தமிழ்நாடு சட்டமன்றத் தேர்தல், 2011

கட்டற்ற கலைக்களஞ்சியமான விக்கிப்பீடியாவில் இருந்து.
தாவிச் செல்லவும்: வழிசெலுத்தல், தேடல்
‹ 2006 இந்தியாவின் கொடி 2016 ›
தமிழ்நாடு சட்டமன்றத் தேர்தல், 2011
தமிழ்நாடு சட்டமன்றத்திற்கான 234 இடங்கள்
13 ஏப்ரல் 2011[1]
முதல் கட்சி இரண்டாம் கட்சி
Flag of AIADMK.svg Flag DMK.svg
தலைவர் ஜெ. ஜெயலலிதா மு. கருணாநிதி[2]
கட்சி அஇஅதிமுக திமுக
கூட்டணி அதிமுக கூட்டணி திமுக கூட்டணி
தலைவரானது 1989 முதல் பெப்ரவரி 1969 முதல்[3]
தலைவரின் தொகுதி திருவரங்கம்[4] திருவாரூர்[5]
முந்தைய தேர்தல் 69 இடங்கள், 39.9% 163 இடங்கள், 44.8%
வென்ற தொகுதிகள் 203 31
மாற்றம் Green Arrow Up Darker.svg134 Red Arrow Down.svg132
மொத்த வாக்குகள் Green Arrow Up Darker.svg11.89% Red Arrow Down.svg5.31%
விழுக்காடு 51.8% 39.44%
2011 tamil nadu legislative election map.png
2011 தமிழ்நாடு சட்டமன்றத் தேர்தல் (சட்டமன்றத் தொகுதிகளின் படி)

தமிழ்நாட்டின் பதினான்காவது சட்டமன்றத் தேர்தல் 2011 ஆம் ஆண்டு ஏப்ரல் 13 அன்று நடைபெற்றது. ஐந்தாண்டுகளாக ஆட்சியில் இருந்த திராவிட முன்னேற்றக் கழகம் தலைமையிலான கூட்டணி தோல்வியடைந்தது. அண்ணா திராவிட முன்னேற்றக் கழகம் தலைமையிலான கூட்டணி வெற்றி பெற்று ஜெ. ஜெயலலிதா மூன்றாவது முறையாக தமிழ்நாட்டின் முதல்வரானார்

தொகுதிகள்[தொகு]

இது 2009 ஆண்டு தொகுதி சீரமைப்புக்குப்பின் நடைபெற்ற முதல் சட்டமன்றத் தேர்தல். இத்தேர்தலில் மொத்தம் 234 சட்டமன்றத் தொகுதிகளில் இருந்து தலா ஒரு உறுப்பினர் வீதம் 234 உறுப்பினர்கள் தேர்ந்தெடுக்கப்பட்டனர். இவற்றுள் 188 பொதுத் தொகுதிகள், 46 தனித் தொகுதிகள்.[6]

  • பழங்குடியினருக்கு ஒதுக்கப்பட்டிருந்த இரண்டு தனித் தொகுதிகள்: ஏற்காடு, சேந்தமங்கலம்.
  • தாழ்த்தப்பட்ட வகுப்பினருக்கு (பட்டியல் சாதியினர்) பின்வரும் 44 தனித் தொகுதிகள் ஒதுக்கப்பட்டிருந்தன. பொன்னேரி, பூந்தமல்லி, திரு. வி. க. நகர், எழும்பூர், திருப்பெரும்புதூர், செய்யாறு, மதுராந்தகம், அரக்கோணம், கிழ்வாய்தின்ன குப்பம், குடியாத்தம், ஊத்தங்கரை, அரூர், செங்கம், வந்தவாசி, திண்டிவனம், வானூர், கள்ளக்குறிச்சி, கங்கவல்லி, ஆத்தூர் (சேலம்), இராசிபுரம், தாராபுரம், பவானி சாகர், கூடலூர் (நீலகிரி), அவினாசி, வால்பாறை, நிலக்கோட்டை, கிருஷ்ணராயபுரம், துறையூர், பெரம்பலூர், திட்டக்குடி, காட்டுமன்னார் கோயில், சீர்காழி, கீழ்வேலூர், திருத்துறைப்பூண்டி, திருவிடைமருதூர், கந்தர்வக்கோட்டை, மானாமதுரை, சோழவந்தான், பெரியகுளம், திருவில்லிப்புத்தூர், பரமக்குடி, ஓட்டப்பிடாரம், சங்கரன்கோயில், வாசுதேவநல்லூர்.

