பெரம்பலூர் மாவட்டம்

கட்டற்ற கலைக்களஞ்சியமான விக்கிப்பீடியாவில் இருந்து.
Jump to navigation Jump to search
பெரம்பலூர் மாவட்டம்
India Tamil Nadu districts Perambalur.svg
பெரம்பலூர் மாவட்டம்:அமைந்த இடம்
தலைநகரம் பெரம்பலூர்
மிகப்பெரிய நகரம் பெரம்பலூர்
ஆட்சியர்
சாந்தா, இ.ஆ.ப

District Collector

பெரம்பலூர் - 621212

தொலைபேசி : 04328-225700,04328 224200(R)

தொலைப்பிரதி : 04328-224200

மின்னஞ்சல் : [[1]]

காவல்துறைக்
கண்காணிப்பாளர்


பரப்பளவு 1,752 km2 (676 sq mi)
மக்கள் தொகை
5,64,511
ஆண்கள் : 2,81,436
பெண்கள் : 2,83,075
எழுத்தறிவு ( படித்தவர்கள் ) 74.7%
வட்டங்கள் 4
ஊராட்சி ஒன்றியங்கள் 4
நகராட்சிகள் 1
பேரூராட்சிகள் 4
ஊராட்சிகள் 121
வருவாய் கோட்டங்கள் 1
வருவாய் கிராமங்கள் 152
இணையதளங்கள் http://perambalur.nic.in/

பெரம்பலூர் மாவட்டம், இந்திய மாநிலமான தமிழ்நாட்டின் மாவட்டங்களில் ஒன்றாகும். பெரம்பலூர் மாவட்டம், 1995-ஆம் ஆண்டு நவம்பர் மாதம் 1-ஆம் தேதி திருச்சிராப்பள்ளி மாவட்டத்திலிருந்து பிரிக்கப்பட்டது. இம்மாவட்டத்தின் தலைநகரம் பெரம்பலூர் நகரம் ஆகும். இம்மாவட்டம் 322 சதுர கி.மீ பரப்பளவுடையது. தாழ்த்தபட்ட மக்கள் பெரும்பான்மையாக வாழ்வதால் தமிழக அரசால் புறக்கணிக்கபடும் மாவட்டங்களுள் ஒன்றாக உள்ளது.

பெரம்பலூர் மாவட்டத்தை இரண்டாக பிரித்து, தமிழகத்தின் 31-வது மாவட்டமாக அரியலூர் மாவட்டம் நவம்பர் 23, 2007ல் நிறுவப்பட்டது.

அமைவிடம்[தொகு]

இம்மாவட்டம் வடக்கில் கடலூர் மாவட்டம், தெற்கில் திருச்சிராப்பள்ளி மாவட்டம், கிழக்கில் அரியலூர் மாவட்டம், மேற்கில் நாமக்கல் மாவட்டம் மற்றும் தென்மேற்கில் திருச்சிராப்பள்ளி மாவட்டம் எல்லைகளாகக் கொண்டது.

மக்கள் தொகையியல்[தொகு]

1,756 சதுர கிலோ மீட்டர் பரப்பளவு கொண்ட பெரம்பலூர் மாவட்டத்தின் 2011-ஆம் ஆண்டின் மக்கள் தொகை கணக்கெடுப்பின் படி மொத்த மக்கள் தொகை 5, 65,223 ஆகும். அதில் ஆண்கள் 282,157 ஆகவும்; பெண்கள் 283,066 ஆகவும் உள்ளனர். ஆறு வயதிற்குட்பட்டோர் 10.54% ஆக உள்ளனர். சராசரி எழுத்தறிவு 74.32% ஆக உள்ளது. அதில் ஆண்களின் எழுத்தறிவு 82.87% ஆகவும்; பெண்களின் எழுத்தறிவு 65.90% ஆகவும் உள்ளது. பாலின விகிதம் 1000 ஆண்களுக்கு, 1003 பெண்கள் வீதம் உள்ளனர். தாழ்த்தபட்ட மக்கள் 33.27% ஆக உள்ளனர்.[1]மொத்த மக்கள் தொகையில் இந்துக்கள் 5,21,658 (92.29%) ஆகவும்; இசுலாமியர்கள் 32,702 (5.79 %) ஆகவும்; கிறித்தவர்கள் 10,301 (1.82 %) ஆகவும்; மற்றவர்கள் 0.10% ஆகவும் உள்ளனர்.

