சுபாங், சிலாங்கூர்

கட்டற்ற கலைக்களஞ்சியமான விக்கிப்பீடியாவில் இருந்து.
சுபாங்
நகரம்
Subang
சுபாங் நகரம்
சுபாங் நகரம்
சுபாங் is located in மலேசியா
சுபாங்
சுபாங்
தீபகற்ப மலேசியாவில் அமைவிடம்
ஆள்கூறுகள்: 3°9′1.75″N 101°31′52.15″E / 3.1504861°N 101.5311528°E / 3.1504861; 101.5311528ஆள்கூறுகள்: 3°9′1.75″N 101°31′52.15″E / 3.1504861°N 101.5311528°E / 3.1504861; 101.5311528
நாடு மலேசியா
மாநிலம்Flag of Selangor.svg சிலாங்கூர்
மாவட்டம்பெட்டாலிங் மாவட்டம்
பரப்பளவு
 • மொத்தம்200 km2 (80 sq mi)
மக்கள்தொகை
 • மொத்தம்93,497
நேர வலயம்மலேசிய நேரம் (ஒசநே+8)
 • கோடை (பசேநே)பயன்பாடு இல்லை (ஒசநே)
அஞ்சல் குறியீடு40150
40160
47200
மலேசியத் தொலைபேசி எண்+603-78, +603-61

சுபாங், (மலாய்: Subang; ஆங்கிலம்: Subang; சீனம்: 双溪毛糯); என்பது மலேசியா, சிலாங்கூர் மாநிலத்தில், பெட்டாலிங் மாவட்டத்தில் அமைந்து உள்ள ஒரு நகரம். கோலாலம்பூர் மாநகருக்கு மேற்கே 17 கி.மீ. தொலைவில் அமைந்து இருக்கும் இந்த நகரம், சா ஆலாம், சுபாங் ஜெயா பெருநகரங்களுக்கு இடையிலும் அமைந்துள்ளது.[1]

இந்த நகரம் கிள்ளான் பள்ளத்தாக்கில் உள்ள கம்போங் பாரு சுபாங் சிற்றூரையும்; சௌஜானா குழிப்பந்து மன்றத்தையும் (Saujana Golf Country Club) அடக்கி உள்ளது.[2]

சுபாங் ஜெயா, கிளானா ஜெயா (Kelana Jaya), சுங்கை பூலோ, குவாசா டமன்சாரா (Kwasa Damansara), கோத்தா டாமன்சாரா (Kota Damansara), ஆரா டாமன்சாரா (Ara Damansara), முத்தியாரா டாமன்சாரா போன்ற நகரங்களும்; பெட்டாலிங் ஜெயா பெரு நகர்ப் பகுதிகளும், இந்தச் சுபாங் நகரத்திற்கு மிக அருகில் உள்ளன.

பொது[தொகு]

இங்குதான் கோலாலம்பூரின் முன்னாள் பன்னாட்டு வானூர்தி நிலையமான சுல்தான் அப்துல் அஜிஸ் ஷா வானூர்தி நிலையம் (Subang International Airport) அமைந்துள்ளது. இந்தப் பன்னாட்டு வானூர்தி நிலையம், சுபாங் விமான நிலையம் (Subang Airport) அல்லது சுபாங் வானூர்தி நிலையம் என்றும் அழைக்கப்படுகிறது.

இந்தப் பன்னாட்டு வானூர்தி நிலையம் மலேசியா, சிலாங்கூர், பெட்டாலிங் மாவட்டத்தின் சுபாங் புறநகர் பகுதியில் அமைந்துள்ள வானூர்தி நிலையமாகும். இந்த வானூர்தி நிலையம் பொது வான்வழிப் போக்குவரத்திற்கும் உள்ளூர் பயணங்களுக்கும் பயன்படுத்தப்படுகிறது.

முதன்மை இல்லங்கள்[தொகு]

இங்கு பல புகழ்பெற்ற குழிப் பந்தாட்ட மைதானங்கள் உள்ளன. இங்கு செல்வச் செழிப்பு மிக்க இல்லங்கள் நிறைந்துள்ளன. இந்த நகர்ப்புறத்தில் பல வசதிமிக்க அடுக்கு வீடுகளும் வில்லாக்களும் மாளிகைகளும் அமைந்துள்ளன.

