தாராசுரம்

தாராசுரம்
—  கும்பகோணம் மாநகராட்சி  —
ஆள்கூறு
நாடு	இந்தியா
மாநிலம்	தமிழ்நாடு
மாவட்டம்	தஞ்சாவூர்
வட்டம்	கும்பகோணம்
ஆளுநர்	ஆர். என். ரவி
முதலமைச்சர்	மு. க. ஸ்டாலின்
மாவட்ட ஆட்சியர்	பி. பிரியங்கா, இ. ஆ. ப
மக்கள் தொகை • அடர்த்தி	15,787 (2011) • 6,864/km2 (17,778/sq mi)
நேர வலயம்	இந்திய சீர் நேரம் (ஒ.ச.நே + 05:30)
பரப்பளவு	2.3 சதுர கிலோமீட்டர்கள் (0.89 sq mi)
குறியீடுகள் • அஞ்சல் குறியீட்டு எண் • 612 xxx • தொலைபேசி • +0435 • வாகனம் • TN 49
இணையதளம்	www.townpanchayat.in/dharasuram

தாராசுரம் (ஆங்கிலம்:Darasuram) இந்தியாவின் தமிழ்நாடு மாநிலத்தில் அமைந்துள்ள தஞ்சாவூர் மாவட்டம், கும்பகோணம் வட்டத்தில் இருக்கும் ஒரு பேரூராட்சி ஆகும். இங்கு உலகப்பெற்ற ஐராவதேசுவரர் கோயில் உள்ளது. இது வணிக நகரமான கும்பகோணத்தின் புறநகர் பகுதி ஆகும்.

2021-இல் புதிய கும்பகோணம் மாநகராட்சியுடன் இணைத்தல்

ஐராவதேசுவரர் கோயில் கோபுரம்

ஐராவதேசுவரர் கோயில்

சோழர் கட்டடக்கலையின் சிறந்த எடுத்துக்காட்டாக விளங்கும் ஐராவதேசுவரர் கோயில்

தண்ணீர் சூழ்ந்த நிலையில் கோயில்

பெரிய நாயகி அம்மன் கோயில்

தாராசுரம் பேரூராட்சியை அக்டோபர், 2021-இல் புதிதாக நிறுவப்பட்ட கும்பகோணம் மாநகராட்சியுடன் இணைக்கப்பட்டது.

அமைவிடம்

தாராசுரம் பேரூராட்சி தஞ்சாவூரிலிருந்து 42 கிமீ தொலைவிலும், கும்பகோணத்திலிருந்து 4 கிமீ தொலைவிலும் உள்ளது.

பேரூராட்சியின் அமைப்பு

2.3 சகிமீ பரப்பும், 15 வார்டுகளும், 52 தெருக்களும் கொண்ட இப்பேரூராட்சி கும்பகோணம் (சட்டமன்றத் தொகுதி)க்கும், மயிலாடுதுறை மக்களவைத் தொகுதிக்கும் உட்பட்டது.

மக்கள் தொகை பரம்பல்

2011-ஆம் ஆண்டு மக்கள் தொகை கணக்கெடுப்பின்படி இப்பேரூராட்சி 3,931 வீடுகளும் 15,787 மக்கள்தொகையும் கொண்டது.

சப்தஸ்தானம்

சித்திரை மாதத்தில் நடைபெறும் சப்தஸ்தான விழாவில் கும்பகோணம் ஆதிகும்பேஸ்வரர் மங்களநாயகியுடன் அதிவிநோதமாக அலங்கரிக்கப்பட்ட பல்லக்கில் திருக்கலயநல்லூர், தாராசுரம், திருவலஞ்சுழி, சுவாமிமலை, கொட்டையூர், மேலக்காவேரி ஆகிய தலங்களுக்கு எழுந்தருளி காட்சி கொடுத்துத் திரும்புவர்.

இது பஞ்சகுரோசத்தலங்களில் ஒன்றாகும்.

வரலாற்றுச் சிறப்பு

முதன்மைக் கட்டுரை: ஐராவதேசுவரர் கோயில்

ஐராவதேஸ்வரர் கோவில்

இவ்வூர் பொ.ஊ. 12-ஆம் நூற்றாண்டில் இரண்டாம் இராஜராஜ சோழனால் கட்டப்பட்ட ஐராவதேஸ்வரர் கோயிலுக்காக அறியப்படுகிறது.

இக்கோவில் மிகச்சிறப்பான கட்டிடக்கலையின் இருப்பிடமாக விளங்குகிறது. இதனுடைய விமானம் 85 அடி உயரம் கொண்டது.

பத்தாம் நூற்றாண்டில் இருந்து 12-ஆம் நூற்றாண்டுக்கு இடையில் கட்டப்பட்ட கங்கைகொண்ட சோழபுரம் கோவிலும் தாராசுரம் கோயிலும் நிறைய ஒற்றுமைகளைக் கொண்டுள்ளன.

வெளி இணைப்புகள்

விக்கிமீடியா பொதுவகத்தில்,
Darasuram
என்பதில் ஊடகங்கள் உள்ளன.

• தாராசுரம் பேரூராட்சியின் தொடர்பு மையங்கள்
• தாராசுரம் பயணக்கட்டுரை
• பச்சை பூமி - தாராசுரம் (சிற்பக்கலையின் உன்னதம்)