உலோக மற்றும் கனிம வளம்[தொகு]

இம்மாவட்ட மிகவும் கனிம செழிப்பானது. செலஸ்டி, சுண்ணாம்பு கல், கங்க்கர் மற்றும் பாஸ்பேட் முடிச்சுகள் மாவட்டத்தில் பல்வேறு இடங்களில் காணப்படுகிறது. குன்னம் மற்றும் வேப்பந்தட்டை போன்ற பகுதிகளில் செங்கற்கள் அதிகம் தயாரிக்கப்படுகிறது.

முதன்மை தொழிலகம்[தொகு]

  • ஜவஹர்லால் நேரு பெரம்பலூர் சர்க்கரை ஆலை ‍- எறையூர்
  • மெட்ராஸ் ரப்பர் ஃபேக்டரி - மதராஸ் ரப்பர் தொழிலகம் நாரணமங்கலம்.
  • தனலெட்சுமி சீனிவாசன் ச‌ர்க்கரை ஆலை ‍- உடும்பியம்.

விவசாயம்[தொகு]

சாகுபடிக்கு காவிரி ஆறு மிகவும் இன்றியமையாதது ஆகும். இங்கு, முக்கிய பயிர்களான நெல், கடலை, கரும்பு, கம்பு மற்றும் முந்தரி அதிகமாக பயிர் செய்யப்படுகிறது. தற்போது, தமிழக தேவையில், 27% சோளத்தையும் 50% சின்ன வெங்காயத்தையும் பெரம்பலூர் மாவட்டம் [Perambalur District] உற்பத்தி செய்கிறது.

அரசியல்[தொகு]

இம்மாவட்டப் பகுதிகள் பெரம்பலூர் (சட்டமன்றத் தொகுதி)(தனி) மற்றும் குன்னம் (சட்டமன்றத் தொகுதி) என இரண்டு சட்டமன்றத் தொகுதிகலும், பெரம்பலூர் மக்களவைத் தொகுதியும் உள்ளது.[2]

மாவட்ட வருவாய் நிர்வாகம்[தொகு]

இம்மாவட்டம் பெரம்பலூர் வருவாய் கோட்டம், நான்கு வருவாய் வட்டம், 11 உள்வட்டம் மற்றும் 152 வருவாய் கிராமங்கள் கொண்டது. [3]

வருவாய் வட்டங்கள்[தொகு]

வருவாய் உள்வட்டம்[தொகு]

உள்ளாட்சி மற்றும் ஊரக வளர்ச்சி நிர்வாகம்[தொகு]

இம்மாவட்டம் ஒரு நகராட்சியும், 4 பேரூராட்சிகளும்[4] , 4 ஊராட்சி ஒன்றியகளும், 121 கிராம ஊராட்சிகளும் கொண்டுள்ளது.[5]

நகராட்சிகள்[தொகு]

பேரூராட்சிகள்[தொகு]

ஊராட்சி ஒன்றியங்கள்[தொகு]

மாவட்ட காவல்[தொகு]

பெரம்பலூர் மாவட்ட காவல் என்பது தமிழ்நாடு காவல் துறையின் பெரம்பலூர் மாவட்டக் காவல் பிரிவு ஆகும். இது பெரம்பலூர் மாவட்டம் முழுமையிலும் தன் செயல் எல்லையைக் கொண்டுள்ளது.

