அம்பத்தூர்

அம்பத்தூர்
—  சென்னை மாநகரப்பகுதி  —
அம்பத்தூர் இருப்பிடம்: அம்பத்தூர் , தமிழ்நாடு , இந்தியா
அமைவிடம்	13°05′54″N 80°09′44″E
நாடு	இந்தியா
மாநிலம்	தமிழ்நாடு
ஆளுநர்	கொனியேட்டி ரோசையா
முதலமைச்சர்	ஜெ. ஜெயலலிதா
மேயர்	சைதை துரைசாமி
சட்டமன்றத் தொகுதி	அம்பத்தூர்
சட்டமன்ற உறுப்பினர்	எஸ். வேதாச்சலம் (அதிமுக)
மக்கள் தொகை	4,78,134 (2011[update])
நேர வலயம்	IST (ஒ.ச.நே.+5:30)
குறியீடுகள் • தொலைபேசி • +2657/ • வாகனம் • TN-20-
குறிப்புகள் இணையதள முகவரி = அம்பத்தூர் நகராட்சி

அம்பத்தூர் (ஆங்கிலம்:Ambattur), இந்தியாவின் தமிழ்நாடு மாநிலத்தின் தலைநகரான சென்னையின் ஒரு மாநகராட்சி மண்டலம் ஆகும். இது திருப்பெரும்புதூர் பாராளுமன்றத் தொகுதியில் உள்ளது. அம்பத்தூர் மண்டலத்தில்(சென்னை மாநகராட்சி மண்டலம் 7) பாடி, கொரட்டூர், அண்ணா நகர் மேற்கு-விரிவு, மொகப்பேர் மற்றும் அம்பத்தூர் தொழிற்பேட்டை ஆகிய இடங்களும் அடங்கும்.

புவியியல்

இப்பகுதியின் அமைவிடம் 13.1° N 80.16° E ஆகும். கடல் மட்டத்தில் இருந்து இவ்வூர் சராசரியாக 17 மீட்டர் (55 அடி) உயரத்தில் இருக்கின்றது.

நீராதாரங்கள்

அம்பத்தூர் ஏரி

அம்பத்தூரின் நீர்-பிடிப்புப் பகுதிகளாக அம்பத்தூர் ஏரியும் சித்து ஒரகடம் ஏரியும் உள்ளன. அம்பத்தூருக்கு வெளியே, சென்னையின் நீராதரமாக விளங்கும் புழலேரி உள்ளது. இவற்றில் அம்பத்தூர் ஏரியைப் பொருத்தவரை நீரெடுப்பு , ஆக்கிரமிப்பு, குப்பை கொட்டுதல் ஆகிய பிரச்சினைகள் உள்ளன (ஆக்கிரமிப்பு தற்போது படிப்படியாகக் குறைந்து வருகிறது). சித்து ஒரகடம் ஏரியைப் பொருத்தவரை சாக்கடைநீர்க் கலப்பு, குப்பை கொட்டுதல் ஆகிய பிரச்சினைகள் உள்ளன. இந்த ஏரியைச் சுற்றி பூங்கா அமைக்கும் திட்டமும் உள்ளது.

மக்கள் வகைப்பாடு

இந்திய 2011 மக்கள் தொகை கணக்கெடுப்பின்படி 4,78,134 மக்கள் இங்கு வசிக்கின்றார்கள். இவர்களில் 52% ஆண்கள், 48% பெண்கள் ஆவார்கள். அம்பத்தூர் மக்களின் சராசரி கல்வியறிவு 92.69% ஆகும், இதில் ஆண்களின் கல்வியறிவு 73%, பெண்களின் கல்வியறிவு 66% ஆகும். இது இந்திய தேசிய சராசரி கல்வியறிவான 59.5% விட கூடியதே. அம்பத்தூர் மக்கள் தொகையில் 10% ஆறு வயதுக்குட்பட்டோர் ஆவார்கள்.

