துடுப்பாட்டம்

கட்டற்ற கலைக்களஞ்சியமான விக்கிப்பீடியாவில் இருந்து.
தாவிச் செல்லவும்: வழிசெலுத்தல், தேடல்
துடுப்பாட்டம்
Pollock to Hussey.jpg
உயர்ந்த கட்டுப்பாட்டு அமைப்பு சர்வதேச கிரிக்கட் சஙகம்
முதலில் விளையாடியது 18ஆம் நூற்றாண்டில்
விளையாட்டைப் பற்றிய குறிப்புகள்
அணி உறுப்பினர்கள் இரு அணியில் 11பேர்
இருபாலரும் ஒருவருக்கான
பகுப்பு/வகை அணி, பந்தும் கிரிக்கட் மட்டையும்
கருவிகள் கிரிக்கட் பந்து, கிரிக்கட் மட்டை, விக்கெட்.
விளையாடுமிடம் கிரிக்கட் களம்
தற்போதைய நிலை
ஒலிம்பிக் 1900 வெப்ப காலத்தில் மட்டும்

துடுப்பாட்டம், (மட்டைப்பந்து, Cricket, கிரிக்கெட்) 19ஆம் நூற்றாண்டில் இங்கிலாந்தில் அறிமுகப்படுத்தப்பட்ட விளையாட்டு ஆகும். இது கனவான்களின் விளையாட்டு என சிறப்பித்துக் கூறப்படுகிறது.இது முறையே 11 வீரர்கள் கொண்ட இரு அணிகளுக்கிடையே ஆடப்படும் ஆட்டமாகும். தற்பொழுது, இந்த ஆட்டம் பொதுநலவாய நாடுகளில் பரவலாக ஆடப்பட்டு வருகிறது. இது இந்தியா, பாகிஸ்தான், இலங்கை போன்ற நாடுகளில் மிகப் பிரபலமான விளையாட்டு ஆகும்.

துடுப்பாட்டம் முதலாவதாக 16ஆம் நூற்றாண்டில் தென் இங்கிலாந்திலேயே விளையாடப்பட்டது. 18ஆம் நூற்றாண்டில் இது இங்கிலாந்து முழுவதுமாக விளையாடப்படத் தொடங்கியது. 19ஆம் நூற்றாண்டின் மத்திய பகுதியில் துடுப்பாட்டம் சர்வதேச ரீதியாகவும் விளையாடப்படத் தொடங்கியது. துடுப்பாட்டத்தின் பிதாமகன் டொனால்ட் பிரட்மன் ஆவார். துடுப்பாட்டத்தின் புனிதபூமி என பிரட்மன் பிறந்து வளர்ந்த போவ்ரல் நகரம் அழைக்கப்படுகிறது. துடுப்பாட்டம் தொடர்பான விடயங்களைத் தரும் நூல் விஸ்டன் ஆகும். இதன் ஆட்ட விதிமுறைகள் 1774இல் உருவானது.

வரலாறு[தொகு]

விதிகளும் விளையாடுதலும்[தொகு]

ஆட்டம்[தொகு]

முதலில் மட்டை பிடிக்கும் அணியினருள் இருவர் பிட்சின் இரு முனைகளிலும் நின்று கொள்வர். பந்து வீசும் அணியினர் பந்தினை தண்டுகள் மீது அடித்து வீழ்த்த முயற்சி செய்வர். தண்டுகளின் முன் நிற்கும் மட்டை பிடிப்பவர் பந்து தண்டின் மேல் படாமல் காக்க வேண்டும். அத்துடன் பந்தை மட்டையால் மைதானத்தில் அடித்துவிட்டு பிட்சின் ஓரு முனையிலிருந்து மறு முனைக்கு ஓடலாம். இவ்வாறு எத்தனை முறை மட்டை வீசும் அணியினர் ஓடுகிறார்களோ அத்தனை ஓட்டங்கள் எனப்படும் புள்ளிகள் வழங்கப்படும். மேலும், அடிக்கப்படும் பந்து மைதான எல்லையைத் தாண்டிவிட்டால் மட்டை பிடிக்கும் அணியினருக்கு கூடுதல் ஓட்டங்கள் வழங்கப்படும். பந்து தண்டு மீது பட்டுவிட்டாலோ அடிக்கப்படும் பந்து தரையில் படாமல் நேராக பந்து வீசும் அணியினருள் ஒருவரின் கைகளில் அகப்பட்டுக்கொண்டாலோ மட்டை பிடிப்பவர் விலகிக்கொள்ள வேண்டும். மட்டை வீசும் அணியின் அடுத்த ஆட்டக்காரர் வந்து ஆட்டத்தைத் தொடர்வார். இவ்வாறு மட்டை பிடிக்கும் அணியின் பத்து ஆட்டக்காரர்களை பந்து வீசுபவர் வீழ்த்த வேண்டும். மட்டையாளரை வீழ்த்துவதற்கு முற்கூறியன தவிர மேலும் சில வழிகள் உள்ளன.

