ஜே. எம். கோட்ஸி

கட்டற்ற கலைக்களஞ்சியமான விக்கிப்பீடியாவில் இருந்து.
Jump to navigation Jump to search
ஜே. எம். கோட்ஸி

ஜே. எம். கோட்ஸி (John Maxwell Coetzee/kʊtˈsɪə,_ʔˈs/[1])(பிறப்பு - பெப்ரவரி 9, 1940, கேப்டவுண்) என்பவர் தென்னாபிரிக்க புதின எழுத்தாளர், கட்டுரையாளர்,மொழியியலாளர், மொழிபெயர்ப்பாளர் ஆவார். இவருக்கு 2003 இல் இலக்கியத்துக்கான நோபல் பரிசு வழங்கப்பட்டது. கோட்ஸி இரு முறை புக்கர் பரிசும் பெற்றுள்ளார். 2002 ஆத்திரேலியாவில் உள்ள அடிலெயிடில் குடியேறினார்.[2] 2006 ஆம் ஆண்டில் ஆத்திரேலியக் குடியுரிமையைப் பெற்றார்.[3]

2013 ஆம் ஆண்டில் தென்னாபிரிக்க வலைதள பத்திரிக்கையாளரான ரிச்சர்டு பாப்லக் என்பவர் கோட்சியைப் பற்றி பின்வருமாறு கூறுகிறார். "எந்த ஐயமும் இன்றி போற்றிப் பாராட்டப் படவேண்டிய ஆங்கில மொழி எழுத்தாளர் எனப் பாராட்டுகிறார்[4]. 2003 ஆம் ஆண்டில் நோபல் பரிசு பெறுவதற்கு முன்பாக எருசலேம் விருது, சி என் ஏ விருதினை மூன்று முறையும், பிரிக்ஸ் ஃபெமினா விருது, ஐரிசு டைம்ஸ் பத்திரிகையின் சர்வதேச புனைவு விருது, புக்கர் பரிசினை இருமுறையும் பெற்றிருக்கிறார்.

ஆரம்ப கால வாழ்க்கை[தொகு]

ஜான் மேக்ஸ்வெல் கோட்ஸி பெப்ரவரி 9, 1940 இல் தென்னாப்பிரிக்காவிலுள்ள கேப்டவுணில் பிறந்தார். [5]இவருடைய தந்தை சாக்கரியாசு கோயட்ஸி அரசுப் பணியாளர் மற்றும் பகுதிநேர வழக்கறிஞர். இவருடைய தாய் வேரா கோயட்ஸி பள்ளிக்கூட ஆசிரியர் ஆவார்[6]. இவர்களுடைய குடும்பத்தில் ஆங்கிலம் தான் பெரும்பாலும் பேச்சு மொழியாகைருந்தது. ஆனால் ஜான் தனது உறவினர்களிடம் ஆப்பிரிக்க மொழியில் பேசினார். [6]

கோயட்ஸி தனது ஆரம்பகாலத்தின் பெரும்பாலான நேரங்களில் கேப்டவுனிலும், வோர்செஸ்டரிலும் இருந்தார். இவருடைய தந்தை அரசு வேலையை இழந்தவுடன் இவருடைய குடும்பம் வோர்செஸ்டர் சென்றது. [7]அப்போது கோட்ஸிக்கு எட்டு வயதாகும். பின் புனித ஜோசப் கல்லூரியில் சேர்ந்தார். பின் கேப்டவுன் பல்கலைக்கழகத்தில் சேர்ந்தார். 1960 ஆம் ஆண்டில் ஆங்கிலப் பிரிவில் கௌரவ இலங்கலைப் பட்டமும், 1961 ஆம் ஆண்டில் கணிதப் பிரிவில் கௌரவ இளங்கலைப் பட்டமும் பெற்றார். [8]

விருதுகள், அங்கீகாரங்கள்[தொகு]

கோட்ஸி தனது வாழ்நாள் முழுவதும் பல விருதுகளைப் பெற்றுள்ளார்,விருதுகளைப் பெறுவதில் இவர் ஆர்வம் காட்டவில்லை, அதனாலேயே இவர் அதிகமாகப் புகழப்பட்டார்.[9]

புக்கர் பரிசுகள்[தொகு]

மான் புக்கர் பரிசு இரண்டுமுறை பெற்ற முதல் எழுத்தாளர் இவர் தான். 1983 ஆம் ஆண்டில் வெளிவந்த லைஃப் அண்ட் டைம்ஸ் ஆஃப் மிக்கேல் கே (மிக்கேல் கே வின் வாழ்க்கைப் பயணம்) மற்றும் 1999 ஆம் ஆண்டு வெளிவந்த டிஸ்கிரேசு (அவமானம்) என்பதற்காகவும் இரண்டுமுறை இந்த விருதினைப் பெற்றார்.[10] பின் 1988 மற்றும் 2001 இல் பீட்டர் கேரியும், 2009 மற்றும் 2012 ஆம் ஆண்டுகளில் ஹிலாரி மன்டலும் இருமுறை விருதினைப் பெற்றுள்ளனர்.

