களப்பால் அழகியநாத சுவாமி கோயில்

களப்பால் அழகியநாத சுவாமி கோயில் திருவாரூர் மாவட்டத்தில் உள்ள களப்பால் என்னுமிடத்தில் உள்ள தேவார வைப்புத்தலமாகும். திருவிசைப்பாத் தலம் என்னும் பெருமையுடையது.

அமைவிடம்

திருத்துறைப்பூண்டி-மன்னார்குடி சாலையில் 3 கிமீ அடுத்து மடப்புரம் உள்ளது. மடப்புரத்தின் இடப்புறம் வழியாக சென்றால் களப்பாலை அடையலாம். களப்பாலை கோயில் களப்பால் என்றும் அழைக்கின்றனர்.

இறைவன்,இறைவி

இங்குள்ள இறைவன் அழகியநாத சுவாமி என்றும் ஆதித்தேச்சுரர் என்றும் அழைக்கப்படுகிறார். இறைவி பிரபா நாயகி ஆவார். இத்தலம் கூற்றுவ நாயனார் அவதரித்த தலமாகும்.

பிற கோயில்கள்

இவ்வூரில் கயிலாத நாயர் கோயிலும், ஆனைகாத்த பெருமாள் கோயிலும் உள்ளன.