அசிரியா

அசிரியா 𒆳𒀭𒊹𒆠
அண். கிமு 2025 –கிமு 609
பண்டைய அசூர் கடவுளின் சின்னம்
கிமு 7ஆம் நூற்றாண்டில் பண்டைய அசிரியாவின் மையப் பகுதி (சிவப்பு நிறம்)
தலைநகரம்	அசூர் (அண். கிமு 2025–1233) கார்-துகுல்தி-நினுர்தா (அண். கிமு 1233–1207) அசூர் (அண். கிமு 1207–879) நிம்ருத் (கிமு 879–706) தூர்-சருக்கின் (கிமு 706–705) நினிவே (கிமு 705–612) அர்ரான் (கிமு 612–609)
ஆட்சி மொழி(கள்)	அக்காதியம் சுமேரியம் அரமேயம்
சமயம்	பண்டைய மெசொப்பொத்தேமியா சமயம்
அரசாங்கம்	முடியாட்சி
முக்கிய மன்னர்கள்
• அண். கிமு 2025	புசூர்-ஆஷூர் I (முதல் மன்னர்) (துவக்ககால அசூர் நகர இராச்சியத்தை நிறுவியவர்)
• அண். கிமு 1974–1935	எரிசூம் I (இனப்பெயரின் மூலவர் & பழைய அசிரியப் பேரரசின் வணிக வலைதளத்தை அமைத்தவர்)
• அண். கிமு 1808–1776	சாம்சி-அதாத் I (வெளிநாட்டு அமோரிட்டு மக்களை வென்றவர். மேல் மெசொப்பொத்தேமியா வரை இராச்சியத்தை விரிவாக்கியவர்)
• அண். கிமு 1700–1691	பெல்-பனி
• அண். கிமு1363–1328	அசூர்-உபால்லித்து I (மத்தியகால அசிரியப் பேரரசை) நிறுவியவர்.
• அண். கிமு 1243–1207	துகுல்டி-நினுர்தா I
• கிமு 1114–1076	திக்லத்-பிலேசர் I
• கிமு 883–859	அசூர்னசிர்பால் II (துவக்ககால புது அசிரியப் பேரரசின் வெற்றிகளுக்கு காரணமானவர். தலைநகரை நிம்ருத்திற்கு மாற்றியவர்.)
• கிமு 745–727	திக்லத்-பிலேசர் III (அசிரியாவை அண்மைக் கிழக்கில் நிகரற்ற சக்தியாக மாற்றியவர்)
• கிமு 705–681	சென்னாசெரிப் (மிகவும் புகழ்பெற்ற அசிரிய மன்னர்; தலைநகரை நினிவேக்கு மாற்றியவர்)
• கிமு 681–669	எசர்காதோன் (அசிரியாப் பேரரசை உச்சகட்டத்திற்கு கொண்டு சென்றவர்).
• கிமு 669–631	அசூர்பனிபால் (இறுதி அசிரியப் பேரரசர் & புகழ்பெற்ற அஷுர்பனிபால் நூலகத்தை நிறுவியவர்.
• கிமு 631–627	அஷூர்-எடில்-இலானி
• கிமு 627–612	சின்ஷரிஷ்குன்
• கிமு 612–609	அசூர்-உபால்லித்து II]] (இறுதி)
வரலாற்று சகாப்தம்	வெண்கலக் காலம் முதல் இரும்புக் காலம் வரை
• அசூர் நகரம்	அண். கிமு 2600
• அசூர் நகர இராச்சியம் நிறுவப்படல்	அண். கிமு 2025
• பழைய அசிரியப் பேரரசு	அண். கிமு 2025–1364
• மத்திய அசிரியப் பேரரசு	அண். கிமு 1363–912
• புது அசிரியப் பேரரசு	கிமு 911–609
• புது அசிரியப் பேரரசை புது பாபிலோனியப் பேரரசு மற்றும் மீடியா மக்களும் இணைந்து வீழ்த்தியது.	கிமு 609
• சசானியப் பேரரசினர் அசூர் நகரத்தை தாக்கி அழித்தது.	அண். கிபி 240
முந்தையது பின்னையது மூன்றாவது ஊர் வம்சம் புது பாபிலோனியப் பேரரசு மீடியாப் பேரரசு
தற்போதைய பகுதிகள்	ஈராக் சிரியா இசுரேல் துருக்கி எகிப்து யோர்தான் ஈரான் குவைத் லெபனான் சைப்பிரசு பலத்தீன்

அசிரியப் பேரரசு

மெசொப்பொத்தேமியாவின் நாகரீக கால அசிரியா, பாபிலோன், சுமேரியா மற்றும் ஈலாம் பகுதிகள்

லம்மசு என அழைக்கப்பட்ட அசிரியர்களின் சிறகுடன் கூடிய எருது.

