இராமநாதபுரம்

கட்டற்ற கலைக்களஞ்சியமான விக்கிப்பீடியாவில் இருந்து.
Jump to navigation Jump to search
இராமநாதபுரம்

முகவை, இராம்நாட்

—  சிறப்பு நிலை நகராட்சி  —
இராமநாதபுரம்

முகவை, இராம்நாட்

இருப்பிடம்: இராமநாதபுரம்

முகவை, இராம்நாட்

, தமிழ்நாடு , இந்தியா
அமைவிடம் 9°23′N 78°50′E / 9.38°N 78.83°E / 9.38; 78.83ஆள்கூற்று: 9°23′N 78°50′E / 9.38°N 78.83°E / 9.38; 78.83
நாடு  இந்தியா
மாநிலம் தமிழ்நாடு
மாவட்டம் இராமநாதபுரம்
ஆளுநர் பன்வாரிலால் புரோகித்[1]
முதலமைச்சர் எடப்பாடி க. பழனிசாமி[2]
மாவட்ட ஆட்சியர் எஸ். நடராஜன் இ. ஆ. ப. [3]
நகராட்சித் தலைவர் எஸ்.கே.ஜி.சேகர்
சட்டமன்றத் தொகுதி இராமநாதபுரம்
சட்டமன்ற உறுப்பினர்

மணிகண்டன் (அதிமுக)

மக்கள் தொகை 61,976 (2001)
நேர வலயம் IST (ஒ.ச.நே.+5:30)
பரப்பளவு

உயரம்


2 metres (6.6 ft)

இராமநாதபுரம் (Ramanathapuram(இராமன்நாடு)), இந்தியாவின் தமிழ்நாடு மாநிலத்தில் அமைந்துள்ள இராமநாதபுரம் மாவட்டத்தில் இருக்கும் ஒரு நகராட்சி ஆகும். இது மாவட்டத்தின் தலைநகராகும்.[4]

புவியியல்[தொகு]

இவ்வூரின் அமைவிடம் 9°23′N 78°50′E / 9.38°N 78.83°E / 9.38; 78.83 ஆகும்.[5] கடல் மட்டத்தில் இருந்து சராசரியாக 2 மீட்டர் (6 அடி) உயரத்தில் இருக்கின்றது.

மக்கள் வகைப்பாடு[தொகு]

இந்திய மக்கள் தொகை கணக்கெடுப்பு 2011 இன் படி 13,38,000 £-7! மக்கள் இங்கு வசிக்கின்றார்கள்.[6] இவர்களில் 50% ஆண்கள், 50% பெண்கள். இராமநாதபுரம் மக்களின் சராசரி கல்வியறிவு 79% ஆகும், இதில் ஆண்களின் கல்வியறிவு 84%, பெண்களின் கல்வியறிவு 74% ஆகும். இது இந்திய தேசிய சராசரி கல்வியறிவான 59.5% விட அதிகமானது‍. இராமநாதபுரம் மக்கள் தொகையில் 11% ஆறு வயதுக்குட்பட்டோர் ஆவார்கள்.

வரலாறு[தொகு]

1063இல் முதலாம் ராஜேந்திர சோழன் இதை தன் ஆளுமையில் கிழ் கொண்டுவந்தனால், இது சிறிது காலம் சோழ பேரரசின் கீழ் இருந்தது.

