தேர்வுத் துடுப்பாட்டம்

கட்டற்ற கலைக்களஞ்சியமான விக்கிப்பீடியாவில் இருந்து.
Jump to navigation Jump to search
இது ஜனவரி 2005இல் தென்னாப்பிரிக்கா மற்றும் இங்கிலாந்து அணிகள் இடையே நடைபெற்ற தேர்வுத் துடுப்பாட்டத்தின் ஒரு புகைப்படம் ஆகும். பொதுவாக தேர்வுத் துடுப்பாட்ட வீரர்கள் அனைவரும் தொன்றுதொட்டே வெள்ளை நிற ஆடைகள் அணிந்து விளையாடுவது வழக்கம். நடுவர்கள் வேறுபடுத்திக் காட்ட கருப்பு நிற கால்சட்டை அணிந்திருப்பர். மேலும் அனைத்துப் போட்டிகளிலும் சிவப்பு அல்லது இளஞ்சிவப்பு நிறப் பந்துகள் மட்டுமே பயன்படுத்தப்படும்.

தேர்வுத் துடுப்பாட்டம் (Test cricket) என்பது துடுப்பாட்டப் போட்டி வகைகளில் உயர்தரம் கொண்டதும் நீண்ட நேரம் ஆடப்படுவதும் ஆகும். இது ஒரு அணியின் முழு வலிமையைப் பரிசோதிக்கும் தேர்வாகக் கருதப்படுவதால் இவ்வாறு அழைக்கப்படுகிறது. பொதுவாக இது 4 அல்லது 5 நாட்கள் நடைபெறும்.

தேர்வுத் துடுப்பாட்டம் ஐசிசியால் தகுதி வழங்கப்பட்ட 12 நாடுகளைச் சேர்ந்த அணிகளுக்கு இடையே மட்டும் நடைபெறுகிறது. ஆத்திரேலியா, அயர்லாந்து, ஆப்கானித்தான், இங்கிலாந்து, தென்னாபிரிக்கா, மேற்கிந்தியத் தீவுகள், நியூசிலாந்து, இந்தியா, பாகிஸ்தான், இலங்கை, சிம்பாவே, வங்காளதேசம் ஆகியன தேர்வுத் துடுப்பாட்டத்தில் ஈடுபடும் தகுதி பெற்ற அணிகளாகும்.

அங்கீகரிக்கப்பட்ட முதல் தேர்வுத் துடுப்பாட்டம் மார்ச் 15, 1877 முதல் மார்ச் 19, 1877வரை நடைபெற்றது. இங்கிலாந்து மற்றும் ஆஸ்திரேலியா ஆகிய அணிகளுக்கு இடையே நடைபெற்ற போட்டியில் ஆஸ்திரேலிய அணி 45 ஓட்டங்கள் வித்தியாசத்தில் வெற்றி பெற்றது. பிறகு தேர்வுத் துடுப்பாட்டத்தின் 100 ஆவது ஆண்டைக் கொண்டாடும் விதமாக 1977ஆம் ஆண்டு இந்த இரு அணிகளுக்கு இடையில் நடைபெற்ற போட்டியில் ஆஸ்திரேலிய அணி முதல் போட்டி போலவே 45 ஓட்டங்கள் வித்தியாசத்தில் வெற்றி பெற்றது..[1] 2012ஆம் ஆண்டு தேர்வு துடுப்பாட்டத்தில் பகல்-இரவு போட்டிகள் நடத்த ஐசிசி வழிவகுத்தது.

விளையாடும் முறை[தொகு]

பொதுவாக ஒரு போட்டியில் 4 ஆட்டப்பகுதிகள் (Innings) நடைபெறும். மட்டைபிடிக்கும் அணி ஆட்டமிழக்கும் வரை அதன் எதிரணி ஒரு நாளுக்கு 90 நிறைவுகள் (Overs) வரை பந்துவீச வேண்டும். நாணய சுழற்சியில் வெல்லும் அணி முதலில் மட்டைபிடிப்பையோ பந்துவீச்சையோ தேர்வு செய்யும். 4 ஆட்டங்களில் ஒவ்வொரு அணியும் தலா இரண்டு முறை மட்டைபிடிக்கவும் பந்து வீசவும் இயலும்.

ஒருவேளை என்ற அணி மட்டைபிடிக்கிறது என்று வைத்துக்கொள்வோம். அவர்களது முதல் ஆட்டப் பகுதி முடிந்த பிறகு அணி தனது முதல் ஆட்டத்தை விளையாடும். பிறகு அணி தன் இரண்டாவது ஆட்டத்தை ஆடும். இறுதியாக அணி இரண்டாவது ஆட்டத்தை ஆடும். முடிவில் இரண்டு ஆட்டப் பகுதிகளையும் சேர்த்து அதிக ஓட்டங்கள் எடுத்த அணி வெற்றி பெறும்.

