பண்டார் புத்திரி பூச்சோங்
| பண்டார் புத்திரி பூச்சோங் | |
|---|---|
| புறநகரம் | |
| Bandar Puteri Puchong | |
.jpg) பண்டார் புத்திரி பூச்சோங் | |
  பண்டார் புத்திரி பூச்சோங் தீபகற்ப மலேசியாவில் அமைவிடம் | |
| ஆள்கூறுகள்: 3°1′1.2″N 101°37′26.4″E / 3.017000°N 101.624000°E | |
| நாடு |  மலேசியா |
| மாநிலம் |  சிலாங்கூர் |
| மாவட்டம் | பெட்டாலிங் மாவட்டம் |
| அரசு | |
| • நிர்வாகம் | சுபாங் ஜெயா நகராண்மைக் கழகம் |
| நேர வலயம் | மலேசிய நேரம் (ஒசநே+8) |
பண்டார் புத்திரி பூச்சோங் (மலாய்: Bandar Puteri Puchong; ஆங்கிலம்: Puchong Puteri Town; சீனம்: 蒲种公主城); என்பது மலேசியா, சிலாங்கூர், பெட்டாலிங் மாவட்டம், பூச்சோங் பெருநகர்ப் பகுதியில் அமைந்து உள்ள ஒரு புறநகரம் ஆகும்.[1]
இந்தப் பண்டார் புத்திரி பூச்சோங் நகர மையம்; ஐ.ஓ.ஐ. குழுமத்தினரால் (IOI Group: IOI Corporation Berhad) உருவாக்கப்பட்டது. பூச்சோங் ஜெயா (Puchong Jaya) மற்றும் கின்ராரா (Bandar Kinrara) நகரங்களையும் இந்தக் குழுமம் தான் உருவாக்கியது.[2]
பொது[தொகு]
பண்டார் புத்திரி பூச்சோங் நகர மையத்திற்குள் பல முக்கிய வங்கிகள் உட்பட பல்வேறு வணிக மையங்கள் உள்ளன. இது ஒரு பரபரப்பான வணிக மையமாகத் திகழ்கிறது.
இந்த நகரத்தின் வடக்கில் சுபாங் ஜெயா மாநகரம், கின்ராரா நகரம்; தெற்கில் புத்ராஜெயா நகரம்; சிப்பாங் நகரம்; கிழக்கில் செர்டாங் நகரம்; மேற்கில் புத்ரா அயிட்ஸ் ஆகிய நகர்ப் புறங்கள் உள்ளன.
பூச்சோங் நகரத்தின் வளர்ச்சி[தொகு]
பூச்சோங் நகரம், அண்மைய காலத்தில் பண்டார் பூச்சோங் நகர மையம் (மலாய்: Pusat Bandar Puchong; ஆங்கிலம்: Puchong Town Centre) என்று பெயர் மாற்றம் அடைந்தது. இந்தப் பண்டார் பூச்சோங் நகர மையத்திற்கு ஒட்டிய நகரம் தான் பண்டார் புத்திரி பூச்சோங்.
பூச்சோங் நகரத்தின் வளர்ச்சியினாலும்; சுபாங் ஜெயா புறநகர் வளர்ச்சியினாலும்; அவற்றின் அருகாமையில் பல நகர்ப் புறங்கள் தோன்றின. அந்த வகையில், கடந்த 30 ஆண்டுகளில் பழைய பூச்சோங் நகரத்தைச் சுற்றிலும் பல புதிய நகர்ப் புறங்கள் தோன்றின. அதனால் பழைய பூச்சோங் நகரத்திற்கு பண்டார் பூச்சோங் என பெயரும் வைக்கப்பட்டது.
1970-ஆம் ஆண்டுகளில் பூச்சோங் நகரின் உள்கட்டமைப்பு பெரும் வளர்ச்சி பெறத் தொடங்கியது. இப்போது மாபெரும் வளர்ச்சி கண்டுள்ளது. பல தொழில் துறை மண்டலங்கள், வணிக மையங்கள் மற்றும் குடியிருப்புப் பகுதிகள் உருவாகி உள்ளன. கடந்த 30 ஆண்டுகளில் நகரமயமாக்கல் துரிதமான வளர்ச்சி கண்டு உள்ளது.[3]
சுபாங் ஜெயா நகராண்மைக் கழகம்[தொகு]
பண்டார் புத்திரி பூச்சோங்; சுபாங் ஜெயா நகராண்மைக் கழகத்தின் நிர்வாகத்தின் கீழ் வருகிறது.
பெட்டாலிங் மாவட்டத்தில் இருக்கும் சுபாங் ஜெயா நகராண்மைக் கழகத்தின் (Subang Jaya City Council) நிர்வாகத்தின் கீழ் உள்ள இதர இடங்கள்:
- கின்ராரா (Kinrara)
- தாமான் பூச்சோங் உத்தாமா (Taman Puchong Utama)
- தாமான் சௌஜானா பூச்சோங் (Taman Saujana Puchong)
- பூச்சோங் பிரிமா (Puchong Prima)
- பூச்சோங் ஜெயா (Puchong Jaya)
- புக்கிட் பூச்சோங் 1 (Bukit Puchong 1)
- பண்டார் பூச்சோங் (Bandar Puchong)
- பண்டார் புத்திரி பூச்சோங் (Bandar Puteri Puchong)
- பூச்சோங் பெர்மாய் (Puchong Permai)
மேற்கோள்கள்[தொகு]
- ↑ "Puchong Jaya is a township with the majority population being Chinese. The township itself is well organized with business areas, factory areas as well as residential areas." (in en). https://www.propsocial.my/location/219/puchong. பார்த்த நாள்: 9 March 2022.
- ↑ "Launched Bandar Puteri Puchong, a 930-acre of township development in Puchong, Selangor, Malaysia. 1997.". https://www.ioigroup.com/Search?s=Bandar%20Puteri%20Puchong. பார்த்த நாள்: 24 August 2022.
- ↑ Puchong – Origins and History – Bandar Puteri Today பரணிடப்பட்டது 2015-12-08 at the வந்தவழி இயந்திரம். Bandar Puteri Today. 20 November 2015. Retrieved 2015-06-02.
வெளி இணைப்புகள்[தொகு]
- BandarPuteriPuchong.com
Bandar Puteri Puchong - Garden City, Smart Lifestyle - 47100, Puchong, Selangor Darul Ehsan பரணிடப்பட்டது 2022-08-24 at the வந்தவழி இயந்திரம்