1520இல் விஜயநகர பேரரசை சேர்ந்த நாயக்கர்கள் பாண்டிய நாட்டை தங்கள் கட்டுப்பாட்டின் கீழ் கொண்டுவந்தனர், இதனால் பாண்டிய நாட்டின் கீழ் ஒரு பாளையமாக இருந்த ராமநாதபுரம் சமஸ்தானம் நாயக்கரின் கீழ் பதினேழாம் நூற்றாண்டு வரை இருந்தது. மதுரை நாயக்கர்கள் காலத்தில் மறவர்கள், மதுரை ஆட்சியின் ராமநாதபுரத்தின் படைத்தலைவர்களாக இருந்தனர். நாயக்க மன்னரின் பலவீனத்தை பயன்படுத்தி இரகுநாதத்தேவர் என்னும் கிழவன் சேதுபதி மன்னரானார். இதில் சிவகங்கை மன்னரும் முக்கியமானவர். 1730இல் கர்நாடகத்தைச் சேர்ந்த சந்தா சாஹிப் ராமநாதபுரத்தை கைபற்றினார். இந்த பகுதி 1741இல் மராத்தியர்களின் கீழும் பின்னர் 1744இல் நிஜாம்மின் கீழும் இருந்தது. 1752இல் நவாப்பின் மேல் ஏற்பட்ட அதிருப்தியின் காரணமாக, கடைசி நாயக்க மன்னரின் தலைமையில் உள்ளூர் முக்கியஸ்த்தர்கள் கலகத்தில் இடுபட்டனர். அந்த நேரத்தில், கர்நாடக அரியாசனத்தில் சந்தா சாஹிப் மற்றும் முஹம்மது அலி ஆகிய இருவர் இருந்தனர், மற்றும் இந்த மாவட்டம் கர்நாடகத்தின் பகுதியாக இருந்தது. பிரித்தானியர்கள் சந்தா சாஹிப்பையும், பிரஞ்சுக்காரர்கள் முஹம்மது அலியையும் ஆதரித்தனர். இது தென்பகுதிகளில் தொடர் முரண்பாடுகளுக்கு வழிவகுத்தது.[7]

ராணி வேலு நாச்சியாரின் மறைவுக்கு பின்னர் மருது சகோதரர்கள் கிழக்கு இந்திய கம்பெனிக்கு முறையாக வரி செலுத்தி சிவகங்கையின் அதிகாரத்தில் இருந்தனர். கௌரிவல்லப பெரியஉடையத்தேவர், மருது சகோதரர்களிடமிருந்து சிவகங்கையை மீட்க ஆங்கிலேயர்களின் உதவியை நாடினார். களோனல் அக்னல் மருது சகோதரர்களை பிடித்து தூக்கில் போட்டுவிட்டு கௌரிவல்லப பெரியஉடையத்தேவரை சிவகங்கையின் ஜமின் ஆக்கினார். 1892இல் ஜமீன்தாரி முறை ஒழிக்கப்பட்டு பிரித்தானிய ஆட்சியர் நிர்வாகத்திற்காக நியமிக்கப்பட்டார்.

1910இல் மதுரை மற்றும் திருநெல்வேலி மாவட்டங்களின் பகுதிகளைக் கொண்டு ராமநாதபுரம் மாவட்டம் உருவாக்கப்பட்டது. ஜே.எப்.ப்ரைண்ட் முதல் மாவட்ட ஆட்சியர் ஆனார். பிரித்தானியர்களின் காலத்தில் இந்த மாவட்டம் ராம்நாடு என வழங்கப்பட்டது; இந்த பெயர் சுதந்திரத்திற்கு பின்பும் நீடித்தது. பின்னர் தமிழ் பெயராகிய ராமநாதபுரம் இந்த மாவட்டத்திற்கு சூட்டப்பட்டது. இந்த பகுதியின் மற்றொரு பெயர் முகவை. முகவை என்றால் வைகையின் முகம், அதாவது வைகை நதி கடலில் சங்கமிக்கும் இடம் என்னும் பொருள்.

நகர நிர்வாகம்[தொகு]

இராமநாதபுரம் ஒரு சிறப்பு நிலை நகராட்சி. இராமேஸ்வரம்-மதுரை மற்றும் திருச்சி-இராமேஸ்வரம் ரயில் பாதையை அகல ரயில் பாதையாக மாற்றிய பின் இந்த நகரம் இந்தியாவின் முக்கிய நகரங்களுடன் இணைக்கப்பட்டது. மேலும் தேசிய நெடுஞ்சாலை 49, 210 மற்றும் கிழக்கு கடற்கரைச் சாலை ஆகியவை இராமநாதபுரத்தை மற்ற நகரங்களுடன் இணைக்கிறது.

