கஞ்சாறு ஆனந்த தாண்டேசுவரர் கோயில்

கஞ்சாறு ஆனந்த தாண்டேசுவரர் கோயில் நாகப்பட்டினம் மாவட்டத்தில் உள்ள தேவார வைப்புத்தலமாகும்.

அமைவிடம்

மயிலாடுதுறை-சீர்காழி சாலையில் 1 கிமீ தொலைவில் உள்ளது. கஞ்சாறு, கஞ்சாறூர் என்றும் ஆனதாண்டவபுரம் என்றும் அழைக்கப்படுகிறது.

இறைவன்,இறைவி

இக்கோயிலில் உள்ள இறைவன் ஆனந்த தாண்டேசுவரர் ஆவார். இறைவி பிருகந்நாயகி ஆவார்.

பிற சன்னதிகள்

திருச்சுற்றில் விநாயகர், சுப்பிரமணியர் சன்னதிகள் உள்ளன. ஆஞ்சநேயர், பைரவர், நவக்கிரகம், சனீசுவரர், சூரியன், சந்திரன் சன்னதிகளும் உள்ளன. இத்தலம் மானக்கஞ்சாற நாயனார் அவதரித்த தலமாகும். அவருடைய திருமேனியும், அவருடைய மகளின் திருமேனியும் இக்கோயிலில் உள்ளன.