பண்ருட்டி (கடலூர்)

பண்ருட்டி
—  முதல் நிலை நகராட்சி்  —
பண்ருட்டி இருப்பிடம்: பண்ருட்டி , தமிழ்நாடு , இந்தியா
அமைவிடம்	11°46′N 79°33′E
நாடு	இந்தியா
மாநிலம்	தமிழ்நாடு
மாவட்டம்	கடலூர்
வட்டம்	பண்ருட்டி வட்டம்
ஆளுநர்	ஆர். என். ரவி
முதலமைச்சர்	மு. க. ஸ்டாலின்
மாவட்ட ஆட்சியர்	சிபி ஆதித்யா செந்தில் குமார், இ. ஆ. ப
நகராட்சித் தலைவர்.
நாடாளுமன்ற உறுப்பினர்.
மக்கள் தொகை • அடர்த்தி	60,323 (2011) •
நேர வலயம்	இந்திய சீர் நேரம் (ஒ.ச.நே + 05:30)
பரப்பளவு • உயரம்	18.04 சதுர கிலோமீட்டர்கள் (6.97 sq mi) • 32 மீட்டர்கள் (105 அடி)
இணையதளம்	www.municipality.tn.gov.in/Panruti/

பண்ருட்டி (ஆங்கிலம்:Panruti), இந்தியாவின் தமிழ்நாடு மாநிலத்தில் அமைந்துள்ள கடலூர் மாவட்டத்தில் உள்ள பண்ருட்டி வட்டம் மற்றும் பண்ருட்டி ஊராட்சி ஒன்றியம் ஆகியவற்றின் நிர்வாகத் தலைமையிட நகரமும், முதல் நிலை நகராட்சி ஆகும். பலாப்பழத்திற்கும், முந்திரிக்கும் புகழ் பெற்றது பண்ருட்டி. பாட்டெழுதுவதில் சிறந்து விளங்கியதால், பண் உருட்டி, என்பது மறுவி பண்ருட்டி என்று பெயர் பெற்றது.

மக்கள் வகைப்பாடு

இந்திய 2011 ஆம் ஆண்டு மக்கள்தொகைக் கணக்கெடுப்பின்படி 60,323 பேர் இங்கு வாழ்கின்றனர். இவர்களில் 50% பேர் ஆண்களும், 50% பேர் பெண்களும் ஆவர். பண்ருட்டி மக்களின் சராசரி கல்வியறிவு 76.19% ஆகும், இதில் ஆண்களின் கல்வியறிவு 76% ஆகவும் பெண்களின் கல்வியறிவு 62% ஆகவும் அமைகிறது. இது இந்தியத் தேசிய சராசரி கல்வியறிவான 72.99% விட கூடியதே. பண்ருட்டி மக்கள்தொகையில் 6,257 பேர் ஆறு வயதுக்குட்பட்டோர் ஆவர்.

தொழில்

பண்ருட்டி நகரத்தை ஒட்டி தென்புறத்தில் கடிலம் நதி செல்கிறது. வறண்ட தட்ப வெப்ப காலநிலையைக் கொண்டது. கடிலம் ஆற்றின் தென்புறம் செம்மண் மிகுந்துள்ளது. எனவே, பலாவைப் பயிரிடுகின்றனர். இதை முந்திரி தோப்பிற்கு இடையே ஊடு பயிராக பயிர் செய்ய முடியும். இது ஏப்ரல், மே, சூன் மாதங்களில் பலன் தரக்கூடியது. பண்ருட்டி நகரத்திற்கு வடக்கே சுமார் 7 கி.மீ தொலைவில் தென்பெண்ணை ஆறு செல்கிறது. பண்ருட்டி யின் வடக்கு பகுதியில் களிமண் பூமியாகும் இங்கு நெல் உள்ளிட்ட பயிர்கள் விளைகிறது. அதிகமாக கொய்யா தோப்புகள் நிறைந்துள்ளன. பண்ருட்டி வட்டத்தின் தென் பகுதி முந்திரி,பலா விளைகிறது. வட பகுதியில் கொய்யா, சப்போட்டா பழ வகை பயிர் செய்யப்படுகிறது.

பண்ருட்டி தொடர்வண்டி நிலையம்.

பண்ருட்டி பெரிய கோயிலின் இரவு தோற்றம்

முக்கிய பிரமுகர்கள்

• பாஸ்கர் யாதவ் - தேசிய செயலாளர்-அகில இந்திய யாதவ மகாசபை , மென்பொருள் பொறியாளர் ஆவார்.
• பண்ருட்டி இராமச்சந்திரன் முன்னாள் அமைச்சர்.
• பஞ்சவர்ணம் பண்ருட்டி நகராட்சியின் முன்னாள் தலைவர், நூல் ஆசிரியர்.
• சினேகா தமிழ் திரைப்பட நடிகை.
• தங்கர் பச்சான் - திரைப்பட இயக்குனர், ஒளிப்பதிவாளர், மற்றும் எழுத்தாளர் ஆவார்.