சென்னை சூப்பர் கிங்ஸ்

சென்னை சூப்பர் கிங்ஸ்
தனிப்பட்ட தகவல்கள்
தலைவர்	ருதுராஜ் கெயிக்வாட்
பயிற்றுநர்	ஸ்டீபன் பிளெமிங்
உரிமையாளர்	இந்தியா சிமெண்ட்ஸ்
தலைமைப் பணிப்பாளர்	என். ஸ்ரீனிவாசன்
அணித் தகவல்
நிறங்கள்
உருவாக்கம்	2008
உள்ளக அரங்கம்	மு. அ. சிதம்பரம் அரங்கம் (சேப்பாக்கம்), சென்னை
கொள்ளளவு	50,000
வரலாறு
இந்தியன் பிரீமியர் லீக் வெற்றிகள்	5 (2010, 2011, 2018, 2021, 2023)
சாம்பியன்ஸ் லீக் இருபது20 வெற்றிகள்	2 (2010, 2014)
அதிகாரபூர்வ இணையதளம்:	சென்னை சூப்பர் கிங்ஸ்
	இ20 உடை
	இ20 உடை
	2025ல் சென்னை சூப்பர் கிங்ஸ்

சென்னை சூப்பர் கிங்ஸ் (ஆங்கிலம்: Chennai Super Kings) என்பது இந்திய கிரிக்கெட் வாரியம் உருவாக்கிய இந்தியன் பிரீமியர் லீக் (ஐபிஎல்) எனப்படும் இருபது20 துடுப்பாட்டப் போட்டித் தொடரில் சென்னை நகரைப் பிரதிநிதித்துவப்படுத்தும் தொழில்முறை அணியாகும். 2008ஆம் ஆண்டு நிறுவப்பட்ட இந்த அணியின் முந்திய அணித்தலைவர் மகேந்திரசிங் தோனி ஆவார். தற்போதைய பயிற்றுனராக முன்னாள் நியூசிலாந்து வீரர் சுடீபன் பிளெமிங் உள்ளார். இந்த அணியின் உள்ளக அரங்காக சென்னையில் உள்ள சேப்பாக்கம் இடத்தில் உள்ள மு. அ. சிதம்பரம் அரங்கம் உள்ளது.

5 முறை வாகைப் பட்டத்தை வென்றுள்ள சென்னை அணி, இந்தியன் பிரீமியர் லீக் அணிகளில் அதிக வெற்றி விகிதத்தைப் பெற்றுள்ள அணியாகும். இந்த அணி 2010 மற்றும் 2014 ஆகிய இரு ஆண்டுகளில் தொடர்ந்து சாம்பின்ஸ் லீக் இருபது20 கோப்பையை வென்றுள்ளது. இந்தியன் பிரீமியர் லீக் போட்டிகளில் தொடர்ந்து அதிக கோப்பை வெற்றிகளை (7) பெற்ற அணி என்ற சாதனையையும் 2023ஆம் ஆண்டில் பெற்றது. மேலும் சாம்பியன்சு லீக் இருபது20 போட்டியின் கோப்பையை இருமுறை வென்றுள்ளது. இந்த அணியின் சார்பில் அதிக ஓட்டங்களை எடுத்தவர் சுரேஷ் ரைனாவும், அதிக ஆடுநர்களை வீழ்த்தியவர் டுவைன் பிராவோவும் உள்ளனர்.

2013, மே 24 அன்று, சென்னை சூப்பர் கிங்ஸ் அணியின் முதன்மை அதிகாரியான குருநாத் மெய்யப்பன், சூதாட்டம் மற்றும் ஏமாற்றுதல் ஆகிய குற்றங்களுக்காகக் கைது செய்யப்பட்டார். இதன் தொடர்ச்சியாக இந்த அணியில் சேராமல் இருக்க அவரை இரண்டு ஆண்டுகள் தடை செய்ய இந்தியாவின் உச்சநீதிமன்றம் அமைத்த முத்கல் குழு உத்தரவிட்டது.^[2] அதனால் 2016ஆம் மற்றும் 2017ஆம் ஆண்டுகளில் நடந்த ஐபிஎல் போட்டிகளில் சென்னை சூப்பர் கிங்ஸ் அணியின் முதன்மை அதிகாரி சூதாட்டத்தில் பங்கேற்கவில்லை. அவரின் தடை காலம் அழிந்த பிறகு அவரை சென்னை சூப்பர் கிங்ஸ் அணியில் இருந்து வெளியேற்றப்பட்டதற்கு பின்பு தான் மீண்டும் 2018ஆம் ஆண்டில் சென்னை சூப்பர் கிங்ஸ் அணி அவரை தண்டித்த பிறகு தான் பங்கேற்றது மற்றும் கோப்பையை வென்றது, அதற்கு முன்னாடியே இரண்டு கோப்பைகளை வென்றுள்ளது, அதற்கு பின்னாடி இரண்டு கோப்பைகளை வென்றுள்ளது.^[3]

