மன்மோகன் சிங்

மன்மோகன் சிங் ਮਨਮੋਹਨ ਸਿੰਘ
14வது இந்தியப் பிரதமர்
பதவியில் 22 மே 2004 – 26 மே 2014
குடியரசுத் தலைவர்	அப்துல் கலாம் பிரதீபா பாட்டீல் பிரணாப் முகர்ஜி
முன்னவர்	அடல் பிகாரி வாச்பாய்
பின்வந்தவர்	நரேந்திர மோதி
இந்திய வெளிவிவகாரத்துறை அமைச்சர்
பதவியில் 6 நவம்பர் 2005 – 24 அக்டோபர்2006
முன்னவர்	நட்வர் சிங்
பின்வந்தவர்	பிரனாப் முகர்ஜி
இந்தியாவின் நிதியமைச்சர்
பதவியில் 30 நவம்பர் 2008 – 24 சனவரி 2009
முன்னவர்	பழனியப்பன் சிதம்பரம்
பின்வந்தவர்	பிரனாப் முகர்ஜி
பதவியில் 21 சூன் 1991 – 16 மே 1996
பிரதமர்	நரசிம்ம ராவ்
முன்னவர்	மது தண்டவதே
பின்வந்தவர்	ஜஸ்வந்த் சிங்
இந்தியத் திட்டக் குழுவின் துணைத் தலைவர்
பதவியில் 15 சனவரி 1985 – 31 ஆகத்து 1987
பிரதமர்	ராஜீவ் காந்தி
முன்னவர்	நரசிம்ம ராவ்
பின்வந்தவர்	சிவ் சங்கர்
இந்திய ரிசர்வ் வங்கியின் கவர்னர்
பதவியில் 15 செப்டம்பர் 1982 – 15 சனவரி 1985
முன்னவர்	இந்திரபிரசாத் கோர்தன்பாய் பட்டேல்
பின்வந்தவர்	அமிதவ் கோசு
தனிநபர் தகவல்
பிறப்பு	26 செப்டம்பர் 1932 (1932-09-26) கா, பஞ்சாப்,பிரிட்டிஷ் ராஜ்
அரசியல் கட்சி	இந்திய தேசிய காங்கிரசு
வாழ்க்கை துணைவர்(கள்)	குர்சகாரன் கெளர் (திருமணம். 1958)
பிள்ளைகள்	உபிந்தர் சிங் தமன் சிங் அம்ரித் சிங்
இருப்பிடம்	7 ரேஸ் கோர்ஸ் வீதி, புது தில்லி, இந்தியா (official) குவாகாத்தி (private)
படித்த கல்வி நிறுவனங்கள்	பஞ்சாப் பல்கலைக்கழகம், சண்டிகர் செயின்ட் ஜான் கல்லூரி, கேம்பிரிச்சு நியூபீல்ட் கல்லூரி, ஆக்சுபோர்டு
பணி	பொருளாதார நிபுனர் குடிமைப் பணி சமூக சேவையாளர் பேராசிரியர் கல்வியாளர்
சமயம்	சீக்கிய மதம்
இணையம்	மன்மோகன் சிங்

மன்மோகன் சிங் (Manmohan Singh, பஞ்சாபி: ਮਨਮੋਹਨ ਸਿੰਘ, பிறப்பு: செப்டம்பர் 26, 1932) இந்தியாவின் 14 ஆவது, பிரதமர் ஆவார். மன்மோகன் சிங், மேற்கு பஞ்சாபிலுள்ள கா என்னும் (தற்போது பாகிஸ்தானில் உள்ளது) ஊரில் பிறந்தார். இவர் இந்திய தேசிய காங்கிரசு கட்சியைச் சேர்ந்தவர். மே 22, 2004 இல் இந்தியப் பிரதமராகப் பதவியேற்றார். சீக்கிய சமயத்தைச் சேர்ந்த இவர், இந்து சமயத்தை சாராத முதல் இந்தியப் பிரதமர் ஆவார்.

1991 முதல் 1996 வரை பி. வி. நரசிம்ம ராவ் அமைச்சரவையில் மன்மோகன் சிங் நிதி அமைச்சராக பணியாற்றினார். கல்வியாலும், பயிற்சியாலும் தேர்ந்த பொருளாதாரவியல் வல்லுநரான அவர், இந்தியாவின் பொருளாதார தாராளமயமாக்கல் கொள்கையின் துவக்கத்தில் பெரும்பங்கு வகித்தார். மன்மோகன் சிங் பொருளாதாரத்தில் முனைவர் பட்டம் பெற்றவர். மேலும் மத்திய ரிசர்வ் வங்கியின் தலைவராகவும் பதவி வகித்துள்ளார். அவர் நிதியமைச்சராகும் முன் பின்தங்கிய நிலையில் இருந்த இந்திய பொருளாதாரம், இவரின் கொள்கைகளால் முன்னேறத் துவங்கியது எனக் கருதப்படுகிறது.

