மார்ச்சு 1

மார்ச்சு 1 (March 1) கிரிகோரியன் ஆண்டின் 60 ஆம் நாளாகும். நெட்டாண்டுகளில் 61 ஆம் நாள். ஆண்டு முடிவிற்கு மேலும் 305 நாட்கள் உள்ளன.

நிகழ்வுகள்

• 1562 – பிரான்சில் ஆயிரத்துக்கும் மேற்பட்ட புரட்டசுதாந்தர்கள் கத்தோலிக்கர்களால் கொல்லப்பட்டதில் பிரான்சில் மதப் போர் ஆரம்பமானது.
• 1565 – இரியோ டி செனீரோ நகரம் அமைக்கப்பட்டது.
• 1628 – இங்கிலாந்தின் அனைத்து கவுண்டிகளும் இன்றைய நாளுக்குள் கப்பல் வரி கட்ட வேண்டும் என இங்கிலாந்தின் முதலாம் சார்லசு மன்னர் கட்டளை விடுத்தார்.
• 1700 – சுவீடன் தனது புதிய நாட்காட்டியை அறிமுகப்படுத்தியது.
• 1790 – ஐக்கிய அமெரிக்காவின் முதலாவது மக்கள் தொகைக் கணக்கெடுப்பு உறுதிப்படுத்தப்பட்டது.
• 1796 – டச்சுக் கிழக்கிந்தியக் கம்பனி பத்தாவியக் குடியரசினால் தேசியமயமாக்கப்பட்டது.
• 1811 – எகிப்திய மன்னன் முகமது அலி கடைசி மம்லுக் அரச வம்சத்தவரைக் கொன்றான்.
• 1815 – எல்பா தீவில் இருந்து தப்பிய பிரான்சின் முதலாம் நெப்போலியன் பிரான்சு திரும்பினான்.
• 1845 – அமெரிக்க அரசுத்தலைவர் சான் டைலர் டெக்சசுக் குடியரசை அமெரிக்காவுடன்]] இணைப்பதற்கு ஒப்புதல் அளித்தார்.
• 1867 – நெபுராசுகா ஐக்கிய அமெரிக்காவின் 37ஆவது மாநிலமானது.
• 1869 – திமீத்ரி மெண்டெலீவ் தனது முதலாவது தனிம அட்டவணையை நிறைவேற்றி வெளியிட அனுப்பினார்.
• 1872 – அமெரிக்காவின் யெல்லோசிடோன் தேசியப் பூங்கா உலகின் முதலாவது தேசிய பூங்காவாக அங்கீகரிக்கப்பட்டது.
• 1873 – முதலாவது பயன்படத்தகுந்த தட்டச்சுப் பொறியை ரெமிங்டன் சகோதரர்கள் நியூ யோர்க்கில் தயாரித்தனர்.
• 1893 – நிக்கோலா தெசுலா வானொலி பற்றிய தனது முதலாவது பொதுமக்களுக்கான அறிமுகத்தை அமெரிக்காவின் செயின்ட் லூயிசு நகரில் நடத்தினார்.
• 1896 – எத்தியோப்பிய இராணுவத்தினர் இத்தாலியப் படைகளைத் தோற்கடித்தனர். முதலாவது இத்தாலிய-எத்தியோப்பியப் போர் முடிவுக்கு வந்தது.
• 1896 – என்றி பெக்கெரல் கதிரியக்கத்தைக் கண்டுபிடித்தார்.
• 1899 – இலங்கையில் குற்றவியல் தண்டனைச் சட்டவிதித் தொகுப்பு நடைமுறைக்கு வந்தது.
• 1901 – இலங்கையில் நான்காவது மக்கள் தொகைக் கணக்கெடுப்பு இடம்பெற்றது. மொத்த தொகையான 3,565,954 இல் யாழ்ப்பாணத்தில் 33,879 பேர் பதிவாயினர்.
• 1910 – வாசிங்டனில் இடம்பெற்ற பனிச்சரிவில் கிங் கவுண்டி என்ற இடத்தில் தொடருந்து ஒன்று புதையுண்டதில் 96 பேர் உயிரிழந்தனர்.
• 1921 – வாரிக் ஆம்சுட்ரோங் தலைமையிலான ஆத்திரேலியத் துடுப்பாட்ட அணி ஆஷசுத் தொடரின் அனைத்துப் போட்டிகளையும் முதல்தடவையாக வென்றது. இது போன்ற சாதனையை ஆத்திரேலியா 86 ஆண்டுகளுக்குப் பின்னரே மீண்டும் சாதித்தது.
• 1936 – ஊவர் அணை கட்டி முடிக்கப்பட்டது.
• 1939 – சப்பான் ஒசாக்காவில் இராணுவ வெடிபொருள் களஞ்சியம் ஒன்று வெடித்ததில் 94 பேர் கொல்லப்பட்டனர்.
