சென்னை சூப்பர் கிங்ஸ்

கட்டற்ற கலைக்களஞ்சியமான விக்கிப்பீடியாவில் இருந்து.
தாவிச் செல்லவும்: வழிசெலுத்தல், தேடல்
சென்னை சூப்பர் கிங்ஸ்

(Chennai Super Kings)

சென்னை சூப்பர் கிங்ஸ்
பயிற்றுனர்: சுடீபன் பிளெமிங்
தலைவர்: மகேந்திர சிங் தோனி
நிறங்கள்: CSK
அமைப்பு: 2008
இல்ல அரங்கு: எம் ஏ சிதம்பரம் மைதானம் (சேப்பாக்கம்)
கொள்ளளவு: 50,000
உரிமையாளர்: இந்தியா சிமெண்ட்ஸ் லிட்..
வலைத்தளம்: சென்னை சூப்பர் கிங்ஸ்

சென்னை சூப்பர் கிங்ஸ் இந்திய கிரிக்கெட் வாரியம் உருவாக்கிய இந்தியன் பிரீமியர் லீக் எனப்படும் இருபது20 துடுப்பாட்டப் போட்டித் தொடரின் சென்னை ஒப்போலை உரிமையின் பெயராகும். 2008ஆம் ஆண்டு உருவாக்கப்பட்ட இந்த அணியின் தற்போதைய தலைவர் மகேந்திர சிங் தோனியாவார். அணியின் தற்போதைய பயிற்றுனர் முன்னாள் நியூசிலாந்து வீரர் சுடீபன் பிளெமிங் ஆவார். அணியின் இல்ல அரங்கு சென்னை சேப்பாக்கத்தில் உள்ள எம் ஏ சிதம்பரம் துடுப்பாட்ட அரங்கமாகும்.

இந்தியன் பிரீமியர் லீக் வரலாற்றில் அதிக வெற்றிகளை பெற்ற அணி இதுவே ஆகும். இந்த அணி 2010 மற்றும் 2011 ஆகிய இரு ஆண்டுகளில் தொடர்ந்து கோப்பையை வென்றுள்ளது. இந்தியன் பிரீமியர் லீக் போட்டிகளில் தொடர்ந்து அதிக வெற்றிகளை (7) பெற்ற அணி என்ற சாதனையையும் 2013 ஆம் ஆண்டில் பெற்றது. சென்னை சூப்பர் கிங்ஸ் அணியே சாம்பியன்சு லீக் இருபது20 போட்டியின் கோப்பையை வென்ற முதல் இந்திய அணி. சூப்பர் கிங்ஸ் அணியின் சார்பில் அதிக ஓட்டங்களை எடுத்தவர் சுரேஷ் ரைனா மற்றும் அணிக்காக அதிக ஆடுநர்களை வீழ்த்தியவர் டுவைன் பிராவோ.

2013 மே 24 அன்று, அணியின் முதன்மை அதிகாரி, குருநாத் மெய்யப்பன், சூதாட்டம் மற்றும் ஏமாற்றுதல் ஆகிய குற்றங்களுக்காக கைது செய்யப்பட்டார். எனினும் அணியை போட்டியிலிருந்து நீக்கும் எண்ணமில்லை என இந்திய கிரிக்கெட் வாரியம் தெரிவித்துள்ளது.

ஒப்போலை உரிமையின் வரலாறு[தொகு]

இந்தியன் பிரிமியர் லீக் தொடங்கியபோது வாங்கப்பட்ட 8 அணிகளில் ஒன்றாகும். இந்த ஒப்போலை உரிமை 91 மில்லியன் அமெரிக்க டாலருக்கு வரும் 10 ஆண்டுகளுக்கு இந்திய சிமேந்து நிறுவனத்தால் வாங்கப்பட்டது. 2010ஆம் ஆண்டு வரை இந்த ஒப்போலை உரிமையின் விளம்பர நட்சத்திர தூதுவராக இந்திய துடுப்பாட்ட அணியின் முன்னாள் வீரர் கிருஷ்ணமாச்சாரி ஸ்ரீகாந்த் இருந்தார். மற்றொரு முன்னாள் இந்திய வீரரான வி.பி.சந்திரசேகர் அணியின் தலைமை தேர்வாளர் ஆவார்.

