இராமநாதபுரம் மாவட்டம்

கட்டற்ற கலைக்களஞ்சியமான விக்கிப்பீடியாவில் இருந்து.
Jump to navigation Jump to search
இராமநாதபுரம்
மாவட்டம்
இராம்நாடு, முகவை
Pamban Bridge Train Passing.jpg
பாம்பன் பாலம்
India Tamil Nadu districts Ramanathapuram.svg
இராமநாதபுரம் மாவட்டம்:அமைந்துள்ள இடம்
நாடு  இந்தியா
மாநிலம் TamilNadu Logo.svg தமிழ்நாடு
தலைநகரம் இராமநாதபுரம்
பகுதி தென் மாவட்டம்
ஆட்சியர்
முனைவர் ஜெ. யு.
சந்திரகலா, இ. ஆ. ப
காவல்துறைக்
கண்காணிப்பாளர்

திரு. இ. கார்த்திக்,
இ. கா .ப
நகராட்சிகள் 4
வருவாய் கோட்டங்கள் 2
வட்டங்கள் 9
பேரூராட்சிகள் 7
ஊராட்சி ஒன்றியங்கள் 11
ஊராட்சிகள் 429
வருவாய் கிராமங்கள் 400
சட்டமன்றத் தொகுதிகள் 4
மக்களவைத் தொகுதிகள் 1
பரப்பளவு 4068.31 ச.கி.மீ
மக்கள் தொகை
13,53,445 (2011)
அலுவல்
மொழி(கள்)

தமிழ்
நேர வலயம்
இசீநே
(ஒசநே+5:30)
அஞ்சல் குறியீடு
623xxx
தொலைபேசிக் குறியீடு
04567
வாகனப் பதிவு
TN-65
இணையதளம் ramanathapuram

இராமநாதபுரம் மாவட்டம் (Ramanathapuram district) இந்திய மாநிலமான தமிழ்நாட்டின் 38 மாவட்டங்களில் ஒன்றாகும். இம்மாவட்டத்தின் நிர்வாகத் தலைமையிடம் இராமநாதபுரம் ஆகும். இது தென் தமிழகத்தில் அமைந்துள்ள ஒரு கடற்கரை மாவட்டம் ஆகும். 4068.31 சதுர கிலோமீட்டர் பரப்பளவுள்ள மாவட்டத்தின் கிழக்கே பாக் நீரிணையும், வடக்கில் சிவகங்கை மாவட்டமும், வடகிழக்கில் புதுக்கோட்டை மாவட்டமும், தெற்கில் மன்னார் வளைகுடாவும், மேற்கில் மதுரை மாவட்டமும் தென்மேற்கில் தூத்துக்குடி மாவட்டமும் அமைந்துள்ளன. இந்து மக்களால் புனிதத்தலமாக கருதப்படும் ராமேஸ்வரம், இந்த மாவட்டத்தில் தான் அமைந்துள்ளது.

வரலாறு[தொகு]

1910ஆம் ஆண்டில், மதுரை மற்றும் திருநெல்வேலி மாவட்டங்களில் இருந்து சில பகுதிகளை பிரித்து இணைத்ததால் இராமநாதபுரம் மாவட்டம் உருவாக்கப்பட்டது. திரு. ஜெ. எப். பிரையன்ட், ஐ.சி.எஸ் முதல் மாவட்ட ஆட்சியராக இருந்தார். ஆங்கிலேயர் ஆட்சிக்காலத்தில் இந்த மாவட்டம் இராம்நாட் (Ramnad) என அழைக்கப்பட்டது. இந்தப்பெயர் சுதந்திரத்திற்குப்பிறகும் தொடர்ந்தது. பின்னர் தமிழ் மரபிற்கு ஏற்ப இராமநாதபுரம் என பெயர் மாற்றம் செய்யப்பட்டது. இராமநாதபுரம், முகவை மாவட்டம் என்றும் அழைக்கப்படுகிறது. வைகை ஆறு, பாக்கு நீரிணையில் தன் பயணத்தை முடிப்பதால் இவ்வாறு அழைக்கப்படுகிறது. 15.03.1985 அன்று, இராமநாதபுரம் மூன்று பகுதிகளாகப் பிரிக்கப்பட்டது:

