ராம்லீலா

கட்டற்ற கலைக்களஞ்சியமான விக்கிப்பீடியாவில் இருந்து.
Jump to navigation Jump to search


இராம காதையை நடித்துக் காட்டும் கலைஞர்கள்
இராவணன் வேடத்தில் ஒரு கலைஞர்
ராம்லீலா திருநாளில் புது தில்லி ராம்லீலா மைதானத்தில் இராமன், இலக்குவன் மற்றும் தசரதன் வேடத்தில் கலைஞர்கள், ஆண்டு 2012


ராம்லீலா (Ramlila) நவராத்திரிக்கு அடுத்த நாளான விஜயதசமி அன்று மக்கள் முன்னிலையில் கலைஞர்கள் இராமனின் வரலாற்று நிகழ்வுகளை நாடகமாகவும், நாட்டிய நாடகமாகவும் நடித்து காண்பிப்பர். இறுதியில் தீய சக்திகளாகக் கருதப்படும் அரக்கர்களான இராவணன், கும்பகர்ணன் மற்றும் இந்திரஜித் ஆகியோர்களின் உருவப் பொம்மைகளை, இராமர் அம்பெய்து எரிப்பதாக அமையும்.

இராமனின் வாழ்க்கை வரலாற்றை விளக்கும் துளசிதாசர் எழுதிய ராமசரிதமானஸ் [1])[2][3][4] [5] [6] எனும் இராம காதையை, நவராத்திரியின் போது மக்கள் முன்னிலையில் நாட்டிய நாடகமாக அரங்கேற்றுவர்.[7] தீயசக்திகளுக்கும் (அதர்மம்), நற்சக்திகளுக்கும் (தருமம்) இடையே நடைபெறும் போரில், இறுதியாக தீயசக்திகள் முற்றிலுமாக அழிக்கப்படுவதை நினைவு கூறுமுகமாக, நவராத்திரியின் இறுதி நாளான, விஜயதசமி அன்று இரவில் புதுதில்லி ராம்லீலா மைதானத்தில் தீயசக்திகளான இராவணன், கும்பகர்ணன் மற்றும் இந்திரஜித் ஆகியோர்களை பெரிய அளவில் பொம்மைகளாக நிறுத்தி வைத்து, இராமர் வேடமிட்ட கலைஞர் அம்பெய்து எரிப்பர்.[2][8]

ராம்லீலா பண்டிகை போன்று மேற்கு வங்காளத்தில் அன்னை துர்கை, கொடுங்குணம் கொண்ட எருமைத் தலைக் கொண்ட மகிசாசூரன் போன்ற அரக்கர்களை அழிக்கும் நிகழ்வை, துர்கா பூஜையாகக் கொண்டாடப்படுகிறது.[5]

2008ல் யுனெஸ்கோ நிறுவனம் ராம்லீலா பண்டிகையை மனிதகுலத்தின் தொன்மையான பண்பாட்டு நிகழ்வாக அறிவித்துள்ளது. வரலாற்று புகழ் வாய்ந்த அயோத்தி, வாரணாசி, பிருந்தாவனம், மதுரா, அல்மோரா மற்றும் மதுபனி ஆகிய நகரங்களில் ஆண்டுதோறும் ராம்லீலா பண்டிகை வெகுசிறப்பாகக் கொண்டாடப்படுகிறது. [2][9]

வாரணாசியில் ராம்லீலா[தொகு]

காசி நாட்டு மன்னர் முன் நடைபெறும் ராம்லீலா கொண்டாட்டம், இராம்கர் கோட்டை, வாரணாசி, படம், ஆண்டு 1834

விஜயதசமி அன்று ராம்லீலா விழா வண்ணமயமான அலங்காரங்களுடன் ஆரம்பமாகும் போது காசி நாட்டு மன்னர் பளபளக்கும் பட்டுப் பீதாம்பரங்களை அணிந்து, ராம் லீலா ஊர்வலத்துக்குத் தலைமையேற்று யானையில் வலம் வருவார்.[10]பின்னர் வாரணாசியின் ராம்நகரில் ஒரு மாத காலம் நடக்கும் ராம்லீலா நாடகத்தை துவக்கி வைப்பார்.[10]

