குடியாத்தம்

குடியாத்தம் குடியேற்றம்
—  முதல் நிலை நகராட்சி  —
அமைவிடம்
நாடு	இந்தியா
மாநிலம்	தமிழ்நாடு
மாவட்டம்	வேலூர்
வட்டம்	குடியாத்தம் வட்டம்
ஆளுநர்	ஆர். என். ரவி
முதலமைச்சர்	மு. க. ஸ்டாலின்
மாவட்ட ஆட்சியர்	பெ. குமாரவேல் பாண்டியன், இ. ஆ. ப
சட்டமன்றத் தொகுதி	குடியாத்தம்
சட்டமன்ற உறுப்பினர்	வி. அமலு (திமுக)
மக்கள் தொகை	91,558 (2011)
நேர வலயம்	இந்திய சீர் நேரம் (ஒ.ச.நே + 05:30)
குறியீடுகள் • அஞ்சல் குறியீட்டு எண் • 632 602 • தொலைபேசி • +04171 • வாகனம் • TN 23

குடியேற்றம், சொல்வழக்கில் குடியாத்தம் (ஆங்கிலம்:Gudiyatham), இந்தியாவின், தமிழ்நாடு மாநிலத்தில் அமைந்துள்ள வேலூர் மாவட்டத்தில் உள்ள குடியாத்தம் வட்டம் மற்றும் குடியாத்தம் ஊராட்சி ஒன்றியம் ஆகியவற்றின் நிர்வாகத் தலைமையிடம் நகரமும், முதல் நிலை நகராட்சியும் ஆகும்.

மக்கள் வகைப்பாடு

2011-ஆம் ஆண்டு மக்கள் தொகை கணக்கெடுப்பின்படி, 36 நகராட்சி மன்ற உறுப்பினர்களையும், 21,363 குடும்பங்களையும் கொண்ட இந்நகரத்தின் மக்கள்தொகை 91,558 ஆகும். இந்நகரத்தின் எழுத்தறிவு 86.2%மற்றும் பாலின விகிதம் 1000 ஆண்களுக்கு 1,029 பெண்கள் வீதம் உள்ளனர். 6 வயதிற்குட்பட்ட குழந்தைகளின் எண்ணிக்கை 9273 ஆகவுள்ளது. குழந்தைகள் பாலின விகிதம், 1000 ஆண் குழந்தைகளுக்கு, 957 பெண் குழந்தைகள் வீதம் உள்ளனர். பட்டியல் சமூகத்தினரும், பட்டியல் பழங்குடியினரும் முறையே 15,383 மற்றும் 96 ஆகவுள்ளனர். மக்கள்தொகையில் இந்துக்கள் 81.58%, இசுலாமியர்கள் 16.96%, கிறித்தவர்கள் 0.98%, தமிழ்ச் சமணர்கள் 0.28%, மற்றும் பிறர் 0.20% ஆகவுள்ளனர்.

தொழில்

இந்நகரானது கைத்தறி எனும் நெசவுத் தொழிலில் முக்கிய பங்கு வகித்து வருகிறது.

குடியாத்தம் நகராட்சி

குடியாத்தம் நகராட்சி என்பது குடியாத்தம் நகரை ஆளும் குடிமை அமைப்பாகும்

நகர்மன்ற தலைவர்களின் பட்டியல்

• எம்.வி. பீமராஜ செங்குந்த முதலியார்

• எம்.வி. சுவாமிநாத செங்குந்த முதலியார்

• டி.ஏ. ஆதிமூல செங்குந்த முதலியார்: ஐஏஎஸ் தாஸ் பிரகாசத்தின் தந்தை & சுதந்திரப் போராட்ட வீரர், நூலகம் கட்ட தனது வீட்டை நன்கொடையாக அளித்தவர்.

• பி.கே. கங்காதர செங்குந்த முதலியார்

• எம்.ஏ.வி. துரைசாமி செங்குந்த முதலியார்

• எம்.ஏ. வேலாயுத செங்குந்த முதலியார்

• எம்.ஏ. கோவிந்தராஜ் செங்குந்த முதலியார்: முன்னாள் தலைவர் மற்றும் ராஜேஸ்வரி ஸ்பின்னிங் மில் நிறுவனர்.

• எம்.ஜி. அமுர்தலிங்க செங்குந்த முதலியார்

• கே.எம். கோவிந்தராஜ செங்குந்த முதலியார்

• ஏ.கே. துரைசாமி செங்குந்த முதலியார் முன்னாள் எம்எல்ஏ & தலைவர்

• திலகவதி ராஜேந்திரன் முதலியார்

மேலும் சில சிறப்புகள்

• இத்தொகுதியில் தான் முன்னாள் முதல்வரான காமராசர் முதன்முதலில் வெற்றிபெற்றார்.
• ஏ. ஆர். ரகுமானின் தந்தையான சேகர் இந்நகரில் பிறந்தார்.
• தமிழ்நாட்டின் அரசியல்வாதியும், திரைப்பட நடிகரான விஜயகாந்த் மனைவி பிரேமலதா விசயகாந்து குடியாத்தம் அருகில் உள்ள செம்பேடு கிராமத்தில் பிறந்தார்.