பந்திங்

ஆள்கூறுகள்: 2°49′N 101°30′E / 2.817°N 101.500°E / 2.817; 101.500
கட்டற்ற கலைக்களஞ்சியமான விக்கிப்பீடியாவில் இருந்து.
பந்திங்
நகரம்
Banting
பந்திங் is located in மலேசியா மேற்கு
பந்திங்
பந்திங்
தீபகற்ப மலேசியாவில் அமைவிடம்
ஆள்கூறுகள்: 2°49′N 101°30′E / 2.817°N 101.500°E / 2.817; 101.500
நாடு மலேசியா
மாநிலம் சிலாங்கூர்
மாவட்டம்கோலா லங்காட் மாவட்டம்
மக்கள்தொகை
 • மொத்தம்93,497
நேர வலயம்மலேசிய நேரம் (ஒசநே+8)
 • கோடை (பசேநே)பயன்பாடு இல்லை (ஒசநே)
அஞ்சல் குறியீடு42700
தொலைபேசி குறியீடு+60-3
போக்குவரத்துப் பதிவெண்கள்B

பந்திங், (மலாய்: Banting; ஆங்கிலம்: Banting; சீனம்: 万津); என்பது மலேசியா, சிலாங்கூர் மாநிலத்தில், கோலா லங்காட் மாவட்டத்தில் அமைந்து உள்ள ஒரு நகரம்.[1]

பந்திங் சுற்றுப்புறங்களில் மலைகள், காடுகள் மற்றும் வேளாண்மைப் பண்ணைகள் உள்ளன. சிலாங்கூரின் முன்னாள் அரச நகரமான ஜுக்ரா, பந்திங் நகரத்திற்கு அருகில்தான் அமைந்து உள்ளது. இந்த நகருக்கு மிக அருகில் மோரிப் கடற்கரைகள் உள்ளன.[2]

1950-ஆம் ஆண்டுகளில் பந்திங் சுற்று வட்டாரங்களில் நிறைய ரப்பர் தோட்டங்கள்; தென்னை தோட்டங்கள்; காபி தோட்டங்கள்; இருந்தன. அவற்றுள் தமிழர்கள் அதிகமாக வாழ்ந்தார்கள்.

வரலாறு[தொகு]

1882-ஆம் ஆண்டில் சிலாங்கூர் பந்திங், ஜூக்ரா, பெர்மாத்தாங் தோட்டம் உருவாக்கப் பட்டது. முதலில் இது ஒரு வாழைத் தோட்டம். பின்னர் ஆமணக்கு (castor) தோட்டம்; அதன் பின்னர் காபி பயிர்த் தோட்டம். அதற்கு அடுத்து தென்னைத் தோட்டமாக மாறியது. இந்தத் தோட்டத்திற்குத் தமிழர்கள் ஒப்பந்த தொழிலாளர்களாகக் கொண்டு வரப் பட்டார்கள்.

இந்தத் தோட்டத்தில் வேலைக்கு அமர்த்தப்பட்ட தமிழர்கள் சொந்தமாகவே தங்களின் வீடுகளைக் கட்டிக் கொள்ள அனுமதிக்கப் பட்டார்கள். அவர்களின் வீடுகள் தோட்டம் முழுவதும் ஆங்காங்கே பரவி இருந்தன.[3]

தமிழ்ப்பள்ளிகள்[தொகு]

பந்திங் வட்டாரத்தில் 6 தமிழ்ப்பள்ளிகள் உள்ளன.

பள்ளி
எண்
இடம் பள்ளியின்
பெயர்
மலாய்
பள்ளியின்
பெயர்
தமிழ்
அஞ்சல் குறியீடு வட்டாரம் மாணவர்கள் ஆசிரியர்கள்
BBD1047 பந்திங் SJK(T) Sg Manggis[4][5] சுங்கை மங்கிஸ் தமிழ்ப்பள்ளி 42700 பந்திங் 210 18
BBD1054 ஜுக்ரா
Jugra
SJK(T) Ldg Jugra, Banting[6] ஜுக்ரா தோட்டத் தமிழ்ப்பள்ளி 41050 பந்திங் 148 15
BBD1058 சிம்பாங் மோரிப்
Simpang Morib
SJK(T) Simpang Morib[7] சிம்பாங் மோரிப் தமிழ்ப்பள்ளி 42700 பந்திங் 135 15
BBD1060 சுங்கை சீடு
Sungai Sedu
SJK(T) Sungai Sedu[8] சுங்கை சீடு தமிழ்ப்பள்ளி 42700 பந்திங் 50 10
BBD1061 சுங்கை புவாயா SJK(T) Sungai Buaya[9] சுங்கை புவாயா தமிழ்ப்பள்ளி 42700 பந்திங் 86 12
BBD1063 பந்திங் SJK(T) Pusat Telok Datok[10] தெலுக் டத்தோ தமிழ்ப்பள்ளி 42700 பந்திங் 472 39

தெலுக் டத்தோ தமிழ்ப்பள்ளி[தொகு]

பந்திங் சுற்றுவட்டாரத்தில் இயங்கிய தெலுக் டத்தோ தமிழ்ப்பள்ளி; பந்திங் தோட்டத் தமிழ்ப்பள்ளி; கணேசா வித்யாசாலை தமிழ்ப்பள்ளி; சுங்கை சீடு தோட்டத் தமிழ்ப்பள்ளி; மற்றும் பந்திங் பட்டணத் தமிழ்ப்பள்ளி ஆகிய ஐந்து தமிழ்ப்பள்ளிகளை ஒன்றிணைத்து கூட்டுத் தமிழ்ப்பள்ளியாக 1986-ஆம் ஆண்டு தெலுக் டத்தோ தமிழ்ப்பள்ளி இயங்கத் தொடங்கியது.