மக்களிடம் துடுப்பாட்டப் போட்டியை கொண்டு சேர்க்க அணிக்கான விளம்பர நட்சத்திர தூதுவர்களாக திரைப்பட நடிகர்களான விஜய்யும் நயன்தாராவும் நியமிக்கப்பட்டனர்.[1][2] . சேப்பாக்கம் துடுப்பாட்ட அரங்கம் அணியின் இல்ல அரங்கமாக காணப்படும். அணிக்கான கருப்பொருள் பாடலை வைரமுத்து எழுதியிருப்பதோடு மணி சர்மா இசையமைத்துள்ளார் கருப்பொருள் நிகழ்படத்தை ராஜிவ் மேனன் இயக்கியுள்ளார். 2010 ஆம் ஆண்டு அரவிந்த்-சங்கர் இசையில் வெளியிடப்பட்ட 'விசில் போடு' என்னும் விளம்பர பாடல் மிகுந்த தாக்கத்தை ஏற்படுத்தியது.

பெயரின் விளக்கம்[தொகு]

சென்னை சூப்பர் கிங்ஸ் என்ற பெயர் சங்க கால தமிழ் அரசர்களை குறிக்கிறது. அணியின் சின்னம் காட்டு ராஜாவான சிங்கம் ஆகும். இது தமிழகத்தை ஆண்ட பல்லவர்களின் சின்னமும் ஆகும். சூப்பர் கிங்ஸ் என்ற பெயர், இவ்வணியின் உரிமையாளர்களான இந்தியா சிமெண்ட்ஸ் நிருவனத்தின் கோரமாண்டல் சூப்பர் கிங் என்ற சிமெண்ட் வகையின் பெயரையும் குறிக்கலாம்.

இல்ல அரங்கம்[தொகு]

சென்னை சூப்பர் கிங்ஸ் அணியின் இல்ல அரங்கம் சென்னை சேப்பாக்கத்தில் உள்ள எம் ஏ சிதம்பரம் துடுப்பாட்ட அரங்கமாகும். இந்திய துடுப்பாட்ட வாரியத்தின் முன்னாள் தலைவரான திரு.எம்.ஏ.சிதம்பரத்தில் நினைவாக பெயரிடப்பட்டுள்ள இந்த அரங்கம், இந்தியாவில் தொடர்ந்து பயன்பாட்டில் இருக்கும் மிகவும் பழைமையான அரங்கமாகும். தமிழ்நாடு துடுப்பாட்டக் கழகத்திற்கு சொந்தமான் இந்த அரங்கில் மே 2013 நிலவரப்படி 50,000 பார்வையாளர்கள் அமரும் வசதி உள்ளது. 2011 துடுப்பாட்ட உலக கிண்ணத்திற்காக புணரமைக்கப்பட்டபோது இதன் பார்வையாளர் கொள்ளளவு 36,000தில் இருந்து 50,000ஆக அதிகரிக்கப்பட்டது.
இங்கு சென்னை சூப்பர் கிங்ஸ் அணி 62.75 சதவிகித வெற்றியை பதிவு செய்துள்ளது. ரசிகர்களால் "சேப்பாக்கம் கோட்டை" எனவும் "சிங்கத்தின் குகை" எனவும் அழைக்கப்படுகிறது. 2011ஆம் ஆண்டில் சென்னை சூப்பர் கிங்ஸ் அணி இங்கு விளையாடிய 8 போட்டிகளிலும் (ராயல் சேலஞ்சர்சு பெங்களூர் அணிக்கு எதிரான இறுதிப் போட்டி உள்பட) வென்று, தன் இல்ல அரங்கத்தில் அனைத்து போட்டிகளிலும் வென்ற முதல் அணி என்ற சாதனையை படைத்தது.