தொழில்முறை உரிமையின் வரலாறு

இந்தியன் பிரிமியர் லீக் தொடங்கியபோது வாங்கப்பட்ட 8 அணிகளில் சென்னை சூப்பர் கிங்ஸ் அணியும் ஒன்றாகும். இதன் 10 ஆண்டுகளுக்கான தொழில்முறை உரிமையை இந்திய சிமேன்ட்ஸ் நிறுவனம் 91 மில்லியன் அமெரிக்க டாலருக்கு (7.690255300 பில்லியன் ₹) வாங்கியது. 2010 ஆம் ஆண்டு வரை இந்தத் தொழில்முறை உரிமையின் விளம்பர நட்சத்திர தூதுவராக இந்திய துடுப்பாட்ட அணியின் முன்னாள் வீரர் கிருஷ்ணமாச்சாரி ஸ்ரீகாந்த் இருந்தார். மற்றொரு முன்னாள் இந்திய வீரரான வி.பி.சந்திரசேகர் அணியின் தலைமை தேர்வாளர் ஆவார்.

மக்களிடம் துடுப்பாட்டப் போட்டியை கொண்டு சேர்க்க அணிக்கான விளம்பர நட்சத்திர தூதுவர்களாக திரைப்பட நடிகர்களான விஜய்யும், நயன்தாராவும் நியமிக்கப்பட்டனர்.^[4]^[5] மு. அ. சிதம்பரம் அரங்கம் அணியின் இல்ல அரங்கமாக காணப்படும். அணிக்கான கருப்பொருள் பாடலை வைரமுத்து எழுதியிருப்பதோடு மணி சர்மா இசையமைத்துள்ளார் கருப்பொருள் நிகழ்படத்தை ராஜிவ் மேனன் இயக்கியுள்ளார். 2010 ஆம் ஆண்டு அரவிந்த்-சங்கர் இசையில் வெளியிடப்பட்ட 'விசில் போடு' என்னும் விளம்பர பாடல் மிகுந்த தாக்கத்தை ஏற்படுத்தியது.

பெயரின் விளக்கம்

சென்னை சூப்பர் கிங்ஸ் என்ற பெயர் சங்க கால அரசர்களை குறிக்கிறது. சென்னை சூப்பர் கிங்ஸ் அணியின் சின்னம் என்னவென்றால் காட்டின் அரசனான சிங்கம் ஆகும். இது தமிழகத்தை ஆண்ட பல்லவர்களின் சின்னமும் ஆகும். சென்னை சூப்பர் கிங்ஸ் என்ற பெயர், இவ்வணியின் உரிமையாளர்களான இந்தியா சிமெண்ட்ஸ் நிருவனத்தின் கோரமாண்டல் கிங் என்ற சிமெண்ட் கம்பனியின் பெயரில் இருந்து தழுவியுள்ளது.

உள்ளக அரங்கம்

சென்னை சூப்பர் கிங்ஸ் அணியின் உள்ளக அரங்கம் சென்னை சேப்பாக்கத்தில் உள்ள மு. அ. சிதம்பரம் அரங்கமாகும். இந்திய துடுப்பாட்ட வாரியத்தின் முன்னாள் தலைவரான திரு.மு.அ.சிதம்பரத்தின் நினைவாக பெயரிடப்பட்டுள்ள இந்த அரங்கம், இந்தியாவில் தொடர்ந்து பயன்பாட்டில் இருக்கும் மிகவும் பழைமையான அரங்கமாகும். தமிழ்நாடு துடுப்பாட்டக் கழகத்திற்கு சொந்தமான் இந்த அரங்கில் மே 2013 நிலவரப்படி 50,000 பார்வையாளர்கள் அமரும் வசதி உள்ளது. 2011 துடுப்பாட்ட உலக கோப்பைக்காக புனரமைக்கப்பட்ட போது இதன் பார்வையாளர் கொள்ளளவு 36,000தில் இருந்து 50,000ஆக அதிகரிக்கப்பட்டது.