• 1941 – இரண்டாம் உலகப் போர்: பல்கேரியா அச்சு நாடுகள் அணியில் இணைந்தது.
• 1942 – இரண்டாம் உலகப் போர்: சப்பானியப் படையினர் சாவகத் தீவில் இறங்கினர்.
• 1946 – இங்கிலாந்து வங்கி தேசியமயமாக்கப்பட்டது.
• 1948 – இலங்கையின் தெற்கே ஓமகமைக்கும் கொட்டாவைக்கும் இடையே இடம்பெற்ற தொடருந்து விபத்தில் 52 பேர் படுகாயமடைந்தனர்.
• 1949 – இந்தோனேசிய இராணுவம் தலைநகர் யோக்யகர்த்தாவை இடச்சுக்களிடம் இருந்து ஆறு மணி நேரம் கைப்பற்றி வைத்திருந்தது.
• 1953 – சோவியத் தலைவர் சோசப் சுடாலினுக்கு மாரடைப்பு ஏற்பட்டது. நான்கு நாட்களின் பின்னர் அவர் இறந்தார்.
• 1954 – அணுகுண்டு சோதனை: காசில் பிராவோ என்ற ஐதரசன் குண்டு பசிபிக் பெருங்கடலில் பிக்கினி திட்டில் வெடிக்கவைக்கப்பட்டதில் கதிரியக்க மாசு அமெரிக்காவில் ஏற்பட்டது.
• 1954 – ஐக்கிய அமெரிக்க காங்கிரசு மாளிகை மீது புவேர்ட்டோ ரிக்கோ தேசியவாதிகள் நடத்திய தாக்குதலில் ஐந்து காங்கிரசு உறுப்பினர்கள் காயமடைந்தனர்.
• 1956 – பன்னாட்டு வான் போக்குவரத்து சங்கம் ஒலியன்களின் அகரவரிசைக்கான நகல் வடிவை பன்னாட்டு குடிசார் வான்பயண அமைப்புக்காகத் தயாரித்தது.
• 1956 – கிழக்கு செருமனியின் தேசிய மக்கள் இராணுவம் அமைக்கப்பட்டது.
• 1961 – உகாண்டா சுயாட்சி பெற்று முதற்தடவையாக தேர்தல்கள் இடம்பெற்றன.
• 1966 – சோவியத்தின் வெனேரா 3 விண்கலம் வெள்ளி கோளில் மோதியது. வேறொரு கோளில் இறங்கிய முதலாவது விண்கலம் இதுவாகும்.
• 1971 – பாக்கித்தான் அரசுத்தலைவர் யாகியா கான் நாடாளுமன்றத்தின் கூட்டத்தொடர்களைக் காலவரையறையின்றி ஒத்திவைத்தார். கிழக்குப் பாக்கித்தானில் பெரும் மக்கள் கலவரம் வெடித்தது.
• 1973 – சூடானில் சவுதி அரேபியாவின் தூதரகத்தை கறுப்பு செப்டம்பர் இயக்கத்தினர் தாக்கி மூன்று வெளிநாட்டு தூதுவர்களைப் பணயக்கைதிகளாக்கினர்.
• 1977 – சார்லி சாப்ளினின் உடல் சுவிட்சர்லாந்தில் அவரது கல்லறையில் இருந்து திருடப்பட்டது.
• 1980 – சனி கோளின் யானுசு என்ற சந்திரன் இருப்பதை வொயேசர் 1 விண்கலம் உறுதி செய்தது.
• 1981 – ஐரியக் குடியரசுப் படை உறுப்பினர் பொபி சான்சு வட அயர்லாந்து சிறையில் சாகும்வரை உண்ணாநிலைப் போராட்டத்தை ஆரம்பித்தார்.
• 1991 – சதாம் உசைனுக்கு எதிரான கிளர்ச்சிகள் ஈராக்கில் ஆரம்பமாயின.
• 1992 – பொசுனியா எர்செகோவினா இயுகோசுலாவியாவிடம் இருந்து விடுதலையை அறிவித்தது.
• 1995 – யாகூ! ஆரம்பிக்கப்பட்டது.
• 2003 – அனைத்துலக குற்றவியல் நீதிமன்றம் தனது முதலாவது அமர்வை டென் ஆக்கில் நடத்தியது.
• 2006 – ஆங்கில விக்கிப்பீடியாவில் கட்டுரைகளின் எண்ணிக்கை ஒரு மில்லியனை எட்டியது.
• 2007 – ஐக்கிய அமெரிக்காவின் தெற்கே சுழல் காற்று தாக்கியதில் 20 பேர் வரை உயிரிழந்தனர்.

