சென்னை மாவட்டம்

கட்டற்ற கலைக்களஞ்சியமான விக்கிப்பீடியாவில் இருந்து.
தாவிச் செல்லவும்: வழிசெலுத்தல், தேடல்
இக்கட்டுரை சென்னை மாவட்டத்தைப் பற்றியது. சென்னை நகரைப் பற்றி அறிய, சென்னை பக்கத்தைக் காணவும்.
சென்னை மாவட்டம் பிரிவுகள்.
1. கோட்டை - தண்டையார்பேட்டை வட்டம்
2. பெரம்பூர் - புரசவாக்கம் வட்டம்
3. எழும்பூர் - நுங்கம்பாக்கம் வட்டம்
4. மாம்பலம் - கிண்டி வட்டம்
5. மைலாப்பூர் - திருவல்லிக்கேணி வட்டம்

சென்னை மாவட்டம் இந்திய மாநிலமான தமிழ்நாட்டின் மாவட்டங்களில் ஒன்றாகும். இது ஒரு நகரம் சார்ந்த மாவட்டம் என்பதால் இம்மாவட்டத்திற்கு தலை நகரம் கிடையாது. சென்னை நகரின் பெரும்பாலான பகுதிகள் இம்மாவட்டத்தில் தான் உள்ளன. தமிழ்நாடு மாநிலத்தில் உள்ள அனைத்து மாவட்டங்களிலும் சிறிய மாவட்டம் இது ஆகும், ஆனால் மிக அதிக அளவில் மக்கள் இங்கு வசிக்கிறார்கள்.

புவியியல்[தொகு]

சென்னை மாவட்டம் இந்தியாவின் கிழக்கு கரையோர சமவெளியில் 178.2 கிமீ2 பரப்பளவில்அமைந்துள்ளது. கடல் மட்டத்திலிருந்து சராசரியாக 6 மீட்டர் உயரத்திலும், கிழக்கு தீர்க்கரேகை 12°59' மற்றும் 13°9' வடக்கு அட்சரேகை 80 ° 12 'மற்றும் 80 ° 19' இடையேயும் அமைந்துள்ளது. இதன் பொருளாதார முக்கியத்துவம் மற்றும் அமைவிடத்தின் காரணமாக இது "தென்னிந்தியாவின் நுழைவாயில்" என்றழைக்கப்படுகிறது. இந்த மாவட்டத்தின் நிலநடுக்கம் குறித்த அபாய குறிப்பு மிதமான அபாயத்தை குறிக்கும் நிலஅதிர்வு மண்டலம் III கீழ் வருகிறது. தமிழ்நாட்டின் மொத்த கடலோரப்பகுதியில் 2.5% சதவீதம் சென்னை மாவட்டம் 25.60கிமீ கொண்டுள்ளது. சென்னை மாவட்டத்தில் உள்ள சென்னை நகரத்தினை இரண்டு நீரோடைகள் குறுக்கே பிரிக்கின்றன அவை கூவம் மற்றும் அடையார் ஆகும்.

மாவட்டத்தின் புள்ளியியல் விவரங்கள்[தொகு]

தமிழக மாவட்டங்களிலேயே மிகவும் வளர்ச்சியடைந்த மாவட்டம் இதுவே ஆகும்.

பொருளாதார வளர்ச்சி[தொகு]

தமிழ்நாட்டின் மாவட்டங்களிலியே கோவை மாவட்டத்திற்கு அடுத்தப்படியாக சென்னை மாவட்டம் மொத்த உள்நாட்டு உற்பத்தியில் 8.69% பெற்றுள்ளது. இதில் முறையே விவசாயம் 0.74% தொழில்துறை 5.65% மற்றவை 12.04 % பங்குகொள்கின்றன. 2006-2007 ஆண்டு கணக்கெடுப்பின்படி சென்னை மாவட்டத்தின் தனி நபர் வருமானத்தை பொறுத்தவரையில் 37941 (ரூபாயில்) பெற்று 7ஆம் இடத்தில் உள்ளது. மேலும் மனித அபிவிருத்தி சுட்டெண் கணிப்பின் படி சென்னை 0.842 பெற்று முதல் இடத்தில் உள்ளது.[1].

