மனோ கணேசன்

கட்டற்ற கலைக்களஞ்சியமான விக்கிப்பீடியாவில் இருந்து.
தாவிச் செல்லவும்: வழிசெலுத்தல், தேடல்
மனோ கணேசன்
Mano Ganesan

நா.உ மா.ச.உ உ.ச.உ
Mano Ganesan at Bring Them Home event.jpg
தேசிய கலந்துரையாடல்களுக்கான அமைச்சர்
பதவியில் உள்ளார்
பதவியேற்பு
4 செப்டம்பர் 2015
கொழும்பு மாவட்ட நாடாளுமன்ற உறுப்பினர்
பதவியில் உள்ளார்
பதவியேற்பு
2015
பதவியில்
2001–2010
கொழும்பு மாவட்டத்துக்கான மேல்மாகாண சபை உறுப்பினர்
பதவியில்
1999–2001
பதவியில்
2014–2015
கொழும்பு மாநகர சபை உறுப்பினர்
பதவியில்
2011–2014
தனிநபர் தகவல்
பிறப்பு 17 திசம்பர் 1959 (1959-12-17) (அகவை 56)
தேசியம் இலங்கை மலையகத் தமிழர்
அரசியல் கட்சி ஜனநாயக மக்கள் முன்னணி
பிற அரசியல்
சார்புகள்
தமிழ் முற்போக்குக் கூட்டணி
பணி தொழிற்சங்கவாதி
சமயம் இந்து

மனோ கணேசன் (Mano Ganesan, பிறப்பு: டிசம்பர் 17, 1959) இலங்கை அமைச்சரும், ஜனநாயக மக்கள் முன்னணியின் தலைவரும், சனநாயகத் தொழிலாளர் காங்கிரஸ் என்ற தொழிற்சங்கத்தின் தலைவரும், நாடாளுமன்ற உறுப்பினரும் ஆவார். மக்கள் கண்காணிப்புக் குழுவின் ஏற்பாட்டாளராகவும் பணியாற்றுகிறார். இவர் 2015 செப்டம்பர் 4 அன்று தேசிய கலந்துரையாடல்களுக்கான அமைச்சராக நியமிக்கப்பட்டார்.[1]

வாழ்க்கைச் சுருக்கம்[தொகு]

மனோ கணேசன் பிரபல தமிழ் தொழிற்சங்கவாதியும், திரைப்பட நடிகரும், இயக்குனருமான மறைந்த வி. பி. கணேசனின் மகனும், நாடாளுமன்ற உறுப்பினர் பிரபா கணேசனின் உடன்பிறந்தவரும் ஆவார்.[2]

அரசியலில்[தொகு]

மனோ கணேசன் முதன் முதலில் மேல் மாகாண சபையில் மேலக மக்கள் முன்னணி என்ற தனது அரசியல் கட்சி உறுப்பினராக அரசியலில் இறங்கினார். இலங்கை நாடாளுமன்றத்திற்கு முதன் முதலில் 2001 தேர்தலில் ஐக்கிய தேசியக் கட்சியின் கீழ் போட்டியிட்டு வெற்றி பெற்றார்.[3] 2004 தேர்தலில் தனது சனநாயக மக்கள் முன்னணியின் சார்பில் ஐக்கிய தேசிய முன்னணி கூட்டணியில் கொழும்பு மாவட்டத்தில் போட்டியிட்டு வெற்றி பெற்றார்.[4] 2010 தேர்தலில் ஐக்கிய தேசிய முன்னணி கூட்டணியில் கண்டி மாவட்டத்தில் போட்டியிட்டுத் தோல்வியுற்றார்.[5] அதே வேளையில் கொழும்பு மாவட்டத்தில் சனநாயக மக்கள் முன்னணியின் சார்பில் போட்டியிட்ட இவரது சகோதரர் பிரபா கணேசன் வெற்றி பெற்று நாடாளுமன்றம் சென்றார். ஆனாலும், பிரபா கணேசன் பின்னர் இக்கட்சியில் இருந்து விலகி ஆளும் ஐக்கிய மக்கள் சுதந்திரக் கூட்டணியில் இணைந்து கொண்டார்[6].

