ஆஷஸ்

கட்டற்ற கலைக்களஞ்சியமான விக்கிப்பீடியாவில் இருந்து.
Jump to navigation Jump to search
ஆஷஸ்
The Ashes
Ashes Urn.jpg
ஆஷஸ் தாழியில் மரத்துண்டுகளின் (bails) சாம்பல் இருப்பதாகப் பெருமை உண்டு.
நாடு(கள்)  இங்கிலாந்து and  ஆத்திரேலியா
நிர்வாகி(கள்) பன்னாட்டுத் துடுப்பாட்ட அவை
துடுப்பாட்ட வடிவம் தேர்வுத் துடுப்பாட்டம்
முதலாவது போட்டி 1882/83
கடைசிப் போட்டி 🇦🇺 ஆஸ்திரேலியா
சுற்றுப் போட்டி வடிவம் Test Series
மொத்த அணிகள் 2
தற்போதைய வெற்றியாளர்  இங்கிலாந்து
அதிக தடவை வெற்றி பெற்றவர்  ஆத்திரேலியா (31 titles)
அதிகூடிய ஓட்டங்கள் ஆத்திரேலியாவின் கொடி டான் பிராட்மன் (5,028)
அதிகூடிய விக்கெட்டுகள் ஆத்திரேலியாவின் கொடி ஷேன் வோர்ன் (195)

ஆஷஸ் (Ashes) என்பது பழமையான துடுப்பாட்டத் தொடர் ஆகும். தேர்வுத் துடுப்பாட்ட வகையைச் சேர்ந்த இத்தொடர் இங்கிலாந்து மற்றும் ஆஸ்திரேலியா அணிகள் இடையே 1882-ம் ஆண்டு தொடங்கி தற்போது வரை இரு வருடங்களுக்கு ஒருமுறை நடைபெற்று வருகிறது. போட்டிகளின் எண்ணிக்கையில் பல்வேறு மாறுதல்கள் இருந்தாலும் 1998 ஆண்டில் இருந்து ஒரு தொடரில் மொத்தம் ஐந்து போட்டிகள் என்ற அளவில் விளையாடப்பட்டு வருகின்றன. இது ஐக்கிய இராச்சியம் அல்லது ஆத்திரேலியா நாடுகளில் நடைபெறும். தற்போது 2017-18 தொடரில் வென்ற ஆஸ்திரேலிய அணியின் வசம் ஆஷஸ் உள்ளது.

1882-ம் ஆண்டு இங்கிலாந்து நாட்டின் ஓவல் மைதானத்தில் நடைபெற்ற தேர்வுத் துடுப்பாட்ட போட்டியில் ஆஸ்திரேலிய அணி 7 ஓட்டங்கள் வித்தியாசத்தில் இங்கிலாந்தை வீழ்த்தியது. இதை விமர்சித்து எழுதிய இங்கிலாந்து பத்திரிகையான 'த ஸ்போர்டிங் டைம்ஸ்', இங்கிலாந்து துடுப்பாட்டம் இறந்துவிட்டது, இங்கிலாந்து துடுப்பாட்டம் எரிக்கப்பட்டு அதன் சாம்பல் ஆஸ்திரேலியாவுக்குக் கொண்டு செல்லப்பட்டு விட்டது என இரங்கல் செய்தியாக அறிவித்தது. இதையடுத்து இங்கிலாந்து அணித்தலைவராக இருந்த இவோ பிளை அடுத்து வரும் குளிர்காலத்தில் ஆத்திரேலியா சென்று விளையாடவுள்ள தேர்வுத் துடுப்பாட்டத் தொடரை வென்று சாம்பலை மீட்டுக் கொண்டுவருவோம் என்று சூளுரைத்தார்.

பின்னர், 1882-83 காலக்கட்டத்தில் இங்கிலாந்து அணி, ஆஸ்திரேலியாவுக்குச் சென்று மூன்று போட்டிகள் கொண்ட ஆஷஸ் தொடரில் விளையாடியது. இரண்டு போட்டிகள் முடிவில் 1-1 என்ற கணக்கில் இரு அணிகளும் சமநிலை வகிக்க, மூன்றாவது போட்டியில் இங்கிலாந்து வென்று பழிதீர்த்தது. அதற்குப் பரிசாக மெல்போர்னைச் சேர்ந்த மூன்று பெண்கள், இங்கிலாந்து கேப்டன் இவோ பிளைக்கு ஒரு கிண்ணத்தில், மூன்றாவது போட்டியில் பயன்படுத்தப்பட்ட மரத்துண்டுகளை எரித்து சாம்பலாக வழங்கினார்கள் என்று கூறப்படுகிறது.[1]

இதுவரை நடைபெற்ற ஆஷஸ் தொடர்களின் முடிவுகள்:

தொடர் முடிவுகள்
தொடர்கள் ஆத்திரேலியாவின் கொடி ஆத்திரேலியா வெற்றி இங்கிலாந்தின் கொடி இங்கிலாந்து வெற்றி முடிவு இல்லை
70 33 32 5

மேற்கோள்கள்[தொகு]

"https://ta.wikipedia.org/w/index.php?title=ஆஷஸ்&oldid=2782461" இருந்து மீள்விக்கப்பட்டது