விஜயகலா மகேசுவரன்

விஜயகலா மகேஸ்வரன் Vijayakala Maheswaran நா.உ.
சிறுவர் விவகாரங்களுக்கான இராசாங்க அமைச்சர்
பதவியில் உள்ளார்
பதவியில் 9 செப்டம்பர் 2015
பெண்கள் விவகாரப் பிரதி அமைச்சர்
பதவியில் 12 சனவரி 2015 – 17 ஆகத்து 2015
யாழ்ப்பாண மாவட்ட நாடாளுமன்ற உறுப்பினர்
பதவியில் உள்ளார்
பதவியில் 2010
தனிப்பட்ட விவரங்கள்
பிறப்பு	23 நவம்பர் 1972 (1972-11-23) களபூமி, காரைநகர், யாழ்ப்பாண மாவட்டம், இலங்கை
தேசியம்	இலங்கைத் தமிழர்
அரசியல் கட்சி	ஐக்கிய தேசியக் கட்சி
துணைவர்	தியாகராஜா மகேஸ்வரன்
வாழிடம்	32, 36ம் ஒழுங்கை, வெள்ளவத்தை, கொழும்பு 6, இலங்கை
பணி	தொழிற்சங்கவாதி
சமயம்	இந்து

விஜயகலா மகேசுவரன் (Vijayakala Maheswaran, பிறப்பு:23 நவம்பர் 1972) என்பவர் இலங்கைத் தமிழ் அரசியல்வாதியும், நாடாளுமன்ற உறுப்பினரும் ஆவார்.

ஆரம்ப வாழ்க்கை

விஜயகலா 1972 நவம்பர் 23 அன்று யாழ்ப்பாண மாவட்டம், காரைநகரில் மார்க்கண்டு என்பவருக்குப் பிறந்தவர். காரைநகர் இந்துக் கல்லூரியில் கல்வி பயின்றார்.

விஜயகலா முன்னாள் நாடாளுமன்ற உறுப்பினர் தியாகராஜா மகேசுவரனைத் திருமணம் புரிந்தார். மகேசுவரன் 2008 சனவரி 1இல் அரச துணை இராணுவக் குழுவினரால் கொழும்பில் படுகொலை செய்யப்பட்டார். இவர்களுக்கு இரண்டு பெண்கள், ஒரு ஆண் என மூன்று பிள்ளைகள் உள்ளனர்.

அரசியலில்

விஜயகலா தனது கணவரின் படுகொலைக்குப் பிறகு அரசியலில் இறங்கினார். 2010 நாடாளுமன்றத் தேர்தலில் ஐக்கிய தேசியக் கட்சியின் சார்பில் ஐக்கிய தேசிய முன்னணியின் வேட்பாளராக யாழ்ப்பாண மாவட்டத்தில் போட்டியிட்டு வெற்றி பெற்று முதற் தடவையாக நாடாளுமன்றம் சென்றார். 2015 சனாதிபதித் தேர்தலை அடுத்து இவர் பெண்கள் விவகாரப் பிரதி அமைச்சராக நியமிக்கப்பட்டார். 2015 நாடாளுமன்றத் தேர்தலில் மீண்டும் யாழ்ப்பாண மாவட்டத்தில் நிறுத்தப்பட்டு 13,071 விருப்பு வாக்குகள் பெற்று தெரிவானார். 2015 செப்டம்பர் 9 இல் இவர் சிறுவர் விவகாரங்களுக்கான இராசாங்க அமைச்சராக நியமிக்கப்பட்டார்.

பதவி விலகல்

2018 ஆம் ஆண்டு ஜூலை மாதம் பாரளுமன்றத்தில் தமிழர்களின் சுதந்திரத்தைக்காக்க மீண்டும் விடுதலைப்புலிகள் வரவாண்டும் என்று பேசியதால் எழுந்த சர்ச்சையின் காரணமாக தனது பதவியை விட்டு விலகினார்.