தொடக்கக் காலத்தில் ஆறு வகுப்பறைகள் மற்றும் ஒரு சிற்றுண்டிச்சாலை என சிறிய பள்ளியாக இருந்தது. பின்னர் 1990-ஆம் ஆண்டு பெற்றோர் ஆசிரியர் சங்கம்; சட்ட மன்ற உறுப்பினர் மற்றும் பொதுமக்கள் உதவியுடன் புதிய கட்டடம் ஒன்று கட்டப்பட்டது.

மூன்று மாடி கட்டிடம்[தொகு]

1991-ஆம் ஆண்டு முன்னாள் பொதுப் பணித் துறை அமைச்சர் துன் சாமிவேலு அவர்களின் ஆதரவுடன் மேலும் நான்கு வகுப்பறைகள் கட்டப் பட்டன. மாணவர்களின் எண்ணிக்கை தொடர்ந்து உயர்ந்து கொண்டு இருந்ததால் பொதுப் பணி துறை அமைச்சு மூன்று மாடி கட்டிடம் ஒன்றை நிறுவியது.

தற்சமயம் 18 வகுப்பறைகள், மூன்று பாலர் பள்ளி, கணினி அறை, அறிவியல் கூடம், வாழ்வியல் பட்டறை, நல்லுரை வழிக்காட்டி பிரிவு அறை, நூல்நிலையம், குறை நீக்கல் அறை, பெரிய சிற்றுண்டிச் சாலை, திடல் போன்ற போதுமான வசதிகளுடன் சிறந்த தமிழ்ப்பள்ளியாகத் திகழ்கிறது.[11]

காட்சியகம்[தொகு]

மேற்கோள்கள்[தொகு]

  1. "Kuala Langat Municipal Council". Retrieved 5 December 2021.
  2. Activities, Filed under; trips, Day; Langat, Kuala (7 April 2017). "Jugra was the royal capital of Selangor; its well-preserved buildings are good examples of the artistry and grandeur of its glamorous past". Visit Selangor. Retrieved 5 December 2021.
  3. "Twentieth century impressions of British Malaya: its history, people, commerce, industries, and resources - Southeast Asia Visions". seasiavisions.library.cornell.edu. Retrieved 5 December 2021.
  4. Manggis.blogspot.com, Sjkt Sungai (17 September 2019). "சுங்கை மங்கிஸ் தமிழ்ப்பள்ளி". '. Retrieved 5 December 2021.
  5. "Tahun baru 2019, Guru SJKT Sungai Manggis". Tahun baru 2019, Guru SJKT Sungai Manggis (in ஆங்கிலம்). Retrieved 5 December 2021.
  6. "ஜுக்ரா தோட்டத் தமிழ்ப்பள்ளி - Sekolah Jenis Kebangsaan (Tamil) Ladang Jugra di bandar Banting". ஜுக்ரா தோட்டத் தமிழ்ப்பள்ளி. Retrieved 5 December 2021.
  7. "சிம்பாங் மோரிப் தமிழ்ப்பள்ளி". sjktsimpangmorib2.blogspot.com (in ஆங்கிலம்). Retrieved 5 December 2021.
  8. "சுங்கை சீடு தமிழ்ப்பள்ளி". Facebook (in ஆங்கிலம்). Retrieved 5 December 2021.
  9. "சுங்கை புவாயா தமிழ்ப்பள்ளி". Facebook (in ஆங்கிலம்). Retrieved 5 December 2021.
  10. "தெலுக் டத்தோ தமிழ்ப்பள்ளி - Pibg Sjkt Pusat Telok Datok Banting". ja-jp.facebook.com (in ஜப்பானியம்). Retrieved 5 December 2021.
  11. "தெலுக் டத்தோ தமிழ்ப்பள்ளி, பந்திங்: School History / பள்ளியின் வரலாறு". SJK (T) TELOK DATOK, BANTING / தெலுக் டத்தோ தமிழ்ப்பள்ளி, பந்திங். Retrieved 5 December 2021.

வெளி இணைப்புகள்[தொகு]

விக்கிமீடியா பொதுவகத்தில்,
பந்திங்
என்பதில் ஊடகங்கள் உள்ளன.


"https://ta.wikipedia.org/w/index.php?title=பந்திங்&oldid=3434504" இலிருந்து மீள்விக்கப்பட்டது