சூப்பர் கிங்ஸ் அணியின் இல்ல அரங்கு சாதனை
ஆட்டங்கள் வெற்றி தோல்வி முடிவின்மை வெற்றி விகிதம்
இந்தியன் பிரீமியர் லீக் 39 26 13 0 66.67%
சாம்பியன்சு லீக் இருபது20 4 3 1 0 75%
மொத்தம் 43 29 14 0 67.44%
சேப்பாக்கம் துடுப்பாட்ட அரங்கின் புதிய தோற்றம்


முடிவுகள்[தொகு]

ஆண்டு இந்தியன் பிரீமியர் லீக் சாம்பியன்சு லீக் இருபது20
2008 இரண்டாம் இடம் இரத்து செய்யப்பட்டது (தே)
2009 அரையிறுதி தே.இ
2010 வாகையாளர் வாகையாளர்
2011 வாகையாளர் குழு சுற்று
2012 இரண்டாம் இடம் குழு சுற்று
2013 இரண்டாம் இடம் அரையிறுதி
  • தே = தேர்வுபெற்றது; தே.இ = தேர்வு பெறவில்லை


தற்போதைய அணி[தொகு]

  • தடித்த எழுத்துக்களில் பெயர் உள்ள வீரர்கள் சர்வதேச போட்டிகளில் தங்கள் நாட்டுக்காக விளையாடி உள்ளனர்.
  •   *  2013 சாம்பியன்சு லீக் இருபது20 2013 போட்டிக்கான அணியில் இருந்தவர்கள்.
எண் பெயர் நாடு பிறந்த நாள் மட்டையாடும் பாணி பந்துவீச்சு குறிப்புகள்
மட்டையாளர்கள்
03 சுரேஷ் ரைனா இந்தியாவின் கொடி 27 நவம்பர் 1986 (1986-11-27) (அகவை 27) இடது-கை வலது-கை ஆஃப் பிரேக் துணைத் தலைவர்
08 முரளி விசய் இந்தியாவின் கொடி 1 ஏப்ரல் 1984 (1984-04-01) (அகவை 30) வலது-கை வலது-கை ஆஃப் பிரேக்
13 பிரான்காயிசு டூ பிளசிசு தென்னாப்பிரிக்கா கொடி 13 ஜூலை 1984 (1984-07-13) (அகவை 30) வலது-கை வலது-கை லெக் பிரேக் வெளிநாடு
33 சுப்ரமணியம் பத்ரிநாத் இந்தியாவின் கொடி 30 ஆகஸ்ட் 1980 (1980-08-30) (அகவை 33) வலது-கை வலது-கை ஆஃப் பிரேக்
48 மைக்கேல் குசே ஆத்திரேலியாவின் கொடி 27 மே 1975 (1975-05-27) (அகவை 39) இடது-கை வலது கை மித வேகம் வெளிநாடு
77 அனிருத்தா சிரிகாந்த் இந்தியாவின் கொடி 14 ஏப்ரல் 1987 (1987-04-14) (அகவை 27) வலது-கை வலது-கை ஆஃப் பிரேக்
சகலதுறை ஆட்டக்காரர்கள்
02 கிரிசு மோரீசு தென்னாப்பிரிக்கா கொடி 30 ஏப்ரல் 1987 (1987-04-30) (அகவை 27) வலது-கை வலது கை மித வேகம் வெளிநாடு
05 பாபா அபரசித் இந்தியாவின் கொடி 8 ஜூலை 1994 (1994-07-08) (அகவை 20) வலது-கை வலது-கை ஆஃப் பிரேக்
12 ரவீந்திர சடேசா இந்தியாவின் கொடி 6 திசம்பர் 1988 (1988-12-06) (அகவை 25) இடது-கை இடது கை ஆர்த்தோடாக்சு சுழல்
26 விசய சங்கர் இந்தியாவின் கொடி 26 ஜனவரி 1991 (1991-01-26) (அகவை 23) வலது-கை வலது-கை ஆஃப் பிரேக்
