தண்டாங்கோரை கைலாசநாதர் கோயில்

நுழைவாயில்

தண்டாங்கோரை கைலாசநாதர் கோயில் தஞ்சாவூர் மாவட்டத்தில் உள்ள தேவார வைப்புத்தலமாகும்.

அமைவிடம்

தஞ்சாவூர்-கும்பகோணம் சாலையில் மானாங்கோரைக்கு அடுத்து தண்டாங்கோரை உள்ளது. இவ்வூர் முன்னர் தண்டங்குறை என்றழைக்கப்பட்டது.

இறைவன்,இறைவி

மூலவர் விமானம்

இங்குள்ள இறைவன் கைலாசநாதர் ஆவார். இறைவி சர்வலோக நாயகி ஆவார். கோஷ்டத்தில் தட்சிணாமூர்த்தி, துர்க்கை உள்ளனர். உள் மண்டபத்தில் பைரவர், நாகர், சூரியன் ஆகியோர் உள்ளனர்.

பிற சன்னதிகள்

முகப்பு வாயிலைக் கடந்து உள்ளே செல்லும்போது திருச்சுற்றில் சித்தி விநாயகர், சுப்பிரமணியர், நவக்கிரக சன்னதிகள் உள்ளன. கஜலட்சுமி சன்னதியும், சண்டிகேஸ்வரர் சன்னதியும் உள்ளன.

குடமுழுக்கு

நந்தன வருடம் ஆனி 24ஆம் நாள் (8 சூலை 2012) குடமுழுக்கு நடைபெற்றதற்கான கல்வெட்டு உள்ளது.