ஆட்டத்தின் முதல் பகுதியில் பந்து வீசிய அணி இரண்டாம் பகுதியில் மட்டை பிடிக்கும். ஆட்ட இறுதியில் அதிக ஓட்டங்கள் குவித்த அணி வெற்றி பெற்ற அணியாக அறிவிக்கப்படும்.

ஆடுகளம்[தொகு]

நீள் வட்டம் அல்லது வட்ட வடிவில் அமைந்த கிரிக்கெட் மைதானத்தின் நடுவில் சுமார் மீட்டர் நீள அகலத்தில் பிட்ச் எனப்படும் பகுதி அமைக்கப்பட்டிருக்கும். இப்பகுதியின் நிலம் பதப்படுத்தப்பட்டும் புற்கள் வெட்டப்பட்டும் இருக்கும். இந்தப் பிட்சின் இரு முனைகளில் தலா மூன்று இலக்குமுளைகள் நடப்பட்டிருக்கும்.

ஆட்ட எல்லைக் கோடு[தொகு]

ஆட்டத்திற்கான ஸ்டம்புகள், கட்டைகள் மற்றும் க்ரீஸ்[தொகு]

நடுக்களத்தில் (பிட்ச்சில்) ஒவ்வொரு விக்கெட்டையும் ஒன்றுக்கொன்று ஒத்திருக்கும் மூன்று மர ஸ்டம்புகள் செங்குத்தாக வைக்கப்ப்டுகிறது,இந்த மூன்று மர ஸ்டம்புகள் மேல் பகுதி இரண்டு மர கட்டைகளால் (bails) பிணைக்கப்பட்டுள்ளது; இவற்றின் மொத்த உயரம் 72 சென்டிமீட்டர் (28 அங்குலம்) மற்றும் மூன்று ஸ்டம்புகளின் ஒருங்கிணைந்த அகலம், அவற்றுக்கு இடையே உள்ள இடைவெளிகளில் 23 சென்டிமீட்டர் (9 அங்குலம்) இருக்கும்.

நான்கு கோடுகள், க்ரீஸ் (எல்லை) என்று அறியப்படும் கோடுகள்; விக்கெட் பகுதிகள் முழுவதும் பிட்ச்ஸின் "பாதுகாப்பான பிரதேசத்தை" வரையறுக்க மற்றும் பந்து வீச்சின் அணுகுமுறையின் வரம்பை வரையறுக்க வரையப்படுகின்றன. இவை "பாப்சிங்" (அல்லது பேட்டிங்) க்ரீஸ், பவுலிங் க்ரீஸ் மற்றும் இரண்டு "ரிக்" க்ரீஸ் என்று அழைக்கப்படுகின்றன.

துடுப்பு மட்டை மற்றும் பந்து[தொகு]

இது வில்லோ எனும் மரத்திலிருந்து தயாரிக்கப்படுகிறது. இதன் நீளம், அகலம் போன்றவை முறையே 96.5 செ.மீ, 11.4 செ.மீ. இதன் எடை 2 பவுண்ட்ஸ் ஆகும்.இதை ஜோன்பால் என்பவரே முதன் முதலில் வடிவமைத்தார்.