  1. திருப்பத்தூர், காரைக்குடி, தேவகோட்டை, சிவகங்கை, மானாமதுரை மற்றும் இளையான்குடி வட்டங்கள் கொண்ட சிவகங்கை மாவட்டம்.
  2. திருவில்லிபுத்தூர், விருதுநகர், திருச்சுழி, அருப்புக்கோட்டை, சாத்தூர் மற்றும் இராஜபாளையம் வட்டங்கள் உள்ளடக்கிய விருதுநகர் மாவட்டம்.
  3. திருவாடானை, பரமக்குடி, கமுதி, முதுகுளத்தூர், இராமநாதபுரம், ராமேஸ்வரம் வட்டங்கள் கொண்ட இராமநாதபுரம் மாவட்டம்.

2018இல் இராஜசிங்கமங்கலம்(ஆர். எஸ். மங்கலம்) என்ற புதிய தாலுகா உருவாக்கப்பட்டது. 2019இன் நிலவரபடி, இராமநாதபுரம் மாவட்டமானது கடலாடி, கீழக்கரை மற்றும் ஆர். எஸ். மங்கலம் ஆகிய மூன்று வட்டங்களையும் சேர்த்து மொத்தம் ஒன்பது வட்டங்கள் கொண்டது.[1]

மாவட்ட வருவாய் நிர்வாகம்[தொகு]

இராமநாதபுரம் மாவட்டத்தில், இராமநாதபுரம் மற்றும் பரமக்குடி ஆகிய 2 வருவாய் கோட்டங்கள் உள்ளது. இராமநாதபுரம் வருவாய்க் கோட்டத்தில் 5 வருவாய் வட்டங்களும், பரமக்குடி வருவாய்க் கோட்டத்தில் 4 வட்டங்களும் உள்ளன. இந்த 9 வருவாய் வட்டங்களில் 38 உள்வட்டங்களும், 400 வருவாய் கிராமங்களும் உள்ளது.[2]

இராமநாதபுரம் கோட்டத்தின் வருவாய் வட்டங்கள்[தொகு]

பரமக்குடி கோட்டத்தின் வருவாய் வட்டங்கள்[தொகு]

உள்ளாட்சி நிர்வாகம்[தொகு]

இராமநாதபுரம் மாவட்டம் 4 நகராட்சிகளும், 7 பேரூராட்சிகளும் கொண்டது.[3]

நகராட்சிகள்[தொகு]

பேரூராட்சிகள்[தொகு]

ஊரக வளர்ச்சி நிர்வாகம்[தொகு]

இம்மாவட்டம் ஒரு மாவட்ட ஊரக வளர்ச்சி முகமையும், 11 ஊராட்சி ஒன்றியங்களும், 429 கிராம ஊராட்சிகளும் கொண்டது.[9]

ஊராட்சி ஒன்றியங்கள்[தொகு]

இராமநாதபுரம் மாவட்டத்தின் 11 ஊராட்சி ஒன்றியங்கள்.

  1. இராமநாதபுரம் ஊராட்சி ஒன்றியம்
  2. பரமக்குடி ஊராட்சி ஒன்றியம்
  3. இராஜசிங்கமங்கலம் ஊராட்சி ஒன்றியம்
  4. கடலாடி ஊராட்சி ஒன்றியம்
  5. கமுதி ஊராட்சி ஒன்றியம்
  6. முதுகுளத்தூர் ஊராட்சி ஒன்றியம்
  7. திருவாடானை ஊராட்சி ஒன்றியம்
  8. போகலூர் ஊராட்சி ஒன்றியம்
  9. மண்டபம் ஊராட்சி ஒன்றியம்
  10. நயினார்கோவில் ஊராட்சி ஒன்றியம்
  11. திருப்புல்லாணி ஊராட்சி ஒன்றியம்

