சாலிம் அலி

சாலிம் அலி Sálim Ali
பிறப்பு	நவம்பர் 12, 1896(1896-11-12) கேத்வாடி
இறப்பு	சூலை 27, 1987(1987-07-27) (அகவை 90)
தேசியம்	இந்தியா
துறை	பறவையியல் இயற்கையியலாளர்
பணியிடங்கள்	பம்பாய் இயற்கை வரலாற்று சங்கம்

சாலிம் அலி (சலீம் அலி) (Sálim Ali; நவம்பர் 12, 1896 – சூலை 27, 1987) உலகப்புகழ் பெற்ற இந்திய பறவையியல் வல்லுநரும் இயற்கையியல் அறிஞரும் ஆவார். சாலிம் அலியின் முழுப்பெயர் சாலீம் மொய்ஜுதீன் அப்துல் அலி என்பதாகும். இவர் இந்தியாவில் முதன்முதலில் பறவைகளைப் பற்றிய முழுமையான தரவுகளைத் துவக்கியவர். இவர் பம்பாய் இயற்கை வரலாற்று சங்கத்தின் புரவலராக விளங்கியவர். பறவைகளின் வாழ்க்கையைப் பற்றியும், பழக்க வழக்கங்கள் குறித்தும் அவர் வெளியிட்ட கட்டுரைகளும், நூல்களும் உலகப் புகழ் வாய்ந்தவை.

சாலிம் அலி பறவைகளின் நண்பராகவும், பாதுகாவலராகவும் விளங்கியதோடு மட்டுமின்றி, இயற்கைப் பாதுகாப்பிலும் பெரும் நாட்டம் கொண்டிருந்தார்; பறவைகளின் நல்வாழ்வும், பாதுகாப்பும், இயற்கைப் பாதுகாப்போடு பின்னிப் பிணைந்தவை என்ற சூழியல் சார்ந்த கருத்தில் அசையாத நம்பிக்கை கொண்டிருந்தார்.

இந்திய, பாகிஸ்தான் நாட்டுப் பறவைகளின் கையேடு (Handbook of the Birds of India and Pakistan) என்ற நூற்தொகுதியும் ஒரு சிட்டுக்குருவியின் வீழ்ச்சி (The Fall of Sparrow) என்ற தன்வரலாற்று நூலும் சாலிம் அலியின் முக்கிய நூல்களாகும்.

1958-ஆம் ஆண்டு பத்ம பூசண் விருதினையும் 1976-ஆம் ஆண்டு பத்ம விபூசண் விருதினையும் சாலிம் அலி பெற்றார்; பல பறவையினங்களும் சாலிம் அலியின் பழந்தின்னி வெளவாலும் இரு பறவைகள் சரணாலயங்களும் ஒரு நிறுவனமும் அவர் பெயர் தாங்கியுள்ளன.

இளமைப் பருவமும் பறவை நோக்கலும்

1896 ஆம் ஆண்டு நவம்பர் 12 ஆம் நாள் அன்றைய பம்பாய் மாநிலத்தில் கேத்வாடி (Khethwadi) என்ற ஊரில் சாலிம் அலி பிறந்தார். தன் பள்ளிப் பருவத்திலிருந்தே சாலிம் அலி ஒரு வேட்டை பிரியர். பறவைகள் மீது சாலிம் அலியின் ஆர்வம் திரும்பியதற்கு, அவரது இளமையில் நடைபெற்ற ஒரு சிறு நிகழ்ச்சியே காரணம். இளம் வயதில் அவர் ஒரு சின்னஞ்சிறு சிட்டுக் குருவியை சுட, அது இறந்து வீழ்ந்தது; இறந்துபோன அக்குருவியின் கழுத்தில் திட்டாக மஞ்சள் நிறக் கறை படிந்திருப்பதைக் கண்டார் சாலிம் அலி. இதற்கான காரணத்தைத் தன் சிற்றப்பாவிடம் கேட்க, அவரோ அப்போது பம்பாய் இயற்கை வரலாற்றுக் கழகத்தின் கெளரவச் செயலராக இருந்த டபள்யூ.எஸ்.மில்லர்ட் (W S Millard) என்பவரிடம் சாலிம் அலியை அறிமுகப்படுத்தினார். மில்லர்டின் உதவியுடன் பறவைகளை எவ்வாறு அறிந்துகொள்வது, எப்படிப் பாதுகாப்பது போன்ற விவரங்களை சாலிம் அலி தெரிந்துகொள்ள முடிந்தது. அப்பொழுதிலிருந்து சாலிம் அலிக்கு பறவைகள் மீது தீராத நாட்டம் பிறந்தது. பின்பு கல்லூரிப் படிப்பை மேற்கொண்டபோதிலும் பட்டம் ஏதும் பெறவில்லை. தன் தமையனுக்கு தொழிலில் உதவுவதற்காக இடையில் பர்மா சென்றுவிட்டார். அங்கு சென்றும் தமையனுக்கு உதவுவதைவிடப் பறவைகளைக் கவனிப்பதிலேயே பெரும் கவனம் செலுத்தினார். பின்னர் 1920இல் மீண்டும் சாலிம் அலி பம்பாய் திரும்பினார்.