இது அநேகமாக வெள்ளை மற்றும் சிவப்பு நிறங்களிலேயே காணப்படுகிறது. இவற்றின் சுற்றளவுகள் 20.79 செ.மீ தொடக்கம் 22.8 செ.மீ வரை காணப்படுகிறன. இவற்றின் எடை அண்ணளவாக 5.75 அவுன்ச் ஆகும்.

ஆட்ட நடுவர்[தொகு]

ஆடுகளத்தில் கிரிக்கெட் விளையாட்டு இரண்டு ஆட்ட நடுவர்களால் கட்டுப்படுத்தப்படுகிறது. ஒரு ஆட்ட நடுவர் பந்து வீச்சாளரின் விக்கெட்டிற்கு பின்புறம் நிற்ப்பார் மற்றொரு நடுவர் துடுப்பாட்டகாரின் விக்கெட்டிலிருந்து 15–20 மீட்டர் தொலைவில் "square leg" என்ப்படும் பகுதியில் நிற்ப்பார்.

நடுவர்களின் பிரதான பணி சரியான தீர்ப்பளிப்பதாகும் அதாவது ஆடுகளத்தில் ஒரு பந்து சரியான அளவில்தான் வீசப்பட்டதா, அது அகலப்பந்தா (wide) அல்லது எல்லைதாண்டி (no ball) வீசப்பட்டதா? மேலும் ஒரு ஓட்ட்ம் எடுக்கப்படும்போது துடுப்பாட்ட வீரர் தன்து விக்கெட் இழந்தாரா? இதுமட்டுமல்லாமல் களத்தில் உள்ள பந்து பிடிக்கும் விரர்களின் கோரிக்கைகளயும் ஆராய்ந்து கள நடுவர்கள் தீர்ப்பளிக்கவேண்டும்.

இதுதவிர கள நடுவர்கள் பணி, எப்பொழுது ஆட்டம் தொடங்கவது, இடைவெளி எப்பொழுது விடுவது, ஆடுகளதின் தன்மை (pitch), விளையாடுவதற்கு உகந்த வானிலை உள்ளதா? எப்பொழுது ஆட்டத்தை முடிப்பது அல்லது கைவிடுவது? இதுபோன்ற முடிவுகளையும் களதில் இருக்கும் நடுவர்களால் தீர்மானிக்கப்படும்.

மூன்றாவது ஆட்ட நடுவர்[தொகு]

பெரும்பாலும் மூன்றாவது ஆட்ட நடுவர் என்பவர் களதிற்கு வெளியே இருப்பார். தொலைக்காட்சியில் நேரலை செய்யப்படும் போட்டிகளில் மூன்றாவது ஆட்ட நடுவரின் பங்கு இருக்கும். இவரது பணி, கள நடுவர்களால் ஒரு தீர்பபை வழங்க இயலாத போதும் அல்லது ஒரு சர்ச்சையான முடிவை கள நடுவர்கள் எடுக்கும்போது அதை மறுபரிசிலனை செய்வதும் ( தொலைக்காட்சியில் பதிவான் காட்சிகள் மூலம் ஆராய்ந்து) சரியான் முடிவை வழங்குவது ம் மூன்றாவது நடுவரின் பணியாகும்.

ICC யில் முலுமையான உறப்பினர்கள் இடையே விளையாடுப்படும் டெஸ்ட் போட்டிகள் மற்றும் வரையறுக்கப்பட்ட ஓவர்கள் கொண்ட சர்வதேச போட்டிகளிலும் மூன்றாவது ஆட்ட நடுவர் கட்டாயமாக இடம்பெறவேண்டும் என்பது ICC விதியாகும்.

சமீபகால போட்டிகளில் கிரிக்கெட் சட்டங்கள் மற்றும் விளையாட்டின் பற்று ஆகியவற்றுடன் வீரர்கள் விளையாடுவதை உறுதிப்படுத்துவதற்கான கள மற்றும் மூன்றாவது நடுவர்களைத் தவிற தற்போது போட்டி நடுவர் (match referee) ஒருவரும் இருக்கிறார். ஆடுகளதில் விளையாடும் வீரர்களின் நடவடிக்கைகளை கண்காணித்து ஒழுங்கினமாக செயல்படும் வீரர்களுக்கு அபராதம் மற்றும் தவுறு செய்யும் வீரர்களுக்கு போட்டிகளில் விளையாட தடை போன்ற தீர்ப்புகளை வழங்குவார்.

