பரஞ்சேர்வழி மத்யபுரீசுவரர் கோயில்

மத்யபுரீசுவரர் கோயில்
அமைவிடம்
நாடு:	இந்தியா
மாநிலம்:	தமிழ்நாடு
மாவட்டம்:	திருப்பூர்
அமைவிடம்:	பரஞ்சேர்வழி
சட்டமன்றத் தொகுதி:	காங்கயம் சட்டமன்றத் தொகுதி
மக்களவைத் தொகுதி:	ஈரோடு மக்களவைத் தொகுதி
கோயில் தகவல்
மூலவர்:	மத்யபுரீசுவரர்
சிறப்புத் திருவிழாக்கள்:	மகா சிவராத்திரி
கட்டிடக்கலையும் பண்பாடும்
கட்டடக்கலை வடிவமைப்பு:	திராவிடக் கட்டிடக்கலை
கோயில்களின் எண்ணிக்கை:	ஒன்று

பரஞ்சேர்வழி மத்யபுரீசுவரர் கோயில் என்ற சிவன் கோயில், திருப்பூர் மாவட்டம் காங்கேயம் அருகில் உள்ள ஒரு தேவார வைப்புத்தலமாகும்.

அமைவிடம்

திருப்பூர் மாவட்டம் காங்கேயத்திலிருந்து சென்னிமலை சாலையில் 8 கி.மீ. தொலைவில் நால்ரோடு பகுதியின் வலப்புறத்தில் நத்தக்காடையூர் 10 கி.மீ. என்ற வழிகாட்டியுள்ள திசையில் 3 கி.மீ. தொலைவில் பரஞ்சேர்வழியில் அமைந்துள்ளது. 2024-ஆம் ஆண்டிலிருந்து கோயில் புதிதாகக் கட்டப்பட்டு வருகின்றது.

இறைவன்,இறைவி

இக்கோயிலில் உள்ள இறைவன் மத்யுபுரீசுவரர் என்றும் நட்டூர்நாதர் என்றும் அழைக்கப்படுகிறார். இறைவி சுகந்த குந்தளாம்பிகை என்றும், நட்டுவார் குழலியம்மை என்றும் அழைக்கப்படுகிறார்.

திருச்சுற்று

திருச்சுற்றில் கணபதி, பைரவர் ஆகியோரின் சன்னதிகள் உள்ளன. கோஷ்டத்தில் நர்த்தன கணபதி, தட்சிணாமூர்த்தி, லிங்கோத்பவர் உள்ளனர்.