பெரானாங்

பெரானாங்
Beranang
சிலாங்கூர்
பெரானாங் நகரம்
ஆள்கூறுகள்: 2°52′59″N 101°51′59″E
நாடு	மலேசியா
மாநிலம்	சிலாங்கூர்
மாவட்டம்	உலு லங்காட் மாவட்டம்
நேர வலயம்	மலேசிய நேரம் ஒ.ச.நே + 08:00
மலேசிய அஞ்சல் குறியீடு	43700
மலேசிய தொலைபேசி எண்	603-876
போக்குவரத்துப் பதிவெண்கள்	N

பெரானாங் (ஆங்கிலம்: Beranang; மலாய்: Mukim Beranang) என்பது மலேசியா, சிலாங்கூர், உலு லங்காட் மாவட்டத்தில் (Hulu Langat District) உள்ள புற நகரப்பகுதி; மற்றும் ஒரு முக்கிம் ஆகும். இந்த முக்கிம் செமினி முக்கிம் மற்றும் சிப்பாங் மாவட்டத்திற்கு அருகில் உள்ளது.

இதன் வடக்கே செமினி நகரம்; தெற்கே நெகிரி செம்பிலான் மாநிலத்தின் மந்தின் நகரம்; ஆகிய இரு நகரங்கள் உள்ளன. உண்மையிலேயே பெரானாங் நகரம் இரண்டு மாநிலங்களுக்கு இடையில் இரு பிரிவுகளாகப் பிரிக்கப்பட்டுள்ளது. தலையாய பெரானாங் நகரம் சிலாங்கூர் மாநிலத்திலும்; உலு பெரானாங் நகரம் (Ulu Beranang) நெகிரி செம்பிலான் மாநிலத்திலும் உள்ளன.

பொது

குன்றுகள்

பெரானாங் பகுதியில் 2 குன்றுகளும் ஒரு மலையும் உள்ளன.

• புக்கிட் தெம்புரோங் குன்று - 400 அடி
• புக்கிட் பூலோ குன்று - 401 அடி
• உலு பெரானாங் மலை - 2654 அடி

ஆறுகள்

பெரானாங்கில் சில ஆறுகள் உள்ளன. அவற்றில் பெரானாங் ஆறு என்பது செமனி ஆற்றின் ஒரு கிளை ஆறு ஆகும். இங்கு காணப்படும் ஆறுகள்:

• பெரானாங் ஆறு
• தருண் ஆறு
• புரோகா ஆறு
• ஜெய் ஆறு
• லூமுட் ஆறு
• பாலாவ் ஆறு

ரப்பர் தோட்டங்கள்

முன்பு இங்கு பல ரப்பர் தோட்டங்கள் இருந்தன. பின்னர் அவை செம்பனைத் தோட்டங்களாக மாற்றப்பட்டன.

• பாலாவ் தோட்டம்
• கிளன்வோரி தோட்டம்
• கன்னிமாரா தோட்டம்
• அபாக்கோ தோட்டம்
• பெனார் தோட்டம்
• புக்கிட் உங்குல் தோட்டம்

காட்சியகம்

• 
• 
• 
• 
•