காசி விசுவநாதர் கோயில்

கட்டற்ற கலைக்களஞ்சியமான விக்கிப்பீடியாவில் இருந்து.
Jump to navigation Jump to search
காசி விசுவநாதர் கோயில்
பெயர்
புராண பெயர்(கள்):வாரணாசி, பனாரஸ், ஆனந்த வனம், மகாமயானம், அவிமுக்தம்.
அமைவிடம்
ஊர்:காசி
மாவட்டம்:வாரணாசி
மாநிலம்:உத்திரப் பிரதேசம்
நாடு:இந்தியா
கோயில் தகவல்கள்
மூலவர்:காசி விஸ்வநாதர்
தாயார்:விசாலாட்சி
தீர்த்தம்:ஆதிகங்கை, ஞான வாவி, மணிகர்ணிகா, சக்ரதீர்த்தம் என 64 தீர்த்தங்கள்
சிறப்பு திருவிழாக்கள்:தை அமாவாசை, ஆடி அமாவாசை, தீபாவளி (அன்னக்கொடி உற்ஸவம்), ஹோலிப் பண்டிகை, சிவராத்திரி, நவராத்திரி.
வரலாறு
வலைதளம்:https://www.shrikashivishwanath.org
காசி விசுவநாதர் கோயில் நுழைவாயில்

காசி விசுவநாதர் கோயில் (ஹிந்தி:काशी विश्वनाथ मंदिर, காசி விஸ்வநாத் மந்தீர்) என்பது மிகவும் புகழ்வாய்ந்த சிவபெருமானின் கோயிலாகும். இக்கோயில் உத்திரப்பிரதேச மாநிலம், வாரணாசி எனும் இடத்தில் அமைந்துள்ளது. வாரணாசி என்று தற்போது அழைக்கப்பட்டாலும், பழங்காலத்தில் காசி என அழைக்கப்பட்டமையினால் இத்தலம் காசி விஸ்வநாதர் கோயில் என அழைக்கப்படுகின்றது. இது ஒரு தேவார வைப்புத்தலமாகும். [1]

விஸ்வநாதர் என்றால் அகிலத்தினை ஆள்பவர் என்று பொருளாகும்.

வரலாறு[தொகு]

தசாஸ்வேமேத் (காட்) நதிக்கரையிலிருந்து ஒரு குறுகிய தெரு கோயில் பக்கம் செல்கிறது. கோயிலின் மூலஸ்தானத்தைக் கொண்ட சிறிய ஆலயத்தை 1780ஆம் ஆண்டு இந்தூர் மகாராணி அகல்யா பாய் ஹோல்கரால் கட்டப்பட்டது.[2] 1835ஆம் ஆண்டு பஞ்சாப் மன்னர் மகாராஜா ரஞ்சித் சிங், ஒரு டன் தங்கத்தைப் பரிசாக அளித்து இப்போதிருக்கும் தங்கக் கோபுரத்தை அமைத்தார். 1841ஆம் ஆண்டு நாக்பூரைச் சேர்ந்த போஸ்லே குடும்பத்தினர், கருவறையின் மூன்று நுழைவாயில்களுக்கு வெள்ளிக் கவசங்களை அமைத்தனர். வடக்கு வாயிலுக்கு மட்டும் வெள்ளிக்கவசம் இல்லாமலேயே இருந்தது. அதற்கான கவசம் அண்மையில் அமைக்கப்பட்டது.[3]

தலபெருமை[தொகு]

இக்கோயிலில் மணி அடிக்கும் சத்தம் கேட்கும்போது மக்கள் அனைவரும் தலையை குனிந்துகொள்கின்றனர். சிவனை இலைகளைப் போல் நிறைய நல்ல பாம்புகளுடன் அலங்கரித்த நிழல்கள் இருக்கும்போது அவர் தலையில் கங்கை நீரை ஊற்ற வைத்தும், ஐந்து தடவை செய்யும் ஆரத்தி முக்கியமானது. பூஜை நடக்கும்போது நூற்றுக்கணக்கான மணி ஓசைகளும், மேள தாளங்களும் வாசிக்கும்போது கோயிலின் உள்ளே நுழைய மிகவும் உற்சாகம் கொடுக்கிறது.[2]

கோயில் அமைப்பு[தொகு]

இக்கோயிலின் உயரம் 51 அடிகளாகும். கோயிலின் உள்ளே சிவலிங்கம் வைக்கப்பட்டு இருக்கிறது. இந்த சிவலிங்கம் காசியில் பிரசித்தி பெற்றது. கோயிலின் உள்ளே நேபாள மன்னரால் கொடுக்கப்பட்ட ஒரு பெரிய மணி தொங்கவிடப்பட்டு இருக்கிறது. இதன் சத்தம் நீண்ட தூரம் கேட்கிறது. காலையிலும் மாலையிலும் விசுவநாதருக்கு பூசைகள் நடத்தப்பெறுகின்றன. காசி விசுவநாதரால் காசி முக்கிய ஸ்தலமாக இருக்கிறது.[2] கோயிலுக்குச் செல்லும் பாதை மிகவும் குறுகியதாக உள்ளது.

