மானாமதுரை

ஆள்கூறுகள்: 9°41′20″N 78°27′29″E / 9.689000°N 78.458100°E / 9.689000; 78.458100
கட்டற்ற கலைக்களஞ்சியமான விக்கிப்பீடியாவில் இருந்து.
மானாமதுரை நகராட்சி
மானாமதுரை நகராட்சி
இருப்பிடம்: மானாமதுரை நகராட்சி

, தமிழ்நாடு , இந்தியா

அமைவிடம் 9°41′20″N 78°27′29″E / 9.689000°N 78.458100°E / 9.689000; 78.458100
நாடு  இந்தியா
மாநிலம் தமிழ்நாடு
மாவட்டம் சிவகங்கை
வட்டம் மானாமதுரை வட்டம்
ஆளுநர் ஆர். என். ரவி[1]
முதலமைச்சர் மு. க. ஸ்டாலின்[2]
மாவட்ட ஆட்சியர் ஆஷா அஜித், இ. ஆ. ப [3]
மக்கள் தொகை

அடர்த்தி

50,257 (2021)

3,723/km2 (9,643/sq mi)

நேர வலயம் இந்திய சீர் நேரம் (ஒ.ச.நே + 05:30)
பரப்பளவு

உயரம்

13.5 சதுர கிலோமீட்டர்கள் (5.2 sq mi)

90 மீட்டர்கள் (300 அடி)

குறியீடுகள்
இணையதளம் www.tnmunicipality.in/manamadurai


மானாமதுரை (Manamadurai), இந்தியாவின் தமிழ்நாடு மாநிலத்தில் அமைந்துள்ள சிவகங்கை மாவட்டம், மானாமதுரை வட்டத்தில் இருக்கும் ஒரு நகராட்சி ஆகும்.

இது சிவகங்கைக்கு தெற்கே 18 கி.மீ. தொலைவிலும், மதுரைக்கு கிழக்கே 49 கி.மீ. தொலைவிலும், பரமக்குடிக்கு மேற்கே 35 கி.மீ. தொலைவிலும் உள்ளது. இங்கு மானாமதுரை தொடருந்து சந்திப்பு நிலையம் உள்ளது.[4]

2011-ஆம் ஆண்டு மக்கள்தொகை கணக்கெடுப்பின்படி, இந்த நகராட்சி 12,032 வீடுகளும், 50,257 மக்கள்தொகையும் கொண்டது.[5]

இது 13.5 ச.கி.மீ. பரப்பும், 27 வார்டுகளும், 124 தெருக்களும் கொண்ட இந்த நகராட்சியானது மானாமதுரை சட்டமன்ற தொகுதிக்கும், சிவகங்கை மக்களவைத் தொகுதிக்கும் உட்பட்டது.[6]

பெயர் காரணம்[தொகு]

இராமன் சீதையை தேடி இலங்கை நோக்கி செல்லும் பொழுது வானரங்களின் உதவிகள் இங்கு தான் கிடைக்கப்பெற்றதாக கூறப்படுகிறது. மேலும் இந்த இடம் பாண்டியர்களின் தலைநகரமான மதுரைக்கு அருகாமையிலும் அமைந்துள்ளது. ஆதலால் இந்த இடத்திற்கு "வானரவீரன்மதுரை" என்று பெயர் வந்தது. அதுவே ஆங்கிலேயர் மற்றும் முகலாயர்கள் ஆட்சிகாலத்தில் காலப்போக்கில் மானாமதுரை என மருவியது. இவ்வூருக்கு வானரவீர மாமதுரை மற்றும் வானரவீர மதுரபுரி என்ற மற்ற சில பெயரும் வழக்கத்தில் இருந்துள்ளது. வானவீரன்மதுரை என்ற ஊரின் பெயர் கி.பி. 1600 ஆம் ஆண்டு வரை வழக்கத்தில் இருந்து வந்தது சமீபத்தில் கிடைத்த கல்வெட்டின்மூலம் புலப்பட்டது.[7]

2021-இல் மானாமதுரை நகராட்சியாக தரம் உயர்த்தப்படல்[தொகு]

