பஸ்தியாம்பிள்ளை தியோகுப்பிள்ளை

கட்டற்ற கலைக்களஞ்சியமான விக்கிப்பீடியாவில் இருந்து.
தாவிச் செல்லவும்: வழிசெலுத்தல், தேடல்
அதி வணக்கத்துக்குரிய
பஸ்தியாம்பிள்ளை தியோகுப்பிள்ளை
யாழ்ப்பாண ஆயர்
Bishop B.Deogupillai.jpg
சபை கத்தோலிக்க திருச்சபை
மறைமாநிலம் கொழும்பு
மறைமாவட்டம் யாழ்ப்பாணம்
ஆட்சி துவக்கம் 18 டிசம்பர் 1972
ஆட்சி முடிவு 6 சூலை 1992
முன்னிருந்தவர் ஜெரோம் எமிலியானுஸ்பிள்ளை
பின்வந்தவர் தோமஸ் சவுந்தரநாயகம்
பிற தகவல்கள்
பிறப்பு ஏப்ரல் 9, 1917(1917-04-09)
கரம்பொன், ஊர்காவற்துறை, இலங்கை
இறப்பு 25 ஏப்ரல் 2003(2003-04-25) (அகவை 86)
படித்த இடம் புனித அந்தோனியார் கல்லூரி, ஊர்காவற்துறை
யாழ்ப்பாணம் சம்பத்தரிசியார் கல்லூரி
Pontifical Urbaniana University
இலங்கைப் பல்கலைக்கழகம்

அதிவணக்கத்துக்குரிய யாக்கோபு பஸ்தியாம்பிள்ளை தியோகுப்பிள்ளை (Right Reverend Jacob Bastiampillai Deogupillai, 9 ஏப்ரல் 1917 - 25 ஏப்ரல் 2003) என்பவர் இலங்கைத் தமிழ் மதகுருவும், ரோமன் கத்தோலிக்க முன்னாள் யாழ்ப்பாண ஆயரும் ஆவார்.

ஆரம்ப வாழ்க்கை[தொகு]

தியோகுப்பிள்ளை இலங்கையின் வடக்கே ஊர்காவற்துறையில் கரம்பொன் என்ற ஊரில் 1917 ஏப்ரல் 9 இல் பிறந்தார்.[1][2][3] கரம்பொன் கன்னியர் மடம், ஊர்காவற்துறை புனித அந்தோனியார் கல்லூரி ஆகியவற்றில் ஆரம்பக் கல்வியைக் கற்றி இடைநிலைக் கல்வியை யாழ்ப்பாணம் சம்பத்தரிசியார் கல்லூரியிலும்,[2][4] உயர்கல்வியை ரோம் நகரில் உள்ள பரப்புரைக் கல்லூரியிலும் தொடர்ந்து இறையியலில் கலாநிதிப் பட்டம் பெற்றார்.[4] பின்னர் அவர் இலங்கைப் பல்கலைக்கழகத்தில் பயின்று திருமறைச் சட்டத்தில் இளங்கலைப் பட்டமும், கல்வியலுக்கான டிப்புளோமா பட்டமும் பெற்றார்.[5]

பணி[தொகு]

1941 டிசம்பரில் தியோகுப்பிள்ளை உரோமை நகரில் குருக்களாகத் தேர்தெடுக்கப்பட்டார்.[1][2][3] பின்னர் இலங்கை திரும்பி கரவெட்டியில் மதகுகுருவாகப் பணியாற்றினார்.[2] ஆசிரியராக சில காலம் பணியாற்றியப் பின்னர் அனுராதபுரம் புனித யோசப்பு கல்லூரியில் பணிப்பாளர் ஆனார்.[1][2] அதன் பின்னர் கரவெட்டி புனித இருதயக் கல்லூரி, இளவாலை புனித ஹென்றி கல்லூரி, கொழும்புத்துறை ஆசிரியர் பயிற்சிக் கல்லூரி ஆகியவற்றில் பணிப்பாளராக நியமனம் பெற்றார்.[1][2] 1961 இல் ஆசிரியர் பயிற்சிக் கல்லூரியை இலங்கை அரசு பொறுப்பேற்றுக் கொண்டதை அடுத்து, தியோகுப்பிள்ளை பணிப்பாளர் பதவியில் இருந்து விலகி, இளவாலை பங்குத் தந்தையாகப் பொறுப்பேற்றுக் கொண்டார்.[4] இக்காலகட்டத்தில் கத்தோலிக்க மாணவர்களுக்காகப் பல நூல்களை எழுதி வெளியிட்டார்.[5]

தியோகுப்பிள்ளை 1967 மே 11 ஆம் நாள் யாழ் ஆயர் ஜெ. எமிலியானுஸ்பிள்ளையினால் திருகோணமலை-மட்டக்களப்பு மறைமாவட்டத்தின் பதில் ஆயராக திருநிலைப்படுத்தப்பட்டார்.[5][2][3] 1972 சூலை 17 இல் யாழ்ப்பாஅணம் ஆயர் எமிலியானுஸ்பிள்ளை ஆண்டகையின் மறைவை அடுத்து 1973 சனவரி 9 இல் யாழ்ப்பாண மறைமாவட்டத்தின் ஆயராகப் பொறுப்பேற்றுக் கொண்டார்.[2][3][4][6] 1991 டிசம்பர் 22 இல் தமது குருத்துவப் பொன்விழாவைக் கொண்டாடிய ஆயர் 1992 ஏப்ரல் 9 இல் இளைப்பாறினார்.[3][4]

கண்டி தேசிய குருக்கள் மடத்தில் இருந்த தியோகுப்பிள்ளை 1983 இல் நாட்டில் ஏற்பட்ட இனக்கலவரத்தின் காரணமாக யாழ் மறைமாவட்ட குரு மாணவர்களுடன் யாழ்ப்பாணம் திரும்பி, அங்கு புனித சவேரியார் குரு மடத்தை ஆரம்பித்தார்.[5] யாழ்ப்பாணப் பல்கலைக்கழகம் இவருக்கு கௌரவ கலாநிதி பட்டம் வழங்கிக் கௌரவித்தது.[2]

தியோகுப்பிள்ளை 2003 ஏப்ரல் 25 இல் காலமானார்.[2][3][7]

மேற்கோள்கள்[தொகு]