இராமநாதபுரம்

இராமநாதபுரம்
இராமநாதபுரம்; இராம்நாடு, முகவை
	சிறப்பு நிலை நகராட்சி
	பாம்பன் பாலத்தில் இருந்து பாம்பன் தீவின் தோற்றம்
	அடைபெயர்(கள்): இராம்நாடு
	இராமநாதபுரம் இராமநாதபுரம் (தமிழ்நாடு) இராமநாதபுரம் இராமநாதபுரம் (இந்தியா)
	ஆள்கூறுகள்: 9°21′50″N 78°50′22″E / 9.363900°N 78.839500°E
நாடு	இந்தியா
மாநிலம்	தமிழ்நாடு
மாவட்டம்	இராமநாதபுரம்
அரசு
• வகை	சிறப்பு நிலை நகராட்சி
• நிர்வாகம்	இராமநாதபுரம் நகராட்சி
• மக்களவை உறுப்பினர்	நவாஸ் கனி
• சட்டமன்ற உறுப்பினர்	காதர் பாட்ஷா (எ) முத்துராமலிங்கம்
• மாவட்ட ஆட்சியர்	சங்கர் லால் குமாவாத், இ.ஆ.ப.
ஏற்றம்	35 m (115 ft)
மக்கள்தொகை (2011)
• மொத்தம்	61,440
மொழிகள்
• அலுவல்மொழி	தமிழ்
நேர வலயம்	இ.சீ.நே. (ஒசநே+5:30)
அஞ்சல் குறியீடு	623 xxx
தொலைபேசி குறியீடு	04567
வாகனப் பதிவு	TN 65
சென்னையிலிருந்து தொலைவு	509 கி.மீ. (316 மைல்)
திருச்சியிலிருந்து தொலைவு	182 கி.மீ. (113 மைல்)
மதுரையிலிருந்து தொலைவு	115 கி.மீ. (71 மைல்)
விருதுநகரிலிருந்து தொலைவு	119 கி.மீ (74 மைல்)
இணையதளம்	ramanathapuram

இராமநாதபுரம் (Ramanathapuram), இந்தியாவின், தமிழ்நாடு மாநிலத்தில் அமைந்துள்ள இராமநாதபுரம் மாவட்டத்தில் இருக்கும் ஒரு நகராட்சி ஆகும். இதுவே மாவட்டத்தின் தலைநகரமாகும்.^[2] இது இராம்நாடு என்றும் முன்பு முகவை என்றும் அழைக்கப்பட்டது.

வரலாறு[தொகு]

பொ.ஊ. 1063இல் முதலாம் ராஜேந்திர சோழன், இந்நகரை தன் ஆளுமையின் கீழ் கொண்டுவந்தனால், இது சிறிது காலம் சோழ பேரரசின் கீழ் இருந்தது.

பின்னர் பொ.ஊ. 1520இல் விஜயநகர பேரரசை சேர்ந்த நாயக்கர்கள் பாண்டிய நாட்டை தங்கள் கட்டுப்பாட்டின் கீழ் கொண்டுவந்தனர், இதனால் பாண்டிய நாட்டின் கீழ் ஒரு பாளையமாக இருந்த இராமநாதபுரம் சமஸ்தானம் நாயக்கரின் கீழ் பதினேழாம் நூற்றாண்டு வரை இருந்தது. மதுரை நாயக்கர்கள் காலத்தில் மறவர்கள், மதுரை ஆட்சியின் ராமநாதபுரத்தின் படைத்தலைவர்களாக இருந்தனர். நாயக்க மன்னரின் பலவீனத்தை பயன்படுத்தி இரகுநாதத்தேவர் என்னும் சேதுபதி மன்னரானார். இதில் சிவகங்கை மன்னரும் முக்கியமானவர். 1730இல் ஆற்காடு நவாப்பான சந்தா சாகிப் ராமநாதபுரத்தை கைபற்றினார். இந்த பகுதி 1741இல் மராத்தியர்களின் கீழும், பின்னர் 1744இல் நிஜாம்மின் கீழும் இருந்தது. 1752இல் நவாப்பின் மேல் ஏற்பட்ட அதிருப்தியின் காரணமாக, கடைசி நாயக்க மன்னரின் தலைமையில் உள்ளூர் தலைவர்கள் கலகம் செய்தனர். அந்த நேரத்தில், ஆற்காடு நவாப் அரியாசனத்தில் சந்தா சாகிப் மற்றும் முஹம்மது அலி ஆகிய இருவர் இருந்தனர் மற்றும் இந்த மாவட்டம் கர்நாடக பிரதேசத்தின் பகுதியாக இருந்தது. பிரித்தானியர்கள் சந்தா சாகிப்பையும், பிரஞ்சுக்காரர்கள் முஹம்மது அலியையும் ஆதரித்தனர். இதுவே தென்பகுதிகளில் தொடர் கருநாடகப் போர்களுக்கு வழிவகுத்தது.^[3]