மனோ கணேசன் 2011 உள்ளூராட்சி சபைத் தேர்தலில் ஜனநாயக மக்கள் முன்னணி வேட்பாளராகப் போட்டியிட்டு கொழும்பு மாநகரசபை உறுப்பினரானார்.[7][8] 2014 மாகாண சபைத் தேர்தலில் மேற்கு மாகாணசபை உறுப்பினராகத் தேர்ந்தெடுக்கப்பட்டார்.[9][10][11]

மனோ கணேசன் 2015 அரசுத்தலைவர் தேர்தலில் போட்டியிட்ட எதிரணியின் பொது வேட்பாளரான மைத்திரிபால சிறிசேனவிற்குத் தனது ஆதரவைத் தெரிவித்தார்.

தமிழ் முற்போக்குக் கூட்டணி[தொகு]

2015 ஆம் ஆண்டில் மலையக மக்கள் முன்னணியின் தலைவர் அமைச்சர் வே. இராதாகிருஷ்ணன்ம் மற்றும் தொழிலாளர் தேசிய சங்கத்தின் தலைவர் அமைச்சர் பழனி திகாம்பரம் ஆகியோருடன் இணைந்து தமிழ் முற்போக்குக் கூட்டணி என்ற கூட்டமைப்பை ஆரம்பித்தார்.[12][13] இக்கூட்டணி 2015 நாடாளுமன்றத் தேர்தலில் ஐக்கிய தேசியக் கட்சியின் சின்னத்தில் போட்டியிட்டு ஆறு இடங்களைக் கைப்பற்றியது.[14]

2015 நாடாளுமன்றத் தேர்தலில் ஐக்கிய தேசியக் கட்சியின் வேட்பாளராகக் கொழும்பு மாவட்டத்தில் போட்டியிட்டு வெற்றி பெற்று மீண்டும் நாடாளுமன்றம் சென்றார்.[15][16][17]

அமைச்சர் பதவி[தொகு]

மனோ கணேசன் மைத்திரிபால சிறிசேன அமைச்சில் 2015 செப்டம்பர் 4 அன்று தேசிய கலந்துரையாடல்களுக்கான அமைச்சராக நியமிக்கப்பட்டார்.[1] இவரது அமைச்சின் கீழ் அரச மொழிகள் திணைக்களம், அரச மொழிகள் ஆணைக்குழு, தேசிய மொழிப்பயிலகம், அரசு சாரா நிறுவன செயலகம் ஆகிய அரசுத் திணைக்களங்கள் உள்ளன.

அமெரிக்காவின் விடுதலைக் காப்பாளர்கள் விருது[தொகு]

அமெரிக்காவின் விடுதலைக் காப்பாளர் விருது (Freedom Defender’s Award) மனித உரிமைகளுக்கான சிம்பாப்வே வழக்கறிஞர்களுக்கும், மனோ கணேசனுக்கும் வழங்கப்படுவதாக 2007 டிசம்பர் 10 இல் அமெரிக்காவின் அப்போதைய அரசுச் செயலாளர் காண்டலீசா ரைஸ் வாசிங்டன், டி. சி.யில் அறிவித்தார்.[18]

தேர்தல் வரலாறு[தொகு]

மனோ கணேசனின் தேர்தல் வரலாறு
தேர்தல் தொகுதி கட்சி வாக்குகள் முடிவு
1999 மாகாணசபை கொழும்பு மாவட்டம் IOPF வெற்றி
2001 நாடாளுமன்றம்[3] கொழும்பு மாவட்டம் ஐதேமு 54,942 வெற்றி
2004 நாடாளுமன்றம்[4] கொழும்பு மாவட்டம் ஐதேமு 51,508 வெற்றி
2010 நாடாளுமன்றம்[5] கண்டி மாவட்டம் ஐதேமு 28,033 தோல்வி
2011 உள்ளூர்[7] கொழும்பு மாநகரசபை சமமு 28,433 வெற்றி
2014 மாகாணசபை[11] கொழும்பு மாவட்டம் சமமு 28,558 வெற்றி
2015 நாடாளுமன்றம்[19] கொழும்பு மாவட்டம் ஐதேக 69,064 வெற்றி