  • அமாயா சௌஜானா (Amaya Saujana)
  • செராய் சௌஜானா (Serai Saujana)
  • லேக் வியூ சௌஜானா (Lake View Saujana)
  • கிளன்கில் சௌஜானா (Glenhill Saujana)
  • மேப்பிள் ஊட்ஸ் சௌஜானா (Maplewoods Saujana)
  • பூங்கா ராயா அடுக்குமாடி மனைகள் (Bunga Raya Condominium)

அரசியல்[தொகு]

சுபாங் சிலாங்கூரின் மிகப்பெரும் தொகுதிகளில் ஒன்றாகும்; பல்வேறு இன,சமய,சமூக பின்னணி மக்கள் இங்கு வாழ்கின்றனர். இதன் முன்னாள் நாடாளுமன்ற உறுப்பினராக டான் ஸ்ரீ கே.எஸ். நிஜார் இருந்தார்.

சிவராசா ராசையா[தொகு]

2008-ஆம் ஆண்டு மலேசியப் பொதுத்தேர்தலில், பாக்காத்தான் ஹரப்பான் கூட்டணியின், மக்கள் நீதிக் கட்சியின் (Pakatan Harapan - Parti Keadilan Rakyat) சார்பில் சிவராசா ராசையா சுபாங் தொகுதியில் போட்டியிட்டார்.

அந்தத் தேர்தலில் தன் போட்டியாளர் டத்தோ முருகேசன் சின்னாண்டவர் (Murugesan Sinnandavar) என்பவரை 6,709 வாக்குகள் வேறுபாட்டில் வென்று நாடாளுமன்ற உறுப்பினராகத் தேர்வு செய்யப்பட்டார்.[3][4]

தற்சமயம் சிவராசா ராசையா, மலேசிய நாடாளுமன்றத்தில் சுங்கை பூலோ நாடாளுமன்றத் தொகுதியின் மக்களவை உறுப்பினராக உள்ளார். 2018-ஆம் ஆண்டு நடந்த மலேசியப் பொதுத் தேர்தலில் மலேசிய இஸ்லாமிய கட்சியைச் சார்ந்த நுரிடா முகமட் சாலே (Nuridah Mohd Salleh) என்பவரை எதிர்த்துப் போட்டியிட்டு 26,634 வாக்குகள் பெரும்பான்மையில் வெற்றி பெற்றார்.

தொகுதி சீரமைப்பு[தொகு]

2004-ஆம் ஆண்டில் மேற்கொள்ளப்பட்ட தொகுதி சீரமைப்பில் சுபாங் தொகுதியில் மூன்று மாநிலச் சட்டப் பேரவை தொகுதிகள் உருவாக்கப்பட்டன.

  • புக்கிட் லாஞ்சான் (Bukit Lanjan)
  • கோத்தா டாமன்சாரா (Kota Damansara)
  • பாயா ஜராசு (Paya Jaras)

இருப்பினும் 2018-ஆம் ஆண்டில் அந்தத் தொகுதிகள் இரு தொகுதிகளாகச் சீரமைக்கப்பட்டு உள்ளன.

இந்தத் தொகுதிகளில் வென்றவர்கள் சிலாங்கூர் மாநிலச் சட்டப் பேரவையில் உறுப்பினர்கள் ஆவார்கள்.

புக்கிட் லாஞ்சான்[தொகு]

புக்கிட் லாஞ்சான் (Bukit Lanjan), முன்னாள் சுபாங் சட்டமன்றத் தொகுதியாகும். இதன் மக்கள்தொகை 50,000. இவர்களில் 25% பேர் கம்போங் சுங்கை காயு ஆரா, பெலாங்கி டாமன்சாரா போன்ற குறைந்தவிலை அடுக்கங்களில் வசிக்கும் குறைந்த வருமான வகுப்பினராவர்.

உயர் வருமான வகுப்பினர் பண்டார் உத்தாமா, டாமன்சாரா பெர்டானா, பண்டார் சிறீ டாமன்சாரா பகுதிகளில் வசிக்கின்றனர். எஞ்சிய 40% மத்தியத்தர மக்களாவர்.

இந்தப் பகுதி மக்களின் முதன்மையான குறைபாடு கட்டமைப்புக்களைக் குறித்ததாகும். சாக்கடைகள், சாலைகள், களங்களின் மேம்பாடு மற்றும் பராமரிப்பு குறித்தும் தானுந்து திருட்டு, வீட்டுக் கொள்ளை போன்றவற்றில் இருந்து பாதுகாப்பு ஆகியன முதன்மையான எதிர்பார்ப்புகளாக உள்ளன.

