சௌகார்பேட்டை

கட்டற்ற கலைக்களஞ்சியமான விக்கிப்பீடியாவில் இருந்து.
தாவிச் செல்லவும்: வழிசெலுத்தல், தேடல்

சௌகார்பேட்டை (Sowcarpet) இந்திய மாநகரம் சென்னையின் வடபகுதியில் உள்ள ஓர் குடியிருப்புப் பகுதியாகும். மிகவும் பரபரப்பான வணிக மையமாகத் திகழும் இங்கு பல மொத்த விற்பனை சந்தைகள் அமைந்துள்ளன. சென்னையின் மிகப் பழைமையான பகுதிகளில் ஒன்றான இப்பகுதியில் தொன்மையான கட்டிடங்களையும் குறுகலானத் தெருக்களையும் காணலாம்.இங்கு விற்பனை செய்யப்படாத பொருளே இல்லை என்னுமளவிற்கு வணிகச் செயல்பாடுகள் மிகுந்து காணப்படுகிறது.

இங்கு கணிசமான வட இந்தியர்கள் வசிப்பதால் "சோட்டா மும்பை" எனவும் அழைக்கப்படுகிறது.1950களில் குசராத், இராசத்தானிலிருந்து குடிபெயர்ந்த மார்வாரிகள் அடகு வியாபாரம்,மொத்த விற்பனை முகமைகளில் ஈடுபடுகின்றனர். பல கடைகள் இந்தி அல்லது குசராத்தி பெயர்ப்பலகைகளைத் தாங்கி நிற்பதைக் காணலாம்.நாராயண முதலித் தெரு,கோவிந்தப்ப நாயக்கன் தெரு மற்றும் ரத்தன் பசார்,காசிச் செட்டி தெரு ஆகியன சில முக்கிய சாலைகளாகும்.

சென்னை கந்தக்கோட்டம், ஏகாம்பரேசுவரர் ஆலயம், ரேணுகா பரமேசுவரி ஆலயம் இங்குள்ள சிறப்பான கோவில்களாகும். சமண வழிபாட்டுத் தலங்களும் உள்ளன.தேவாலயம் ஒன்றும் மசூதி ஒன்றும் உள்ளது.

சௌகார்பேட்டையின் கிழக்கில் பாரி முனையும் மேற்கு எல்லையில் சென்ட்ரல் தொடர்வண்டி நிலையமும் உள்ளன.

"http://ta.wikipedia.org/w/index.php?title=சௌகார்பேட்டை&oldid=1683325" இருந்து மீள்விக்கப்பட்டது