47 டுவைன் பிராவோ {{{பெயர் விகுதியுடன்}}} கொடி 7 அக்டோபர் 1983 (1983-10-07) (அகவை 30) வலது-கை வலது கை மித வேகம் வெளிநாடு
81 ஆல்பி மோர்க்கல் தென்னாப்பிரிக்கா கொடி 10 ஜூன் 1981 (1981-06-10) (அகவை 33) இடது-கை வலது கை மித வேகம் வெளிநாடு
99 ரவிச்சந்திரன் அசுவின் இந்தியாவின் கொடி 17 செப்டம்பர் 1986 (1986-09-17) (அகவை 27) வலது-கை வலது கை ஆஃப் பிரேக்
குச்சக்காப்பாளர்கள்
06 ரித்திமான் சாஃகா இந்தியாவின் கொடி 24 அக்டோபர் 1984 (1984-10-24) (அகவை 29) வலது-கை  –
07 மகேந்திர சிங் தோனி இந்தியாவின் கொடி 7 ஜூலை 1981 (1981-07-07) (அகவை 33) வலது-கை வலது கை மித வேகம் தலைவர்
பந்து வீச்சாளர்கள்
01 இரா கார்த்திகேயன் இந்தியாவின் கொடி 26 ஜனவரி 1993 (1993-01-26) (அகவை 21) வலது-கை இடது கை ஆர்த்தோடாக்சு சுழல்
04 அகிலா தனஞ்செயா {{{பெயர் விகுதியுடன்}}} கொடி 4 அக்டோபர் 1993 (1993-10-04) (அகவை 20) இடது-கை வலது கை ஆஃப் பிரேக் வெளிநாடு
18 மோகித் சர்மா இந்தியாவின் கொடி 18 செப்டம்பர் 1988 (1988-09-18) (அகவை 25) வலது-கை வலது கை மித வேகம்
22 ரோணித் மோர் இந்தியாவின் கொடி 11 பெப்ரவரி 1992 (1992-02-11) (அகவை 22) வலது-கை வலது கை மித வேகம்
27 சடாப் சகாடி இந்தியாவின் கொடி 27 நவம்பர் 1980 (1980-11-27) (அகவை 33) இடது-கை இடது கை ஆர்த்தோடாக்சு சுழல்
28 பென் இல்பினுகாசு ஆத்திரேலியாவின் கொடி 15 மார்ச் 1983 (1983-03-15) (அகவை 31) வலது-கை வலது கை மித வேகம் வெளிநாடு
29 டிர்க் நேனசு ஆத்திரேலியாவின் கொடி 16 மே 1976 (1976-05-16) (அகவை 38) வலது-கை இடது கை மித வேகம் வெளிநாடு
43 அன்கித் ராசுபுத் இந்தியாவின் கொடி 4 திசம்பர் 1993 (1993-12-04) (அகவை 20) வலது-கை வலது கை மித வேகம்
55 பென் லாலின் ஆத்திரேலியாவின் கொடி 3 அக்டோபர் 1982 (1982-10-03) (அகவை 31) வலது-கை வலது கை மித வேகம் வெளிநாடு
63 இம்தியாசு அகமது இந்தியாவின் கொடி 10 நவம்பர் 1985 (1985-11-10) (அகவை 28) வலது-கை வலது கை மித வேகம்
92 நுவன் குலசேகர இலங்கையின் கொடி 22 ஜூலை 1982 (1982-07-22) (அகவை 32) வலது-கை வலது கை மித வேகம் வெளிநாடு
98 ஜேசன் ஓல்டர் பார்படோசின் கொடி 5 நவம்பர் 1991 (1991-11-05) (அகவை 22) வலது-கை வலது கை மித வேகம் வெளிநாடு

ஆதாரம்:[3]

நிர்வாக மற்றும் உதவி பணியாளர்கள்[தொகு]

