ஏப்ரல் 9
Jump to navigation
Jump to search
| << | ஏப்ரல் 2018 | >> | ||||
| ஞா | தி | செ | பு | வி | வெ | ச |
| 1 | 2 | 3 | 4 | 5 | 6 | 7 |
| 8 | 9 | 10 | 11 | 12 | 13 | 14 |
| 15 | 16 | 17 | 18 | 19 | 20 | 21 |
| 22 | 23 | 24 | 25 | 26 | 27 | 28 |
| 29 | 30 | |||||
| MMXVIII | ||||||
ஏப்ரல் 9 (April 9) கிரிகோரியன் ஆண்டின் 99 ஆம் நாளாகும். நெட்டாண்டுகளில் 100 ஆம் நாள். ஆண்டு முடிவிற்கு மேலும் 266 நாட்கள் உள்ளன.
நிகழ்வுகள்[தொகு]
- 1241 – மங்கோலியப் படையினர் போலந்து மற்றும் ஜெர்மனியப் படைகளைத் தாக்கி தோற்கடித்தனர்.
- 1413 – ஐந்தாம் என்றி இங்கிலாந்து மன்னனாக மூடிசூடினார்.
- 1609 – எண்பதாண்டுப் போர்: எசுப்பானியாவும் இடச்சுக் குடியரசும் 12 ஆண்டுகள் அமைதி ஒப்பந்தத்தில் கையெழுத்திட்டன.
- 1865 – அமெரிக்க உள்நாட்டுப் போர்: ராபர்ட் ஈ. லீ தனது 26,765 பேருடனான படைகளுடன் வேர்ஜீனியாவில் யுலிசீஸ் கிராண்ட் இடம் சரணடைந்ததில் உள்நாட்டுப் போர் முடிவுக்கு வந்தது.
- 1937 – கமிக்காசு என்ற வானூர்தி இலண்டன் வந்தது. இதுவே சப்பானில் தயாரிக்கப்பட்டு ஐரோப்பாவுக்கு வந்த முதலாவது வானூர்தி ஆகும்.
- 1940 – இரண்டாம் உலகப் போர்: வெசெரியூபங் நடவடிக்கை: டென்மார்க், நோர்வே மீது செருமனி தாக்குதலை ஆரம்பித்தது.
- 1947 – டெக்சாஸ், ஒக்லகோமா, மற்றும் கன்சாஸ் மாநிலங்களில் சூறாவளி தாக்கியதில் 181 பேர் உயிரிழந்தனர். 970 பேர் காயமடைந்தனர்.
- 1948 – ஜெருசலேம் நகரில் டெயிர் யாசின் என்ற கிராமத்தில் 120 அரபு மக்கள் இசுரேலியரால் படுகொலை செய்யப்பட்டனர்.
- 1953 – வார்னர் பிறதேர்ஸ் நிறுவனம் முதல் முப்பரிமாணத் திரைப்படமான "ஹவுஸ் ஒவ் வக்ஸ்" (House of Wax) இனை வெளியிட்டது
- 1959 – மேர்க்குரித் திட்டம்: ஐக்கிய அமெரிக்காவின் முதலாவது விண்வெளி வீரர்கள் ஏழு பேரின் பெயர்களை நாசா அறிவித்தது.
- 1967 – போயிங் 737 தனது முதலாவது பறப்பை மேற்கொண்டது.
- 1969 – முதலாவது பிரித்தானியத் தயாரிப்பான கான்கோர்டு 002 தனது முதலாவது பறப்பை மேற்கொண்டது.
- 1984 – யாழ்ப்பாணம் அடைக்கல மாதா கோயில் இராணுவத்தினரின் ஏவுகணைத் தாக்குதலுக்கு உள்ளானது.
- 1984 – இலங்கை இராணுவ வண்டி மீது யாழ்ப்பாணம் ஆஸ்பத்திரி வீதியில் விடுதலைப் புலிகளால் நடாத்தப்பட்ட கண்ணிவெடித் தாக்குதலில் 19 படையினர் கொல்லப்பட்டனர்.
- 1991 – ஜோர்ஜியா சோவியத் ஒன்றியத்திலிருந்து விடுதலையை அறிவித்தது.
- 1992 – முன்னாள் பனாமா அரசுத்தலைவர் மனுவேல் நொரியேகாவுக்கு ஐக்கிய அமெரிக்காவின் நீதிமன்றம் 30 ஆண்டுகால சிறைத்தண்டனை அளித்தது.