இராமநாதபுரம் மாவட்டம் தமிழ்நாட்டின் மிக பெரிய மாவட்டம் ஆகும். இந்த மாவட்டத்தின் பகுதிகளை 1985 ல் பிரித்து சிவகங்கை மற்றும் விருதுநகர் மாவட்டம் உருவாக்கப்பட்டது.

வைகை நதி பெரிய கண்மாயில் நுழைந்து பின் வங்காள விரிகுடாவில் சங்கமிக்கிறது.பெரிய கண்மாயில் தண்ணீர் விவசாயத்திற்காக சேர்த்து வைக்கப்படுகிறது. இந்த சேமிப்பு பகுதியின் பரப்பளவின் காரணமாக இந்த நீர் கடலை சென்று சேர்வதே இல்லை என்று கூறப்படுகிறது. இந்த நகரில் மக்களின் தேவைக்காக நிறைய குளங்கள் வெட்டப்பட்டுள்ளன.


வருவாய் நிர்வாக அமைப்பு[தொகு]

•வருவாய் கோட்டம் (2)

   1.இராமநாதபுரம் 
   2.பரமக்குடி 

•வருவாய் வட்டம் (8)

1.இராமநாதபுரம்
2.இராமேஸ்வரம்
3.திருவாடனை
4.கீழக்கரை
5.கடலாடி
6.கமுதி
7.முதுகுளத்தூர்
8.பரமக்குடி

•வருவாய் குறுவட்டம் (38)

1.இராமநாதபுரம்
2.தேவிபட்டினம்
3.பெருங்குளம்
4.மண்டபம்
5.இராமேஸ்வரம்
6.ஆனந்தூர்
7.ராஜசிங்கமங்களம்
8.மங்கலக்குடி
9.புல்லூர்
10.சோழந்தூர்
11.தொண்டி
12.திருவாடனை
13.திருஉத்திரகோசமங்கை
14.கீழக்கரை
15.திருப்புல்லாணி
16.பார்த்திபனூர்
17.பரமக்குடி
18.மஞ்சூர்
19.நயினார்கோவில்
20.போகலூர்
21.கிளியூர்
22.முதுகுளத்தூர் வடக்கு
23.முதுகுளத்தூர் தெற்கு
24.கீழத்தூவல்
25.மேலகொடுமாளூர்
26.காக்கூர்
27.தேரிருவேலி
28.அபிராமம்
29.கமுதி கிழக்கு
30.கமுதி மேற்கு
31.கோவிலாங்குளம்
32.பெருநாளி
33.எஸ்.தரைக்குடி
34.சாயல்குடி
35.அப்பனூர்
36.கடலாடி
37.மேலசெல்வனுார்
38.சிக்கல்

•வருவாய் கிராமங்கள் (400)

ஊராட்சி ஒன்றியங்கள்[தொகு]

  • மண்டபம் (28)
  • இராமநாதபுரம் (25)
  • இராஜசிங்கமங்கலம்(35)
  • போகலூர் (26)
  • திருப்புல்லாணி(33)
  • திருவாடானை (47)
  • கடலாடி (60)
  • கமுதி (53)
  • பரமக்குடி (39)
  • நயினார் கோவில் (37)
  • முதுகுளத்தூர் (46)


குறிப்பு : அடைப்பு குறிக்குள் இருக்கும் எண்கள் கிராம ஊராட்சிகளின் எண்ணிக்கையை குறிக்கும்




நகராட்சிகள்[தொகு]

*இராமநாதபுரம்
*பரமக்குடி 
*கீழக்கரை 
*இராமேஸ்வரம்

பேரூராட்சிகள்[தொகு]

  • மண்டபம்
  • சாயல்குடி
  • கமுதி
  • இராஜசிங்கமங்களம்
  • அபிராமம்
  • முதுகுளத்தூர்
  • தொண்டி