  • தலைமை பயிற்றுனர் – சுடீபன் பிளெமிங்[4]
  • பந்துவீச்சு பயிற்றுனர் – ஆண்டி பிக்கெல்[4]
  • களப்பணி பயிற்றுனர் – சுடீவு ரிக்சன்[4]
  • உடற்பயிற்ச்சியாளர் – கிரிகோரி கிங்[4]
  • உடற்பயிற்சி சிகிச்சையர் – டோமி சிம்செக்[4]
  • அணி மேலாளர் – ராதாகிருட்டிணன்[4]
  • செயல்திறன் பகுப்பாளர் – இலட்சுமி நாராயணன்[4]
  • அணி மருத்துவர் – மது தோட்டப்பில்லில்[4]

வீரர்களின் ஊதியம்[தொகு]

நாடு வீரர் ஒப்பந்தம்
கையொப்பமிட்ட / புதுப்பிக்கப்பட்ட
ஆண்டு
ஊதியம்
இந்தியாவின் கொடி மகேந்திர சிங் தோனி 2011 $3,000,000[5]
இந்தியாவின் கொடி ரவீந்திர சடேசா 2012 $2,000,000[6]
இந்தியாவின் கொடி சுரேஷ் ரைனா 2011 $1,300,000[5]
இந்தியாவின் கொடி முரளி விசய் 2011 $900,000[5]
இந்தியாவின் கொடி ரவிச்சந்திரன் அசுவின் 2011 $850,000[5]
இந்தியாவின் கொடி சுப்ரமணியம் பத்ரிநாத் 2011 $800,000[5]
தென்னாப்பிரிக்கா கொடி கிரிசு மோரீசு 2013 $675,000[7]
ஆத்திரேலியாவின் கொடி டிர்க் நேனசு 2013 $600,000[7]
தென்னாப்பிரிக்கா கொடி ஆல்பி மோர்க்கல் 2011 $500,000[5]
ஆத்திரேலியாவின் கொடி மைக்கேல் குசே 2011 $425,000[5]
{{{பெயர் விகுதியுடன்}}} கொடி டுவைன் பிராவோ 2011 $200,000[5]
தென்னாப்பிரிக்கா கொடி பிரான்காயிசு டூ பிளசிசு 2011 $120,000[5]
இந்தியாவின் கொடி ரித்திமான் சாஃகா 2011 $100,000[5]
ஆத்திரேலியாவின் கொடி பென் இல்பினுகாசு 2011 $100,000[5]
{{{பெயர் விகுதியுடன்}}} கொடி நுவன் குலசேகர 2011 $100,000[5]
ஆத்திரேலியாவின் கொடி பென் லாலின் 2013 $20,000[7]
பார்படோசின் கொடி ஜேசன் ஓல்டர் 2013 $20,000[7]
{{{பெயர் விகுதியுடன்}}} கொடி அகிலா தனஞ்செய 2013 $20,000[7]

கால அட்டவணை மற்றும் முடிவுகள்[தொகு]

இந்தியன் பிரீமியர் லீக் போட்டியின் முடிவுகளின் தொகுப்பு[தொகு]

இந்தியன் பிரீமியர் லீக் போட்டிகளின் செயல்திறன் பகுப்பு[8]
ஆண்டு போட்டிகள் வெற்றி தோல்வி முடிவின்மை சமநிலை வெற்றி விகிதம் தேர்விடம் குறிப்பு
2008 16 9 7 0 0 56.25% 2வது இரண்டாம் இடம்
2009 15 8 6 1 0 53.33% 4வது அரை-இறுதியாளர்
2010 16 9 7 0 0 56.25% 1வது வாகையாளர்
2011 16 11 5 0 0 68.75% 1வது வாகையாளர்
2012 19 19 11 8 0 52.63% 2வது இரண்டாம் இடம்
2013 18 12 6 0 0 66.67% 2வது இரண்டாம் இடம்
மொத்தம் 99 59 39 1 0 60.2%

முடிவுகளின் சுருக்கம்[தொகு]