நோபல்பரிசு 2003[தொகு]

அக்டோபர் 2 2003 இல் சுவீடன் அகாதமியின் தலைவரான ஹொராஸ் எங்தல் ஒரு அறிவிப்பை வெளியிட்டார். அதில் இந்த வருடத்திற்கான இலக்கியத்திற்கான பிரிவில் நோபல் பரிசு பெறுபவராக ஜான் மேக்ஸ்வெல் கோட்ஸி தேர்ந்தெடுக்கப்பட்டுள்ளார் என இருந்தது. மேலும் இந்தவிருதினைப் பெறும் நான்காவது ஆப்பிரிக்க எழுத்தாளர் [11]எனும் சிறப்பினையும் நடைன் கார்டிமருக்குப் பிறகு இந்த விருதினைப் பெறும் இரண்டாவது தென்னாப்பிரிக்க எழுத்தாளர் எனும் பெருமை பெற்றார்.[12] இந்த விருது வழங்கும் நிகழ்வானது டிசம்பர் 10, 2003 இல் ஸ்டாக்ஹோமில்நடைபெற்றது.[12]


சான்றுகள்[தொகு]

  1. Sangster, Catherine (1 October 2009). "How to Say: JM Coetzee and other Booker authors". BBC News. http://www.bbc.co.uk/blogs/magazinemonitor/2009/09/how_to_say_3.shtml. பார்த்த நாள்: 26 November 2012. : "The first syllable is pronounced kuut (uu as in book); debate rages about the pronunciation of the "ee" at the end. Many South Africans, whether Afrikaans speakers or not, pronounce this as a diphthong EE-uh, as in the word "idea". Indeed, kuut-SEE-uh was the Unit's original recommendation in the early 1980s, based on the advice of the South African Broadcasting Corporation and his London publisher, Secker and Warburg. However, that vowel can also be pronounced as a monophthong (kuut-SEE), especially by those from the south of the country, and this is the pronunciation that the author uses and prefers the BBC to use too."
  2. "Coetzee honoured in Poznan". Polskie Radio (10 July 2012). பார்த்த நாள் 12 January 2014. "His maternal great-grandfather was born in Czarnylas, Poland"
  3. Donadio, Rachel (16 December 2007). "Out of South Africa". The New York Times. https://www.nytimes.com/2007/12/16/books/review/Donadio-t.html?pagewanted=all. பார்த்த நாள்: 12 January 2014. 
  4. Donadio, Rachel (3 January 2013). "Disgrace: JM Coetzee humiliates himself in Johannesburg. Or does he?". Daily Maverick. பார்த்த நாள் 3 January 2013.
  5. Richards Cooper, Rand (2 November 1997). "Portrait of the writer as an Afrikaner". New York Times. https://www.nytimes.com/1997/11/02/books/portrait-of-the-writer-as-an-afrikaner.html. பார்த்த நாள்: 9 October 2009. 
  6. 6.0 6.1 Head, Dominic (2009). The Cambridge Introduction to J. M. Coetzee. Cambridge: Cambridge University Press. பக். 1–2. ISBN 0-521-68709-8. 
  7. Price, Jonathan (April 2012). "J. M. Coetzee". Emory University. பார்த்த நாள் 12 January 2014.
  8. "John Coetzee". Who's Who of Southern Africa. பார்த்த நாள் 12 January 2014.
  9. Lake, Ed (1 August 2009). "Starry-eyed Booker Prize". The National. Archived from the original on 12 January 2014. https://web.archive.org/web/20140112045723/http://www.thenational.ae/apps/pbcs.dll/article?AID=%2F20090802%2FART%2F708019974%2F1007. பார்த்த நாள்: 1 August 2009. 
  10. Gibbons, Fiachra (25 October 1999). "Absent Coetzee wins surprise second Booker award". The Guardian. https://www.theguardian.com/uk/1999/oct/26/fiachragibbons. பார்த்த நாள்: 12 January 2014. 
  11. "Coetzee wins Nobel literature prize". BBC News. 2 October 2003. http://news.bbc.co.uk/2/hi/entertainment/3158278.stm. பார்த்த நாள்: 12 January 2014. 
  12. 12.0 12.1 "Coetzee receives Nobel honour". BBC News. 10 December 2003. http://news.bbc.co.uk/2/hi/entertainment/3305847.stm. பார்த்த நாள்: 12 January 2014. 

வெளியிணைப்புகள்[தொகு]

வாழ்க்கைக் குறிப்புநோபிள் பாரிசு. ஆர்க்

ஜே எம் கோயட்சி நோபள் பரிசு

ஜே எம் கோயட்ஸி at தெ நியூயார்க் டைம்ஸ்

"https://ta.wikipedia.org/w/index.php?title=ஜே._எம்._கோட்ஸி&oldid=2503472" இருந்து மீள்விக்கப்பட்டது