மக்கள் வகைப்பாடு[தொகு]

இந்திய 2001 மக்கள் தொகை கணக்கெடுப்பின்படி இம்மாவட்டத்தில் 43,43,645 மக்கள் வசிக்கின்றார்கள்.[2] இவர்களில் 51% ஆண்கள், 49% பெண்கள் ஆவார்கள். சென்னை மக்களின் சராசரி கல்வியறிவு 85% ஆகும், இதில் ஆண்களின் கல்வியறிவு 90%, பெண்களின் கல்வியறிவு 80% ஆகும். இது இந்திய தேசிய சராசரி கல்வியறிவான 59.5% விட கூடியதே. இம்மாவட்ட மக்கள் தொகையில் 10% ஆறு வயதுக்குட்பட்டோர் ஆவார்கள்.

மக்கள் அடர்த்தி[தொகு]

2011ல் நடந்த மக்கள் தொகை கணக்கெடுப்பின்படி ஒரு சதுர கிலோமீட்டரில் 26553 பேர் வசிக்கின்றனர். இதுவே 2001ல் நடந்த மக்கள் தொகை கணக்கெடுப்பின்படி ஒரு சதுர கிலோமீட்டரில் 24,963 பேர் வசித்தனர்.

ஆட்சியர் அலுவலகம்[தொகு]

வரலாறு[தொகு]

சென்னை-1ல் ராஜாஜி சாலையில் உள்ள பழைய ஆட்சியர் அலுவலக கட்டிடம், 1793ஆம் ஆண்டு கட்டப்பட்டது. அந்த கட்டிடம் அப்போதைய மதராஸ் ஆளுநர் லார்டு பென்டிங் பெயரால் அழைக்கப்பெற்றது. 19ஆம் நூற்றாண்டின் இறுதி வரை இந்த கட்டிடம் பயன்பாட்டில் இருந்து வந்தது. பின்னர் புதிதாக ஆட்சியர் அலுவலகம் கட்டப்பட்டு, மீனவர் சமூகத்திலிருந்து முதன் முதலாக வழக்குரைஞராக இருந்து பல சேவைகள் செய்த சிங்காரவேலர் பெயரிடப்பட்டது. இன்று வரை மாவட்ட ஆட்சியர் அலுவலகம் "சிங்காரவேலர் மாளிகை" என்றழைக்கப்படுகிறது.

சென்னை மாவட்ட ஆட்சியர் அலுவலக முகவரி[தொகு]

மாவட்ட ஆட்சியர் அலுவலகம்
சிங்காரவேலர் மாளிகை,
62, ராஜாஜி சாலை,
சென்னை - 600 001.

மாவட்ட நிர்வாகம்[தொகு]

மாவட்ட தாலுக்காக்கள்[தொகு]

  • தண்டையார்பேட்டை தாலுகா
  • புரசைவாக்கம் தாலுகா
  • பெரம்பூர் தாலுகா
  • அயனாவரம் தாலுகா
  • எழும்பூர் தாலுகா
  • அமைந்தக்கரை தாலுகா
  • மயிலாப்பூர் தாலுகா
  • வேளச்சேரி தாலுகா
  • மாம்பலம் தாலுக்கா
  • கிண்டி தாலுகா

மாவட்ட ஆட்சியர்கள்[தொகு]

1947லிருந்து மாவட்ட ஆட்சியர்கள்[3]:

வருடம் ஆட்சியர் பெயர்
04.03.2013 முதல் தற்போது வரை இ சுந்தரவல்லி, இ.ஆ.ப.
20.11.2012 முதல் 03.03.2013 வரை ர சீத்லக்ஷ்மி
05.10.2012 முதல் 19.11.2012 வரை ஜெ ஜெயகாந்தன்,  இ.ஆ.ப.
07.03.2012 முதல் 1.10.2012 வரை எஸ் ஜெயந்தி இ.ஆ.ப.
28.01.2012 முதல் 06.03.2012 வரை கே ஏ அண்ணாமலை 
25.01.2012 முதல் 27.01.2012 வரை எஸ். மதுமதி,  இ.ஆ.ப.
07.06.2011 முதல் 24.01.2012 வரை கே ஏ அண்ணாமலை
04.06.2009 முதல் 06.06.2011 வரை வி ஷோபனா இ.ஆ.ப.
15.09.2008 முதல் 01.06.2009 வரை மைதிலி கே ராஜேந்திரன் இ.ஆ.ப.
04.06.2008 முதல் 14.09.2008 வரை காக்ர்லா உஷா இ.ஆ.ப.
22.05.2006 முதல் 20.04.2008 வரை ஆர் ஜெயா இ.ஆ.ப.
20.12.2005 முதல் 22.05.2006 வரை என் முருகானந்தம் இ.ஆ.ப.
18.02.2005 முதல் 19.12.2005 வரை எஸ் சந்திரமோஹன் இ.ஆ.ப.
02.06.2004 முதல் 17.02.2005 வரை வி கண்ணுச்சாமி இ.ஆ.ப.
19.04.2004 முதல் 01.06.2004 வரை ம ராஜாராம் இ.ஆ.ப.
1.10.2003 முதல் 18.04.2004 வரை வி கண்ணுச்சாமி இ.ஆ.ப.
7.6.2001 முதல் 1.10.2003 வரை ஏ அப்துல் சலாம் இ.ஆ.ப.
19.1.2001 முதல் 7.6.2001 வரை கே சுப்ரமணியன், இ.ஆ.ப.
20.5.99 முதல் 19.1.2001 வரை அணிதா பிரவீன், இ.ஆ.ப.
27.10.97 முதல் 19.5.99 வரை எ சுகுமாரன், இ.ஆ.ப.
8.5.97 முதல் 27.10.97 வரை டி சபிதா, இ.ஆ.ப.
9.6.95 முதல் 8.5.97 வரை ஷாந்தினி கபூர் இ.ஆ.ப.
21.10.93 முதல் 9.6.95 வரை ர குப்புஸ்வாமி இ.ஆ.ப.
25.1.93 முதல் 21.10.93 வரை ம ராமன் இ.ஆ.ப.
13.11.92 முதல் 25.1.93 வரை கே கணேசன், இ.ஆ.ப.
11.10.91 முதல் 12.10.92 ஜயஸ்ரீ பாலச்சந்தர், இ.ஆ.ப.
28.11.90 முதல் 3.10.91 வரை சூசன் மாத்திவ் இ.ஆ.ப.
7.3.90 முதல் 27.11.90 வரை ஷீலரணி சுங்கத் இ.ஆ.ப.
17.10.88 முதல் 12.2.90 வரை ஜோர் ஸிங்க் சியிஎம் இ.ஆ.ப.
22.8.86 முதல் 17.10.88 வரை ஜி புஜங்காராவ் இ.ஆ.ப.
13.5.85 முதல் 22.8.86 லால் ரவ்னா சைலோ இ.ஆ.ப.
19.11.84 முதல் 13.5.85 வரை ஒ பி சொசாம்மா இ.ஆ.ப.