இங்கு சென்னை சூப்பர் கிங்ஸ் அணி 62.75 சதவிகித வெற்றியை பதிவு செய்துள்ளது. ரசிகர்களால் "சேப்பாக்கம் கோட்டை" எனவும் "சிங்கங்களின் குகை" எனவும் அழைக்கப்படுகிறது. 2011ஆம் ஆண்டில் சென்னை சூப்பர் கிங்ஸ் அணி இங்கு விளையாடிய 8 போட்டிகளிலும் (ராயல் சேலஞ்சர்ஸ் பெங்களூர் அணிக்கு எதிரான இறுதிப் போட்டி உள்பட) வென்று, தன் உள்ளக அரங்கத்தில் அனைத்து போட்டிகளிலும் வென்ற முதல் அணி என்ற சாதனையை படைத்தது.

முடிவுகள்

ஆண்டு	இந்தியன் பிரீமியர் லீக்	சாம்பியன்ஸ் லீக் இருபது20
2008	இரண்டாம் இடம்	இரத்து செய்யப்பட்டது (தே)
2009	அரையிறுதி	தே.இ
2010	வாகையாளர்	வாகையாளர்
2011	வாகையாளர்	குழு சுற்று
2012	இரண்டாம் இடம்	குழு சுற்று
2013	இரண்டாம் இடம்	அரையிறுதி
2014	இரண்டாம் இடம்	வாகையாளர்
2015	இரண்டாம் இடம்	தொடர் கைவிடப்பட்டது
ஆண்டு	இந்தியன் பிரீமியர் லீக்
2016	தகுதி நீக்கப்பட்டது
2017	தகுதி நீக்கப்பட்டது
2018	வாகையாளர்
2019	இரண்டாம் இடம்
2020	ஏழாம் இடம்
2021	வாகையாளர்
2022	ஒன்பதாம் இடம்
2023	வாகையாளர்
2024	ஐந்தாம் இடம்

தே = தேர்வு பெற்றது;
தே.இ = தேர்வு பெறவில்லை

வீரர்கள் பட்டியல்

தங்கள் நாட்டு அணிக்காக பன்னாட்டுப் போட்டிகளில் விளையாடிய வீரர்களின் பெயர்கள் தடித்த எழுத்துக்களால் குறிக்கப்பட்டுள்ளன.