பிறப்புகள்

• 1647 – சான் டி பிரிட்டோ, போர்த்துக்கீச மதப்போதகர் (இ. 1693)
• 1810 – பிரடெரிக் சொப்பின், போலந்து இசையமைப்பாளர் (இ. 1849)
• 1870 – யூகி மைக்கேல் அந்தொனியாடி, கிரேக்க-பிரான்சிய வானியலாளர் (இ. 1944)
• 1904 – ஆ. நா. சிவராமன், தமிழகப் பத்திரிகையாளர், இந்திய விடுதலைப் போராட்ட வீரர் (இ. 2001)
• 1910 – எம். கே. தியாகராச பாகவதர், தமிழ்த் திரைப்பட நடிகர், பாடகர் (இ. 1959)
• 1911 – எட்வின் ஏ. பீல், பிரித்தானியக் கல்வி உளவியலாளர் (இ. 1992)
• 1917 – கே. பி. சிவானந்தம், தமிழக வீணைக் கலைஞர் (இ. 2003)
• 1920 – சைமன் பிமேந்தா, இந்தியக் கத்தோலிக்கத் திருச்சபை கர்தினால் (இ. 2013)
• 1921 – விவியன் நமசிவாயம், இலங்கை வானொலி ஒலிபரப்பாளர் (இ. 1998)
• 1922 – இட்சாக் ரபீன், இசுரேலின் 5-ஆவது பிரதமர், அமைதிக்கான நோபல் பரிசு பெற்றவர் (இ. 1995)
• 1930 – சீ. டி. கோபிநாத், இந்தியத் துடுப்பாட்டக்காரர் (இ. 2026)
• 1943 – இரசீத் சூன்யாயெவ், உருசிய-செருமானிய வானியலாளர், இயற்பியலாளர்
• 1944 – புத்ததேவ் பட்டாசார்யா, மேற்கு வங்கத்தின் 7-ஆவது முதலமைச்சர் (இ. 2024)
• 1949 – கோவிந்தசாமி பழனிவேல், மலேசிய-இந்திய அரசியல்வாதி (இ. 2025)
• 1953 – மு. க. சுடாலின், தமிழ்நாட்டின் 8-ஆவது முதலமைச்சர்
• 1953 – பந்துல வர்ணபுர, இலங்கைத் துடுப்பாட்ட வீரர்
• 1954 – ரான் அவர்டு, அமெரிக்க நடிகர், இயக்குநர்
• 1978 – சென்சென் அக்லசு, அமெரிக்க நடிகர், இயக்குநர்
• 1980 – சாகித் அஃபிரிடி, பாக்கித்தான் துடுப்பாளர்
• 1990 – கந்தீல் பலோச்சு, பாக்கித்தானிய நடிகை, பெண்ணியச் செயற்பாட்டாளர் (இ. 2016)

இறப்புகள்

• 492 – மூன்றாம் ஃபெலிக்ஸ் (திருத்தந்தை)
• 1320 – புயந்து கான், சீனப் பேரரசர் (பி. 1286)
• 1911 – யாக்கோபசு என்றிக்கசு வான் தோஃப், நோபல் பரிசு பெற்ற இடச்சு-செருமானிய வேதியியலாளர் (பி. 1852)
• 1914 – நான்காம் மிண்டோ பிரபு, கனடாவின் 8-வது ஆளுநர் (பி. 1845)
• 1940 – அ. தா. பன்னீர்செல்வம், சென்னை மாநில சட்டமன்ற உறுப்பினர், அமைச்சர் (பி. 1888)
• 1943 – அலெக்சாண்டர் எர்சின், சுவிட்சர்லாந்து-பிரான்சிய மருத்துவர், நுண்ணியலாளர் (பி. 1863)
• 1986 – அப்பாக்குட்டி சின்னத்தம்பி, இலங்கை மருத்துவர் (பி. 1911)
• 1992 – சூலமங்கலம் ராஜலட்சுமி, கருநாடக-பக்திப் பாடகி (பி. 1940)
• 1992 – கே. பி. ஜானகி அம்மாள், இந்திய விடுதலைப் போராட்ட செயற்பாட்டளர், மேடை நாடகக் கலைஞர் (பி. 1917)
• 2001 – ஆ. நா. சிவராமன், தமிழகப் பத்திரிகையாளர், இந்திய விடுதலைப் போராட்ட வீரர் (பி. 1904)
• 2014 – பங்காரு லட்சுமண், இந்திய அரசியல்வாதி (பி. 1939)
• 2015 – யோசுவா ஃபிஷ்மன், யூத அமெரிக்க சமூகவியலாளர், மொழியியலாளர் (பி. 1926)
• 2017 – தாரக் மேத்தா, இந்திய நகைச்சுவை எழுத்தாளர், நாடகாசிரியர் (பி. 1929)
• 2019 – சொரேசு ஆல்ஃபியோரொவ், நோபல் பரிசு பெற்ற பெலருசிய-உருசிய இயற்பியலாளர் (பி. 1930)
• 2024 – இராசேந்திர சோழன், தமிழக எழுத்தாளர் (பி. 1945)

சிறப்பு நாள்

• நினைவு நாள் (மார்சல் தீவுகள்)
• விடுதலை நாள் (பொசுனியா எர்செகோவினா, யுகோசுலாவியாவில் இருந்து 1992)
• பாகுபாடுகள் ஒழிப்பு நாள்

வெளி இணைப்புகள்

விக்கிமீடியா பொதுவகத்தில்,
மார்ச் 1
என்பதில் ஊடகங்கள் உள்ளன.

• பிபிசி: இன்றைய நாளில்
• நியூயார்க் டைம்சு: இன்றைய நாளில்
• மார்ச் 1 வரலாற்று நிகழ்வுகள், OnThisDay.com