நீலாம்பரி
நீலாம்பரி இருபத்தொன்பதாவது மேளகர்த்தா இராகமும், "பாண" என்று அழைக்கப்படும் ஐந்தாவது சக்கரத்தின் ஐந்தாவது இராகமுமாகிய தீரசங்கராபரணத்தின் ஜன்னிய இராகம் ஆகும். பண்டைய தமிழிசைப் பண்களில் மேகராகக் குறிஞ்சி என்னும் பெயருடன் அழைக்கப்படுகிறது.[1]
இலக்கணம்
[தொகு]இந்த இராகத்தில் சட்சம் (ச), சதுச்ருதி ரிசபம் (ரி2), அந்தர காந்தாரம் (க3), சுத்த மத்திமம் (ம1), பஞ்சமம் (ப), காகலி நிசாதம் (நி3), சட்சம் (ச) ஆகிய சுரங்கள் வருகின்றன. இதன் ஆரோகண அவரோகணங்கள் பின்வருமாறு:
| ஆரோகணம்: | ச ரி2 க3 ம1 ப நி3 ப ச் |
| அவரோகணம்: | ச் நி3 ப ம1 க3 ரி2 க3 ச |
இந்த இராகத்தில் எல்லாச் சுரங்களும் முழுமையாக அமையாததால் இது ஒரு வர்ஜ இராகம் ஆகும். இதன் ஆரோகணத்தில் 6 சுரங்களும் அவரோகணத்தில் 6 சுரங்களும் உள்ளன. இதனால் இதை "சாடவ" இராகம் என்பர். இதன் ஆரோகணத்தில் பஞ்சமமும், அவரோகணத்தில் காந்தாரமும் ஒழுங்கு மாறி வருவதால் இது ஒரு வக்கிர இராகம் ஆகும்.
| கிருதி | தாளம் | கலைஞர் |
|---|---|---|
| தாயே நீயே | அட | கூரைநாடு நடேசப்பிள்ளை |
| மாதர் மட | ரூபகம் | திருஞான சம்பந்தர் |
| தரையின் மானுடர் | திரிபுடை | அருணகிரிநாதர் |
| நீகேதயராக | மிச்ரசாபு | தியாகராஜர் |
| அம்பாநீலயதாக்சி | ஆதி | முத்துசுவாமி தீட்சிதர் |
| காணக் கண்ணாயிரம் | ஆதி | ஆனை ஐயா |
| வாருங்கள் வாருங்கள் | ஜம்பை | கோபால கிருஷ்ண பாரதியார் |
| கனவிலும் மறப்பதில்லை | ஜம்பை | முத்துத் தாண்டவர் |
| அம்பா நீலாம்பரி | ஆதி | பொன்னையா பிள்ளை |
| நீலாம்பரி ஜெகதீஸ்வரி | ஆதி | பொன்னையா பிள்ளை |
மேற்கோள்கள்
[தொகு]- ↑ அ. கி. மூர்த்தி (1998). சைவ சித்தாந்த அகராதி. சென்னை: திருநெல்வேலி, தென்னிந்திய சைவசித்தாந்த நூற்பதிப்புக் கழகம், லிமிடெட். p. 161.
- ↑ பக்கம் எண்:208, டாக்டர். கே. ஏ. பக்கிரிசாமிபாரதி எழுதிய 'இந்திய இசைக்கருவூலம்' எனும் நூல் (மூன்றாம் பதிப்பு, செப்டம்பர் 2006; வெளியீடு: குசேலர் பதிப்பகம், சென்னை - 78.)
வெளியிணைப்புகள்
[தொகு]- Soothing the senses, சாருலதா மணி, தி இந்து, மார்ச் 28, 2014
