பனகல் பூங்கா
கட்டற்ற கலைக்களஞ்சியமான விக்கிப்பீடியாவில் இருந்து.
பனகல் பூங்கா, சென்னை தி. நகரில் உள்ள பூங்காவாகும். சென்னை மாகாணத்தின் இரண்டாவது முதலமைச்சராயிருந்த பனகல் அரசர் இப்பூங்காவை உருவாக்கினார், அவருடைய பெயரே இப்பூங்காவிற்கு வழங்கப்பட்டது. இது தியாகராய நகரின் முக்கிய வணிகத்தளமாக திகழ்கிறது.
வணிக வளாகங்கள்[தொகு]
பனகல் பூங்காவில் உள்ள பனகல் அரசரின் சிலை
பனகல் பூங்கா பல்வேறு வணிக வளாகங்கள் மற்றும் பேரங்காடிகளை உள்ளடக்கியது. இதில் பெரும்பாலானவை தெற்கு உசுமான் சாலையிலும், இரங்கநாதன் தெருவிலுமே அமைந்துள்ளது.
போத்தீஸ், நல்லி 100, சரவணா ஸ்டோர்ஸ், உள்ளிட்ட கடைகளும் உள்ளன.
இப்பூங்காவின் வடிவமைப்பாளர் கணேஷ் ஐயராவார்.
சாலைகள்[தொகு]
பூங்காவில் இருந்து ஆறு தமனி சாலைகள் வெளிநோக்கி உள்ளது :
- வடக்கு உசுமான் சாலை - வடக்கே கோடம்பாக்கம் நோக்கி செல்கிறது
- சி. என். செட்டி சாலை - ஜெமினி சர்க்கிள் நோக்கி வடகிழக்காக செல்கிறது
- தியாகராசா சாலை (பான்டி பஜார்) - தேனாம்பேட்டை சிக்னல் நோக்கி கிழக்கே செல்கிறது
- வெங்கட்நாராயணா சாலை - நந்தனம் தொடர்வண்டி நிறுத்தத்தை நோக்கி தென்கிழக்காக செல்கிறது
- தெற்கு உசுமான் சாலை - தெற்கே சைதாப்பேட்டை நோக்கி செல்கிறது
- துரைசாமி சாலை - மேற்கு மாம்பலம் நோக்கி மேற்கே செல்கிறது
