குரோம்பேட்டை

குரோம்பேட்டை சென்னை மாநகரத்தின் தெற்குப்பகுதியில் அமைந்துள்ள ஒரு புறநகர்ப்பகுதியாகும். தேசிய நெடுஞ்சாலை 45-யில், பல்லாவரத்திற்க்கும், தாம்பரத்திற்கும் இடையில் அமைந்துள்ளது. இப்பகுதியிலிருந்து சென்னை பன்னாட்டு வானூர்தி நிலையம் 4 கீ. மீ. தொலைவில் உள்ளது. இங்கு புகழ்பெற்ற சென்னை தொழில்நுட்ப நிறுவனம் எனும் பொறியியல் கல்லூரி அமைந்துள்ளது. இந்திய முன்னாள் குடியரசுத் தலைவர் திரு. ஆ. ப. ஜெ. அப்துல் கலாம், தமிழ் எழுத்தாளர் சுஜாதா ஆகியோர் இக்கல்லூரியில்தான் படித்தனர்.

பெயர்க்காரணம்

"குரோம்பேட்டை என்பது தமிழ்ப்பெயரன்று. முற்காலத்தில் இப்பகுதியில் குரோம் லெதர் தொழிற்சாலை அமைந்திருந்தது. ஆகையால், குரோமும் தமிழில் இடத்திற்கு வழங்கப்படும் பெயரான பேட்டையும் சேர்ந்து குரோம்பேட்டை என்றானது.