மக்கள்தொகை பரம்பல்[தொகு]

மதவாரியான கணக்கீடு[10]
மதம் சதவீதம்
இந்துக்கள்
77.39%
இசுலாமியர்கள்
15.37%
கிறித்தவர்கள்
6.73%
மற்றவர்கள்
0.50%
சான்று: 2011 கணக்கெடுப்பின் படி.
மக்கள்தொகை வளர்ச்சி
ஆண்டு ம.தொ.
1901 4,42,067 —    
1911 4,77,726 0.00%
1921 4,79,202 0.00%
1931 5,17,471 0.00%
1941 5,77,826 0.01%
1951 5,51,125 0.00%
1961 7,02,168 0.01%
1971 8,22,623 0.01%
1981 9,98,295 0.01%
1991 11,19,153 0.01%
2001 11,87,604 0.00%
2011 13,53,445 0.01%
சான்று:[11]

4068.31 ச.கி.மீ பரப்பளவு கொண்ட இராமநாதபுரம் மாவட்டத்தின் 2011 ஆம் ஆண்டின் மக்கள்தொகை கணக்கெடுப்பின் படி மொத்த மக்கள்தொகை 13,53,445 ஆகும். அதில் ஆண்கள் 682,658 ஆகவும்; பெண்கள் 670,787 ஆகவும் உள்ளனர். கடந்த பத்தாண்டுகளில் மக்கள்தொகை வளர்ச்சி 13.96% ஆக உயர்ந்துள்ளது. பாலின விகிதம் ஆயிரம் ஆண்களுக்கு, 983 பெண்கள் வீதம் உள்ளனர். மக்கள்தொகை அடர்த்தி ஒரு சதுர கிலோ மீட்டரில் 330 நபர்கள் வீதம் உள்ளனர். மாவட்ட சராசரி எழுத்தறிவு 80.72% ஆகவுள்ளது. ஆறு வயதிற்குட்பட்ட குழந்தைகள் 140,644 ஆகவுள்ளனர்.[12]

இம்மாவட்ட மக்கள்தொகையில் இந்துக்கள் 77.39% ஆகவும், கிறித்தவர்கள் 6.73% ஆகவும், இசுலாமியர்கள் 15.37 % ஆகவும், மற்றவர்கள் 0.50% ஆகவும் உள்ளனர்.

அரசியல்[தொகு]

இம்மாவட்டம் 4 சட்டமன்றத் தொகுதிகளும், ஒரு மக்களவைத் தொகுதியும் கொண்டது.[13]

இராமநாதபுரம் மாவட்ட சட்டமன்றத் தொகுதிகளும், உறுப்பினர்களும்[தொகு]

தொகுதி சட்டமன்ற உறுப்பினர் கட்சி
பரமக்குடி (தனி) செ. முருகேசன் திமுக
திருவாடாணை ஆர். எம். கருமாணிக்கம் காங்கிரசு
ராமநாதபுரம் காதர் பாட்ஷா (எ) முத்துராமலிங்கம் திமுக
முதுகுளத்தூர் இராஜ கண்ணப்பன் திமுக

தீவுகள்[தொகு]

மாநிலத்திலேயே அதிக அளவில் தீவுகள் இராமநாதபுரம் மாவட்டத்தில் அமைந்துள்ளன. அவற்றில் சில:

ஆன்மிக மற்றும் சுற்றுலாத் தலங்கள்[தொகு]

ஆன்மிகத் தலங்கள்[தொகு]

சுற்றுலாத் தலங்கள்[தொகு]

பாம்பன் பாலத்தில் இருந்து பார்க்கும் மீன்பிடி படகுகள்
பாம்பன் தீவை, இந்திய நிலப்பகுதியுடன் இணைக்கும் பாம்பன் தொடருந்து பாலம்

மேற்கோள்கள்[தொகு]

வெளி இணைப்புகள்[தொகு]