்போது சுஷ்மிதா சென் என்ற கட்டுரையைச் செம்மைப்படுத்தி வருகிறேன், இதை நான் ஆங்கிலத்தில் இருந்து மொழிபெயர்க்கும் போது ஒரு பகுதியின் தலைப்பை எப்படி மொழிபெயர்ப்பது என்று தெரியவில்லை, அது Pageantry என்ற சொல். தற்போது தற்காலிகமாக ஒப்பனை என்று எனது மணல்தொட்டியில் மொழிபெயர்த்துள்ளேன், அதற்கு makeup என்று பொருள். சொற்குவை அகராதியில் வண்ணமிகு காட்சி, வண்ணமிகு ஊழல் காட்சி, ஒப்பனை அணி வகுப்பு, காட்சி அணிவகுப்பு, பகட்டுக் காட்சி, ஒப்பனைக் காட்சி, ஒப்பனை அணிவகுப்பு போன்ற சொற்கள் உள்ளன தலைப்புக்கு பொருத்தமான சொல்லை தெரிவு செய்து உதவுக. ஸ்ரீவேங்கடகிருஷ்ணன் (பேச்சு) 06:44, 20 ஏப்பிரல் 2024 (UTC)[பதிலளி]

அலங்கார அணிவகுப்பு என்று தலைப்பிடலாம்--கி.மூர்த்தி (பேச்சு) 07:24, 20 ஏப்பிரல் 2024 (UTC)[பதிலளி]