திருப்பத்தூர் மாவட்டம்

கட்டற்ற கலைக்களஞ்சியமான விக்கிப்பீடியாவில் இருந்து.
Jump to navigation Jump to search
திருப்பத்தூர் மாவட்டம்
Tirupathur District
மாவட்டம்
Tirupattur district.svg
நாடு இந்தியா
மாநிலம்தமிழ்நாடு
மாவட்டம்திருப்பத்தூர்
நிறுவப்பட்ட நாள்28 நவம்பர் 2019
தோற்றுவித்தவர்தமிழ்நாடு அரசு
மண்டலம்தொண்டை நாடு
அரசு
 • வகைமாவட்டம்
 • நிர்வாகம்திருப்பத்தூர் மாவட்டம்
 • பெரிய நகரம்திருப்பத்தூர்
 • மக்களவைத் தொகுதிகள்
 • சட்டமன்றத் தொகுதிகள்
 • மாவட்ட ஆட்சியர்திரு ம. ப. சிவனருள், இ. ஆ. ப[1]
பரப்பளவு
 • மொத்தம்1,831.99 km2 (707.34 sq mi)
மக்கள்தொகை (2011)
 • மொத்தம்12,79,953
மொழிகள்
 • அலுவல்மொழிதமிழ்
நேர வலயம்இசீநே (ஒசநே+5:30)
அஞ்சல் குறியீடு635601, 635602
வாகனப் பதிவுTN 83
வருவாய் வட்டங்கள்
வருவாய் கோட்டங்கள்
ஊராட்சி ஒன்றியங்கள்
பேரூராட்சிகள்
நகராட்சிகள்
காவல்துறை கண்காணிப்பாளர்திரு.விஜயகுமார்
இணையதளம்https://tirupathur.nic.in/ta/

திருப்பத்தூர் மாவட்டம் (Tirupathur District) இந்திய மாநிலமான தமிழ்நாட்டின் 38 மாவட்டங்களில் ஒன்றாகும். தமிழகத்தின் 35-வது மாவட்டமாக திருப்பத்தூர் மாவட்டம் அறிவிக்கப்பட்டது. இம்மாவட்டத்தின் நிர்வாகத் தலைமையிடம் திருப்பத்தூர் ஆகும்.[2]இம்மாவட்டத்தை வேலூர் மாவட்டத்தின் சில பகுதிகளைக் கோண்டு 15 ஆகஸ்டு 2019 அன்று திருப்பத்தூர் மாவட்டம் உருவாக்கப்பட்டது.[3]

வரலாறு[தொகு]

19 ஆம் நூற்றாண்டில் பிரித்தானியரால் உருவாக்கப்பட்ட வட ஆற்காடு மாவட்டத்தின் ஒருபகுதியாகவே இது இருந்தது. வட ஆற்காடு அம்பேத்கர் மாவட்டம், 1996 இல் வேலூர் மாவட்டம் எனப் பெயரிடப்பட்டது. பின்னர் வேலூர் மாவட்டத்தின் பகுதிகளைக் கொண்டு 15 ஆகஸ்டு 2019 அன்று, திருப்பத்தூர் மாவட்டம் மற்றும் இராணிப்பேட்டை மாவட்டம் என இரண்டு புதிய மாவட்டங்கள் நிறுவப்படும் என தமிழக முதல்வர் அறிவித்தார்.[4]புதிய திருப்பத்தூர் மாவட்டத்தை 28 நவம்பர் 2019 அன்று தமிழக முதல்வர் எடப்பாடி. கே. பழனிச்சாமி முறைப்படி துவக்கி வைத்தார்.[5]

மாவட்ட எல்லைகள்[தொகு]

திருப்பத்தூர் மாவட்டத்திற்கு மேற்கே கிருஷ்ணகிரி மாவட்டம், தெற்கு மற்றும் கிழக்கே திருவண்ணாமலை மாவட்டம், கிழக்கே வேலூர் மாவட்டம் மற்றும் வடக்கே ஆந்திர மாநிலத்தின் சித்தூர் மாவட்டம் ஆகிய மாவட்டங்களுக்கு இடையில் 1831.99 ச.கிமீ பரப்பளவு கொண்டதாக இதன் எல்லைகளாக அமைந்துள்ளது

மக்கள் தொகை[தொகு]

புதியதாக பிரிக்கப்பட்ட திருப்பத்தூர் மாவட்டத்தில் மக்கள்தொகை 12,79,953 பேர் உள்ளனர்.