எண்.	பெயர்	நாடு	பிறந்த நாள்	மட்டையாட்ட நடை	பந்துவீச்சு நடை	ஒப்பந்த ஆண்டு	வருமானம்	குறிப்புகள்
மட்டையாளர்கள்
31	ருதுராஜ் கெயிக்வாட்	இந்தியா	31 சனவரி 1997 (1997-01-31) (அகவை 28)	வலது கை	பொருத்தமில்லை	2019	₹6 கோடி (ஐஅ$7,00,000)	தலைவர்
21	அஜின்கியா ரகானே	இந்தியா	6 சூன் 1988 (1988-06-06) (அகவை 37)	வலது கை	வலது கை சுழற்பந்துவீச்சு	2023	₹50 இலட்சம் (ஐஅ$58,000)
66	ஷேக் ரஷீத்	இந்தியா	24 செப்டம்பர் 2004 (2004-09-24) (அகவை 21)	வலது கை	வலது கை சுழற்பந்துவீச்சு	2023	₹20 இலட்சம் (ஐஅ$23,000)
1	சமீர் ரிஸ்வி	இந்தியா	6 திசம்பர் 2003 (2003-12-06) (அகவை 21)	வலது கை	பொருத்தமில்லை	2023	₹8.40 கோடி (ஐஅ$9,80,000)
இலக்குக் கவனிப்பாளர்
7	மகேந்திரசிங் தோனி	இந்தியா	7 சூலை 1981 (1981-07-07) (அகவை 44)	வலது கை	வலது கை மிதவேகப்பந்துவீச்சு	2018	₹12 கோடி (ஐஅ$1.4 மில்லியன்)
88	டேவன் கான்வே	நியூசிலாந்து	8 சூலை 1991 (1991-07-08) (அகவை 34)	இடது கை	வலது கை மிதவேகப்பந்துவீச்சு	2022	₹1 கோடி (ஐஅ$1,20,000)	வெளிநாடு
2	ஆரவெல்லி அவனிஷ் ராவ்	இந்தியா	2 சூன் 2005 (2005-06-02) (அகவை 20)	இடது கை	பொருத்தமில்லை	2024	₹20 இலட்சம் (ஐஅ$23,000)
பன்முக வீரர்கள்
18	மொயீன் அலி	இங்கிலாந்து	18 சூன் 1987 (1987-06-18) (அகவை 38)	இடது கை	வலது கை சுழற்பந்துவீச்சு	2021	₹8 கோடி (ஐஅ$9,30,000)	வெளிநாடு
25	சிவம் துபே	இந்தியா	26 சூன் 1993 (1993-06-26) (அகவை 32)	இடது கை	வலது கை மிதவேகப்பந்துவீச்சு	2022	₹4 கோடி (ஐஅ$4,70,000)
10	ராஜ்வர்தன் ஹங்கர்கேகர்	இந்தியா	10 நவம்பர் 2002 (2002-11-10) (அகவை 22)	வலது கை	வலது கை மிதவேகப்பந்துவீச்சு	2022	₹1.5 கோடி (ஐஅ$1,80,000)
8	ரவீந்திர ஜடேஜா	இந்தியா	6 திசம்பர் 1988 (1988-12-06) (அகவை 36)	இடது கை	இடது கை சுழற்பந்துவீச்சு	2018	₹16 கோடி (ஐஅ$1.9 மில்லியன்)
19	அஜய் மண்டல்	இந்தியா	25 பெப்ரவரி 1996 (1996-02-25) (அகவை 29)	இடது கை	இடது கை சுழற்பந்துவீச்சு	2023	₹20 இலட்சம் (ஐஅ$23,000)
75	டரில் மிட்செல்	நியூசிலாந்து	20 மே 1991 (1991-05-20) (அகவை 34)	வலது கை	வலது கை மிதவேகப்பந்துவீச்சு	2024	₹14 கோடி (ஐஅ$1.6 மில்லியன்)	வெளிநாடு
17	ரச்சின் ரவீந்திரா	நியூசிலாந்து	18 நவம்பர் 1999 (1999-11-18) (அகவை 25)	இடது கை	இடது கை சுழற்பந்துவீச்சு	2024	₹1.8 கோடி (ஐஅ$2,10,000)	வெளிநாடு
74	மிட்செல் சான்ட்னர்	நியூசிலாந்து	5 பெப்ரவரி 1992 (1992-02-05) (அகவை 33)	இடது கை	இடது கை சுழற்பந்துவீச்சு	2018	₹1.9 கோடி (ஐஅ$2,20,000)	வெளிநாடு
27	நிஷாந்த் சிந்து	இந்தியா	9 ஏப்ரல் 2004 (2004-04-09) (அகவை 21)	இடது கை	இடது கை சுழற்பந்துவீச்சு	2023	₹60 இலட்சம் (ஐஅ$70,000)
வேகப்பந்துவீச்சாளர்கள்
9	தீபக் சாஹர்	இந்தியா	7 ஆகத்து 1992 (1992-08-07) (அகவை 33)	வலது கை	வலது கை மிதவேகப்பந்துவீச்சு	2018	₹14 கோடி (ஐஅ$1.6 மில்லியன்)
33	முகேஷ் சௌத்ரி	இந்தியா	6 சூலை 1996 (1996-07-06) (அகவை 29)	இடது கை	இடது கை மிதவேகப்பந்துவீச்சு	2022	₹20 இலட்சம் (ஐஅ$23,000)
24	துசார் தேஷ்பாண்டே	இந்தியா	15 மே 1995 (1995-05-15) (அகவை 30)	இடது கை	வலது கை மிதவேகப்பந்துவீச்சு	2022	₹20 இலட்சம் (ஐஅ$23,000)
81	மதீச பத்திரன	இலங்கை	18 திசம்பர் 2002 (2002-12-18) (அகவை 22)	வலது கை	வலது கை வேகப்பந்துவீச்சு	2022	₹20 இலட்சம் (ஐஅ$23,000)	வெளிநாடு
90	முசுத்தாபிசூர் ரகுமான்	வங்காளதேசம்	6 செப்டம்பர் 1995 (1995-09-06) (அகவை 30)	இடது கை	இடது கை மிதவேகப்பந்துவீச்சு	2024	₹2 கோடி (ஐஅ$2,30,000)	வெளிநாடு
98	சிமர்ஜீத் சிங்	இந்தியா	17 சனவரி 1998 (1998-01-17) (அகவை 27)	வலது கை	வலது கை மிதவேகப்பந்துவீச்சு	2022	₹20 இலட்சம் (ஐஅ$23,000)
54	ஷர்துல் தாகூர்	இந்தியா	16 அக்டோபர் 1991 (1991-10-16) (அகவை 33)	வலது கை	வலது கை மிதவேகப்பந்துவீச்சு	2024	₹4 கோடி (ஐஅ$4,70,000)
சுழற்பந்துவீச்சாளர்கள்
46	பிரசாந்த் சோலங்கி	இந்தியா	22 பெப்ரவரி 2000 (2000-02-22) (அகவை 25)	வலது கை	வலது கை சுழற்பந்துவீச்சு	2022	₹1.2 கோடி (ஐஅ$1,40,000)
61	மகேசு தீக்சன	இலங்கை	1 ஆகத்து 2000 (2000-08-01) (அகவை 25)	வலது கை	வலது கை சுழற்பந்துவீச்சு	2022	₹70 இலட்சம் (ஐஅ$82,000)	வெளிநாடு
Source: சென்னை சூப்பர் கிங்ஸ்