மஞ்சள் தொண்டைச் சிட்டு

பர்மாவிலிருந்து திரும்பியவுடன் சாலிம் அலிக்கு விலங்கியல் துறையில் படிக்கும் வாய்ப்பு கிடைத்தது. இக்கல்வி பெற்றதன் காரணமாக பம்பாய் தேசிய வரலாற்றுக் கழக அருங்காட்சியகத்தில், அவருக்கு வழிகாட்டி வேலை கிடைத்தது. ஏற்கனவே பறவைகளின் வாழ்க்கை முறையில் நாட்டம் கொண்டிருந்த சாலிம் அலிக்கு இவ்வேலை மென்மேலும் அத்துறையில் ஆர்வத்தை ஊட்டியது. பறவையியலில் தன் அறிவை மேலும் வளர்த்துக்கொள்ள சாலிம் அலி ஜெர்மனி சென்று டாக்டர் இர்வின் ஸ்ட்ராஸ்மன் (Dr Irwin Strassman) என்பவரிடம் பயிற்சி பெற்றார். பயிற்சி முடிந்து இந்தியா திரும்பியவுடன், தன் வாழ்க்கைச் செலவுக்குப் போதிய வருமானமின்றி சாலிம் அலி வாட நேர்ந்தது. அவர் ஏற்கெனவே பார்த்து வந்த வழிகாட்டி வேலையும் பண நெருக்கடி காரணமாக நிரப்பப்படவில்லை.

மைசூர் மாகாண பறவை கணக்கெடுப்பின் போது சாலிம் அலி சேகரித்த பறவை பற்றிய குறிப்பு

திருமண வாழ்க்கை

சாலிம் அலியின் 18-ஆவது வயதில், 1918 திசம்பரில் சாலிம் அலிக்கும் தெஃமினாவுக்கும் திருமணம் நடைபெற்றது. சாலிம் அலியின் வணிகம் காரணமாக இவர்கள் இருவரும் சிறிது காலம் பர்மாவில் வாழ்ந்தனர். திருமணமாகி குடும்ப வாழ்க்கையை மேற்கொண்ட சாலிம் அலி வேலையின்றி வாடினார். ஆனால் அவரது மனைவி தெஹ்மினா பணியில் இருந்தமையால் வறுமைத் துன்பம் பெருமளவுக்கு அவரைத் தாக்கவில்லை. வேலையின்றி இருந்த நாட்களில் சாலிம் அலி தனது வீட்டுத் தோட்டத்திலிருந்த மரத்தடியில் உட்கார்ந்து கொண்டு பறவைகளை நோட்டம் விடுவது வழக்கம்; அங்கிருந்த தூக்கணாங்குருவியின் வாழ்க்கை முறையைக் கூர்ந்து கவனித்து, அதைப் பற்றிய எல்லா விவரங்களையும் குறித்துக் கொண்டார். 1930 ஆம் ஆண்டு தான் திரட்டிய குறிப்புகளைக் கொண்டு, தூக்கணாங்குருவியின் பழக்க வழக்கங்கள், வாழ்க்கை முறைகள் ஆகியவை பற்றிய ஆய்வுக்கட்டுரை ஒன்றை வெளியிட்டார். இது முனைவர் பட்டத்திற்கான ஓர் ஆய்வேடு போல விளங்கியது. இக்கட்டுரை, பறவையியலில் சாலிம் அலிக்குப் பெரும்புகழையும், பெயரையும் ஈட்டித்தந்தது.