ராணி வேலு நாச்சியாரின் மறைவுக்கு பின்னர், மருது சகோதரர்கள் கிழக்கு இந்திய கம்பெனிக்கு முறையாக வரி செலுத்தி சிவகங்கையின் அதிகாரத்தில் இருந்தனர். கௌரிவல்லப பெரியஉடையத்தேவர், மருது சகோதரர்களிடமிருந்து சிவகங்கையை மீட்க ஆங்கிலேயர்களின் உதவியை நாடினார். களோனல் அக்னல் மருது சகோதரர்களை பிடித்து தூக்கில் போட்டுவிட்டு கௌரிவல்லப பெரியஉடையத்தேவரை, சிவகங்கையின் ஜமின் ஆக்கினார். 1892இல் ஜமீன்தாரி முறை ஒழிக்கப்பட்டு பிரித்தானிய ஆட்சியர் நிர்வாகத்திற்காக நியமிக்கப்பட்டார்.

1910 ஆம் ஆண்டு மதுரை மற்றும் திருநெல்வேலி மாவட்டங்களின் பகுதிகளைக் கொண்டு இராமநாதபுரம் மாவட்டம் உருவாக்கப்பட்டது. ஜே.எப்.ப்ரைண்ட் முதல் மாவட்ட ஆட்சியர் ஆனார். பிரித்தானியர்களின் காலத்தில் இந்த மாவட்டம் இராம்நாடு என அழைக்கப்பட்டது. இந்த பெயர் சுதந்திரத்திற்கு பின்பும் நீடித்தது. பின்னர் தமிழ் பெயராகிய இராமநாதபுரம் இந்த மாவட்டத்திற்கு சூட்டப்பட்டது. இந்த பகுதியின் மற்றொரு பெயர் முகவை. முகவை என்றால் வைகையின் முகம், அதாவது வைகை நதி கடலில் சங்கமிக்கும் இடம் என்னும் பொருள்.

புவியியல்[தொகு]

இவ்வூரின் அமைவிடம் 9°23′N 78°50′E / 9.38°N 78.83°E / 9.38; 78.83 ஆகும்.^[4] கடல் மட்டத்தில் இருந்து சராசரியாக 2 மீட்டர் (6 அடி) உயரத்தில் இருக்கின்றது.

மக்கள்தொகை பரம்பல்[தொகு]

மதவாரியான கணக்கீடு
மதம்			சதவீதம்(%)
இந்துக்கள்			76.39%
முஸ்லிம்கள்			19.77%
கிறிஸ்தவர்கள்			3.08%
சீக்கியர்கள்			0.01%
மற்றவை			0.79%
சமயமில்லாதவர்கள்			0.01%

2011-ஆம் ஆண்டு மக்கள் தொகை கணக்கெடுப்பின்படி, 33 நகராட்சி மன்ற உறுப்பினர்களையும், 14,716 குடும்பங்களையும் கொண்ட இந்நகரத்தின் மக்கள்தொகை 61,440 ஆகும். அதில் 30,904 ஆண்களும், 30,536 பெண்களும் உள்ளனர். இந்நகரத்தின் எழுத்தறிவு 93.07% மற்றும் பாலின விகிதம் 1000 ஆண்களுக்கு, 988 பெண்கள் வீதம் உள்ளனர். 6 வயதிற்குட்பட்ட குழந்தைகளின் எண்ணிக்கை 6370 ஆகவுள்ளது. குழந்தைகள் பாலின விகிதம், 1000 ஆண் குழந்தைகளுக்கு, 963 பெண் குழந்தைகள் வீதம் உள்ளனர். மக்கள்தொகையில் இந்துக்கள் 76.39%, இசுலாமியர்கள் 19.71%, கிறித்தவர்கள் 3.08% மற்றும் பிறர் 0.81% ஆகவுள்ளனர்.^[5]

