இந்தியாவின் மாநிலங்களும் ஆட்சிப்பகுதிகளும்

இந்தியாவில் 28 மாநிலங்களும், 7 நடுவண் அரசின் ஆட்சிப்பகுதிகளும், இதில் டெல்லி தேசிய தலைநகரப் பகுதி ஒன்றும் அடங்கியுள்ளது. அனைத்து மாநிலங்களிலும் மற்றும் ஒன்றியப் பகுதிகளில் பாண்டிச்சேரி, டெல்லி தலைநகரப் பகுதி ஆகியவற்றிலும் மக்களால் தேர்ந்தெடுக்கப்படும் அரசுகள் உள்ளன. ஏனைய ஒன்றியப் பகுதிகள் நடுவண் அரசினால் நியமிக்கப்படும் ஆளுனர்களைக் கொண்ட, குடியரசுத்தலைவரின் நேரடி ஆட்சிக்கு உட்பட்ட பகுதிகளாகும். 1956 ஆம் ஆண்டில், மாநிலங்கள் மீளமைப்புச் சட்டத்தின் கீழ் மொழிவாரி மாநிலங்கள் உருவாக்கப்பட்டன. அதன் பின்னர், வட இந்தியப் பகுதிகளில் சில புதிய மாநிலங்கள் உருவாக்கப்பட்டது. மாநிலங்களும், ஒன்றியப் பகுதிகளும், மாவட்டங்கள் என்ற சிறிய நிர்வாக அலகுகளாகப் பிரிக்கப்பட்டுள்ளன.

மாநிலங்கள் மற்றும் ஒன்றிய ஆளுமை பகுதிகள்

மாநிலங்கள் மற்றும் ஒன்றியப் பகுதிகளை குறிக்கும் இந்திய வரைபடம். விவரங்கள் இடதுபுறம் பட்டியலிடப்பட்டுள்ளன.

1. ஆந்திரப் பிரதேசம்
2. அருணாச்சல் பிரதேசம்
3. அஸ்ஸாம்
4. பிஹார்
5. சத்தீஸ்கர்
6. கோவா
7. குஜராத்
8. ஹரியானா
9. இமாசலப் பிரதேசம்
10. ஜம்மு காஷ்மீர்
11. ஜார்க்கண்ட்
12. கர்நாடகம்
13. கேரளம்
14. மத்தியப் பிரதேசம்
15. மகாராஷ்டிரம்
16. மணிப்பூர்
17. மேகாலயா
18. மிசோரம்
19. நாகாலாந்து
20. ஒரிஸா
21. பஞ்சாப்
22. ராஜஸ்தான்
23. சிக்கிம்
24. தமிழ் நாடு
25. திரிபுரா
26. உத்தரகண்ட்
27. உத்தரப் பிரதேசம்
28. மேற்கு வங்காளம்

யூனியன் பிரதேசங்கள் என்றழைக்கப்படும் ஒன்றிய பகுதிகள்:

1. அந்தமான் நிக்கோபார் தீவுகள்
2. சண்டிகர்
3. தாத்ரா மற்றும் நகர் ஹவேலி
4. தாமன், தியு
5. லட்சத்தீவுகள்
6. புதுச்சேரி
7. தில்லி