விளையாடும் அணியின் அமைப்பு[தொகு]

ஒரு அணி என்பது பதினொரு வீரர்களைக் கொண்டுள்ளது. விளையாடும் வீரரின் முதன்மை திறன்களைப் பொறுத்து, ஒரு வீரர் ஒரு துடுப்பாட்டகாரர் (பேட்ஸ்மேன்) அல்லது பந்து வீச்சாளராக வகைப்படுத்தலாம். நன்கு சமநிலையான அணியில் பொதுவாக ஐந்து அல்லது ஆறு சிறப்பு பேட்ஸ்மேன் வீரர்கள் மற்றும் நான்கு அல்லது ஐந்து சிறப்பு பந்துவீச்சாளர்கள் உள்ளனர். இந்தப் போட்டிகளில் , ஒரு விசேஷ விக்கெட் கீப்பர் எப்போதும் அணியில் இருப்பார். ஒவ்வொரு அணியும் ஒரு கேப்டன் தலைமையில் வழிநடத்ப்படுகிறது, அவர் பந்துவீச்சு வரிசையை தீர்மானித்தல், பந்துபிடி வீரர்கள் (பீல்டர்ஸ்) இடம் மற்றும் பந்து வீச்சாளர்களின் சுழற்சியை தீர்மானித்தல் போன்ற திறமையான் முடிவுகளை எடுப்பதற்கு பொறுப்பானவர்.

பேட்டிங் மற்றும் பந்துவீச்சுகளில் சிறந்து விளங்கும் ஒரு வீரர் ஒரு ஆல்ரவுண்டர் என்று அழைக்கப்படுகிறார். ஒரு விக்கெட் கீப்பர் என்பவர் பேட்ஸ்மேன் மற்றும் விக்கெட் கீப்பராக உள்ளார், ஆகவே சில நேரங்களில் இவரையும் ஒரு ஆல்ரவுண்டர் என்க் கருதப்படுகிறார். பெரும்பாலான வீரர்கள் பேட்டிங் அல்லது பந்துவீச்சு திறமைகளில் மட்டுமே கவனம் செலுத்துவதால் ஆல்ரவுண்டர்கள் என்பவர் ஒரு அணியில் மிகவும் அரிதானவராகவும் முக்கியமானவராகவும் உள்ளார்.

ஆட்ட வகைகள்[தொகு]

டெஸ்ட் போட்டி[தொகு]

டெஸ்ட் போட்டிகளே துடுப்பாட்டத்தின் பாரம்பரிய ஆட்டமாகும். ஒரு டெஸ்ட் போட்டி ஐந்து நாட்களுக்கு தொடர்ந்து நடக்கும். ஒவ்வொரு அணியும் இரு இன்னிங்ஸ் விளையாட வேண்டும். இரு இன்னிங்ஸிலும் அதிக ஓட்டங்கள் எடுத்த அணி வென்றதாக கருதப்படும். உலகில் முதலாவது டெஸ்ட் போட்டி 1787.03.15 இல் லண்டன் லோட்ஸ் மைதானத்தில் இங்கிலாந்து-ஆஸ்திரேலியா அணிகளுக்கிடையில் நடைபெற்றது. டெஸ்ட் போட்டிகளில் மிக இளம் வயதில் சதமடித்த முதல் வீரர் என்ற பெருமை முகம்மது அஷ்ரப்பு என்பவரையே சாரும்.

மட்டுப்படுத்தப்பட்ட போட்டி[தொகு]

ஒருநாள் போட்டிகள்[தொகு]

ஒரு நாள் போட்டிகள் 1970களில் அறிமுகப் படுத்தப்பட்டது. இவ்வகைப் போட்டியில் இரு அணிகளும் ஐம்பது ஓவர்களுக்கு மிகாமல் ஒரு இன்னிங்ஸ் ஆட வேண்டும். அதிக ரன் எடுத்த அணி வெற்றி பெறும். நான்கு வருடங்களுக்கு ஒருமுறை நடக்கும் உலகக் கோப்பை கிரிக்கெட் போட்டிகளில் இந்த ஆட்ட வகையே கடைபிடிக்கப்படுகிறது. முதலாவது சர்வதேச ஒருநாள் போட்டி 1971.01.05 இல் ஆஸ்திரேலியாவில் மெல்பேர்னில் இடம்பெற்றது.