நிர்வாக மற்றும் உதவிப் பணியாளர்கள்

உரிமையாளர் – சென்னை சூப்பர் கிங்ஸ் கிரிக்கெட் லிமிடட்
தலைமை பயிற்றுனர் – சுடீபன் பிளெமிங்
மட்டைவீச்சு பயிற்றுனர் – மைக்கேல் ஹசி
பந்துவீச்சு பயிற்றுனர் – டுவைன் பிராவோ
பந்துவீச்சு ஆலோசகர் – எரிக் சைமன்ஸ்
உடற்பயிற்சியாளர் – கிரெக் கிங்
உடற்பயிற்சி சிகிச்சையாளர் – டோமி சிம்செக்
செயல்திறன் பகுப்பாளர் – லக்ஷ்மி நாராயணன்
அணி மேலாளர் – ரஸ்செல் ராதாகிருஷ்ணன்
அணி மருத்துவர் – மது தொட்டபில்லில்
ஏற்பாட்டியல் மேலாளர் – சஞ்சய் நடராஜன்

^[6]

கால அட்டவணை மற்றும் முடிவுகள்

இந்தியன் பிரீமியர் லீக் போட்டிகளின் செயல்திறன் தொகுப்பு

ஆண்டு	மொத்தம்	வெற்றிகள்	தோல்விகள்	முடிவின்மை	சமன்	வெற்றி விகிதம்	நிலை	சுருக்கம்
2008	16	9	7	0	0	56.25%	2வது	இரண்டாமிடம்
2009	15	8	6	1	0	53.33%	4வது	அரை-இறுதியாளர்
2010	16	9	7	0	0	56.25%	1வது	வாகையாளர்
2011	16	11	5	0	0	68.75%	1வது	வாகையாளர்
2012	19	10	8	1	0	55.55%	2வது	இரண்டாமிடம்
2013	18	12	6	0	0	61.11%	2வது	இரண்டாமிடம்
2014	16	10	6	0	0	62.50%	3வது	தகுதிச்சுற்று
2015	17	10	7	0	0	58.8%	2வது	இரண்டாமிடம்
2016	தகுதிநீக்கம்
2017	தகுதிநீக்கம்
2018	16	11	5	0	0	68.75%	1வது	வாகையாளர்
2019	17	10	7	0	0	58.82%	2வது	இரண்டாமிடம்
மொத்தம்	165	100	64	1	0	61.28%

கடைசியாக இற்றைப்படுத்தப்பட்டது: 12 மே 2019

எதிரணி வரிசைப்படி^[7]

எதிரணி	காலம்	போட்டிகள்	வெற்றி	தோல்வி	முடிவின்மை	வெற்றி விகிதம்
டெக்கான் சார்ஜர்ஸ்*	2008–2012	10	6	4	0	60%
டெல்லி கேப்பிடல்ஸ்*	2008–2015 2018-2019	21	15	6	0	71.42%
பஞ்சாப் கிங்ஸ்	2008-2015, 2018-2019	21	12	9	0	59.52%
கொச்சி இட்டசுக்கேர்சு கேரளா*	2011	2	1	1	0	50%
கொல்கத்தா நைட் ரைடர்ஸ்	2008-2015, 2018-2019	20	13	7	0	65.00%
மும்பை இந்தியன்ஸ்	2008-2015, 2018-2019	28	11	17	0	39.28%
புனே வாரியர்சு இந்தியா*	2011-2013	6	4	2	0	66.67%
ராஜஸ்தான் ராயல்ஸ்	2008-2015, 2018-2019	21	14	7	0	66.76℅
ராயல் சேலஞ்சர்ஸ் பெங்களூர்	2008-2015, 2018-2019	24	15	8	1	65.21%
சன்ரைசர்ஸ் ஐதராபாத்	2013-2015, 2018-2019	12	9	3	0	75.00℅
மொத்தம்	2008-2015,	165	100	64	1	61.25%

