பத்லாபூர்

பத்லாப்பூர் (Badlapur) இந்தியாவின் மகாராட்டிரா மாநிலத்தின் தானே மாவட்டத்தில் உள்ள நகராட்சி ஆகும். மேலும் இது மும்பை பெருநகரப் பகுதியாகும். பத்லாப்பூர், மும்பையிலிருந்து 67 கிலோ மீட்டர் (ரயில்) தொலைவிலும், புனேவிலிருந்து 125 கிலோ மீட்டர் தொலைவிலும் உள்ளது.

மக்கள் தொகை பரம்பல்

2011 இந்திய மக்கள் தொகை கணக்கெடுப்பின் படி, 41,902 வீடுகளையும், 34 வார்டுகளையும் கொண்ட மொத்த மக்கள் தொகை 174,226 ஆகும். மக்கள் தொகையில் ஆண்கள் 90,365 மற்றும் 83,861 பெண்கள் ஆக உள்ளனர். பாலின விகிதம் 1000 ஆண்களுக்கு 894 பெண்கள் வீதம் உள்ளனர். 6 வயதிற்குட்பட்ட குழந்தைகள் எண்ணிக்கை 17801 - 10.22 % ஆகும். சராசரி எழுத்தறிவு 91.72 % ஆகும். இதன் மக்கள் தொகையில் இந்துக்கள் 81.00%, இசுலாமியர்கள் 3.84%, பௌத்தர்கள் 12.07%, சமணர்கள் 0.57%, கிறித்துவர்கள் 1.73% மற்றும் பிறர் 0.79% ஆக உள்ளனர்.^[1]