இருபது 20 போட்டிகள்[தொகு]

முதன்மைக் கட்டுரை: இருபது20

இருபது20 ஒரு வகை துடுப்பாட்டப் போட்டி வகையாகும். இது இங்கிலாந்து வேல்சு துடுப்பாட்ட வாரியத்தினால் கௌண்டிகளுக்கிடையே 2003 ஆம் ஆண்டு நடத்தப்பட்ட போட்டிகளுக்காக முதலில் அறிமுகப்படுத்தப்பட்டது. இருபது20 துடுப்பாட்டப் போட்டியில் இரண்டு அணிகள் ஒவ்வொரு சுற்றைக் கொண்டிருப்பதோடு அணிக்கு உச்ச வரம்பாக 20 பந்துப் பரிமாற்றங்கள் மட்டையாட வழங்கப்படுகின்றது. ஒவ்வொரு சுற்றும் 75 நிமிடங்கள் நீடிப்பதோடு முழு இருபது20 துடுப்பாட்டப் போட்டி 3 மணி 30 நிமிடத்தில் நிறைவடையும். இருபது20 போட்டிகளின் நேர அளவானது ஏனைய பிரபல விளையாட்டுக்களின் நேர அளவிற்கு அண்மித்தாக உள்ளது. அரங்கில் உள்ள பார்வையாளருக்கும் தொலைக்காட்சிப் பார்வையாளருக்கும் விறுவிறுப்பான நிமிடங்களை வழங்கும் வகையில் இருபது20 போட்டிகள் வடிவமைக்கப்பட்டுள்ளன. இருபது20 போட்டிகள் அறிமுகப்படுத்தப்பட்டதிலிருந்து உலகம் முழுவதும் அது பரவியுள்ளது. இன்று துடுப்பாட்டச் சுற்றுப்பயணங்களின் போது குறைந்தது ஒரு இருபது20 போட்டியாவது விளையாடப்பட்டு வருகின்றது.

பன்னாட்டுக் கட்டமைப்பு[தொகு]

அங்கத்தினர்[தொகு]

முழு அங்கத்தினர் பின்வருமாறு:

நாடு அதிகார சபை அங்கத்துவம் தற்போதைய ஐசிசி டெஸ்ட் தரம் தற்போதைய ஐசிசி ஒருநாள் தரம் தற்போதைய ஐசிசி 20இருபது தரம்
Flag of Australia.svg ஆத்திரேலியா அவுத்திரேலிய துடுப்பாட்டம் 15 சூலை 1909[1] 4 4 7
Flag of Bangladesh.svg வங்காளதேசம் பங்காளதேச துடுப்பாட்ட சபை 26 சூன் 2000[1] 9 9 9
Flag of England.svg இங்கிலாந்து இங்கிலாந்து மற்றும் வேல்சு துடுப்பாட்ட சபை 15 சூலை 1909[1] 2 2 5
Flag of India.svg இந்தியா இந்திய துடுப்பாட்ட கட்டுப்பாட்டுச் சபை 31 மே 1926[1] 3 1 3
Flag of New Zealand.svg நியூசிலாந்து நியூசிலாந்து துடுப்பாட்டம் 31 மே 1926[1] 8 8 8
Flag of Pakistan.svg பாக்கித்தான் பாக்கித்தான் துடுப்பாட்ட சபை 28 சூலை 1953[1] 4 6 2
Flag of South Africa.svg தென்னாப்பிரிக்கா தென்னாப்பிரிக்க துடுப்பாட்டம் 15 சூலை 1909A[1] 1 3 6
Flag of Sri Lanka.svg இலங்கை இலங்கை துடுப்பாட்டம் 21 சூலை 1981[1] 6 5 1
WestIndiesCricketFlagPre1999.svg மேற்கிந்தியத் தீவுகள் மேற்கிந்திய துடுப்பாட்ட சபை 31 மே 1926[1] 7 7 2
Flag of Zimbabwe.svg சிம்பாப்வே சிம்பாபே துடுப்பாட்டம் 6 சூலை 1992[1] 10 10

*Last Updated: 29-Dec-2012 | AResigned May 1961, readmitted 10 July 1991.