தமிழர்கள் பணி[தொகு]

தமிழகத்தை சேர்ந்த நாட்டுக்கோட்டை நகரத்தாரால் கி.பி 1813 முதல் இன்று வரை காசி விஸ்வநாதருக்கு நாள் தோறும் மூன்று வேளை பூஜைகள் நடத்தப்படுகிறது. இதற்கு தேவையான அனைத்து பொருட்களும் காசியில் உள்ள ஸ்ரீ காசி நாட்டுக்கோட்டை நகர சத்திரத்தில் இருந்து கொண்டு செல்லப்படுகிறது. தெருவில் "சம்போ சம்போ சங்கர மகாதேவா" என்று கூவி கொண்டு பூஜை பொருட்களை கொண்டு செல்வதால் இது சம்போ என்ற பெயரால் வழங்கப்படுகிறது.[4] [5]

"பஞ்சாப் மெயில் தவறினாலும் நகரத்தார் சம்போ நேரப்படி தவறுவதில்லை" என்பது வாரணாசி பழமொழி.[4] கி.பி1813 முதல் இதுவரை வரை ஒரு நாள் தவறாமல் பூஜை பொருட்கள் கொண்டு செல்லப்படுகிறது 1942ஆம் ஆண்டு காசி நகரில் மாபெரும் கலகங்கள் நிகழ்ந்தது ஆனால் சம்போ நின்றதில்லை எமர்ஜென்சி காலத்திலும் நின்றதில்லை[4]. அன்னபூரணி, விசாலாட்சி ஆகியோர் பூஜை பொருட்களும் நாட்டுக்கோட்டை நகரத்தாரால் வழங்கப்படுகிறது.[4]

ஸ்ரீ காசி நாட்டுக்கோட்டை நகரச் சத்திரத்தில் இருந்து ஸ்ரீ காசி விஸ்வநாதர் கோயிலுக்கு கொண்டு செல்லப்படும் பூஜை பொருட்கள், இது சம்போ என்று அழைக்கப்படுகிறது.


ஸ்ரீ காசி நாட்டுக்கோட்டை நகரச்சத்திரம்.


அன்னபூர்ணி கோயில்[தொகு]

அன்னபூர்ணி கோயில், காசி விசுவநாதர் கோயில் வளாகத்தில் உள்ளது.

காசி விசாலாட்சி கோயில்[தொகு]

காசி விசாலாட்சி கோயில், காசி விசுவநாதர் கோயிலுக்குச் செல்லும் வழியில் வலப்புறத்தில் உள்ளது. இக்கோயில் தமிழர்களான நாட்டுக்கோட்டை நகரத்தார்களால் கட்டப்பட்டது.[4]

கங்கா ஆர்த்தி[தொகு]

வாரணாசியில் கங்கை ஆற்றின் கரையில் தினமும் கங்கை ஆறுக்கு ஆர்த்தி வழிபாடு நடத்தப்படுகிறது. இந்நிகழ்வை கங்கா ஆர்த்தி என்கின்றனர். கோயிலுக்கு வரும் பக்தர்கள் கங்கா ஆர்த்தியை ஆர்வமுடன் பார்க்க வருகின்றார்கள்.

கட்டுப்பாடு[தொகு]

இந்த கோவிலுக்கு வரும் பக்தர்களில் பெண்கள் சேலை அணிந்துதான் கோவிலுக்குள் வர வேண்டும். ஆண்கள் டவுசர், கை பகுதி இல்லாத மேல் சட்டை அணிந்து கோவிலுக்குள் வர அனுமதி கிடையாது.[6]

குடமுழுக்கு[தொகு]

239 ஆண்டுகளுக்குப் பின்னர் இக்கோயிலின் குடமுழுக்கு 5 சூலை 2018இல் நடைபெற்றது. நாட்டுக்கோட்டை நகரத்தாரால் நடத்தப்பட்டது. [7] [8]

உசாத்துணை[தொகு]

  1. பு.மா.ஜெயசெந்தில்நாதன், தேவார வைப்புத்தலங்கள், வர்த்தமானன் பதிப்பகம், சென்னை, 2009
  2. 2.0 2.1 2.2 ஸ்ரீ காசி மகாத்மியம், ராக்கி பிரகாசன், பஞ்சமாளிகை, கயா
  3. ஷங்கர் (2018 ஆகத்து 9). "காசி விஸ்வநாதருக்குக் குடமுழுக்கு செய்த தமிழர்". கட்டுரை. இந்து தமிழ். பார்த்த நாள் 9 ஆகத்து 2018.
  4. 4.0 4.1 4.2 4.3 4.4 சோமலெ (1963). ஸ்ரீ காசி நாட்டுக்கோட்டை நகரச்சத்திரம் வரலாறு. பக். 36-42. 
  5. "சம்போ... சம்போ... சம்போ மகாதேவா...".
  6. விஸ்வநாதர் கோயிலில் பெண்களுக்கு ஆடை நெறிமுறைகள் அறிமுகம் தி இந்து தமிழ் 24 நவம்பர் 2015
  7. காசி விஸ்வநாதர் கோயிலுக்கு 239 ஆண்டுகளுக்குப் பின் கும்பாபிஷேகம்... தமிழரின் முயற்சி!, விகடன், 25 சூலை 2018
  8. North and South merged at this Altar, The Hindu, Friday Review, 27 July 2018

வெளி இணைப்புகள்[தொகு]