நகர நிர்வாகம்[தொகு]

இராமநாதபுரம் ஒரு சிறப்பு நிலை நகராட்சி. இராமேஸ்வரம் - மதுரை மற்றும் திருச்சி - இராமேஸ்வரம் தொடருந்து பாதையை அகல தொடருந்து பாதையாக மாற்றிய பின், இந்த நகரம் இந்தியாவின் முக்கிய நகரங்களுடன் இணைக்கப்பட்டது. மேலும் தேசிய நெடுஞ்சாலை 49, 210 மற்றும் கிழக்கு கடற்கரை சாலை ஆகியவை இராமநாதபுரத்தை மற்ற நகரங்களுடன் இணைக்கிறது.

நகராட்சி நிர்வாகம் மற்றும் அரசியல்[தொகு]

நகராட்சி அதிகாரிகள்
தலைவர்
ஆணையர்
தேர்ந்தெடுக்கப்பட்ட உறுப்பினர்கள்
சட்டமன்ற உறுப்பினர்	காதர் பாட்ஷா (எ) முத்துராமலிங்கம்
மக்களவை உறுப்பினர்	நவாஸ் கனி

இராமநாதபுரம் நகராட்சியானது இராமநாதபுரம் சட்டமன்றத் தொகுதிக்கும் மற்றும் இராமநாதபுரம் மக்களவைத் தொகுதிக்கு உட்பட்டதாகும்.

2021 ஆம் ஆண்டு நடந்த சட்டமன்றத் தேர்தலில், இச்சட்டமன்றத் தொகுதியை திராவிட முன்னேற்றக் கழகத்தை (திமுக) சேர்ந்த காதர் பாட்ஷா (எ) முத்துராமலிங்கம் வென்றார்.

2019 ஆம் ஆம் ஆண்டு நடந்த மக்களவைத் தேர்தலில், இம்மக்களவைத் தொகுதியை இந்திய ஒன்றிய முஸ்லிம் லீக் கட்சியைச் (இஒமுலீ) சேர்ந்த நவாஸ் கனி வென்றார்.

போக்குவரத்து[தொகு]

இந்நகரம் தமிழகத்தின் தென்கிழக்கு பகுதியில் அமைந்துள்ளது. தேசிய நெடுஞ்சாலை 49 ஆனது, இராமேசுவரம் - மதுரையை இணைக்கிறது. தமிழ்நாட்டின் முக்கிய கடற்கரை சாலையாக கிழக்கு கடற்கரை சாலை உள்ளது. இது மாநில தலைநகரமான சென்னை மற்றும் இராமநாதபுரத்தை இணைக்கிறது. இந்த சாலையானது இராமநாதபுரத்தை, பாண்டிச்சேரி, தூத்துக்குடி மற்றும் கன்னியாகுமரியுடன் இணைக்கிறது.

இராமநாதபுரத்தில் தொடருந்து நிலையம் ஒன்று உள்ளது. இது மதுரை சந்திப்பு வழியாக, இந்தியாவின் முக்கிய நகரங்களுக்கு, இரயில் போக்குவரத்து மூலம் நன்கு இணைக்கப்பட்டுள்ளது.

இங்கிருந்து 120 கி.மீ தொலைவிலுள்ள மதுரை வானூர்தி நிலையம் அருகிலுள்ள வானூர்தி நிலையம் ஆகும்.

புனிதத் தலங்கள்[தொகு]

இராமேசுவரம் ஆனது சிவன் மற்றும் இராமரின் புனித யாத்திரை தலங்களாக இந்துக்கள் அறியப்படும் இடமாகும்.
உலகெங்கிலும் இருந்து முஸ்லிம்கள் வருகை தரும் ஏர்வாடி தர்கா புனிதத் தலமாக கருதப்படுகிறது.