பொருளாதாரம்

அம்பத்தூரிலுள்ள முக்கிய தொழிற்சாலைகளான சைக்கிள் பேக்டரி (டி.ஐ.சைக்கிள்சு ஆவ் இந்தியா), டி.வீ.எசு., பிரிட்டானியா இண்டசுடிரீசு லிமிடெட், டன்லப், அம்பத்தூர் குளோதிங் லிமிடெட், கொரமண்டல் குளோதிங் லிமிடெட் போன்றவை இப்பகுதியின் பொருளாதாரத்தில் பெரிதும் பங்கு வகிக்கின்றன. இவை தவிர, அம்பத்தூர் தொழிற்பேட்டையிலுள்ள சிறு, பெரு தொழில் நிறுவனங்களும் அண்மையில் தொடங்கப்பட்ட பல கணினி மென்பொருள் நிறுவனங்களும் இப்பகுதியின் பொருளாதாரத்தின் முக்கிய அங்கங்களாகும்.

மருத்துவமனைகள்

அம்பத்தூரில் உள்ள முக்கிய மருத்துவமனைகளின் பட்டியல்:

• சர் ஐவன் ஸ்டெட்போர்டு மருத்துவமனை
• Dr. ரவீந்திரன் ஹெல்த் கேர் மையம்
• எஸ்வீ மருத்துவமனை
• பி.எம்.மருத்துவமனை
• மகாலக்‌ஷ்மி மருத்துவமனை
• தேஜா மருத்துவமனை
• மஹாலட்சுமி இண்டஸ்டிரியல் ட்ராமா கேர் & டயாப்படிக் செண்டர்.

கல்வி நிறுவனங்கள்

அரசு மற்றும் அரசு-உதவி பெறும் பள்ளிகள்

சர் ராமசாமி முதலியார் மேனிலைப்பள்ளி

1. சர் ராமசாமி முதலியார் மேனிலைப்பள்ளி.
2. பெருந்தலைவர் காமராசர் அரசு மகளிர் மேனிலைப்பள்ளி.
3. பி.ஜே.குப்தா அரசு உயர்நிலைப்பள்ளி.
4. திருவேங்கட நகர் உயர்நிலைப்பள்ளி.

சுயநிதி/பதின்நிலை (நிறைநிலைப்) பள்ளிகள்

1. டி.ஐ.நிறைநிலை மேனிலைப்பள்ளி.
2. ஜி.கே.ஷெட்டி விவேகானந்தா வித்யாலயா. (சி. பி. எசு. ஈ)
3. ஹுசைன் மெமோரியல் மாடல் பதின்நிலை மேனிலைப்பள்ளி.
4. புனித ஜோசப் பதின்நிலை மேனிலைப்பள்ளி.
5. சேது பாசுகரா நிறைநிலை மேனிலைப்பள்ளி. [புதூர்]
6. வேலம்மாள் நிறைநிலை மேனிலைப்பள்ளி. [சூரப்பட்டு]
7. எபிநேசர் மார்கசு நிறைநிலை மேனிலைப்பள்ளி [புதூர்]
8. பாபுஜி நிறைநிலை மேனிலைப்பள்ளி.
9. இம்மானுவேல் மெதடிஸ்ட் நிறைநிலை மேனிலைப்பள்ளி.[கள்ளிக்குப்பம்]
10. ஸ்ரீ வித்யாநிகேதன் நிறைநிலைப் பள்ளி.[பாரதி நகர்]

கல்லூரிகள்

1. வேலம்மாள் பொறியியல் கல்லூரி. [சூரப்பட்டு]
2. அன்னை வயலட் கலை மற்றும் அறிவியல் கல்லூரி.[மேனாம்பேடு]
3. பென்சன் காலேஜ் ஆவ் ஹோட்டல் மேனேஜ்மெண்ட் அன் கலினரி ஆர்ட்ஸ்.[அம்பத்தூர்]
4. சோகா இகேதா மகளிர் கலை மற்றும் அறிவியல் கல்லூரி. [மாதனாங்குப்பம்]

வெளியிணைப்புகள்

• Ambattur
• AIEMA - Ambattur Industrial Estate Manufactures' Assn
• Ambattur Clothing Limited
• Ivan Stedeford Hospital
• TI Cycles of India
• TI Matriculation Higher Sec. School
• Ebenezer Marcus Matriculation Higher Sec. School
• SRM Higher Secondary School
• Read an article about Ambattur in the Hindu
• India Land's Chennai Tech Park
• Municipality