இலங்கை அகதிகள் முகாம் [தொகு]

இலங்கை அகதிகள் முகாம் துறைமங்களத்தில் உள்ளது. இம்முகாமில் 70 குடும்பமும் மொத்தம் 280 பேரும் இங்கு தங்கி உள்ளனர். இம்மாவட்டத்தில், அரசு தலைமை மருத்துவமனையும் ஒன்று பெரம்பலூரிலும், தாலூக்கா மருத்துவமனைகள் வேப்பந்தட்டை ஒன்று, மற்றோன்று கிருஷ்னபுரத்திலும் உள்ளது.

கல்வி நிலையங்கள்[தொகு]

பெரம்பலூர் மாவட்டத்தில் 2017 புள்ளிவிபர கணக்கீட்டின்படி கலை அறிவியல் கல்லூரிகள் 5, பொறியியல் கல்லூரிகள் 8, மருத்துவ கல்லூரிகள் 1, ஆசிரியர் பயிற்சி கல்லூரிகள் 20, செவிலியர் பயிற்சி கல்லூரிகள், மருந்தியல் கல்லூரிகள், பாலிடெக்னிக் கல்லூரிகள் 7, வேளாண்மைக் கல்லூரிகள் 1,கல்வியியல் கல்லூரிகள், தொழில் பயிற்சி நிறுவனங்கள் 3 மற்றும் தொடக்க பள்ளிகள் 209, நடுநிலைப்பள்ளிகள் 57, உயர் நிலைப்பள்ளிகள் 49, மேல்நிலைப்பள்ளிகள் 40 CBSE மற்றும் சிறப்பு பள்ளிகள் உட்பட இருக்கின்றன.

மேலும் பார்க்க பெரம்பலூர் மாவட்டத்திலுள்ள கல்வி நிலையங்கள்

பெரம்பலூர் மாவட்டத்திலுள்ள சுற்றுலா தளங்கள்[தொகு]

ரஞ்சன்குடி கோட்டை பெரம்பலூர் மாவட்டத்தில் அமைந்துள்ள வரலாற்று சிறப்பு மிக்க ஒரு அழகிய சிறிய கோட்டையாகும். கி.பி 17ஆம் நூற்றாண்டில் கர்னாடக ஆற்காடு நவாப் வழி வந்த ஜாகிர்தார் என்பவரால் கட்டப்பட்டது. தற்பொது இந்தியத் தொல்லியல் ஆய்வகத்தின் பராமரிப்பில் உள்ளது. கி.பி 1751 ஆம் ஆண்டு ஆங்கிலேயருக்கும்(தோஸ்த் அலி கான் உதவியுடன்) பிரஞ்சு படையினருக்கும் (சந்தா சாகிப் உதவியுடன்) இடையே நடைபெற்ற வாலிகொண்டா போர் நடைபெற்ற இடம் ஆகும்.

மாவட்டத்திலுள்ள ஏரிகள்[தொகு]

  • ஓலைப்பாடி பெரிய ஏரி
  • துறைமங்கலம் பெரிய ஏரி
  • பெரம்பலூர் பெரிய ஏரி
  • துறைமங்கலம் சித்தேரி
  • வெண்பாவூர் ஏரி
  • வடக்கலூர் ஏரி
  • கீரவாடி ஏரி
  • லாடபுரம் பெரிய ஏரி
  • குரும்பலூர் ஏரி
  • லாடபுரம் பெரிய ஏரி
  • ஆய்க்குடி பெரிய ஏரி
  • எசனை பெரிய ஏரி
  • அரும்பாவூர் பெரிய ஏரி, சிறிய ஏரி
  • பூலாம்பாடி 3 ஏரிகள்
  • பெரியம்மா பாளையம் ஏரி
  • வெங்கனூர் ஏரி

மாவட்டத்திலுள்ள ஆறுகள்[தொகு]

மாவட்டத்திலுள்ள அருவிகள்[தொகு]

மாவட்டத்திலுள்ள அணைகள்[தொகு]

ஆதாரங்கள்[தொகு]

வெளி இணைப்புகள்[தொகு]


"https://ta.wikipedia.org/w/index.php?title=பெரம்பலூர்_மாவட்டம்&oldid=2609513" இருந்து மீள்விக்கப்பட்டது