பண்டைய அசிரியா என்பது, டைகிரிஸ் ஆற்றின் மேற்பகுதியைச் சார்ந்த ஒரு நிலப்பகுதியைக் குறித்தது. இப் பகுதியில் பழங்காலத் தலை நகரமாக விளங்கிய அசூர் என்னும் நகரின் பெயரைத் தழுவியே அசிரியா என்னும் பெயர் ஏற்பட்டது. பிற்காலத்தில் அசிரியா லெவண்ட், பண்டைய மெசொப்பொத்தேமியா, பண்டைய எகிப்து, அனத்தோலியாவின் பெரும்பகுதி ஆகியவற்றைக் கட்டுப்படுத்திய பெரிய பேரரசாக விளங்கியது. எனினும் முறையான அசிரியா என்பது மெசொப்பொத்தேமியாவின் வட அரைப்பாகத்தையே குறித்தது.

இது அசூர், நினிவே மற்றும் நிம்ருத் நகரங்களை தலைநகரங்களாக கொண்டிருந்தது. இதன் தென்பகுதி பாபிலோனியா எனப்பட்டது.

அசிரியத் தாயகம் மலைப் பகுதிகளை அண்டி அமைந்து, டைகிரிஸ் ஆற்றோரமாக, அசுர் மலைகள் என அழைக்கப்பட்ட ஆர்மீனியாவின் கார்டுச்சிய மலைத்தொடர் வரை விரிவடைந்து இருந்தது.

அசிரிய அரசர்கள் வரலாற்றின் மூன்று கட்டங்களில் பெரும் நிலப் பகுதிகளைத் தங்கள் கட்டுப்பாட்டுக்குள் வைத்திருந்தனர். இவை, பழைய அசிரியப் பேரரசு, மத்திய அசிரியப் பேரரசு, மற்றும் புது அசிரியப் பேரரசு எனப்பட்டன. இவற்றுள் மிகப் பலம் பொருந்தியதும், பரவலாக அறியப்பட்டதுமான அரசு, கிமு 911 க்கும், 612 க்கும் இடையில் நிலவிய புதிய-அசிரிய அரசு ஆகும். இப்பேரரசின் இறுதி பேரரசர் அசூர்பனிபால் ஆவார். கிமு 609ல் புது பாபிலோனியப் பேரரசு மற்றும் மீடியா மக்களும் இணைந்து புது அசிரியப் பேரரசை வீழ்த்தினர்.

முற்பட்ட வரலாறு

அசிரியாவிலுள்ள பெரும்பாலான புதியகற்காலக் களங்கள், ஹஸ்சுனா பண்பாட்டின் மையமான டெல் ஹஸ்சுனாவில் காணப்படுகின்றன. அசிரிய அரசின் முற்பட்ட வரலாறு பற்றி அதிக தகவல்கள் கிடையா. சில யூத-கிறிஸ்துவ மரபுகளின்படி, அசுர் நகரம், ஷெம்மின் மகனான அஷுர் என்பவனால் நிறுவப்பட்டது எனக் கூறப்படுகிறது. பிற்காலத்தில் அஷுர் இந் நகரத்தின் காவற் கடவுளாகக் கருதப்பட்டான்.

மேல் டைகிரிஸ் ஆற்றுப் பள்ளத்தாக்குப் பகுதி தொடக்க காலங்களில் சுமெர், அக்காட், வட பபிலோனிய அரசுகளால் ஆளப்பட்டதாகத் தெரிகிறது.

தொடக்ககால அசிரிய நகர ஆட்சிகளும், அரசுகளும்

முதன்மைக் கட்டுரைகள்: பண்டைய அசிரியா மற்றும் பழைய அசிரியப் பேரரசு

அசிரிய ஆட்சியாளர்களில் முந்திய கல்வெட்டுக்கள் கி.மு 2000 ஆம் ஆண்டுக்குப் பிந்தியவை. அக்காலத்தில், அசிரியா பல நகர ஆட்சிப் பகுதிகளையும், சிறிய செமிட்டிக் அரசுகளையும் கொண்டிருந்தது. அசிரிய முடியாட்சியை நிறுவியவனாக கி.மு 1900 ஆவது ஆண்டுக்குப் பின் வாழந்தவனான ஸுலிலு என்பவன் என்று கருதப்படுகிறது.

பிந்தைய அசிரியப் பேரரசுகள்

முதன்மைக் கட்டுரைகள்: மத்திய அசிரியப் பேரரசு மற்றும் புது அசிரியப் பேரரசு

இவற்றையும் பார்க்கவும்

• அசிரிய மக்கள்
• பண்டைய அசிரியா
• பழைய அசிரியப் பேரரசு
• மத்திய அசிரியப் பேரரசு
• புது அசிரியப் பேரரசு
• மீடியாப் பேரரசு
• அசூர்
• நினிவே
• நிம்ருத்
• ஆப்பெழுத்து
• மெசொப்பொத்தேமியா
• பாபிலோன்

மேற்கோள்கள்

• அசிரியாவின் நாகரீகம்

வெளியிணைப்புகள்

• பபிலோனிய மற்றும் அசிரிய நாகரிகங்கள் பரணிடப்பட்டது 2006-09-21 at the வந்தவழி இயந்திரம்