தவிரவும் தொடர்ந்த சாலைப் போக்குவரத்து நெருக்கடியும் சாலையோர வணிகர்களின் பிரச்சினையும் அடுத்துள்ள தீர்வு கோரப்படும் சிக்கல்களாகும்.

பாயா ஜராசு[தொகு]

பாயா ஜராசு (Paya Jaras) முன்னாள் சுபாங் சட்டமன்றத் தொகுதியாகும். மக்கள்தொகை கிட்டத்தட்ட 70,000. இதில் 60% மலாய் மக்களும் 30% சீனர்களும் 10% இந்தியர்களும் ஆவர்.

பாயா ஜராசு மரபார்ந்த சிற்றூர்களையும் புதிய சிற்றூர்களையும் பல குடியிருப்பு பகுதிகளையும் அடக்கியுள்ளது. புக்கிட் ரகுமான் புத்ரா, சியர்ரமாசு, வாலென்சியா பகுதிகளில் நடுத்தர, உயர்நிலை மக்களும் அமான் புரி, தாமான் எசான் பகுதிகளில் நடுத்தர மக்களும் வசிக்கின்றனர். வறியநிலை மக்கள் அமான்புரி, மேடாங் ஜெயா பகுதிகளில் வசிக்கின்றனர்.

சாலை விளக்குகள், சாலைகள், சாக்கடைகள், சிற்றூர்களுக்கானப் பொதுப் போக்குவரத்து, பெருமழையின் போது வெள்ளப்பெருக்கு ஆகியவை இத்தொகுதி மக்களின் குறைபாடுகளாகும்.

பொருளாதாரம்[தொகு]

மலேசியா எயர்லைன்சு (Malaysia Airlines) நிறுவனமும்; பயர்பிளை (Firefly) வானூர்திச் சேவை நிறுவனமும் இங்குள்ள சுல்தான் அப்துல் அஜிஸ் ஷா வானூர்தி நிலையத்தில் (Sultan Abdul Aziz Shah Airport) உள்ள மலேசிய எயர்லைன்சு கட்டிடத்தில் தங்கள் தலைமை அலுவலகங்களைக் கொண்டுள்ளன. [5][6]

மலேசியா எயர்லைன்சு; பயர்பிளை வானூர்திச் சேவை தவிரவும், பெர்ஜெயா ஏர் (Berjaya Air); மலின்டோ ஏர் (Malindo Air) நிறுவனங்களும் இங்கு தங்கள் தலைமை அலுவலகங்களைக் கொண்டுள்ளன.[7][8]

சுபாங் பெர்டானா வணிக மையம் (Taman Subang Perdana) சுபாங்கிற்கு அருகில் உள்ள வணிக நகர்ப் பகுதியாகும். சுல்தான் அப்துல் அஜிஸ் ஷா வானூர்தி நிலையம் எனும் சுபாங் வானூர்தி நிலையம் தற்போது இசுகைப்பார்க் முனையம் (Subang Skypark (IATA: SZB) என்று அழைக்கப் படுகின்றது.

சுபாங் வானூர்தி நிலையம்[தொகு]

1998-இல் சிப்பாங்கில் கோலாலம்பூர் பன்னாட்டு வானூர்தி நிலையம் திறக்கப்படும் வரை சுபாங் பன்னாட்டு வானூர்தி நிலையமே கோலாலம்பூரின் முதன்மை வானூர்தி நிலையமாக விளங்கியது.

தற்போது இந்த நிலையம் பயர்பிளை வானூர்திச் சேவை (Firefly), மலின்டோ ஏர் (Batik Air Malaysia) வணிக சேவைகளின் வானூர்திகளுக்கு அச்சு மையமாக விளங்குகிறது.

கட்டுமானப் பணிகள்[தொகு]

சுபாங் பன்னாட்டு வானூர்தி நிலையத்தின் கட்டுமானப் பணிகள் 1961-ஆம் ஆண்டில் தொடங்கின. 1965-ஆம் ஆண்டில் $64 மில்லியன் செலவில் முடிக்கப்பட்டன. எளிமையான வடிவமைப்பு. மிதக்கும் கான்கிரீட் ஓடுகளால் ஆன கூரையைக் கொண்டிருந்தது.

இந்த விமான நிலையம் 30 ஆகஸ்டு 1965-இல் அதிகாரப்பூர்வமாக போக்குவரத்துக்கு திறக்கப்பட்டது. மேலும் தென்கிழக்கு ஆசியாவிலேயே மிக நீளமான ஓடுபாதையை (3.7 கிமீ நீளம், 45 மீ அகலம்) கொண்டு இருந்தது.[9]

மூன்று முனையங்கள்[தொகு]

1990-களில், விமான நிலையம் மூன்று முனையங்களைக் கொண்டிருந்தது.