பறவையியல் ஆராய்ச்சி

சாலிம் அலி பறவைகளைப் பற்றிய ஆய்வு மேற்கொள்ள இந்தியாவின் பல்வேறு பகுதிகளுக்கும் சென்றார். பறவைகளைப் பற்றியும் அவற்றின் ஒவ்வொரு செயலையும் கூர்ந்து கவனித்து, ஆய்வு செய்த பின்னரே தகுதியான முடிவுக்கு வருவது சாலிம் அலியின் வழக்கம். இத்தகைய சிறந்த ஆய்வு முறைகளை மேற்கொண்டு சாலிம் அலி தனது புகழ் பெற்ற “இந்தியப் பறவைகளைப் பற்றிய கைநூல் (The HandBook on Indian Birds)” என்பதனை இயற்றி வெளியிட்டார். இந்தியப் பறவைகளைப் பற்றித் தெரிந்துகொள்ள மிகவும் இன்றியமையாத நூல் இது. இந்நூல் மொத்தம் 13 முறை மறுபதிப்பு செய்யப்பட்டுள்ளது.

சாலிம் அலியின் உலகமே இந்திய நாட்டுப் பறவைகளோடு பின்னிப் பிணைந்ததாக விளங்கியது. இந்நிலையில் அவர் உலகப்புகழ் வாய்ந்த பறவையியல் அறிஞரான எஸ்.தில்லான் ரிப்ளே (S.Dillon Ripley) என்பவருடன் தொடர்பு ஏற்படுத்திக் கொண்டார். அப்போது இந்தியத் துணைக் கண்டத்துப் பறவைகளைப் பற்றி 10 தொகுதிகளைக்கொண்ட தொகுப்பு நூல் ஒன்றைப் படிக்க நேர்ந்தது. இத்தொகுப்பில் பறவைகளைப் பற்றிய பல்வேறு விவரங்களும், அதாவது அவற்றின் தோற்றம், உணவுப் பழக்கவழக்கம், இனப்பெருக்க முறை, வலசை போதல் போன்ற பல்வேறு செய்திகளும் அடங்கியிருந்தன. பறவைகளைப் பற்றி அறிந்து கொள்வதை தனது பொழுதுபோக்காக மட்டுமின்றி, வாழ்க்கைப் பாணியாகவே சாலிம் அலி மேற்கொண்டிருந்தார். மக்கள் அவரை, “பறவைகளைப் பற்றிய நடமாடும் கலைக்களஞ்சியம்” என்றே அழைத்தனர். ஏறக்குறைய 65 ஆண்டுகள் இடைவிடாது பல்வேறு இடங்களுக்கும் பயணம் செய்து, தான் விருப்பத்தோடு ஏற்றுக்கொண்ட பணியில் பெரும் சாதனைகளைப் புரிந்த சாலிம் அலிக்கு அப்பட்டம் மிகவும் பொருத்தமே.

சாலிம் அலி பறவையியல் ஆராய்ச்சி செய்த முக்கிய இடங்கள்

• பரத்பூர்
• மேற்குத் தொடர்ச்சி மலைகள்
• கிழக்குத் தொடர்ச்சி மலைகள்
• இமாலய மலைகள்
• கிழக்கு இமாலய மலைகள்
• இராஜஸ்தானின் பாலைவனங்கள்
• பாகிஸ்தான் மற்றும் ஆப்கானிஸ்தானின் பனிச் சிகரங்கள்
• மியான்மர்
• நேபாளம்
• தக்கான பீடபூமி

இறப்பு

சாலிம் அலி 1987 ஆம் ஆண்டு ஜூன் திங்கள் 20 ஆம் நாள் முன்னிற்குஞ்சுரப்பி (prostate) புற்றுநோயால் இயற்கை எய்தினார்.

விருதுகள்

• பத்ம பூஷண் (1958)
• பிரித்தானியப் பறவையியல் கழகத்தின் விருது பரணிடப்பட்டது 2006-01-25 at the வந்தவழி இயந்திரம் (1967)
• ஜோன் சி. பிலிப்ஸ் விருது பரணிடப்பட்டது 2008-12-17 at the வந்தவழி இயந்திரம் (World Conservation Union - 1969)
• பத்ம விபூஷண் (1976)
• J. Paul Getty Wildlife Conservation Prize of the World Wildlife Fund (1976)
• Commander of the Netherlands (Order of the Golden Ark) (1986)
• சலிம் அலி பறவைகள் சரணாலயம் சலீம் அலி அவர்களின் நினைவாக கோவாவில் உள்ள சரணாலயத்திற்க்கு பெயரிடப்பட்டுள்ளது.