மாநிலங்களும் அதன் தலைநகரங்களும்

இந்தியாவின் மாநிலங்கள்

#	பெயர்	மக்கள் தொகை	மொழி	தலைநகரம்	மிகப்பெரிய நகரம் (தலைநகரமல்லாதவை)
1	ஆந்திரப் பிரதேசம்	76,210,007	தெலுங்கு	ஹைதராபாத்
2	அருணாச்சலப் பிரதேசம்	1,091,120		இடாநகர்
3	அசாம்	26,655,528	அசாமிசி	திஸ்பூர்	கவுகாத்தி
4	பீகார்	82,998,509	பீகாரி	பாட்னா
5	சத்தீஸ்கர்	20,795,956	சத்தீஸ்கரி	ரெய்ப்பூர்
6	கோவா	1,400,000	கொங்கணி	பனாஜி	வாஸ்கோடாகமா, கோவா
7	குஜராத்	50,671,017	குஜராத்தி	காந்தி நகர்	அகமதாபாத்
8	அரியானா	21,082,989	அர்யானி	சண்டிகர் (shared)	பரிதாபாத்
9	இமாச்சலப் பிரதேசம்	6,077,900		சிம்லா
10	சம்மு காசுமீர்	10,143,700	கசுமீரியம்	ஸ்ரீநகர் (கோடைகாலம்) ஜம்மு (குளிர்காலம்)
11	ஜார்கண்ட்	26,909,428		ராஞ்சி	ஜாம்செட்பூர்
12	கர்நாடகா	52,850,562	கன்னடம்	பெங்களூரு
13	கேரளா	31,841,374	மலையாளம்	திருவனந்தபுரம்
14	மத்தியப் பிரதேசம்	60,385,118	இந்தி	போபால்	இந்தூர்
15	மகாராஷ்டிரா	96,752,247	மராத்தி	மும்பை
16	மணிப்பூர்	2,388,634	மணிப்பூரி	இம்பால்
17	மேகாலயா	2,306,069		சில்லாங்
18	மிசோரம்	888,573	மீசோ	ஐஸ்வால்
19	நாகலாந்து	1,988,636	நாகம்	கோஹிமா	Dimapur
20	ஒரிசா	36,706,920	ஒரியா	புபனேஸ்வர்
21	பஞ்சாப்	24,289,296	பஞ்சாபி	சண்டிகர் (shared)	லூதியானா
22	ராஜஸ்தான்	56,473,122	ராஜஸ்தானி	ஜெய்ப்பூர்
23	சிக்கிம்	540,493	கான் சீனம்	காங்டாக்
24	தமிழ்நாடு	66,396,000	தமிழ்	சென்னை
25	திரிபுரா	3,199,203	வங்காளம்	அகர்தாலா
26	உத்தரப்பிரதேசம்	190,891,000		லக்னோ	கான்பூர்
27	உத்தரகண்ட்	8,479,562		டெஹ்ராடூன்
28	மேற்கு வங்கம்	80,221,171	வங்காளம்	கொல்கத்தா

ஒன்றியப் பகுதிகள்

#	பெயர்	மக்கள் தொகை	மொழி	தலைநகரம்	மிகப்பெரிய நகரம் (தலைநகரமல்லாதவை)
A	அந்தமான் நிக்கோபார் தீவுகள்	356,152		போர்ட் பிளேர்
B	சண்டிகர்	900,635	பஞ்சாபி	சண்டிகர்
C	தாத்ரா மற்றும் நகர் அவேலி	220,451	குஜராத்தி	சில்வஸா
D	தாமன், தியு	158,059	குஜராத்தி	டாமன்
E	இலட்சத்தீவு	60,595	மலையாளம்	கவரட்டி	Andrott
F	தேசிய தலைநகர் பகுதி	13,782,976	இந்தி	புது தில்லி
G	புதுச்சேரி	973,829	பிரான்சியம் and தமிழ்	புதுச்சேரி