சட்டமன்ற தொகுதிகள்[தொகு]

  • இராமநாதபுரம்
  • முதுகுளத்தூர்
  • பரமக்குடி
  • திருவாடானை

நாடாளுமன்ற தொகுதி[தொகு]

  • இராமநாதபுரம்

தாலுகா[தொகு]

  • இராமேஸ்வரம்
  • இராமநாதபுரம்
  • திருவாடானை
  • பரமக்குடி
  • கமுதி
  • முதுகுளத்தூர்
  • கடலாடி
  • கீழக்கரை



பொறியியல் கல்லூரிகள்[தொகு]

  • முகமது சதக் பொறியியல் கல்லூரி
  • செய்யது அம்மாள் பொறியியல் கல்லூரி
  • கணபதி செட்டியார் பொறியியல் கல்லூரி
  • அண்ணா தொழில்நுட்ப பல்கலைக்கழகம் மதுரையின் ராமநாதபுரம் வளாகம்
  • முத்தாலம்மன் பாலிடெக்னிக் கல்லூாி, பரமக்குடி
  • உதயம் பாலிடெக்னிக் கல்லூரி, இராமேசுவரம்.

கலை மற்றும் அறிவியல் கல்லூரிகள்[தொகு]

  • அரசு சட்டக் கல்லூரி, இராமநாதபுரம்.
  • அரசு மகளிர் கலைக் கல்லூரி, இராமநாதபுரம்.
  • சேதுபதி அரசு கலைக் கல்லூரி,இராமநாதபுரம்.
  • அரசு கலைக் கல்லூரி பரமக்குடி.
  • அரசு கலைக் கல்லூாி, முதுகுளத்தூா்
  • அரசு கலைக் கல்லூாி, கடலாடி
  • அரசு கலைக் கல்லூரி,திருவாடனை.
  • அரசு ஆசிரியர் பயிற்சி பள்ளி, மஞ்சூர்,போகலூர்ஒன்றியம்.
  • கௌசானல் கலை மற்றும் அறிவியல் கல்லூரி, முத்துப்பேட்டை
  • பசும்பொன் திரு.முத்துராமலிங்கத்தேவர் கல்லூரி,கமுதி.
  • சோனை மீனாள் கலை மற்றும் அறிவியல் கல்லூரி, முதுகுளத்தூர்
  • செய்யது ஹமீதா கலை மற்றும் அறிவியல் கல்லூரி, கீழக்கரை
  • தாசிம் பீவி அப்துல் காதர் மகளிர் கல்லூரி, கீழக்கரை
  • செய்யது அம்மாள் கலை மற்றும் அறிவியல் கல்லூரி, கூட்டாம்புளி,புல்லங்குடி(Post).
  • கணபதி செட்டியாா் கல்வியியல் கல்லூாி, மேலக்காவனூா்.
  • R.K.சாமி கல்வியியல் கல்லூரி, இராமநாதபுரம்.
  • மதன் காஞ்சனா செவிலியா் கல்லூாி, முதுகுளத்தூா்
  • ஆயிர வைசிய கல்வியியல் கல்லூரி, பரமக்குடி

பள்ளிகள்[தொகு]