துளசிதாசர் எழுதிய ராமாயணமான ராமசரித மானசில் கூறப்பட்டுள்ள ராமபிரானின் கதையை நடித்துக் காட்டும் நாடகமாகும்.[10] இராம நாடகம், ராம்நகரில் மாலை நேரத்தில், தொடர்ந்து 31 நாட்களுக்கு நடைபெறும்.[10] விழாவின் இறுதிநாளில் இது உச்சகட்டத்தை அடையும். இதன்போது ராமர் வேடமிட்ட கலைஞர், ராவணன் வேடமிட்ட கலைஞரை அம்பெய்து அழிப்பார்.[10] 19ம் நூற்றாண்டில், மகாராஜா உதித் நாராயண் சிங் என்பவரே ராம்நகரில் ராம்லீலாவை அரங்கேற்றும் வழக்கத்தை துவக்கினார்.[10]

காசி மன்னரால் நடாத்தப்படும் விழாவைக் காண ஒவ்வொரு வருடமும் இலட்சக்கணக்கான பக்தர்கள் இங்கு வருவர்.[11]


வெளி நாடுகளில்[தொகு]

இராமாயணம் அடிப்படையில் நடைபெரும் ராம்லீலா நாட்டியக் குழு, பாலி, இந்தோனேசியா

தென்கிழக்கு ஆசிய நாடுகளான கம்போடியா, தாய்லாந்து, இந்தோனேசியாவின் பாலித் தீவு]]களில் கிபி 1000 ஆண்டுக்களுக்கு முன்னரே இராமகாதை நாட்டிய நாடகமாக அரங்கேற்றப்பட்டுவருகிறது.[12] தற்போது மேற்குலக நாடுகளிலும் இராம லீலை வெகு சிறப்பாகக் கொண்டாடப்படுகிறது.[13]

இதனையும் காண்க[தொகு]

மேற்கோள்கள்[தொகு]

  1. Jennifer Lindsay (2006). Between Tongues: Translation And/of/in Performance in Asia. National University of Singapore Press. பக். 12–14. பன்னாட்டுத் தரப்புத்தக எண்:978-9971-69-339-8. https://books.google.com/books?id=Ks-nUAO_fJgC&pg=PA12. 
  2. 2.0 2.1 2.2 Ramlila, the traditional performance of the Ramayana, UNESCO
  3. பிழை காட்டு: செல்லாத <ref> குறிச்சொல்; claus507 என்னும் பெயரில் உள்ள ref குறிச்சொல்லுக்கு உரையேதும் வழங்கப்படவில்லை
  4. Constance Jones & James D. Ryan 2006, பக். 457.
  5. 5.0 5.1 James G. Lochtefeld 2002, பக். 389.
  6. Schechner, Richard; Hess, Linda (1977). "The Ramlila of Ramnagar [India]". The Drama Review: TDR (The MIT Press) 21 (3): 51-82. doi:10.2307/1145152. 
  7. Encyclopedia Britannica 2015.
  8. Ramlila Pop Culture India!: Media, Arts, and Lifestyle, by Asha Kasbekar. Published by ABC-CLIO, 2006. ISBN 1-85109-636-1. Page 42.
  9. James G. Lochtefeld 2002, பக். 561-562.
  10. 10.0 10.1 10.2 10.3 10.4 10.5 Mitra, Swati (2002). Good Earth Varanasi city guide. Eicher Goodearth Limited. பக். 216 (at p 126). பன்னாட்டுத் தரப்புத்தக எண்:978-81-87780-04-5. 
  11. Banham, Martin (second edition, 1995). The Cambridge Guide to Theatre. கேம்பிறிட்ஜ் பல்கலைக்கழகப் பதிப்பகம். பக். 1247. பன்னாட்டுத் தரப்புத்தக எண்:978-0-521-43437-9. 
  12. Mandakranta Bose (2004). The Ramayana Revisited. Oxford University Press. பக். 342–350. பன்னாட்டுத் தரப்புத்தக எண்:978-0-19-516832-7. https://books.google.com/books?id=2Ar2Qfr-UeQC. 
  13. Ramlila - The traditional performance of Ramayana - Part I & II Indira Gandhi National Centre for the Arts

ஆதார நூற்பட்டியல்[தொகு]

வெளி இணைப்புகள்[தொகு]

"https://ta.wikipedia.org/w/index.php?title=ராம்லீலா&oldid=2698412" இருந்து மீள்விக்கப்பட்டது