மாவட்ட நிர்வாகம்[தொகு]

திருப்பத்தூர் மாவட்டம் திருப்பத்தூர் மற்றும் வாணியம்பாடி என 2 வருவாய் கோட்டங்களும், 4 வருவாய் வட்டங்களும், 195 வருவாய் கிராமங்களும் கொண்டது.[6][7]

வருவாய் கோட்டங்கள்[தொகு]

  1. திருப்பத்தூர் கோட்டம்
  2. வாணியம்பாடி கோட்டம்

வருவாய் வட்டங்கள்[தொகு]

  1. ஆம்பூர் வட்டம்
  2. வாணியம்பாடி வட்டம்
  3. திருப்பத்தூர் வட்டம்
  4. நாட்ராம்பள்ளி வட்டம்

காவல்துறை அமைப்புகள்[தொகு]

திருப்பத்தூர் மாவட்டத்தில் சட்டம்- ஒழுங்கு மற்றும் பாதுகாப்புப் பணிகளுக்கான காவல்துறையில் மாவட்டக் காவல்துறைக் கண்காணிப்பாளர் அலுவலகம் ஒன்றும், இதன் கீழ் திருப்பத்தூர், ஆம்பூர், வாணியம்பாடி, ஆகிய 3 இடங்களில் காவல்துறைத் துணைக் கண்காணிப்பாளர் அலுவலகங்களும், இதன் கீழ் சட்டம்- ஒழுங்கிற்கான 20 காவல் நிலையங்களும், 4 மகளிர் காவல் நிலையங்களும் அமைக்கப்பட்டுள்ளன

உள்ளாட்சி அமைப்புகள்[தொகு]

நகராட்சிகள்[தொகு]

  1. திருப்பத்தூர்
  2. வாணியம்பாடி
  3. ஆம்பூர்
  4. ஜோலார்பேட்டை

பேரூராட்சிகள்[தொகு]

  1. உதயேந்திரம்
  2. ஆலங்காயம்
  3. நாற்றம்பள்ளி

ஊராட்சி ஒன்றியங்கள்[தொகு]

  1. திருப்பத்தூர் ஊராட்சி ஒன்றியம்
  2. ஆலங்காயம் ஊராட்சி ஒன்றியம்
  3. ஜோலார்பேட்டை ஊராட்சி ஒன்றியம்
  4. நாட்டறம்பள்ளி ஊராட்சி ஒன்றியம்
  5. கந்திலி ஊராட்சி ஒன்றியம்
  6. மாதனூர் ஊராட்சி ஒன்றியம்

அரசியல்[தொகு]

இம்மாவட்டத்தின் பகுதிகள் திருவண்ணாமலை மற்றும் வேலூர் மக்களவைத் தொகுதியில் உள்ளன. மேலும் இம்மாவட்டம், திருப்பத்தூர், ஜோலார்பேட்டை, ஆம்பூர் மற்றும் வாணியம்பாடி என 4 சட்டமன்றத் தொகுதிகள் கொண்டுள்ளது.

திருவண்ணாமலை மக்களவைத் தொகுதி[தொகு]

தொகுதி மறுசீரமைப்பு காரணமாக, திருப்பத்தூர் மாவட்டத்தில் உள்ள திருப்பத்தூர் (சட்டமன்றத் தொகுதி), ஜோலார்பேட்டை (சட்டமன்றத் தொகுதி) ஆகிய 2 சட்டமன்றத் தொகுதிகளையும், திருவண்ணாமலை மாவட்டத்தில் உள்ள திருவண்ணாமலை (சட்டமன்றத் தொகுதி), கலசப்பாக்கம் (சட்டமன்றத் தொகுதி), செங்கம் (சட்டமன்றத் தொகுதி), கீழ்பெண்ணாத்தூர் (சட்டமன்றத் தொகுதி) ஆகிய 4 சட்டமன்றத் தொகுதிகளையும் இணைத்து, இந்த திருவண்ணாமலை மக்களவைத் தொகுதி உருவாக்கப்பட்டுள்ளது.

வேலூர் மக்களவைத் தொகுதி[தொகு]

தொகுதி மறுசீரமைப்பு காரணமாக, திருப்பத்தூர் மாவட்டத்தில் உள்ள ஆம்பூர் (சட்டமன்றத் தொகுதி), வாணியம்பாடி (சட்டமன்றத் தொகுதி) ஆகிய 2 தொகுதிகளையும், வேலூர் மாவட்டத்தில் உள்ள வேலூர் (சட்டமன்றத் தொகுதி), அணைக்கட்டு (சட்டமன்றத் தொகுதி), கீழ்வைத்தியனான்குப்பம் (சட்டமன்றத் தொகுதி), குடியாத்தம் (சட்டமன்றத் தொகுதி) ஆகிய 4 சட்டமன்றத் தொகுதிகளையும் இணைத்து, வேலூர் மக்களவைத் தொகுதி உருவாக்கப்பட்டுள்ளது.

தொழில்கள்[தொகு]

திருப்பத்தூர் தென்னிந்தியாவின் ஒரு தொழில்துறை மையமாகும். தோல் மற்றும் தோல் பொருட்கள் காலணிகள், ஆடைகள் போன்றவற்றை ஏற்றுமதி செய்யப்படுகிறது பல பெரிய மற்றும் நடுத்தர தோல் தொழில்கள் உள்ளன. கனிம வளம் நிறைந்த மாவட்டம், செம்மண், செங்கல் களிமண் போன்ற கனிமங்களும் இந்த மாவட்டத்தில் காணப்படுகின்றன. [8]

மேற்கோள்கள்[தொகு]

வெளி இணைப்புகள்[தொகு]