  • பன்னாட்டு விமானங்களுக்கான முனையம் 1
  • சிங்கப்பூருக்கான முனையம் 2
  • உள்நாட்டு விமானங்களுக்கான முனையம் 3.

ஜூலை 2002-இல், ஏர் ஏசியா விமானங்கள், கே.எல்.ஐ.ஏ. சிப்பாங் பன்னாட்டு விமான நிலையத்தில் இருந்து பறக்கத் தொடங்கின. இருப்பினும் 2004-இல், ஏர் ஏசியா விமான நிறுவனம், இந்த நிலையத்தைத் தன்னுடைய முதன்மை மையமாகப் பயன்படுத்தக் கருதியது. ஆனால், அந்த திட்டத்தை மலேசிய அரசாங்கம் நிராகரித்து விட்டது.

கல்வி[தொகு]

கோலாலம்பூர் சப்பானியப் பள்ளி

சுபாங் நகரில் உள்ள சௌஜானா குழிப்பந்தாட்ட நாட்டு மனமகிழ் மன்ற மைதானத்தில் (Saujana Golf and Country Club) கோலாலம்பூர் சப்பானியப் பள்ளிக்கூடம் (Japanese School of Kuala Lumpur) இயங்குகின்றது.[10]

வானிலை[தொகு]

மலேசியாவிலேயே அதிகமாக இடி விழும் இடமாகச் சுபாங் கருதப் படுகின்றது. மலேசிய வானியல் ஆய்வுத் துறையின்படி (Malaysian Meteorological Department)[1]:-

  • 1987-ஆம் ஆண்டில் 362 நாட்களில் மின்னலுடன் இடி
  • மிகக் கூடுதலான இடியுடன் 262 நாட்கள்

மேற்கோள்கள்[தொகு]

  1. "Subang". www.durianproperty.com.my. DurianProperty.com.my. 27 May 2014 அன்று பார்க்கப்பட்டது.
  2. "Pekan Subang Shah Alam, Selangor". Google Maps. 2 January 2022 அன்று பார்க்கப்பட்டது.
  3. "Keputusan Pilihan Raya Umum Parlimen/Dewan Undangan Negeri". Election Commission of Malaysia. 1 May 2010 அன்று பார்க்கப்பட்டது.
  4. "Keputusan Pilihan Raya Umum 13 Parlimen/Dewan Undangan Negeri 2013". Election Commission of Malaysia. 14 மார்ச் 2021 அன்று மூலம் பரணிடப்பட்டது. 8 May 2016 அன்று பார்க்கப்பட்டது.
  5. Press Release Sep 2007 பரணிடப்பட்டது 2018-09-01 at the வந்தவழி இயந்திரம்.
  6. "Contact Info."
  7. " Contact Us பரணிடப்பட்டது 2012-01-06 at the வந்தவழி இயந்திரம்." Berjaya Air. Retrieved on 26 December 2011. "Head Quarters Office Berjaya Air Sdn Bhd Berjaya Hangar, SkyPark Terminal Building Sultan Abdul Aziz Shah Airport 47200 Subang Selangor Darul Ehsan Malaysia"
  8. "Group Offices பரணிடப்பட்டது 2012-04-15 at the வந்தவழி இயந்திரம்." Transmile Air Services. Retrieved on 27 December 2011. "Corporate & Finance Transmile Centre Cargo Complex, Sultan Abdul Aziz Shah Airport. 47200 Subang, Selangor Darul Ehsan MALAYSIA"
  9. Kumar, Prem (29 August 1965). "All Set for Airport Opening". The Straits Times: 9. 
  10. "School Outline பரணிடப்பட்டது 2013-01-08 at the வந்தவழி இயந்திரம்." Japanese School of Kuala Lumpur. Retrieved on January 13, 2015. "Saujana Resort Seksyen U2, 40150, Selangor Darul Ehsan, Malaysia"

வெளி இணைப்புகள்[தொகு]

Commons-logo-2.svg
விக்கிமீடியா பொதுவகத்தில்,
Subang, Selangor
என்பதின் ஊடகங்கள் உள்ளன.


"https://ta.wikipedia.org/w/index.php?title=சுபாங்,_சிலாங்கூர்&oldid=3616786" இருந்து மீள்விக்கப்பட்டது