திருநின்றவூர்

கட்டற்ற கலைக்களஞ்சியமான விக்கிப்பீடியாவில் இருந்து.
Jump to navigation Jump to search
திருநின்றவூர்
அமைவிடம்
நாடு  இந்தியா
மாநிலம் தமிழ்நாடு
மாவட்டம் திருவள்ளூர்
வட்டம் ஆவடி
ஆளுநர் பன்வாரிலால் புரோகித்[1]
முதலமைச்சர் எடப்பாடி க. பழனிசாமி[2]
மாவட்ட ஆட்சியர் மகேஸ்வரி ரவிக்குமார், இ. ஆ. ப. [3]
மக்கள் தொகை

அடர்த்தி

37,095 (2011)

3,372/km2 (8,733/sq mi)

நேர வலயம் இந்திய சீர் நேரம் (ஒ.ச.நே + 05:30)
பரப்பளவு 11 சதுர கிலோமீட்டர்கள் (4.2 sq mi)
இணையதளம் www.townpanchayat.in/thirunindravur

திருநின்றவூர் (ஆங்கிலம்:Thirunindravur), இந்தியாவின் தமிழ்நாடு மாநிலத்தில் அமைந்துள்ள திருவள்ளூர் மாவட்டம், ஆவடி வட்டத்தில் உள்ள பேரூராட்சி ஆகும். இது சென்னை மாநகருக்கு வடமேற்கில் உள்ளது. இது சென்னையிலிருந்து 32 கி.மீ., தொலைவில் அமைந்துள்ளது . திருநின்றவூர் சென்னை பெருநகர பகுதியின் ஓர் அங்கம் ஆகும்.

இப்பேரூராட்சியில் பக்தவத்சல பெருமாள் கோவில், பூசலார் நாயனார் தம் மனதில் கட்டிய இருதயாலீஸ்வரர் கோவில் அமைந்துள்ளது மிகவும் சிறப்பு வாய்ந்ததாகும். மேலும் இப்பேரூராட்சியினை சுற்றி புதுசத்திரம், கொட்டாம்பேடு, கொசவன்பாளையம், அன்னம்பேடு, நடுக்குத்தகை, நத்தம்பேடு, நிமிலச்சேரி, நாச்சியார் சத்திரம், பாக்கம், கொமக்கம்பேடு போன்ற 16 கிராம ஊராட்சிகள் உள்ளது.

மேலும் இப்பேராட்சியில் திருநின்றவூர் இரயில் நிலையம் அமைந்துள்ளது. இந்த இரயில் நிலையத்தில் தினந்தோறும் சுமார் 50,000க்கும் மேற்பட்டோர் சென்று வருகின்றனர்.

அமைவிடம்[தொகு]

சென்னை - திருப்பதி செல்லும் நெடுஞ்சாலையில் அமைந்த திருநின்றவூர் பேரூராட்சிக்கு மேற்கில் திருவள்ளூர் 16 கிமீ தொலைவில் உள்ளது. இங்கு தொடருந்து நிலையம் உள்ளது. திருநின்றவூருக்கு கிழக்கே ஆவடி 9 கிமீ; தெற்கே பூவிருந்தமல்லி 16 கிமீ தொலைவில் உள்ளது.

பேரூராட்சியின் அமைப்பு[தொகு]

11 சகிமீ பரப்பும், 18 பேரூராட்சி மன்ற உறுப்பினர்களையும், 742 தெருக்களையும் கொண்ட இப்பேரூராட்சி ஆவடி (சட்டமன்றத் தொகுதி) மற்றும் திருவள்ளூர் மக்களவைத் தொகுதிக்குட்பட்டதாகும். [4]

மக்கள் தொகை பரம்பல்[தொகு]

2011-ஆம் ஆண்டு மக்கள் தொகை கணக்கெடுப்பின்படி இப்பேரூராட்சி 9,425 வீடுகளும், 37,095 மக்கள்தொகையும், கொண்டது. மேலும் இப்பேரூராட்சியின் எழுத்தறிவு 92.26% மற்றும் பாலின விகிதம் ஆயிரம் ஆண்களுக்கு, 1016 பெண்கள் வீதம் உள்ளனர்.[5]

கோவில்கள்[தொகு]

