குண்டையூர் சுந்தரேசுவரர் கோயில்

குண்டையூர் சுந்தரேசுவரர் கோயில் நாகப்பட்டினம் மாவட்டத்தில் உள்ள சிவன் கோயிலாகும். இது ஒரு தேவார வைப்புத்தலமாகும்.

அமைவிடம்

இக்கோயில் திருக்குவளைக்கு வடக்கே 1 கிமீ தொலைவில் அமைந்துள்ளது.

இறைவன், இறைவி

இங்குள்ள மூலவர் சுந்தரேசுவரர் என்றழைக்கப்படுகிறார். இறைவி மீனாட்சியம்மை.

வரலாறு

சுந்தரரின் திருமாளிகைக்கு நெல் போன்றவற்றை அனுப்பி தொண்டுசெய்த குண்டையூர்க்கிழார் இங்கு வாழ்ந்தார். ஒரு முறை வானம் பொய்த்து வறட்சி ஏற்பட்டபோது குண்டையூர்க்கிழார் சுந்தரருக்கு நெல் அனுப்ப இயலாமல் தவித்தபோது இறைவன் நெற்குவியல் அருளியதாகக் கூறுவர். அதனை எடுத்துச்செல்ல இறைவன் பூதகணங்களையும் அனுப்பிவைத்துள்ளார். இங்கு மாசிமகத்தில் நெல் அட்டிச்செல்லும் விழா எனப்படும் விழா சிறப்பாக நடைபெறுகிறது.