மக்களவை மூலம் தேர்ந்தெடுக்கப்படாத ஒரே பிரதமர் இவர் தான். 1999 தெற்கு டெல்லியில் போட்டியிட்ட இவர் பாஜக வேட்பாளரால் தோற்கடிக்கப்பட்டார். 1995 முதல் அஸ்ஸாம் மாநிலத்திலிருந்து இந்திய மேலவைக்கு தேர்ந்தெடுக்கப்பட்டார். 2001 மற்றும் 2007ல் மீண்டும் தேர்ந்தெடுக்கப்பட்டார்.

ஆரம்பகால வாழ்க்கை மற்றும் கல்வி

மன்மோகன் சிங் கா, பஞ்சாப், பிரிட்டிஷ் இந்தியாவில் ஒரு சீக்கிய குடும்பத்தில் 26 செப்டம்பர் 1932 அன்று குர்முக் சிங் மற்றும் அம்ரித் கவுர் ஆகியோருக்குப் பிறந்தார். இவர் மிக இளம் வயதிலேயே தனது தாயை இழந்தார்.

இந்தியப் பிரிவினைக்குப் பிறகு, அவரது குடும்பம் அம்ரித்சர், இந்தியாவில் குடிப்பெயர்ந்தனர். இவர் அங்குள்ள இந்துக் கல்லூரியில் பயின்றார். இவருக்கு மனைவியும், மூன்று மகள்களும் உள்ளனர்.

பணி அனுபவம்

• பொருளாதாரத்தில் First Class Honours பட்டம் , கேம்பிரிச் பல்கலைக்கழகம், (1957)
• பஞ்சாப் பல்கலைக்கழகம், சண்டிகர், இந்தியா
  • மூத்த விரிவுரையாளர், பொருளாதாரம் (1957-1959)
  • வாசிப்பாளர் (1959-1963)
  • பேராசிரியர் (1963-1965)
• பொருளாதாரத்தில் D.Phil பட்டம், Nuffield கல்லூரி at ஆக்சுபோர்டு பல்கலைக்கழகம், (1962)
• தில்லி பொருளாதார பள்ளி, தில்லி பல்கலைக்கழகம்
  • பேராசிரியர் (அனைத்துலக வர்த்தகம்) (1969-1971)
  • கௌரவப் பேராசிரியர் (1996)
• பொருளாதார ஆலோசகர், வெளிநாட்டு வர்த்தக அமைச்சகம், இந்தியா (1971-1972)
• இந்திய அரசின் முதன்மைப் பொருளியல் ஆய்வுரைஞர் (1972-1976)
• கௌரவப் பேராசிரியர் , ஜவஹர்லால் நேரு பல்கலைக்கழகம், புது தில்லி (1976)
• இயக்குனர், இந்திய ரிசர்வ் வங்கி (1976-1980)
• இயக்குனர், இந்தியத் தொழில் மேம்பாட்டு வங்கி (1976-1980)
• செயலர், நிதி அமைச்சகம் (பொருளாதார அலுவல் பிரிவு), இந்திய அரசு, (1977-1980)
• ஆளுனர், இந்திய ரிசர்வ் வங்கி (1982-1985)
• துணைத் தலைவர், இந்தியத் திட்டப்பணி ஆணையம், (1985-1987)
• பொருளாதார விவகாரங்களில் இந்தியப் பிரதமரின் ஆலோசகர் (1990-1991)
• இந்திய நிதி அமைச்சர், (ஜூன் 21, 1991 - மே 15, 1996)
• எதிர்க்கட்சித் தலைவர், இந்திய நாடாளுமன்ற மேலவை
• இந்தியப் பிரதமர் (மே 22,2004 - மே 26,2014 )

இவற்றையும் பார்க்கவும்

• இந்தியப் பிரதமர்கள்
• பிரபல இந்தியர்களின் பட்டியல்

வெளி இணைப்புகள்

விக்கிமீடியா பொதுவகத்தில்,
மன்மோகன் சிங்
என்பதின் ஊடகங்கள் உள்ளன.

• இந்தியப் பிரதமரின் அதிகாரப்பூர்வ வலைத்தளம்
• இந்தியப் பிரதமர்களின் தபால் தலைகள்
• இந்தியப் பிரதமர் பரணிடப்பட்டது 2007-03-25 at the வந்தவழி இயந்திரம்
• மன்மோகன் சிங்