மேற்கோள்கள்[தொகு]

  1. 1.0 1.1 "இலங்கையின் புதிய அமைச்சரவை பதவியேற்றுள்ளது". பிபிசி தமிழ் (4 செப்டம்பர் 2015). பார்த்த நாள் 4 செப்டம்பர் 2015.
  2. Voting for a cause... Nation - September 12, 2010
  3. 3.0 3.1 "General Election 2001 Preferences". Department of Elections, Sri Lanka.
  4. 4.0 4.1 "General Election 2004 Preferences". Department of Elections, Sri Lanka.
  5. 5.0 5.1 "Parliamentary General Election - 2010 Kandy Preferences". Department of Elections, Sri Lanka.
  6. பிரபா, திகாம்பரம் அரசில் இணைவு, தினகரன், ஆகத்து 6, 2012
  7. 7.0 7.1 "Local Authorities 08.10.2011 Colombo Municipal Council". Department of Elections, Sri Lanka.
  8. "Consequences of Tamil genocide engulf entire island: Bahu". தமிழ்நெட். 22 அக்டோபர் 2011. https://www.tamilnet.com/art.html?catid=13&artid=34547. 
  9. "PART I : SECTION (I) ó GENERAL Government Notifications PROVINCIAL COUNCILS ELECTIONS ACT, No. 2 OF 1988 Western Province Provincial Council". இலங்கை அரச வர்த்தமானி Extraordinary 1856/09. 1 April 2014. http://www.documents.gov.lk/Extgzt/2014/PDF/Apr/1856_09/1856_09%20%28E%29.pdf. 
  10. "Full list of preferential votes". டெய்லிமிரர். 31 மார்ச் 2014. http://www.dailymirror.lk/caption-story/45236-full-list-of-preferential-votes.html. 
  11. 11.0 11.1 Somawardana, Melissa (31 மார்ச் 2014). "Colombo District Preferential Votes: Complete list of winners". நியூஸ் பெர்ஸ்ட். http://newsfirst.lk/english/2014/03/complete-list-winners-colombo-district-preferential-votes/28208. 
  12. "DPF, UPF, WNC form new political alliance". டெய்லி மிரர் (3 சூன் 2015). பார்த்த நாள் 4 சூன் 2015.
  13. "மனோ கணேசன் தலைமையில் இன்று உதயமானது தமிழ் முற்போக்கு கூட்டணி!". தமிழ்வின் (3 சூன் 2015). பார்த்த நாள் 4 சூன் 2015.
  14. "த.மு.கூ - ஐ.தே.க இணைந்து போட்டி". அததெரண (10 சூலை 2015). பார்த்த நாள் 12 சூலை 2015.
  15. "PART I : SECTION (I) — GENERAL Government Notifications PARLIAMENTARY ELECTIONS ACT, No. 1 OF 1981". இலங்கை அரச வர்த்தமானி Extraordinary 1928/03. 19 August 2015. http://www.documents.gov.lk/Extgzt/2015/PDF/Aug/1928_03/1928_03%20E.pdf. 
  16. "Ranil tops with over 500,000 votes in Colombo". டெய்லிமிரர். 19 ஆகத்து 2015. http://www.dailymirror.lk/83949/ranil-tops-with-over-500-000-votes-in-colombo. 
  17. "Preferential Votes". டெய்லிநியூஸ். 19 ஆகத்து 2015. http://www.dailynews.lk/?q=political/preferential-votes-2. 
  18. "Mano Ganesan to receive US Freedom Defenders Award". TamilWeek TW news-features (டிசம்பர் 11, 2007). பார்த்த நாள் 2007-12-14.
  19. Jayakody, Pradeep (28 ஆகத்து 2015). "The Comparison of Preferential Votes in 2015 & 2010". டெய்லிமிரர். http://www.dailymirror.lk/85309/the-comparison-of-preferential-votes-in-2015-2010. 

வெளி இணைப்புகள்[தொகு]

"https://ta.wikipedia.org/w/index.php?title=மனோ_கணேசன்&oldid=1978203" இருந்து மீள்விக்கப்பட்டது