மாநிலங்களவை நியமன உறுப்பினர்

சாலிம் அலி அவர்கள் மாநிலங்களவையின் நியமன உறுப்பினராக 1985 ஆம் ஆண்டு தேர்ந்தெடுக்கப்பட்டார். *1985 Indian Rajya Sabha elections )

சாலிம் அலி இயற்றிய நூல்கள்

• Handbook of the Birds of India & Pakistan (Vols. 1-10) with Sidney Dillon Ripley, Bombay: ஒக்ஸ்போர்ட் பல்கலைக்கழகப் பதிப்பகம்(OUP) (1964-74)

Volume 1 Divers to Hawks

Volume 2 Megapodes to Crab Plover

Volume 3 Stone Curlews to Owls

Volume 4 Frogmouths to Pittas

Volume 5 Larks to Grey Hypocolius

Volume 6 Cuckoo-Shrikes to Babaxes

Volume 7 Laughing Thrushes to the Mangrove Whistler

Volume 8 Warblers to Redstarts

Volume 9 Robins to Wagtails

Volume 10 Flowerpeckers to Buntings

• Fall of a Sparrow, (Autobiography) (1985)
• The Book of Indian Birds, Bombay: BNHS (1941), ISBN 0-19-566523-6
• Common Birds with Laeeq Futehally. with Laeeq Futehally, New Delhi: நேஷனல் புக் டிரஸ்ட்(NBT) (1967)
• A Pictorial Guide to the Birds of the Indian Subcontinent with Dillon Ripley, Bombay: OUP (1983)
• Common Indian Birds, A Picture Album New Delhi: NBT (1968)
• Hamare Parichat Pakshee with Laeeq Futehally (இந்தி). New Delhi: NBT (1969)
• Handbook of the Birds of India & Pakistan (compact edition) with Ripley, D., Bombay: OUP (1987)
• The Book of Indian Birds (12th and enlarged centenary ed.) New Delhi: BNHS & OUP (1996)
• Bird Study in India: Its History and its Importance New Delhi: ICCR (1979)
• The Great Indian Bustard (Vols.1-2). with Rahmani, A. Bombay: BNHS (1982-89)

வட்டார வழிகாட்டிகள்

• Birds of Bhutan with Biswas, B. & Ripley, D., Calcutta: இந்திய விலங்குகள் கணக்கெடுப்பு நிறுவனம் (1996)
• The Birds of Bombay and Salsette with H. Abdulali, Bombay: Prince of Wales Museum (1941)
• The Birds of Kutch, London: OUP (1945)
• Indian Hill Birds Bombay: OUP (1949)
• The Birds of Travancore and Cochin Bombay: OUP (1953)
• The Birds of Gujarat Bombay: Gujarat Research Society (1956)
• A Picture Book of Sikkim Birds Gangtok: Government of Sikkim (1960)
• The Birds of Sikkim Delhi: OUP (1962)
• Birds of Kerala Madras: OUP (1969)
• Field Guide to the Birds of the Eastern Himalayas Bombay: OUP (1977)
• The Vernay Scientific Survey of the Eastern Ghat; Ornithological Section—Together with The Hyderabad State Ornithological Survey 1930-38 with Hugh Whistler, Norman Boyd Kinnear (undated)

ஆய்வுக்கட்டுரைகள்

• Studies on the Movement and Population of Indian Avifauna Annual Reports I-4. with Hussain, S.A., Bombay: BNHS (1980-86)
• Ecological Reconnaissance of Vedaranyam Swamp, Thanjavur District, Tamil Nadu Bombay: BNHS (1980)
• Harike Lake Avifauna Project (co-author) Bombay: BNHS (1981)
• Ecological Study of Bird Hazard at Indian Aerodromes (Vols. I & 2). with Grubh, R. Bombay: BNHS (1981-89)
• Potential Problem Birds at Indian Aerodromes with Grubh, R. Bombay: BNHS
• The Lesser Florican in Sailana with Rahmani et al. Bombay: BNHS (1984)
• Strategy for Conservation of Bustards in Maharashtra (co-author) Bombay: BNHS (1984)
• The Great Indian Bustard in Gujarat (co-author) Bombay: BNHS (1985)
• Keoladeo National Park Ecology Study with Vijayan, S., Bombay: BNHS (1986)
• A.Study of Ecology of Some Endangered Species of Wildlife and Their Habitat. The Floricans with Daniel J.C. & Rahmani, Bombay: BNHS (1986)
• Status and Ecology of the Lesser and Bengal Floricans with Reports on Jerdon’s Courser and Mountain Quail Bombay: BNHS (1990)

பிற சேர்க்கைகள்

• அறிவியல் மேதைகள் - சாலீம் அலி
• பறவை உலகம் நூல்.pdf
• இந்தியாவின் பறவை மனிதன் சாலிம் அலி