- 2003 – ஈராக்கை அமெரிக்கக் கூட்டுப் படையினர் கைப்பற்றினர். சதாமின் 24 ஆண்டு கால ஆட்சி முடிவுக்கு வந்தது.
- 2005 – இளவரசர் சார்லசு கார்ன்வால் இளவரசி கமில்லாவைத் திருமணம் புரிந்தார்.
- 2009 – சியார்சியா தலைநகர் திபிலீசியில், 60,000 பேருக்கு மேல் மிக்கைல் சாக்கஷ்விலி அரசுக்கு எதிரான ஆர்ப்பாட்டங்களில் ஈடுபட்டனர்.
- 2013 – ஈரானில் 6.1 அளவு நிலநடுக்கம் ஏற்பட்டதில் 32 பேர் உயிரிழந்தனர், 850 பேர் காயமடைந்தனர்.
- 2017 – எகிப்தில் டன்டா, அலெக்சாந்திரியா நகரங்களில் உள்ள தேவாலயங்களில் இடம்பெற்ற குண்டுவெடிப்புக்களில் 47 பேர் கொல்லப்பட்டனர்.
பிறப்புகள்[தொகு]
- 1285 – புயந்து கான், சீன, மங்கோலியப் பேரரசர் (இ. 1320)
- 1336 – தைமூர், துருக்கிய-மங்கோலியப் பேரரசர் (இ. 1405)
- 1893 – ராகுல சாங்கிருத்யாயன், இந்திய மொழியியலாளர் (இ. 1963)
- 1899 – முசிரி சுப்பிரமணிய ஐயர், கர்நாடக இசைப் பாடகர் (இ. 1975)
- 1902 – ஓல்கா பெரோவ்ஸ்காயா, சோவியத் குழந்தைகள் எழுத்தாளர் (இ. 1961)
- 1903 – கிரிகோரி குட்வின் பிங்கஸ், அமெரிக்க உயிரியலறிஞர்.(இ. 1967)
- 1911 – பால் வெயிஸ், செருமன்-பிரித்தானிய கணித, கோட்பாட்டு இயற்பியலாளர் (இ. 1991)
- 1917 – பஸ்தியாம்பிள்ளை தியோகுப்பிள்ளை, இலங்கைத் தமிழ் ரோமன் கத்தோலிக்க ஆயர் (இ. 2003)
- 1918 – ஜோர்ன் உட்சன், சிட்னி ஒப்பேரா மாளிகையை வடிவமைத்த தென்மார்க்கு கட்டிடக்கலைஞர் (இ. 2008)
- 1926 – ஹியூ ஹெஃப்னர், அமெரிக்கப் பதிப்பாளர்
- 1929 – சரண் ராணி பாக்லீவால், இந்திய இசைக்கலைஞர் (இ. 2008)
- 1948 – ஜெயபாதுரி, இந்தியத் திரைப்பட நடிகை, அரசியல்வாதி
- 1967 – சாம் ஆரிசு, அமெரிக்க எழுத்தாளர், மெய்யியலாளர், அறிவியலாளர்
- 1968 – ஜெய் சந்திரசேகர், அமெரிக்க நடிகர்
- 1974 – ஜென்னா ஜேமிசன், அமெரிக்க நடிகை
- 1982 – ஜே பருச்செல், கனடிய நடிகர்
- 1987 – ஜெசி மெக்கார்ட்னி, அமெரிக்கப் பாடகர், நடிகர்
- 1990 – கிறிஸ்டென் ஸ்டீவர்ட், அமெரிக்க நடிகை
இறப்புகள்[தொகு]
- 1626 – பிரான்சிஸ் பேக்கன், ஆங்கிலேய அரசியல்வாதி, மெய்யியலாளர் (பி. 1561)
- 1882 – டேன்டி கெய்பிரியல் ரோசட்டி, ஆங்கிலேயக் கவிஞர், ஓவியர் (பி. 1828)
- 1918 – நிக்கோ பிரொசுமானி, சியோர்சிய ஓவியர் (பி. 1862)
- 1959 – பிராங்க் லாய்டு ரைட், அமெரிக்கக் கட்டிடக் கலைஞர் (பி. 1867)
- 2007 – தோரித் கோப்லீட், அமெரிக்க வானியலாளர் (பி. 1907)
சிறப்பு நாள்[தொகு]
- செருமானியப் படையெடுப்பு நினைவு நாள் (டென்மார்க்)
- பாக்தாது விடுதலை நாள் (ஈராக்கிய குர்திஸ்தான்)