மானாமதுரை பேரூராட்சியை 16 அக்டோபர் 2021 அன்று மானாமதுரை நகராட்சியாக உருவாக்குவதற்கான அரசாணையை நகராட்சி நிர்வாகம் மற்றும் குடிநீர் வழங்கல் கூடுதல் தலைமைச் செயலாளர் சிவதாஸ் மீனா வெளியிட்டார்.[8][9]

புவியியல்[தொகு]

இவ்வூரின் அமைவிடம் 9°42′N 78°29′E / 9.7°N 78.48°E / 9.7; 78.48 ஆகும்.[10] கடல் மட்டத்தில் இருந்து இவ்வூர் சராசரியாக 70 மீட்டர் (229 அடி) உயரத்தில் இருக்கின்றது.

இவ்வூரின் சிறப்பு[தொகு]

இப்பகுதியிலுள்ள களிமண் வளம் மிக்கதாக இருப்பதால் இங்கு தயாரிக்கப்படும் கலை நயமுள்ள பொம்மைகள், பூ தொட்டி, மண் பானை, கொடியடுப்பு, செங்கல், கூரை ஓடு, கடம் எனும் இசைக்கருவி ஆகியன புகழ்பெற்றவை.[11][12][13] சித்திரை திருவிழா இங்கு முக்கியமான திருவிழாவாகும். உள்ளுர் மக்கள் மற்றும் வெளியூர் மக்கம் அதிகமாக கலந்து கொள்வார்கள். தமிழ்நாடு தொழில் மேம்பாட்டு கழகம் (சிப்காட்) இங்குள்ளது.

மானாமதுரையில் பரம்பரையாக கடம் செய்யும் ஒரு குடும்பத்தைச் சேர்ந்த மீனாட்சி அம்மாள் என்ற பெண்ணுக்கு 2013 ஆம் ஆண்டு இந்திய மத்திய அரசின் சங்கீத நாடக அகாதமி தேசிய விருது வழங்கி கௌரவித்துள்ளது.[14]

போக்குவரத்து[தொகு]

பேருந்து[தொகு]

மதுரையிலிருந்து ராமேசுவரத்திற்கு 15 நிமிடத்திற்கு ஒரு விரைவு பேருந்து மானாமதுரை வழியாக இயக்கப்படுகிறது. மதுரையிலிருந்து பரமக்குடி, கமுதி, சாயல்குடி, ஏர்வாடி, முதுகளத்துர், ராமநாதபுரம் செல்லும் விரைவுப் பேருந்துகள் மானாமதுரை பேருந்து நிலையத்தில் நின்று செல்வது வழக்கம், மேலும் இங்கிருந்து திருச்சி, தஞ்சாவூர், காரைக்குடி, புதுக்கோட்டை, அருப்புக்கோட்டை, இளையான்குடி, பரமக்குடி, தாயமங்களம், திருப்புவனம் போன்ற பகுதிகளுக்கு பேருந்துகள் இயக்கப்படுகின்றன.

தொடருந்து[தொகு]

ரயில்கள்[தொகு]

மானாமதுரை சந்திப்பு

1.ராமேசுவரம் -சென்னை எழும்பூர் விரைவு ரயில்(BOAT MAIL வழி: கடலூர், தஞ்சாவூர், கும்பகோணம், திருவாரூர்)

2. சென்னை எழும்பூர்-ராமேசுவரம் விரைவு ரயில்(BOAT MAIL வழி: கடலூர், தஞ்சாவூர், கும்பகோணம், திருவாரூர், திருச்சி)

3.ராமேஸ்வரம்-சென்னை எழும்பூர் (சேது அதி விரைவு ரயில்)(வழி: விழுப்புரம், அரியலூர்,ஶ்ரீரங்கம், திருச்சி)

4. சென்னை எழும்பூர்-செங்கோட்டை(சிலம்பு விரைவு ரயில்)

5.கன்னியாகுமரி-புதுச்சேரி(பாண்டி விரைவு ரயில்)