இந்திய மாநிலங்களின் உருவாக்கம்

தற்போதைய இந்தியா, பாகிஸ்தான், வங்காளதேசம், பூட்டான் ஆகிய நாடுகளை உள்ளடக்கியிருந்த பிரித்தானிய இந்தியா இரண்டு விதமான துணை அரசியல் அலகுகளைக் கொண்டிருந்தது. மாகாணங்கள், வைஸ்ராயினால் நியமிக்கப்பட்ட, ஆளுனர் அல்லது சிறப்பு ஆணையர் தரத்திலுள்ள பிரித்தானிய அதிகாரிகளால் நேரடியாக ஆளப்பட்டன. சமஸ்தானங்கள், பிரித்தானியரின் மேலாதிக்கத்தை ஏற்றுக்கொண்ட உள்ளூர் பரம்பரை ஆட்சியாளர்களால் ஆளப்பட்டு வந்தன. பிரித்தானிய இந்தியா 15 மாகாணங்களைக் கொண்டிருந்தது: அஜ்மேர்r-மேர்வாரா, அஸ்ஸாம், பலுச்சிஸ்தான், வங்காளம், பீகார், பம்பாய், மத்திய மாகாணங்களும், பெராரும், கூர்க், டெல்லி, மதராஸ், வடமேற்கு எல்லை, ஒரிசா, பஞ்சாப், சிந்து, மற்றும் ஐக்கிய மாகாணங்கள். பிரித்தானிய இந்தியாவில், பல்வேறு அளவுகளில் பல சமஸ்தானங்களும் இருந்தன. இவற்றுள், ஒரு கோடிக்கு மேல் மக்கள்தொகையைக் கொண்ட ஐதராபாத் தொடக்கம், மிகச் சிறிய சமஸ்தானங்கள் வரை அடங்கி இருந்தன. இவற்றை விட வேறு இரு ஐரோப்பிய நாடுகளும் இந்தியாவில் சில நிலப்பகுதிகளை ஆண்டு வந்தன. போத்துக்கீச இந்தியா, கோவா, தமனும் தியுவும், தட்ராவும் நாகர் ஹவேலியும் ஆகிய கரையோரப் நிலப்பகுதிகளையும், பிரெஞ்சு இந்தியா, சண்டர்நகர், Yanaon, பாண்டிச்சேரி, காரைக்கால், மாகே ஆகிய ஐந்து நிலப்பகுதிகளையும் உள்ளடக்கியிருந்தன.

1947ல் இந்திய பாகிஸ்தான் பிரிவினையின் போது, மேற்படி மாகாணங்களும், சமஸ்தானங்களும், இரு நாடுகளுக்கும் இடையே பங்கிடப்பட்டன. பஞ்சாப், வங்காளம் ஆகிய இரண்டும் மட்டும், சமய அடிப்படையில் பிரித்து வழங்கப்பட்டன. ஐதராபாத்தின் இசுலாமிய ஆட்சியாளர் சுதந்திரமாக இருக்க முயன்றார் என்றாலும், இந்தியப் படை தலையிட்டு அதனை இந்தியாவுடன் இணைத்தது. ஜம்மு காஷ்மீருக்கு இரு நாடுகளுமே உரிமை கோரின. பெரும்பான்மை மக்கள் இசுலாமியர்களாக இருந்தார்கள். இந்துவாக இருந்த ஜம்மு காஷ்மீரின் ஆட்சியாளர் நாட்டை இந்தியாவுடன் இணைத்தார்.

1950 ல், இந்திய அரசியல் சட்டம் நடப்புக்கு வந்ததுடன், பலவகையான மாநிலங்கள் உருவாக்கப்பட்டன.

முன்னர் மாகாணங்களாயிருந்த, பிரிவு A மாநிலங்கள், ஆளுனராலும், தெரிவுசெய்யப்பட்ட சட்டசபையாலும் ஆளப்பட்டன. இந்தப் பிரிவில் அடங்கிய ஒன்பது மாநிலங்களாவன: அஸ்ஸாம், மேற்கு வங்காளம், பீகார், பம்பாய், மத்தியப் பிரதேசம் (முன்னர் மத்திய மாகாணங்களும், பெராரும்), மதராஸ், ஒரிசா, பஞ்சாப், உத்தரப் பிரதேசம் (முன்னாள் ஐக்கிய மாகாணங்கள்).

இவற்றையும் பார்க்கவும்

• சனத்தொகை அடிப்படையில் இந்திய மாநிலங்களின் பட்டியல்
• துணைத் தேசிய அமைப்புகளின் தலைநகரங்கள்
• பொருளாதாரத்தின் அளவுப்படி இந்திய மாநிலங்கள்

வெளியிணைப்புகள்

• வேல்டு-கெஸெடர்.கொம் இணையதளத்தில் இந்திய வரைபடம் (ஆங்கிலத்தில்)
• மேப்ஸ் ஆஃப் இந்தியா. கொம் இணையதளத்தில் இந்திய வரைபடம் (ஆங்கிலத்தில்)