  • அரசு மேல்நிலைப் பள்ளி, இரா காவனூர்
  • அரசு மேல்நிலைப் பள்ளி நயினார் கோயில்
  • ஊராட்சி ஒன்றிய நடுநிலைப்பள்ளி, பாண்டியூர்
  • செய்யது முகமது அரசு மேல்நிலைப் பள்ளி,தொண்டி.
  • புனித அருளானந்தர் மேல்நிலைப் பள்ளி, ஓரியூர்.
  • சுவார்ட்ஸ் மேல்நிலைப் பள்ளி
  • பள்ளிவாசல் மேல்நிலைப் பள்ளி, முதுகுளத்தூர்.
  • அரசு மேல்நிலைப் பள்ளி , பெரியபட்டிணம்
  • புனித சூசையப்பர் மேல்நிலைப் பள்ளி, முத்துப்பேட்டை,
  • செய்யது அம்மாள் மேல்நிலைப் பள்ளி
  • இராஜா மேல் நிலைப் பள்ளி,வேதாளை
  • அரசு மேல் நிலைப் பள்ளி,வேதாளை
  • அரசு மேல்நிலைப்பள்ளி,ரெகுநாதபுரம்
  • அரசு மேல்நிலைப்பள்ளி, சத்திரக்குடி,போகலூர்.
  • அரசு மேல்நிலைப்பள்ளி,இரட்டையூரணி
  • அரசு மேல்நிலைப்பள்ளி,கடுக்காய் வலசை
  • அரசு மேல்நிலைப்பள்ளி,புதுமடம்
  • அரசு மேல்நிலைப் பள்ளி, கீழத்தூவல்
  • ஊராட்சி ஒன்றிய நடுநிலைப்பள்ளி,மேலத்தூவல்
  • இராவுத்தர் சாஹிப் மேல்நிலைப்பள்ளி,தேரிருவேலி
  • தேவாங்கர் மேல்நிலைப்பள்ளி,நீராவி
  • அரசு உயர்நிலைப்பள்ளி, தொருவளூர்
  • ஊராட்சி ஒன்றிய நடுநிலைப்பள்ளி, பூசேரி
  • பள்ளிவாசல் மேல்நிலைப்பள்ளி, முதுகுளத்தூா்
  • டி.இ.எல்.சி. உயா்நிலைப்பள்ளி, முதுகுளத்தூா்
  • அரசு உயர்நிலைப்பள்ளி, கிளியூர்


முன்னாள் இந்திய ஜனாதிபதி ஆ.ப.ஜெ. அப்துல் கலாம் இந்த மாவட்டத்தில் உள்ள சுவார்ட்ஸ் மேல்நிலைப் பள்ளியில் படித்தவர்.

முன்னால் காங்கிரஸ் கமிட்டி மாநில தலைவர் சோ.பாலகிருஷ்ணன் இராவுத்தர் சாஹிப் மேல்நிலைப்பள்ளி,தேரிருவேலியில் படித்தார்

சுற்றுலா தலங்கள்[தொகு]

இராமநாதபுரம் அரண்மனை[தொகு]

1784ஆம் ஆண்டில் இராமநாதபுரம் அரண்மனையின் முகப்புத் தோற்றம்

இராமநாதபுரம் அரண்மனை நகரில் அமைந்துள்ளது. இது 17 ஆம் நூற்றாண்டில் கட்டப்பட்டதாகும். இந்த அரண்மனைக்குள் இராமலிங்க விலாசம் என்னும் அரசவை மண்டபமும் கெளரி விலாசம் என்னும் விருந்தினர் மாளிகையும் இராசராசேசுவரி கோவிலும் வேறு சில மாளிகைகளும் இருக்கின்றன. இங்குள்ள இராமலிங்க விலாசத்தில்தான் வீரபாண்டிய கட்டபொம்மன் ஜாக்சன் என்னும் ஆங்கிலேயே அதிகாரியுடன் காரசாரமான விவாதத்தில் ஈடுபட்டார். எனவே இந்த அரண்மனை இந்திய விடுதலைப் போராட்டத்தில் தொடர்புடைய ஒரு அரண்மனையாக பார்க்கப்படுகிறது.

பாம்பன் பாலம் [தொகு]

தமிழகத்துக்கு பெருமை சேர்க்கும் விஷயங்களில் ஒன்று பாம்பன் ரயில் பாலம். ஆங்கிலேயர்களால் 1913ஆம் ஆண்டு அமைக்கப்பட்ட அந்த ரயில் பாலம் நூற்றாண்டை கடந்தும் கம்பீரமாக சேவையாற்றி வருகிறது.