*தற்போது செயலற்ற அணிகள்

சாம்பியன்சு லீக் இருபது20 போட்டி முடிவுகளின் தொகுப்பு

சாம்பியன்சு லீக் இருபது20 போட்டிகளில் அணியின் செயல்திறன் பகுப்பு^[8]
ஆண்டு	போட்டிகள்	வெற்றி	தோல்வி	முடிவின்மை	வெற்றி விகிதம்	குறிப்பு
2008	–	–	–	–	–	இரத்து செய்யப்பட்டது
2010	6	5	1	0	83.33%	வாகையாளர்
2011	4	1	3	0	25%	குழு சுற்று
2012	4	2	2	0	50%	குழு சுற்று
2013	5	3	2	0	60%	அரை இறுதியாளர்
2014	6	4	1	1	66.66%	வாகையாளர்
மொத்தம்	19	11	8	0	57.89%	மொத்த சதவீதம்

2009ஆம் ஆண்டு சாம்பின்சு லீக் போட்டிகளுக்கு சென்னை சூப்பர் கிங்ஸ் அணி தகுதிபெறவில்லை.

மேற்கோள்கள்

↑ "IPL 2019: Meet the owners of the 8 teams taking the field in season 12". Moneycontrol. https://www.moneycontrol.com/news/trends/sports-trends/ipl-2019-meet-the-owners-of-the-8-teams-taking-the-field-in-season-12-2542331.html. பார்த்த நாள்: 15 August 2019.
↑ http://www.espncricinfo.com/india/content/story/898461.html
↑ "இரண்டு ஆண்டு தடை முடிந்தது: சென்னை சூப்பர் கிங்ஸ் ரசிகர்கள் ட்விட்டரில் கொண்டாட்டம்". Hindu Tamil Thisai. 2017-07-14. Retrieved 2025-07-23.
↑ "விளம்பர நட்சத்திர தூதுவர்கள் நியமனம்". Archived from the original on 2008-04-23. Retrieved 2008-04-18.
↑ "Vijay & Nayan to endorse Chennai Super Kings - Sify.com". sify.com. Retrieved 2025-07-23.
↑ "CSK - Team". chennaisuperkings.com. Retrieved 24 March 2019.
↑ "Indian Premier League - Chennai Super Kings / Records / Result summary". ESPNcricinfo. Retrieved 5 June 2013.
↑ "Champions League Twenty20 - Chennai Super Kings / Records / List of match results (by season)". ESPNcricnfo. Retrieved 5 June 2013.

[1] "IPL 2019: Meet the owners of the 8 teams taking the field in season 12". Moneycontrol. https://www.moneycontrol.com/news/trends/sports-trends/ipl-2019-meet-the-owners-of-the-8-teams-taking-the-field-in-season-12-2542331.html. பார்த்த நாள்: 15 August 2019.

[2] ttp://www.espncricinfo.com/india/content/story/898461.html

[3] "இரண்டு ஆண்டு தடை முடிந்தது: சென்னை சூப்பர் கிங்ஸ் ரசிகர்கள் ட்விட்டரில் கொண்டாட்டம்". Hindu Tamil Thisai. 2017-07-14. Retrieved 2025-07-23.

[4] "விளம்பர நட்சத்திர தூதுவர்கள் நியமனம்". Archived from the original on 2008-04-23. Retrieved 2008-04-18.

[5] "Vijay & Nayan to endorse Chennai Super Kings - Sify.com". sify.com. Retrieved 2025-07-23.

[6] "CSK - Team". chennaisuperkings.com. Retrieved 24 March 2019.

[7] "Indian Premier League - Chennai Super Kings / Records / Result summary". ESPNcricinfo. Retrieved 5 June 2013.

[8] "Champions League Twenty20 - Chennai Super Kings / Records / List of match results (by season)". ESPNcricnfo. Retrieved 5 June 2013.

[1]

[2]

[3]

[4]

[5]

[6]

[7]

[8]