அகத்தீச்சுரம் அகத்தீசுவரர் கோயில்

கட்டற்ற கலைக்களஞ்சியமான விக்கிப்பீடியாவில் இருந்து.

அகத்தீச்சுரம் அகத்தீசுவரர் கோயில் கன்னியாகுமரி மாவட்டம் கன்னியாகுமரியிலிருந்து 5 கி.மீ. தொலைவிலும், நாகர்கோயிலிருந்து 15 கி.மீ. தொலைவிலும் அமைந்துள்ளது. இக்கோயில் தேவார வைப்புத்தலமாகும். அப்பர் பாடிய பெருமையுடையது. [1]

அமைவிடம்[தொகு]

நாகர்கோயில் கன்னியாகுமரி சாலையில் உள்ள கொட்டாரம் என்னுமிடத்திலிருந்து 1 கிமீ தொலைவில் அமைந்துள்ள வடுகன்பற்று என்னுமிடத்திற்கு அருகில் உள்ளது.

இறைவன்,இறைவி[தொகு]

கருவறையில் உள்ள மூலவர் அகத்தீசுவரர் ஆவார். இறைவி அறம் வளர்த்த நாயகி, அமுதவல்லி ஆவார்.[2] இத்தலம் அகத்தியர், தன்னுடைய மனைவி லோபா முத்திரையுடன் வழிபட்ட சிறப்பினையுடையது.

குடமுழுக்கு[தொகு]

21 மார்ச் 1996இல் குடமுழுக்கு நடைபெற்றுள்ளது.

மற்றொரு தலம்[தொகு]

இதே பெயரில் மற்றொரு கோயில் திண்டிவனம் பாண்டிச்சேரி சாலையில் உள்ள கிளியனூரில் அகத்தீசுவரம் என்ற பெயரில் உள்ளது. [2]

மேற்கோள்கள்[தொகு]

  1. ↑ "அகத்தீஸ்வரர் திருக்கோவில், அகத்தீச்சரம், தேவார வைப்புத்தலங்கள்". 2018-10-22 அன்று மூலம் பரணிடப்பட்டது. 2018-11-08 அன்று பார்க்கப்பட்டது.
  2. ↑ 2.0 2.1 பு.மா.ஜெயசெந்தில்நாதன், தேவார வைப்புத்தலங்கள், வர்த்தமானன் பதிப்பகம், சென்னை, 2009
"https://ta.wikipedia.org/w/index.php?title=அகத்தீச்சுரம்_அகத்தீசுவரர்_கோயில்&oldid=3592304" இருந்து மீள்விக்கப்பட்டது