சுற்றுலா தலங்கள்[தொகு]

இராமநாதபுரம் அரண்மனை[தொகு]

இராமநாதபுரம் அரண்மனை நகரில் அமைந்துள்ளது. இது 17 ஆம் நூற்றாண்டில் கட்டப்பட்டதாகும். இந்த அரண்மனைக்குள் இராமலிங்க விலாசம் என்னும் அரசவை மண்டபமும் கெளரி விலாசம் என்னும் விருந்தினர் மாளிகையும் இராசராசேசுவரி கோவிலும் வேறு சில மாளிகைகளும் இருக்கின்றன. இங்குள்ள இராமலிங்க விலாசத்தில்தான் வீரபாண்டிய கட்டபொம்மன் ஜாக்சன் என்னும் ஆங்கிலேயே அதிகாரியுடன் காரசாரமான விவாதத்தில் ஈடுபட்டார். எனவே இந்த அரண்மனை இந்திய விடுதலைப் போராட்டத்தில் தொடர்புடைய ஒரு அரண்மனையாக பார்க்கப்படுகிறது.

வழிபாட்டுத் தலங்கள்[தொகு]

இராமநாதபுரத்திற்கு கிழக்கே இராமேஸ்வரம் மேற்கே திருஉத்திரகோசமங்கை தெற்கே திருப்புல்லாணி வடக்கே தேவிபட்டினம் ஆகிய முக்கிய இந்து வழிபாட்டுத் தளங்கள் இம்மாவட்டத்திற்கு பெருமை சேர்க்கின்றன. திருப்புல்லாணி அருகே உள்ள சேதுக்கரை, இராமேஸ்வரம் அக்னி தீர்த்தம், தேவிபட்டினம் நவபாஷனம் ஆகிய இடங்களில் ஆடி அமாவாசைக்கு முன்னோர்களுக்கு தர்ப்பணம் கொடுத்து தீர்த்தமாடுவர்.

மேற்கோள்கள்[தொகு]

[1] "இராமநாதபுரம் நகராட்சி". https://www.tnurbantree.tn.gov.in/ramanathapuram/ta/%E0%AE%AE%E0%AF%81%E0%AE%95%E0%AE%AA%E0%AF%8D%E0%AE%AA%E0%AF%81/#:~:text=%E0%AE%87%E0%AE%B0%E0%AE%BE%E0%AE%AE%E0%AE%A8%E0%AE%BE%E0%AE%A4%E0%AE%AA%E0%AF%81%E0%AE%B0%E0%AE%AE%E0%AF%8D%20%E0%AE%A8%E0%AE%95%E0%AE%B0%E0%AE%BE%E0%AE%9F%E0%AF%8D%E0%AE%9A%E0%AE%BF%2001.04.1959%20%E0%AE%AE%E0%AF%81%E0%AE%A4%E0%AE%B2%E0%AF%8D%20%E0%AE%87%E0%AE%B0%E0%AE%A3%E0%AF%8D%E0%AE%9F%E0%AE%BE%E0%AE%AE%E0%AF%8D%20%E0%AE%A4%E0%AE%B0%20%E0%AE%A8%E0%AE%95%E0%AE%B0%E0%AE%BE%E0%AE%9F%E0%AF%8D%E0%AE%9A%E0%AE%BF%E0%AE%AF%E0%AE%BE%E0%AE%95%20%E0%AE%AE%E0%AF%87%E0%AE%AE%E0%AF%8D%E0%AE%AA%E0%AE%9F%E0%AF%81%E0%AE%A4%E0%AF%8D%E0%AE%A4%E0%AE%AA%E0%AF%8D%E0%AE%AA%E0%AE%9F%E0%AF%8D%E0%AE%9F%E0%AE%A4%E0%AF%81.&text=%E0%AE%AE%E0%AF%87%E0%AE%B2%E0%AF%81%E0%AE%AE%E0%AF%8D%2C%20%E0%AE%A8%E0%AE%95%E0%AE%B0%E0%AE%BE%E0%AE%9F%E0%AF%8D%E0%AE%9A%E0%AE%BF%20%E0%AE%A8%E0%AE%BF%E0%AE%B0%E0%AF%8D%E0%AE%B5%E0%AE%BE%E0%AE%95%E0%AE%AE%E0%AF%8D%20%E0%AE%AE%E0%AE%B1%E0%AF%8D%E0%AE%B1%E0%AF%81%E0%AE%AE%E0%AF%8D%20%E0%AE%95%E0%AF%81%E0%AE%9F%E0%AE%BF%E0%AE%A8%E0%AF%80%E0%AE%B0%E0%AF%8D,%E0%AE%9A%E0%AE%BF%E0%AE%B1%E0%AE%AA%E0%AF%8D%E0%AE%AA%E0%AF%81%20%E0%AE%A8%E0%AE%BF%E0%AE%B2%E0%AF%88%20%E0%AE%A8%E0%AE%95%E0%AE%B0%E0%AE%BE%E0%AE%9F%E0%AF%8D%E0%AE%9A%E0%AE%BF%E0%AE%AF%E0%AE%BE%E0%AE%95%20%E0%AE%A4%E0%AE%B0%E0%AE%AE%E0%AF%8D%20%E0%AE%89%E0%AE%AF%E0%AE%B0%E0%AF%8D%E0%AE%A4%E0%AF%8D%E0%AE%A4%E0%AE%AA%E0%AF%8D%E0%AE%AA%E0%AE%9F%E0%AF%8D%E0%AE%9F%E0%AE%A4%E0%AF%81..