இந்தியாவின் முதல் கடல் பாலம் என்ற பெருமை ராமேஸ்வரம் பாம்பன் பாலத்திற்கு உண்டு. சுமார் 2.5 கிமீ நீளம் கொண்ட இந்த ரயில் பாலம்தான் இந்தியாவின் மிக நீளமான கடலில் அமைக்கப்பட்டிருக்கும் ரயில் பாலம். இந்திய பாலங்களின் ராணி என்றும் இதனை வர்ணிக்கின்றனர்.

பாம்பன் ரயில் பாலத்தின் முக்கிய சிறப்பு, கப்பல்கள் செல்வதற்கு வசதியாக நடுவில் அமைக்கப்பட்டிருக்கும் தூக்கு பாலம். இரண்டு பிரிவாக தூக்கும் இந்த பாலத்தின் ஒவ்வொரு பக்க இரும்பு பாலமும், 100 டன் எடை கொண்டது. இந்த தூக்கு பாலத்தை தூக்கி, இறக்கும் பணிகளுக்கான சிறப்பு பணியாளர்கள் பணிபுரிகின்றனர்.

தனுஷ்கோடி[தொகு]

1964ஆம் ஆண்டு ஏற்பட்ட ஆழிப்பேரலையால் அழிந்து அதே சுவடுகளோடு காணப்பட்டது.அதன் பிறகு 2017ஆம் ஆண்டு இராமேஸ்வரம் முதல் தனுஷ்கோடி வரை சாலைகள் புதுப்பிக்கப்பட்டு பாரத பிரதமர் நரேந்திரமோடி அவர்களால் திறந்து வைக்கப்பட்டது.இங்கு ஒரு தபால் நிலையம் உள்ளது.இது மாவட்டத்தின் சுற்றுலா தலங்களுள் ஒன்று.

வழிபாட்டுத் தலங்கள்[தொகு]

ராமநாதபுரத்திற்கு கிழக்கே இராமேஸ்வரம் மேற்கே திருஉத்திரகோசமங்கை தெற்கே திருப்புல்லாணி வடக்கே தேவிபட்டினம் ஆகிய முக்கிய இந்து வழிபாட்டுத் தளங்கள் இம்மாவட்டத்திற்கு பெருமை சேர்க்கின்றன. திருப்புல்லாணி அருகே உள்ள சேதுக்கரை,இராமேஸ்வரம் அக்னி தீர்த்தம்,தேவிபட்டினம் நவபாஷனம் ஆகிய இடங்களில் ஆடி அமாவாசைக்கு முன்னோர்களுக்கு தர்ப்பணம் கொடுத்து தீர்த்தமாடுவர்.

ஆதாரங்கள்[தொகு]

  1. "தமிழக ஆளுநர் பற்றிய குறிப்பு". தமிழ்நாடு அரசு (2015). பார்த்த நாள் நவம்பர் 3, 2015.
  2. "தமிழக முதலமைச்சர் பற்றிய குறிப்பு". தமிழ்நாடு அரசு. பார்த்த நாள் நவம்பர் 3, 2015.
  3. "மாவட்ட ஆட்சியர் தொடர்பு விவரம்". தமிழ்நாடு அரசு. பார்த்த நாள் நவம்பர் 3, 2015.
  4. "இராமநாதபுரம் சிறப்பு நிலை நகராட்சி". தமிழ்நாடு அரசு. பார்த்த நாள் அக்டோபர் 22, 2013.
  5. "Ramanathapuram". Falling Rain Genomics, Inc. பார்த்த நாள் ஜனவரி 30, 2007.
  6. "2011 ஆம் ஆண்டிற்கான இந்திய மக்கள் தொகைக் கணக்கெடுப்பு அறிக்கை". பார்த்த நாள் ஜனவரி 30, 2007.
  7. இராமநாதபுரம்
"https://ta.wikipedia.org/w/index.php?title=இராமநாதபுரம்&oldid=2596002" இருந்து மீள்விக்கப்பட்டது