தேவேந்திர பத்னாவிசு
தேவேந்திர கங்காதர பட்னவீஸ் | |
|---|---|
 | |
| 9வது மகாராட்டிர துணை முதலமைச்சர் | |
பதவியில் உள்ளார் | |
| பதவியில் 30 சூன் 2022 Serving with அஜித் பவார் | |
| ஆளுநர் | பகத்சிங் கோசியாரி |
| முன்னையவர் | அஜித் பவார் |
| 17வது மகாராட்டிர முதலமைச்சர் | |
| பதவியில் 23 நவம்பர் 2019 – 26 நவம்பர் 2019 | |
| ஆளுநர் | பகத்சிங் கோசியாரி |
| முன்னையவர் | குடியரசுத் தலைவர் ஆட்சி |
| பின்னவர் | உத்தவ் தாக்கரே |
| பதவியில் 31 அக்டோபர் 2014 – 12 நவம்பர் 2019 | |
| ஆளுநர் | சி. வித்தியாசாகர் ராவ் பகத்சிங் கோசியாரி |
| முன்னையவர் | பிரித்திவிராசு சவான் |
| பின்னவர் | குடியரசுத் தலைவர் ஆட்சி |
| மகாராட்டிர சட்டப்பேரவை உறுப்பினர் | |
பதவியில் உள்ளார் | |
| பதவியில் 2009 | |
| பதவியில் 1999–2002 | |
| முன்னையவர் | வினோத் குடாதெ-பாட்டீல் |
| பின்னவர் | சுதாகர் தேஷ்முக் |
| தொகுதி | நாக்பூர் மேற்கு |
| தனிப்பட்ட விவரங்கள் | |
| பிறப்பு | 22 சூலை 1970 நாக்பூர் |
| தேசியம் |  இந்தியா |
| அரசியல் கட்சி | பாரதிய ஜனதா கட்சி |
| துணைவர் | அம்ருதா பட்னவீஸ் |
| பிள்ளைகள் | திவிஜா பட்னவீஸ் (மகள்) |
| சமயம் | இந்து |
| இணையத்தளம் | www |
தேவேந்திர கங்காதர பட்னவீஸ் (Devendra Gangadhar Fadnavis, , பிறப்பு 22 சூலை 1970) பாரதிய ஜனதா கட்சியைச் சேர்ந்த மகாராட்டிர அரசியல்வாதி ஆவார். இவர் மஹாராஷ்டிர மாநிலத்தின் துணை முதல்வராக பதவி வகிக்கிறார்.[1].பாரதிய ஜனதா கட்சியின் மகாராட்டிர மாநிலத் தலைவராகவும் நாக்பூர் சட்ட மன்ற உறுப்பினராகவும் உள்ளார். நாக்பூர் நகர மேயராகவும் பணியாற்றி உள்ளார். முன்னாள் மகாராட்டிர முதலமைச்சர் ஆவார்.[2] இவர் 30 சூன் 2022 அன்று முதலமைச்சர் ஏக்நாத் சிண்டே தலைமையில் துணை முதலமைச்சராக பதவி ஏற்றார்.[3][4]
1990களில் இவரது அரசியல் வாழ்க்கை தொடங்கியது; பாரதிய ஜனதா கட்சியின் இளைஞர் அணியான பாரதிய ஜனதா யுவா மோர்ச்சாவின் மகாராட்டிரக் கிளையில் வார்டுத் தலைவராக துவங்கினார். தமது 21வது அகவையிலேயே நாக்பூர் நகராட்சி மன்றத்தில் உறுப்பினராகத் தேர்ந்தெடுக்கப்பட்டார். 1992இலும் 1997இலும் தொடர்ந்து வெற்றி பெற்றி நகர்மன்ற உறுப்பினராகத் திகழ்ந்தார்.[5]
1997இல் தமது 27வது அகவையில் நாக்பூர் நகர்மன்றத் தலைவராகத் தேர்ந்தெடுக்கப்பட்டார். மகாராட்டிர சட்டப் பேரவையில் 1999 முதல் நாக்பூரிலிருந்து சட்ட மன்ற உறுப்பினராகத் தேர்ந்தெடுக்கப்பட்டுள்ளார்.[6]
இளமை வாழ்க்கை
[தொகு]பத்னாவிசு நாக்பூரில் 1970இல் பிறந்தார். இவரது தந்தை, கங்காதர பத்னாவிசும் நாக்பூரிலிருந்து மகாராட்டிர சட்டமன்றத்தின் மேலவை உறுப்பினராக இருந்தவர் ஆவார். 1987இல் புற்றுநோயால் பத்னாவிசின் தந்தை உயிரிழந்தார். இவரது தாயார் சரிதா பத்னாவிசு அமராவதியின் கலோட்டி குடும்பத்தைச் சேர்ந்தவர். விதர்பா வீட்டுக் கடன் சங்கத்தில் இயக்குநராகப் பணியாற்றினார். தந்தையின் காலடியைப் பின்பற்றி பத்னாவிசு இளம் வயதிலேயே இராட்டிரிய சுயம்சேவாக் சங்கத்தில் இணைந்தார்.