12.8.83 முதல் 18.11.84 வரை கே சுந்தரமூர்த்தி, இ.ஆ.ப.
23.2.83 முதல் 20.7.83 வரை யாஸ்மீன் ஆஹ்மெட், இ.ஆ.ப.
12.10.81 முதல் 22.2.83 வரை சி கே காரியலி, இ.ஆ.ப.
20.3.80 முதல் 11.10.81 வரை லக்ஷ்மி பிராணேஷ், இ.ஆ.ப.
19.7.78 முதல் 19.3.80 வரை எம் வெங்கடாசலம், இ.ஆ.ப.
1.4.77 முதல் 12.7.78 வரை ரதி வினய் ஜ்சா, இ.ஆ.ப.
9.3.76 முதல் 31.3.77 வரை லத்திகா D.பாடல்கர், இ.ஆ.ப.
21.6.75 முதல் 4.3.76 வரை செல்வி எம் எஸ் ரமேஷ், இ.ஆ.ப.
10.9.73 முதல் 20.6.75 வரை ஒ ராமச்சந்திர ராவ் இ.ஆ.ப.
9.8.71 முதல் 9.9.73 வரை எம் ஆஹ்மெட், இ.ஆ.ப.
20.4.70 முதல் 7.5.71 வரை டி கே ஓஸா, இ.ஆ.ப.
1.8.68 முதல் 31.3.70 வரை பத்ரிநாத், இ.ஆ.ப.
23.5.66 முதல் 31.7.68 வரை ஏ எம் நபி, இ.ஆ.ப.
4.10.65 முதல் 22.5.66 வரை எல் எம் வாசகம், இ.ஆ.ப.
9.2.65 முதல் 7.3.65 வரை என் ஹரிபாஸ்கேர், இ.ஆ.ப.
1.11.63 முதல் 3.10.65 வரை செல்வி எஸ் சத்தியபாமா, இ.ஆ.ப.
6.2.63 முதல் 31.10.63 வரை எஸ் க்ரிஷ்ணாஸ்வாமி இ.ஆ.ப.
10.1.60 முதல் 5.2.63 வரை என் க்ரிஷ்ணாஸ்வாமி,
12.10.59 முதல் 9.1.60 வரை டயஸ் இ.ஆ.ப
22.7.58 முதல் 11.10.59 வரை ஜி இ முத்திருளாண்டி இ.ஆ.ப.
2.1.57 முதல் 22.7.58 வரை எஸ் தாயப்பா தேவர், இ.ஆ.ப.
7.10.55 முதல் 2.1.57 வரை எம் எஸ் சிவராமன் ஐ சி எஸ்
9.5.55 முதல் 26.9.55 வரை வி வி சுப்ரமணியன் ஐ சி எஸ்
14.12.54 முதல் 7.5.55 வரை இ பி ராயாப்பா (மிலி), இ.ஆ.ப.
3.8.54 முதல் 14.12.54 வரை கே குலாம் முகமது சாகிப் இ.ஆ.ப.
8.7.53 முதல் 8.7.54 வரை என் எஸ் அருணாச்சலம், இ.ஆ.ப.
20.4.53 முதல் 5.6.53 வரை எம் எ செரிப் இ.ஆ.ப
16.2.53 முதல் 31.3.53 வரை டி என் எஸ் இராகவன் ஐ.சி.எஸ்
25.6.52 முதல் 27.1.53 வரை சி விவேகானந்தமூர்த்தி ஐ.சி.எஸ்
18.7.50 முதல் 3.6.52 வரை டி எஸ் இராமச்சந்திரன் ஐ.சி.எஸ்
4.9.48 முதல் 18.7.50 வரை வி வி சுப்ரமணியன் ஐ.சி.எஸ்
21.11.1947 முதல் 29.8.48 வரை டி பத்மனாபன் ஐ.சி.எஸ்
17.7.47 முதல் 21.11.47 வரை என் எஸ் அருணாச்சலம் ஐ.சி.எஸ்