தேர்தல் அட்டவணை[தொகு]

தேர்தலின் முக்கிய நாட்கள் காலக்கோடு

தேதி நிகழ்வு
மார்ச் 19 மனுத்தாக்கல் ஆரம்பம்
மார்ச் 26 மனுத்தாக்கல் முடிவு
மார்ச் 28 வேட்புமனு ஆய்வு ஆரம்பம்
மார்ச் 30 வேட்புமனு திரும்பப் பெற கடைசி நாள்
ஏப்ரல் 13 வாக்குப்பதிவு
மே 13 வாக்கு எண்ணிக்கை மற்றும் முடிவுகள் அறிவிப்பு

பின்புலம்[தொகு]

தேர்தல் ஆணையம்[தொகு]

இந்தத் தேர்தலில் இந்தியத் தேர்தல் ஆணையராக குரேசியும், தமிழகத் தேர்தல் ஆணையராக பிரவீன்குமாரும் இருந்தனர். தேர்தல் ஆணையம் முன் எப்போதும் இல்லாத அளவில் இந்தத் தேர்தலில் தனது கெடுபிடிகளைக் கடுமையாக்கியது. குறிப்பாக சுவர் விளம்பரங்களுக்கு தடைவிதிக்கப்பட்டது. கட்அவுட்கள் எங்கும் காணப்படவில்லை. ஒலிபெருக்கிகளுக்கு கட்டுப்பாடு விதிக்கப்பட்டது. வேட்பாளர்களுக்கான 16 இலட்சம் ரூபாய் வரை மட்டுமே செலவு செய்ய அனுமதிக்கப்பட்டு அதற்கான கணக்குகளையும் முறையாக தாக்கல் செய்ய வேண்டும் என்று ஆணையிட்டது. அவ்வாறு கணக்கு காட்டாதவர்கள் வெற்றிபெற்றாலும் செல்லாது என்று அறிவிக்கப்படும் என்று எச்சரித்தது. வேட்பாளர்கள் பிரச்சாரத்திற்கு செல்லும்போது தேர்தல் ஆணையத்தால் பணியமர்த்தப்பட்ட ஒப்பந்தக்காரர்கள் நிகழ்பட பதிவுக் கருவிகளுடன் சென்று படம்பிடித்தனர். குறிப்பாக வேட்பாளர்கள் பேசுவதையும், செலவுகளையும் கண்காணித்தனர். கட்சிக்காரர்களுக்கு அல்லது பிரச்சாரத்தில் வரும் தொண்டர்களுக்கு சாப்பாடு பரிமாறுவதையும் படம் பிடித்தனர். சிற்றுண்டிகளில் 100 சாப்பாடு பொட்டலங்களுக்கு மேல் கொடுத்தால் தங்களுக்கு தகவல் தெரிவிக்க உணவகங்களுக்கு அறிவுறுத்தப்பட்டது. தமிழகம் எங்கும் வாகன சோதனை கடுமையாக்கப்பட்டது. உரிய ஆவணங்கள் இல்லாத பணம் 54 கோடி ரூபாய் வரை கைப்பற்றப்பட்டது. வங்கிகளில் ஒருநாளைக்கு ஒரு இலட்ச ரூபாய்க்கு மேல் பரிவர்த்தனை நடந்தால் விசாரிக்கப்படும் என்று அறிவித்தது.

தேர்தல் ஆணையத்தின் செயலை பொதுமக்கள் பெரிதும் பாராட்டினர். குறிப்பாக வன்முறை இல்லாமல் தேர்தல் அமைதியாக நடந்தேறியது. வாக்களிக்க வாக்காளர் அட்டை அவசியமின்றி தேர்தல் ஆணையம் வழங்கிய சீட்டு மட்டுமே போதும் என்று அறிவித்திருந்ததும் வாக்காளர்களுக்கு வசதியாய் இருந்தது. வாக்களித்தவர்கள் 78 சதவீதமாகும். தேர்தல் ஆணையத்தின் கெடுபிடிகளை திமுக தலைவர் எதிர்த்தார். கெடுபிடிகள் நெருக்கடி நிலை காலத்தை நினைவுபடுத்துவதாக குற்றம் சாட்டினார். தேர்தல் ஆணையம் எதிர்கட்சிகளுக்கு சாதமாக இருப்பதாகவும் குற்றம் சாட்டினார்.

முக்கிய பிரச்சினைகள்[தொகு]

* அழகிரி தேர்தல் அலுவர்களைத் தாக்கியது
* விசயகாந்த் தொண்டரைத் தாக்கியது

கூட்டணிகளும் கட்சிகளும்[தொகு]

2011 சட்டமன்றத் தேர்தலில் இரு பெரும் கூட்டணிகள் களத்தில் இருந்தன. திமுக தலைமையிலான கூட்டணியில காங்கிரசு, பாமக, விடுதலை சிறுத்தைகள் கட்சி, கொங்குநாடு முன்னேற்றக் கழகம், முசுலீம் லீக், பெருந்தலைவர் மக்கள் கட்சி, மூவேந்தர் முன்னேற்றக் கழகம் ஆகிய கட்சிகள் இடம்பெற்றிருந்தன. அதிமுக தலைமையிலான கூட்டணியில் தேமுதிக, இந்திய பொதுவுடமைக் கட்சி, இந்திய பொதுவுடமைக் கட்சி (மார்க்சியம்), மனிதநேய மக்கள் கட்சி, சமத்துவ மக்கள் கட்சி, புதிய தமிழகம், மூவேந்தர் முன்னேற்ற முன்னணி, ஃபார்வார்டு ப்ளாக், இந்திய குடியரசுக் கட்சி, தமிழ்நாடு கொங்கு இளைஞர் பேரவை, மூவேந்தர் முன்னணிக் கழகம் போன்றவை இடம் பெற்றிருந்தன.