எதிரணி வரிசைப்படி[9]

எதிரணி காலம் போட்டிகள் வெற்றி தோல்வி சமநிலை முடிவின்மை வெற்றி விகிதம்
டெக்கான் சார்ஜர்ஸ் 2008–2012 10 6 4 0 0 60%
டெல்லி டேர்டெவில்ஸ் 2008–2013 12 8 4 0 0 66.67%
கிங்சு இலெவன் பஞ்சாபு 2008–2013 12 8 4 0 0 66.67%
கொச்சி இட்டசுக்கேர்சு கேரளா 2011 2 1 1 0 0 50%
கொல்கத்தா நைட் ரைடர்ஸ் 2008–2013 12 8 4 0 0 66.67%
மும்பை இந்தியன்ஸ் 2008–2013 15 6 9 0 0 40.00%
புனே வாரியர்சு இந்தியா 2011–2013 6 4 2 0 0 66.67%
ராஜஸ்தான் ராயல்ஸ் 2008–2013 13 8 5 0 0 61.53%
பெங்களூர் ராயல் சேலஞ்சர்ஸ் 2008–2013 15 8 6 0 1 53.33%
சன்ரைசர்ஸ் ஐதராபாத் 2013 2 2 0 0 0 100.00%
மொத்தம் 2008–2013 99 59 39 0 1 60.2%
தற்போது செயலற்ற அணிகள்

சாம்பியன்சு லீக் இருபது20 போட்டி முடிவுகளின் தொகுப்பு[தொகு]

சாம்பியன்சு லீக் இருபது20 போட்டிகளில் அணியின் செயல்திறன் பகுப்பு[10]
ஆண்டு போட்டிகள் வெற்றி தோல்வி முடிவின்மை வெற்றி விகிதம் குறிப்பு
2008  –  –  –  –  – இரத்து செய்யப்பட்டது
2010 6 5 1 0 83.33% வாகையாளர்
2011 4 1 3 0 25% குழு சுற்று
2012 4 2 2 0 50% குழு சுற்று
2013 5 3 2 0 60% அரைஇறுதியாளர்
மொத்தம் 19 11 8 0 57.89%


  • 2009ஆம் ஆண்டு சாம்பின்சு லீக் போட்டிகளுக்கு சென்னை சூப்பர் கிங்ஸ் அணி தகுதிபெறவில்லை


மேற்கோள்கள்[தொகு]

  1. விளம்பர நட்சத்திர தூதுவர்கள் நியமனம்
  2. Vijay & Nayan to endorse Chennai Super Kings - Sify.com
  3. "Indian Premier League, 2013 / Chennai Super Kings Squad". ESPNcricinfo. பார்த்த நாள் 4 June 2013.
  4. 4.0 4.1 4.2 4.3 4.4 4.5 4.6 4.7 "சென்னை சூப்பர் கிங்ஸ் அதிகாரப்பூர்வ இணையம்". ESPNcricinfo.
  5. 5.00 5.01 5.02 5.03 5.04 5.05 5.06 5.07 5.08 5.09 5.10 5.11 "IPL player list". ESPNcricinfo.
  6. "IPL 2012 auction Who was sold to whom". ESPNcricinfo.
  7. 7.0 7.1 7.2 7.3 7.4 "IPL player list at 2013 auction". ESPNcricinfo.
  8. "Indian Premier League - Chennai Super Kings / Records / List of match results (by season)". ESPNcricinfo. பார்த்த நாள் 5 June 2013.
  9. "Indian Premier League - Chennai Super Kings / Records / Result summary". ESPNcricinfo. பார்த்த நாள் 5 June 2013.
  10. "Champions League Twenty20 - Chennai Super Kings / Records / List of match results (by season)". ESPNcricnfo. பார்த்த நாள் 5 June 2013.
"http://ta.wikipedia.org/w/index.php?title=சென்னை_சூப்பர்_கிங்ஸ்&oldid=1690750" இருந்து மீள்விக்கப்பட்டது