பெரவள்ளூர்

பெரவள்ளூர் (Peravallur) என்பது இந்தியாவின் தமிழ்நாட்டில், சென்னையின் மிக வேகமாக வளா்ச்சி பெற்ற மக்கள் குடியிருப்புப் பகுதி ஆகும்.^[1]

அமைவிடம்

பெரம்பூரிலிருந்து இரட்டைஏரி நோக்கிச் செல்லுகிற போது, இடையி்ல் அமைந்திருக்கும் இடமே, பெரவள்ளூர் ஆகும். இது வடசென்னைப் பகுதியில் கொளத்தூர் சட்டமன்றத் தொகுதிக்கு உட்பட்டது.

கடல் மட்டத்திலிருந்து சுமார் 31.83 மீ. உயரத்தில், (13°07′04″N 80°13′48″E / 13.1178°N 80.2300°E / 13.1178; 80.2300) என்ற புவியியல் ஆள்கூறுகள் கொண்டு, பெரவள்ளூர் அமைந்துள்ளது.

பெரவள்ளூர்

பெரவள்ளூர் (சென்னை)

கொளத்தூர், அகரம், பெரியார் நகர், திரு. வி. க. நகர், ஜவஹர் நகர், செம்பியம் மற்றும் பெரம்பூர் ஆகியன பெரவள்ளூர் பகுதிக்கு அருகிலுள்ள முக்கிய புறநகர்ப் பகுதிகளாகும்.

பேப்பர் மில்ஸ் சாலை, SRP கோவில் தெரு (வடக்கு), இராம் நகர் தெருக்கள் ஆகியவை இங்குள்ள முக்கிய சாலைகளாகும்.

அண்ணாசிலை மற்றும் காமராசா் சிலை முதலியன முக்கிய சாலை சந்திப்புகளில் தோற்றமளிக்கின்றன.

தொன் போஸ்கோ மெட்ரிக்குலேசன் மேல்நிலைப் பள்ளி, விவேகானந்தா சி.பி.எஸ்.இ. பள்ளி போன்ற பள்ளிகள் இப்பகுதியில் இயங்கி வருகின்றன.

உயிர்த்த இயேசு கிறிஸ்து தேவாலயம், தொன்போஸ்கோ ஆலயம், செல்லியம்மன் கோவில் போன்ற தலங்களும் உள்ளன. இந்தப் பகுதியில் திருப்பதிக் குடை மிகச் சிறப்பாக இருக்கும். தமிழ்நாடு அரசின் இந்து சமய அறநிலையத் துறை கட்டுப்பாட்டில் இயங்குகிற பெரவள்ளூர் சுந்தரராஜ பெருமாள் கோயில்,^[2] பெரவள்ளூர் சிந்தாமணி விநாயகர் கோயில்^[3] மற்றும் பெரவள்ளூர் தான்தோன்றியம்மன் கோயில்^[4] ஆகியவை பெரவள்ளூர் பகுதியில் அமையப் பெற்றுள்ளன.