ஒரு அணியின் ஆட்டப் பகுதி முடிவுக்கு (End) வரும் சூழ்நிலைகள்:

  • அனைவரும் வெளியேறுதல் (All-Out) - மட்டைபிடிக்கும் அணியின் பத்து வீரர்களும் ஆட்டமிழந்து வெளியேறும்போது அந்த அணியின் ஆட்டப் பகுதி முடிவுக்கு வரும்
  • அறிவித்தல் (Declare)- மட்டைபிடிக்கும் அணியின் தலைவர் தங்கள் அணியின் ஆட்டத்தை முடித்துக் கொள்வதாக அறிவித்தால் அதன் ஆட்டப் பகுதி முடிவுக்கு வரும்- பொதுவாக அவர் தங்கள் அணி இந்த ஆட்டப் பகுதியில் எடுத்துள்ள ஓட்டங்கள் போதுமானது என்று எண்ணினால் இவ்வாறு அறிவிப்பார்
  • இலக்கை எட்டுதல் (Chased the Target)- நான்காவது ஆட்டப் பகுதியில் மட்டைபிடிக்கும் அணி தன் இலக்கை எட்டும் போது வெற்றி பெறும்
  • ஆட்ட நேரம் முடிதல் (Time-Up)- ஆட்டப் பகுதி முடிவடையும் முன்பே ஆட்ட நேரம் முடிந்துவிட்டால் போட்டி முடிவு எட்டப்படாமல் நிறைவடையும்

ஒருவேளை அணியின் முதல் ஆட்டப் பகுதியின் முடிவில் அதன் மொத்த ஓட்டங்கள் 200 அல்லது அணியின் ஓட்டங்களை விட குறைவாக இருந்தால் அதன் இரண்டாவது ஆட்டப் பகுதியையும் தொடருமாறு அணியின் தலைவர் கட்டளையிடலாம். இது தொடர்தல் (follow on) என்று அழைக்கப்படுகிறது. பொதுவாக இந்த தொடர்தல் நிகழ்வது மிகவும் அரிது. இதுவரை நடந்த தேர்வுத் துடுப்பாட்ட போட்டிகளில் மூன்று முறை மட்டுமே தொடர்தல் நிகழ்ந்துள்ளது.

ஒரு தேர்வுத் துடுப்பாட்டத்தில் ஏற்படும் ஏழு விதமான முடிவுகள் (Results):

  • இலக்கை எட்டாமல் வீழ்தல்- நான்காவதாக ஆடும் அணி இலக்கை எட்டும் முன்பே அதன் 10 வீரர்களும் ஆட்டமிழந்து விட்டால் எதிரணி வெற்றி பெறும்
  • இலக்கை எட்டி வெல்தல்- நான்காவதாக ஆடும் அணி எதிரணியின் இலக்கை எட்டினால் வெற்றி பெறும்
  • பின்தங்கிய நிலையில் ஆட்ட நேரம் முடிதல்- ஒரு அணி தன் இரண்டாவது ஆட்டப் பகுதியில் எடுத்த ஓட்டங்கள் அதன் எதிரணி தன் முதல் ஆட்டப் பகுதியில் எடுத்த ஓட்டங்களை விட பின்தங்கி இருக்கும் நிலையில் ஆட்ட நேரம் முடிந்தால் நான்காவது ஆட்டப் பகுதி நடைபெறாது- அதிக ஓட்டங்கள் எடுத்த எதிரணி வெற்றி பெறும்
  • முடிவு எட்டப்படும் முன்பே ஆட்ட நேரம் முடிதல்- பொதுவாக மழை குறுக்கிடும்போதோ, அணிகள் வேண்டுமென்றே மெதுவாக பந்துவீசும்போதோ இவ்வாறு நிகழும். இதனால் ஆட்டம் முடிவு எட்டப்படாமல் (Draw) நிறைவடையும்
  • சமனில் முடிதல்- இரு அணிகளின் ஓட்டங்களும் சமமாக இருக்கும்போது போட்டி சமனில் (Tie) முடியும்
  • ஆட்டம் கைவிடப்படுதல்- ஆட்ட மைதானம் விளையாட தகுதியற்றது என நடுவர் அறிவித்தால் போட்டி கைவிடப்படும்- இதன்மூலம் போட்டியின் முடிவு எட்டப்படாமல் போகும்
  • விட்டுக்கொடுத்தல் (Forefeiture)- ஒருவேளை நான்காவது ஆட்டப் பகுதியில் பந்துவீச வேண்டிய அணி போட்டியில் இருந்து விலகிக் கொண்டால் அதன் எதிரணி வெற்றி பெற்றதாக நடுவர் அறிவிக்கலாம்

உலகத் தேர்வுத் துடுப்பாட்ட வாகை[தொகு]

இதுவரை தேர்வுத் துடுப்பாட்டத்தில் வாகைப் போட்டி (Championship) எதுவும் நடந்ததில்லை. தற்போது 2019 முதல் 2021 வரை முதலாவது ஐசிசி உலகத் தேர்வுத் துடுப்பாட்ட வாகை நடைபெறும் என்று ஐசிசி அறிவித்துள்ளது. இதில் மொத்தம் 9 அணிகள் பங்குபெறுகின்றன. ஒவ்வொரு போட்டியிலும் முடிவுகளைப் பொறுத்து புள்ளிகள் வழங்கப்படும். இறுதியாக புள்ளிப்பட்டியலில் முதல் இரண்டு இடங்களைப் பிடிக்கும் அணிகள் லண்டன் நகரின் இலார்ட்சு மைதானத்தில் நடைபெறவுள்ள இறுதிப்போட்டியில் மோதும்.

சான்றுகள்[தொகு]

  1. Australia v England Centenary Test – ESPNcricinfo.