திருநின்றவூர் ஸ்ரீ பக்தவத்சல பெருமாள் கோவில், 108 திவ்யதேசங்களில் ஒன்றாகும். இதைத் தவிர, இங்கு திரு இரித்யாலீசுவரர் கோவில் சுமார் 1500 ஆண்டுகளுக்கு முன்னால் கட்டப்பட்டு இன்றும் நன்றாக பராமரிக்கபட்டு வருகிறது. இந்த கோவில்கள் பல்லவர் காலத்தில் கட்டபட்டது. திருநின்றவூர் ஏரி மிகவும் பெரியதாகும். திரு ஏரி காத்த ராமர் கோவில் மிகவும் பிரசித்திபெற்றது. முற்காலத்தில் இப்பகுதி தொண்டை மண்டலம் என்று அழைக்கப்பட்டது. இப்பகுதியில் அருகில் திருமழிசை ஜெகனாநாத சுவாமி திருத்தலம் அமைந்துள்ளது.

பேருந்து வசதி[தொகு]

சென்னை மாநகர பேருந்துகளின் விவரம்:

  1. M54A --> பூவிருந்தவல்லி - திருநின்றவூர்
  2. 65C --> அம்பத்தூர் தொழிற்பேட்டை - பாக்கம், வழி திருநின்றவூர்
  3. M70E --> CMBT - வேப்பம்பட்டு, வழி திருநின்றவூர்
  4. 71E --> பிராட்வே - திருநின்றவூர்
  5. M71E --> அம்பத்தூர் தொழிற்பேட்டை - திருநின்றவூர்
  6. 154A --> தி. நகர் - திருநின்றவூர்
  7. 563 --> அம்பத்தூர் தொழிற்பேட்டை - பெரியபாளையம், வழி திருநின்றவூர்
  8. 571 --> பிராட்வே - திருவள்ளூர், வழி திருநின்றவூர்
  9. 572 --> அம்பத்தூர் தொழிற்பேட்டை - திருவள்ளூர், வழி திருநின்றவூர்
  10. 580 --> ஆவடி - ஆரணி, வழி திருநின்றவூர்
  11. 71P --> தி. நகர் - வேப்பம்பட்டு, வழி திருநின்றவூர்
  12. 71V --> பிராட்வே - வேப்பம்பட்டு, வழி திருநின்றவூர்
  13. T16 --> ஆவடி - திருவள்ளூர், வழி திருநின்றவூர்

தொடருந்து வசதி[தொகு]

சென்னை சென்ட்ரல் மற்றும் சென்னை கடற்கரை இரயில் நிலையத்திலிருந்து அரக்கோணம், திருவள்ளூர், திருத்தணி, கடம்பத்தூர் வரை இயக்கப்படும் அனைத்து புறநகர் மின்சார தொடருந்துகளும் திருநின்றவூர் தொடருந்து நிலையத்தில் நிற்கும்.

பொழுதுபோக்கு[தொகு]

திருநின்றவூர் பேரூராட்சியில் இயங்கிவரும் இரண்டு திரைஅரங்குகள்

  1. காவேரி திரையரங்கம் - திருநின்றவூரில் இயங்கி வரும் டாட்டா ஸ்டீல் நிறுவனத்தின் எதிரில் உள்ளது இந்த திரையரங்கம்
  2. லக்ஷ்மி திரையரங்கம் - கிருஷ்ணபுரம் அருகில் உள்ளது இந்த திரையரங்கம்.

ஆதாரங்கள்[தொகு]

  1. "தமிழக ஆளுநர் பற்றிய குறிப்பு". தமிழ்நாடு அரசு (2015). பார்த்த நாள் நவம்பர் 3, 2015.
  2. "தமிழக முதலமைச்சர் பற்றிய குறிப்பு". தமிழ்நாடு அரசு. பார்த்த நாள் நவம்பர் 3, 2015.
  3. "மாவட்ட ஆட்சியர் தொடர்பு விவரம்". தமிழ்நாடு அரசு. பார்த்த நாள் நவம்பர் 3, 2015.
  4. திருநின்றவூர் பேரூராட்சியின் இணையதளம்
  5. Thirunindravur Population Census 2011



"https://ta.wikipedia.org/w/index.php?title=திருநின்றவூர்&oldid=2765154" இருந்து மீள்விக்கப்பட்டது