தீரத் சிங் ராவத்

தீரத் சிங் ராவத்
10வது முதலமைச்சர், உத்தராகண்ட்
பதவியில் 10 மார்ச் 2021 – 3 சூலை 2021
ஆளுநர்	பேபி ராணி மௌரியா
முன்னவர்	திரிவேந்திர சிங் ராவத்
பின்வந்தவர்	புஷ்கர் சிங் தாமி
மக்களவை உறுப்பினர்
பதவியில் உள்ளார்
பதவியேற்பு 23 மே 2019
முன்னவர்	புவன் சந்திர கந்தூரி
பின்வந்தவர்	காலிப்பணியிடம்
தொகுதி	கார்வால் மக்களவைத் தொகுதி
உத்தராகண்ட் சட்டமன்ற உறுப்பினர்
பதவியில் 2012–2017
பின்வந்தவர்	சத்பால் மகாராஜ்
தொகுதி	சௌபட்டக்கல் சட்டமன்றத் தொகுதி
கல்வித்துறை அமைச்சர்
பதவியில் 2000–2002
உத்தராகண்ட் பாரதிய ஜனதா கட்சி தலைவர்
பதவியில் 9 பிப்ரவரி 2013 – 31 டிசம்பர் 2015
முன்னவர்	பிஷன் சி சுபால்
பின்வந்தவர்	அஜெய் பட்
தனிநபர் தகவல்
பிறப்பு	9 ஏப்ரல் 1964 (1964-04-09) சின்ரோ, பௌரி கர்வால் மாவட்டம், இந்தியா
அரசியல் கட்சி	பாரதிய ஜனதா கட்சி
வாழ்க்கை துணைவர்(கள்)	டாக்டர் ராஷ்மி தியாகி ராவத்
இணையம்	Official website

தீரத் சிங் ராவத் (ஆங்கில மொழி: Tirath Singh Rawat, பிறப்பு:09 ஏப்ரல் 1964) ஓர் இந்திய அரசியல்வாதியும், நாடாளுமன்ற உறுப்பினரும் ஆவார். இவர் பாரதிய ஜனதா கட்சியைச் சேர்ந்தவர். 2019 ஆம் ஆண்டு கார்வால் மக்களவைத் தொகுதியிலிருந்து மக்களவைக்கு பாரதிய ஜனதா கட்சி சார்பாகத் தேர்ந்தெடுக்கப்பட்டார். இவர் 2019-இல் 17வது மக்களவை உறுப்பினராக தேர்ந்தெடுக்கப்பட்டார்.

திரிவேந்திர சிங் ராவத் உத்த்ராகண்ட் முதலமைச்சர் பதவியிலிருந்து விலகியதால், மக்களவை உறுப்பினர் பதவியிலிருந்த தீரத் சிங் ராவத் பதவி விலகி, 10 மார்ச் 2021 அன்று உத்தராகண்ட் மாநில முதலமைச்சராக பதவி ஏற்றார்.

பதவி துறப்பு

ஏற்கனவே தீரத் சிங் ராவத் மக்களவை உறுப்பினராக உள்ள நிலையில், உத்தராகண்ட் மாநில முதலமைச்சராக பதவியேற்றார். சட்டமன்றத்தில் உறுப்பினராக இல்லாத தீரத் சிங் ராவத், செப்டம்பருக்குள் ஏதாவது ஒரு தொகுதியில் போட்டியிட்டு வெற்றி பெற வேண்டிய சூழல் இருந்தது. கொரோனா பரவல் காரணமாக இடைத்தேர்தல் நடத்த, தேர்தல் ஆணையம் தற்போது தயாராக இல்லை. எனவே, தீரத் சிங் ராவத் செப்டம்பருக்குள் சட்டமன்ற உறுப்பினராக் தேர்வு செய்யப்படுவதில் சிக்கல் எழுந்துள்ளதால் தமது முதலமைச்சர் பதவியைத் துறந்தார்.