[municipality-2] "இராமநாதபுரம் சிறப்பு நிலை நகராட்சி". தமிழ்நாடு அரசு இம் மூலத்தில் இருந்து 2013-07-27 அன்று. பரணிடப்பட்டது.. https://web.archive.org/web/20130727125904/http://municipality.tn.gov.in/ramanathapuram/. பார்த்த நாள்: அக்டோபர் 22, 2013.

[3] இராமநாதபுரம்

[geoloc-4] "Ramanathapuram". Falling Rain Genomics, Inc. http://www.fallingrain.com/world/IN/25/Ramanathapuram.html. பார்த்த நாள்: ஜனவரி 30, 2007.

[5] நகரத்தின் மக்கள்தொகை பரம்பல்

[1]

[2]

[3]

[4]

[5]

பா உ தொ இராமநாதபுரம் மாவட்டம்
மாவட்ட தலைமையகம்	இராமநாதபுரம்
கோட்டங்கள்	இராமநாதபுரம் · பரமக்குடி
வருவாய் வட்டங்கள்	இராமநாதபுரம் வட்டம் · பரமக்குடி வட்டம் · கடலாடி வட்டம் · கமுதி வட்டம் · முதுகுளத்தூர் வட்டம் · இராமேஸ்வரம் வட்டம் · திருவாடானை வட்டம் · இராஜசிங்கமங்கலம் வட்டம் · கீழக்கரை வட்டம்
நகராட்சிகள்	இராமநாதபுரம் · பரமக்குடி · இராமேஸ்வரம் · கீழக்கரை
பேரூராட்சிகள்	கமுதி · முதுகுளத்தூர் · அபிராமம் · தொண்டி · மண்டபம் · சாயல்குடி · இராஜசிங்கமங்கலம்
ஊராட்சி ஒன்றியங்கள்	இராமநாதபுரம் · பரமக்குடி · கடலாடி · கமுதி · முதுகுளத்தூர் · திருவாடானை · போகலூர் · மண்டபம் · நயினார்கோவில் · திருப்புல்லாணி · இராஜசிங்கமங்கலம்
ஆன்மீகம் & சுற்றுலாத் தலங்கள்	இராமேசுவரம் · அக்னி தீர்த்தம் · இராமர் பாதம் · தனுஷ்கோடி · கோதண்டராமர் கோயில் · பாம்பன் பாலம் · உத்தரகோசமங்கை · திருப்புல்லாணி · தேவிபட்டினம் · மண்டபம் கடல் வாழ் உயிரினங்கள் காட்சியகம் · வில்லூண்டித் தீர்த்தம் · திருவாடானை ஆதிரத்தினேசுவரர் கோயில் · பாகம்பிரியாள் கோயில் · ஏர்வாடி · வாலிநோக்கம் · ஓரியூர் · இராமர் பாலம் · அழகன்குளம் தொல்லியல் களம் · அப்துல் கலாம் தேசிய நினைவகம் · சித்ரன்குடி பறவைகள் சரணாலயம் · காரங்குடி சதுப்பு நிலம் ·
இணையதளம்	http://ramanathapuram.nic.in/