முதன்மை இணை மற்றும் ஏற்றுக்கொள்ளப்பட்ட அங்கத்தினர்[தொகு]

உலகில் மட்டைப்பந்தின் பரவல். ஆரஞ்சு நிறத்தில் உள்ள நாடுகள் ஐந்து நாள் போட்டி விளையாட தகுதி பெற்றவை. பச்சை நிறத்தில் உள்ளவை ஐந்து நாள் போட்டி விளையாடாத மற்ற முக்கிய ஐ.சி.சி உறுப்பு நாடுகள். ஊதா நிறத்தில் உள்ளவை மற்ற ஐ.சி.சி உறுப்பு நாடுகள்

இணை மற்றும் ஏற்றுக்கொள்ளப்பட்ட அணிகள். இவை ஒருநாள் பன்னாட்டுத் துடுப்பாட்டம் மற்றும் பன்னாட்டு இருபது20 தகுதிகளைக் கொண்டுள்ளன:

நாடு அதிகார சபை அங்கத்துவம் தற்போதைய ஐசிசி ஒருநாள் தரம்
Flag of Afghanistan.svg ஆப்கானித்தான் ஆப்கானித்தான் துடுப்பாட்ட சபை 2001[2] 14
Flag of Canada.svg கனடா கனேடிய துடுப்பாட்டம் 1968[1] 16
Cricket Ireland flag.svg அயர்லாந்து ஐயர்லாந்து துடுப்பாட்டம் 1993[1] 11
Flag of Kenya.svg கென்யா கென்யா துடுப்பாட்டம் 1981[1] 13
Flag of the Netherlands.svg நெதர்லாந்து நெதர்லாந்து துடுப்பாட்ட சபை 1966[1] 12
Flag of Scotland.svg இசுக்காட்லாந்து ஸ்கொட்லாந்து துடுப்பாட்டம் 1994[1] 15

உலகக் கோப்பை வென்ற அணிகள்[தொகு]

அணி 1975 1979 1983 1987 1992 1996 1999 2003 2007 2011 2015
Flag of Australia.svg ஆத்திரேலியா
Flag of India.svg இந்தியா
Flag of Pakistan.svg பாக்கித்தான்
Flag of Sri Lanka.svg இலங்கை
WestIndiesCricketFlagPre1999.svg மேற்கிந்தியத் தீவுகள்
குறிப்பு: - உலகக் கோப்பை வென்ற அணி

துடுப்பாட்டத்தின் சமூக தாக்கங்கள்[தொகு]

துடுப்பாட்டம் ஐக்கிய இராச்சிய மேல்வர்க்கத்தில் தோன்றிய ஒரு பொழுது போக்கு விளையாட்டு. இவ்விளையாட்டை அங்கு "gentlemen's game" (en:Gentleman) என்று அழைப்பது இங்கு குறிப்பிடத்தக்கது. துடுப்பாட்டம் இந்தியா இலங்கை ஐக்கிய இராச்சியத்தின் காலனிகளாக இருந்த போது அங்கே பரவியது. துடுப்பாட்டம் பிரபலமான பின்பு பல மரபு வழி விளையாட்டுக்கள் மறைந்து போக வழிக்கோலியது.

மேலும் காண்க[தொகு]

மேற்கோள்கள்[தொகு]

  1. 1.00 1.01 1.02 1.03 1.04 1.05 1.06 1.07 1.08 1.09 1.10 1.11 1.12 1.13 1.14 "A brief history ...". Cricinfo. பார்த்த நாள் 2 May 2008.
  2. "Cricinfo-Other countries-Teams-Afghanistan". Cricinfo. பார்த்த நாள் 4 May 2008.

வெளி இணைப்பு[தொகு]

"https://ta.wikipedia.org/w/index.php?title=துடுப்பாட்டம்&oldid=2298614" இருந்து மீள்விக்கப்பட்டது