சாதவாகனர்

கட்டற்ற கலைக்களஞ்சியமான விக்கிப்பீடியாவில் இருந்து.
தாவிச் செல்லவும்: வழிசெலுத்தல், தேடல்
சாதவாகனப் பேரரசு
கிமு 230 - கிபி 220
SatavahanaMap.jpg
சாதவாகனப் பேரரசின் எல்லைகளும் (தொடர்க் கோடு) கைப்பற்றிய பகுதிகளும் (புள்ளிக் கோடு).
ஆட்சி மொழிகள் மகாராஷ்ட்டிரி
சமஸ்கிருதம்
தலைநகரங்கள் பைத்தான் (அவுரங்காபாத் மாவட்டம்), கோடி லிங்கம் (கரீம்நகர் மாவட்டம்), அமராவதி
அரசு முறை முடியாட்சி
முன்னிருந்தது மௌரியப் பேரரசு
பின்வந்தது இட்ச்வாகுகள், கடம்பர், மேற்கு சத்ரபதிகள்

சாதவாகனர் (Śātavāhana) (கிமு 230 - கிபி 220) என்போர், மகாராஷ்டிராவின் ஜுன்னார் (புனே), பிரதிஸ்தான், ஆந்திரப் பிரதேசத்தின் அமராவதி ஆகிய பகுதிகளிலிருந்து கிமு 230 தொடக்கம் கிபி 220 வரை தெற்கு மற்றும் மத்திய இந்தியப் பகுதிகளை ஆண்ட ஒரு அரச மரபினராவர். இம் மரபினரின் ஆட்சி முடிவுக்கு வந்த காலம் தொடர்பில் கருத்து வேறுபாடுகள் காணப்படினும், இது கிபி 200 வரை 450 ஆண்டுகாலம் ஆட்சியில் இருந்ததாகக் கொள்ளப்படுகின்றது. மௌரியப் பேரரசின் பின்னர், வெளிநாட்டினரின் தாக்குதல்களை முறியடித்து, நாட்டில் அமைதியை நிலைநிறுத்தியதில் சாதவாகனரின் பங்கு முக்கியமானது. [1]சாதவாகனப் பேரரசர்களில் மிகவும் புகழ் பெற்றவர் கௌதமிபுத்ர சதகர்ணி ஆவார்.

தோற்றம்[தொகு]

சாதவாகனர் பற்றிய முதலாவது குறிப்பு கிமு 8 ஆம் நூற்றாண்டைச் சேர்ந்ததாகக் கருதப்படுகின்ற ஐதரேய பிராமணத்தில் காணப்படுகின்றது. இவர்கள் விசுவாமித்திரரின் வழி வந்தவர்கள் என இப் பிராமணம் கூறுகின்றது. புராணங்களும், இவர்களால் வெளியிடப்பட்ட நாணயங்களும் இவர்களை சாதவாகனர், சதகர்ணிகள், ஆந்திரர், ஆந்திரபிரித்தியர் எனப் பல்வேறு பெயர்களால் குறிப்பிடுகின்றன. கிரேக்கப் பயணியான மெகஸ்தெனசின் ஒரு குறிப்பின்படி இவர்கள் 100,000 காலாட்படையும், 1,000 யானைகளும், 30 சிறப்பாக அமைக்கப்பட்டு அரண் செய்யப்பட்ட நகரங்களும் இருந்ததாகத் தெரிகிறது.

சாதவாகன ஆட்சியாளர்கள்[தொகு]

சாதவாகனர்கள் குறித்த தொல்லியல் குறிப்புகள் மற்றும் வெளியிட்டா நாணயங்களின் அடிப்படையில் ஹிமன்சு பிரபா ராய் என்பவர் சாதவாக ஆட்சியாளர்களை கீழ்கண்டவாறு குறித்துள்ளார்.[2]

  • சிமுகன் கி மு 100
  • கன்கா (கி மு 100 – 70)
  • முதலாம் சதகர்ணி (கி மு 70 – 60)
  • இரண்டாம் சதகர்ணி (கி மு 50–25)
  • சாதவாகனர்களின் இராச்சியம் மேற்கு சத்ரபதிகள் பிடியில் இருந்ததால் கி மு 25 முதல் கி பி 53 முடிய ஒழுங்கான அரசனில்லாக் காலமாக இருந்தது.
    • நஹபானா (கி பி 54-100)
  • கௌதமிபுத்ர சதகர்ணி (கி பி 86–110)
  • வசஸ்திபுத்திர ஸ்ரீ புலமாவி (கி பி 110–138 )
  • வசஸ்திபுத்திர சதகர்ணி (கி பி 138–145)
  • சிவ ஸ்ரீ புலமாவி (கி பி 145–152)
  • சிவஸ்கந்த சதகர்ணி (கி பி 145–152)
  • யக்ஞ ஸ்ரீ சதகர்ணி (கி பி 152–181)
  • விஜய சதகர்ணி
  • சாதவாக இராச்சியத்தின் தென்கிழக்கு தக்காணப் பிரதேச ஆட்சியாளர்கள்:[3]
    • சந்திர ஸ்ரீ
    • இரண்டாம் புலுமாவி
    • ஆபிர ஈசாசேனா
    • மாத்ரிபுத்திர சகாசேனா
    • ஹரிபுத்திர சதகர்ணி

மேற்கோள்கள்[தொகு]

  1. Satavahana Dynasty: Rulers, Administration, Society and Economic Conditions
  2. Carla M. Sinopoli 2001, பக். 167.
  3. Carla M. Sinopoli 2001, பக். 178.
"https://ta.wikipedia.org/w/index.php?title=சாதவாகனர்&oldid=2279998" இருந்து மீள்விக்கப்பட்டது