பா உ தொ தமிழ்நாட்டில் உள்ள நகராட்சிகள்
சிறப்பு நிலை நகராட்சிகள்	காரைக்குடி கரூர் கொடைக்கானல் கோவில்பட்டி மறைமலைநகர் பல்லாவரம் பொள்ளாச்சி இராஜபாளையம் இராமநாதபுரம் திருவண்ணாமலை உதகமண்டலம்
தேர்வு நிலை நகராட்சிகள்	ஆம்பூர் ஆலந்தூர் ஆத்தூர் (சேலம்) சிதம்பரம் குன்னூர் தருமபுரி கோபிச்செட்டிப்பாளையம் மன்னார்குடி மயிலாடுதுறை மேட்டுப்பாளையம் மேட்டூர் நாகப்பட்டினம் நாமக்கல் பழனி பம்மல் பட்டுக்கோட்டை புதுக்கோட்டை இராணிப்பேட்டை தேனி அல்லிநகரம் திருவேற்காடு துறையூர் திண்டிவனம் திருச்செங்கோடு திருப்பத்தூர் உடுமலைப்பேட்டை வால்பாறை வாணியம்பாடி விழுப்புரம் விருதுநகர்
முதல் நிலை நகராட்சிகள்	அரக்கோணம் ஆரணி அறந்தாங்கி ஆற்காடு அருப்புக்கோட்டை போடிநாயக்கனூர் செங்கல்பட்டு குளச்சல் கம்பம் தேவக்கோட்டை தாராபுரம் எடப்பாடி குடியாத்தம் கடையநல்லூர் கள்ளக்குறிச்சி குமாரபாளையம் கிருஷ்ணகிரி மணப்பாறை பல்லடம் பண்ருட்டி பரமக்குடி பூந்தமல்லி இராசிபுரம் சங்கரன்கோவில் செம்பாக்கம் சத்தியமங்கலம் சிவகங்கை திருவில்லிபுத்தூர் திருத்தங்கல் திருவள்ளூர் தென்காசி திருவாரூர் விருத்தாச்சலம்
இரண்டாம் நிலை நகராட்சிகள்	அம்பாசமுத்திரம் அனகாபுத்தூர் அரியலூர் பவானி சின்னமனூர் கூடலூர் (நீலகிரி) கூடலூர் (தேனி) ஜெயங்கொண்டம் ஜோலார்பேட்டை காங்கேயம் காயல்பட்டினம் கீழக்கரை கூத்தாநல்லூர் குளித்தலை குழித்துறை மதுராந்தகம் மேலூர் மேல்விஷாரம் நெல்லிக்குப்பம் நெல்லியாளம் ஒட்டன்சத்திரம் பத்மனாபபுரம் பள்ளிபாளையம் பெரம்பலூர் பெரியகுளம் பேரணாம்பட்டு புளியங்குடி புஞ்சைப்புளியம்பட்டி இராமேஸ்வரம் சாத்தூர் செங்கோட்டை சீர்காழி திருத்தணி திருத்துறைப்பூண்டி திருவத்திபுரம் துவாக்குடி திருமங்கலம் உசிலம்பட்டி வந்தவாசி வேதாரண்யம் வெள்ளக்கோயில் விக்கிரமசிங்கபுரம் வாலாசாபேட்டை
மூன்றாம் நிலை நகராட்சிகள்	காசிபாளையம் (ஈரோடு) சூரம்பட்டி பெரியசேமூர் புழுதிவாக்கம் மதுரவாயல் மணலி வளசரவாக்கம் வீரப்பன்சத்திரம் வேலம்பாளையம் கொல்லங்கோடு