மாவட்டத்தை சேர்ந்த சென்னை பெருநகர்ப் பகுதிகள்[தொகு]

  • கோட்டை - தண்டையார்பேட்டை வட்டம்
  • பெரம்பூர் - புரசவாக்கம் வட்டம்
  • எழும்பூர் - நுங்கம்பாக்கம் வட்டம்
  • மாம்பலம் - கிண்டி வட்டம் மற்றும்
  • மைலாப்பூர் - திருவல்லிக்கேணி வட்டம் ஆகிய 5 வட்டங்கள்

மேலும் 55 வருவாய் கிராமங்களை உள்ளடக்கிய 176 கிலோ மீட்டர் பரப்பளவினை கொண்டது.[4]

வழிபாட்டுத் தலங்கள்[தொகு]

புகழ்பெற்ற வழிபாட்டுத் தலங்கள்[தொகு]

தேவாரத்தலங்கள்[தொகு]

என நான்கு தேவாரம் பெற்ற சிவாலயங்கள் இந்த மாவட்டத்தில் அமைந்துள்ளன.

மருத்துவமனை மற்றும் கல்லூரி[தொகு]

பெயர் முகவரி
பொது மருத்துவமனை சென்னை-600003
ஸ்டான்லி மருத்துவமனை பழைய சிறைச்சாலை சாலை, சென்னை-600001
ராயப்பேட்டை மருத்துவமனை 1, மேற்கு காட் சாலை, சென்னை-600014
கீழ்ப்பாக்கம் மருத்துவமனை மற்றும் கல்லூரி சென்னை-600010
சித்தா மருத்துவ கல்லூரி சென்னை-600106

சட்டமன்றத் தொகுதிகள்[தொகு]

14வது சட்டமன்ற உறுப்பினர்கள்
தொகுதி வேட்பாளர் கட்சி
ராதாகிருஷ்ணன் நகர் பி. வெற்றிவேல் அதிமுக
பெரம்பூர் ஏ. சுந்தரராஜன் சிபிஎம்
கொளத்தூர் மு. க. ஸ்டாலின் திமுக
வில்லிவாக்கம் ஜே. சி. டி. பிரபாகரன் அதிமுக
திரு.வி.க நகர் வ. நீலகண்டன் அதிமுக
எழும்பூர் கே. நல்லதம்பி தேமுதிக
இராயபுரம் டி. ஜெயக்குமார் அதிமுக
துறைமுகம் பழ. கருப்பையா அதிமுக
சேப்பாக்கம்-திருவல்லிக்கேணி ஜெ. அன்பழகன் திமுக
ஆயிரம் விளக்கு பா. வளர்மதி அதிமுக
அண்ணா நகர் கோகுல இந்திரா அதிமுக
விருகம்பாக்கம் கே. தனசேகரன் தேமுதிக
சைதாப்பேட்டை ஜி. செந்தமிழன் அதிமுக
தியாகராய நகர் வி. பி. கலைராஜன் அதிமுக
மயிலாப்பூர் ராஜலட்சுமி அதிமுக
வேளச்சேரி எம். கே. அசோக் அதிமுக


நாடாளுமன்றத் தொகுதிகள்[தொகு]

நாடாளுமன்றத்
தொகுதி
அரசியல்
கட்சி
தேர்ந்தெடுக்கப்பட்ட
வேட்பாளர்
வட சென்னை அஇஅதிமுக டி. ஜி. வெங்கடேஷ் பாபு
தென் சென்னை அஇஅதிமுக சி. ராஜேந்திரன்
மத்திய சென்னை திமுக தயாநிதி மாறன்
ஆதாரம்: இந்தியத் தேர்தல்கள் / இந்தியத் தேர்தல் ஆணையம்.[5][6]

ஆதாரங்கள்[தொகு]

  1. http://www.mse.ac.in/pub/Monograph%20-%2017.pdf
  2. 2001 இந்திய மக்கள் தொகை கணக்கெடுப்பு
  3. http://www.chennai.tn.nic.in/chncoll.htm#tal
  4. http://www.cmdachennai.gov.in/tamil/
  5. "தேர்தல் முடிவுகள்". இந்தியத் தேர்தல்.
  6. "கட்சிகள் நிலவரம்". இந்தியத் தேர்தல் ஆணையம்.

வெளி இணைப்புகள்[தொகு]

"http://ta.wikipedia.org/w/index.php?title=சென்னை_மாவட்டம்&oldid=1734839" இருந்து மீள்விக்கப்பட்டது