6.கன்னியாகுமரி ராமேஸ்வரம் அதிவிரைவு ரயில்

7.திருப்பதி--மதுரை-ராமேஸ்வரம் விரைவு ரயில்(Meenakshi Express/TPTY-RMM SF express)

8.பைசபாத்-இராமேஸ்வரம் விரைவு ரயில் (ஷ்ரத்தா சேது எக்ஸ்பிரஸ்)

9.புவனேசுவரம்-ராமேஸ்வரம் விரைவு ரயில்

10.ஓகா-ராமேஸ்வரம் விரைவு ரயில்

11.வாரணாசி(பனாரஸ்) - ராமேஸ்வரம் விரைவு ரயில்

12.ராமேஸ்வரம் - அயோத்தி இராணுவ முகாம்(Ayodhya Cantonment) விரைவு ரயில்

13. ராமேஸ்வரம் அஜ்மீர் ஹம்சஃபர்

14. திருச்சிராப்பள்ளி - ராமேஸ்வரம் விரைவு ரயில்

15. கோயம்பத்தூர் - ராமேஸ்வரம் விரைவு ரயில்

16.அயோத்தியா தாம் - மானாமதுரை சிறப்பு அதிவிரைவு ரயில் (அயோத்தி ராமர் கோவில் குடமுழுக்கு விழாவின் பெயரில் விடப்பட்டது)


போன்ற ரயில்கள் மானாமதுரை சந்திப்பு தொடருந்து நிலையத்தில் நின்று செல்கிறது.

மருத்துவமனைகள்[தொகு]

  • தொழுநோய் சுகாதார மருத்துவமனை, தயாபுரம்
  • அரசு மருத்துவமனை

கல்வி நிறுவனங்கள்[தொகு]

பார்க்க வேண்டிய சுற்றுலா இடங்கள்[தொகு]

இதனையும் காண்க[தொகு]

மேற்கோள்கள்[தொகு]

  1. "தமிழக ஆளுநர் பற்றிய குறிப்பு". tn.gov.in. தமிழ்நாடு அரசு. 2015. பார்க்கப்பட்ட நாள் நவம்பர் 3, 2015.
  2. "தமிழக முதலமைச்சர் பற்றிய குறிப்பு". tn.gov.in. தமிழ்நாடு அரசு. பார்க்கப்பட்ட நாள் நவம்பர் 3, 2015.
  3. "மாவட்ட ஆட்சியர் தொடர்பு விவரம்". tn.gov.in. தமிழ்நாடு அரசு. பார்க்கப்பட்ட நாள் நவம்பர் 3, 2015.
  4. மானாமதுரை சந்திப்பு
  5. Manamadurai city Population Census 2011
  6. மானாமதுரை நகராட்சியின் இணையதளம்[தொடர்பிழந்த இணைப்பு]
  7. "மானாமதுரையின் பழமையான பெயர் இடம்பெற்ற கல்வெட்டு கண்டுபிடிப்பு!". Dinamani. பார்க்கப்பட்ட நாள் 2023-09-04.
  8. kumbakonam corporaon and 19 muniicipalites
  9. தமிழ்நாட்டில் புதிய 19 நகராட்சிகள் அறிவிப்பு
  10. "Manamadurai". Falling Rain Genomics, Inc. பார்க்கப்பட்ட நாள் அக்டோபர் 20, 2006.
  11. "மானாமதுரை மட்பாண்டம்". Archived from the original on 2016-03-04. பார்க்கப்பட்ட நாள் 2013-06-21.
  12. http://www.thehindu.com/todays-paper/tp-national/tp-tamilnadu/pongal-keeps-pot-industry-alive/article676432.ece
  13. http://newindianexpress.com/cities/bangalore/article520709.ece?service=print
  14. மானாமதுரையில் கடம் தயாரிக்கும் பெண்ணுக்கு தேசியவிருது

வெளி இணைப்புகள்[தொகு]

"https://ta.wikipedia.org/w/index.php?title=மானாமதுரை&oldid=3901166" இலிருந்து மீள்விக்கப்பட்டது