1986-87இல் தர்மபீத் கல்லூரியிலும் பின்னர் ஐந்தாண்டுகள் நாக்பூர் சட்டக் கல்லூரியிலும் கல்வி பெற்றார். 1986 முதல் 89 வரை அகில பாரத மாணவர் சங்கத்தின் தீவிர செயற்பாட்டாளராக விளங்கினார். பெர்லினின் செருமன் பன்னாட்டு மேம்பாட்டிற்கான நிறுவனத்தில் (D. S. E.) வணிக மேலாண்மையில் பட்டமேற்படிப்பு பட்டமும் திட்ட மேலாண்மையில் பட்டயமும் பெற்றார்.[7]
குடும்ப வாழ்க்கை
[தொகு]தேவேந்திர பத்னாவிசு மத்தியதர பழைமைவாத இந்துக் குடும்பத்தில் பிறந்தவர். 2006இல் அரசியல் பின்னணியில்லாத குடும்பத்தின் அம்ருதா இராணடேயை திருமணம் புரிந்தார். அம்ருதா நாக்பூரிலுள்ள ஆக்சிசு வங்கியில் கிளை மேலாளராகப் பணியாற்றி வருகிறார். இருவருக்கும் திவிஜா என்ற மகள் பிறந்தார்.[8]
இதனையும் காண்க
[தொகு]மேற்சான்றுகள்
[தொகு]
- ↑ https://www.ndtv.com/india-news/devendra-fadnavis-should-be-maharashtra-deputy-chief-minister-have-made-a-personal-request-to-him-bjp-chief-3115565
- ↑ http://timesofindia.indiatimes.com/home/specials/assembly-elections-2014/maharashtra-news/Devendra-Fadnavis-to-be-CM-next-week-no-deputy-CM-or-big-berths-for-Sena/articleshow/44904503.cms
- ↑ Eknath Shinde takes oath as Maharashtra chief minister, Devendra Fadnavis as deputy CM
- ↑ Eknath Shinde takes oath as Maharashtra CM, Devendra Fadnavis his deputy
- ↑ "Devendra Fadnavis elected BJP chief in Maharashtra". என்டிடிவி. 11 April 2013. Retrieved 28 September 2014.
- ↑ "Devendra Gangadharrao Fadnavis named Maharashtra BJP president". தி டைம்ஸ் ஆஃப் இந்தியா. 12 April 2013. http://timesofindia.indiatimes.com/india/Devendra-Gangadharrao-Fadnavis-named-Maharashtra-BJP-president/articleshow/19502681.cms. பார்த்த நாள்: 28 September 2014.
- ↑ "Maharashtra's BJP chief is RSS-backed scholar who wants Vidarbha state". இந்தியன் எக்சுபிரசு. 12 April 2013. http://archive.indianexpress.com/news/maharashtras-bjp-chief-is-rssbacked-scholar-who-wants-vidarbha-state/1101101/. பார்த்த நாள்: 28 September 2014.
- ↑ "Profile in detail". devendrafadnavis.in. Archived from the original on 3 அக்டோபர் 2014. Retrieved 28 September 2014.
வெளி இணைப்புகள்
[தொகு]- http://www.afternoondc.in/city-news/new-state-bjp-president-devendra-fadnavis-faces-daunting-task/article_80121 பரணிடப்பட்டது 2016-03-14 at the வந்தவழி இயந்திரம்
- http://transformingindians.org/launch-in-nagpur-on-20th-அக்டோபர்-2012-by-mla-devendra-fadnavis/
- http://timesofindia.indiatimes.com/city/nagpur/Save-Nag-River-campaign-NADI-it-is/articleshow/19522250.cms