இவ்விரு கூட்டணிகள் தவிர பாஜக, ஜனதா கட்சி மற்றும் ஐக்கிய ஜனதாதளம் கட்சிகள் இணைந்த மூன்றாவது கூட்டணியும் தேர்தலில் போட்டியிட்டது. வேறு சில சிறிய கட்சிகளும் தனித்துப் போட்டியிட்டன. அதிமுக உடனான தொகுதிப் பங்கீட்டுச் சிக்கலினால் முன்பு அதிமுக கூட்டணியில் இடம் பெற்றிருந்த மதிமுக அக்கூட்டணியில் இருந்து விலகியது; மேலும் 2011 சட்டமன்றத் தேர்தலில் போட்டியிடுவதில்லை என முடிவு செய்தது.[7]

வாக்குப்பதிவு[தொகு]

முதன்மை கட்டுரை: 2011 தமிழ்நாடு சட்டமன்றத் தேர்தலில் வாக்குப்பதிவு புள்ளிவிவரம்

முடிவுகள்[தொகு]

முதன்மை கட்டுரை: 2011 தமிழ்நாடு சட்டமன்றத் தேர்தல் முடிவுகள்

ஏப்ரல் 13ஆம் தேதி நடைபெற்ற வாக்குப்பதிவில் 77.8 % வாக்காளர்கள் வாக்களித்தனர். தமிழ்நாட்டில் நடந்த தேர்தல்களில் இதுவே மிக அதிகமான வாக்குப்பதிவு சதவிகிதம்.[8] வாக்குகள் மே 13ம் தேதி எண்ணப்பட்டு முடிவுகள் அறிவிக்கப்பட்டன.

கூட்டணி கட்சி போட்டியிட்ட
தொகுதிகள்		 வென்ற
தொகுதிகள்		 வைப்புத் தொகை
இழப்பு		 வைப்புத் தொகை
இழக்காத,
வெற்றி பெற்ற
தொகுதிகளில்
வாக்கு சதவீதம்		 போட்டியிட்ட அனைத்து
தொகுதிகளின் மொத்த
வாக்கு சதவீதம்
அதிமுக
கூட்டணி - 203		 அதிமுக [9][10] 160 146 0 38.40 54.06
தேமுதிக 41 29 0 7.88 44.95
சிபிஐ[11] 10 9 0 1.97 48.79
சிபிஎம்[11] 12 10 0 2.41 50.46
மனிதநேய மக்கள் கட்சி 3 2 0 0.49 42.43
புதிய தமிழகம் 2 2 0 0.40 54.42
சமத்துவ மக்கள் கட்சி (சரத்குமார்)[12] 2 2
மூவேந்தர் முன்னேற்ற முன்னணி 1
ஃபார்வார்டு ப்ளாக் 1 1
இந்திய குடியரசுக் கட்சி (தமிழரசன்) 1 1
தமிழ்நாடு கொங்கு இளைஞர் பேரவை[13] 1 1
மொத்தம் 234 203
திமுக
கூட்டணி -31[14][15]		 திமுக[16][17][18] 119 23 0 22.39 42.20
காங்கிரசு[19] 63 5 1 9.30 35.73
பாமக[20] 30 3 0 5.23 39.72
விடுதலைச் சிறுத்தைகள்[21] 10 0 0 1.51 34.10
கொங்கு முன்னேற்றக் கழகம் [22] 7 0
இந்திய ஒன்றிய முஸ்லிம் லீக்[23][24] 3 0
மூவேந்தர் முன்னேற்றக் கழகம்[23][25] 1 0
பெருந்தலைவர் மக்கள் கட்சி[23][26][27] 1 0
மொத்தம் 234 31
பாஜக
கூட்டணி[28]		 பாரதிய ஜனதா கட்சி 204 0 198 2.22 2.55
ஜனதா கட்சி (சுப்ரமணியன் சாமி) 10[29] 0
ஐக்கிய ஜனதா தளம் [30] 5 0 5 0.01 0.33
மொத்தம் 234 0
தனித்துப்
போட்டியிடும் கட்சிகள்
மற்றும் சுயேச்சைகள்		 நாடாளும் மக்கள் கட்சி
பகுஜன் சமாஜ் கட்சி 193 0 193 0.54 0.65
சுயேச்சைகள்
மக்கள் சக்தி கட்சி 36 [31][32]

மேற்கோள்கள்[தொகு]

  1. ↑ "Challenge is to conduct peaceful polls in West Bengal: CEC". சிஃபி. 4 பெப்ரவரி 2011. http://www.sify.com/news/challenge-is-to-conduct-peaceful-polls-in-west-bengal-cec-news-national-lcerknbbchc.html. பார்த்த நாள்: 27 பெப்ரவரி 2011. 
  2. ↑ "As polls near, Karuna dumps retirement plan". The Times of India. 27 February 2011. http://timesofindia.indiatimes.com/india/As-polls-near-Karuna-dumps-retirement-plan/articleshow/7584245.cms. பார்த்த நாள்: 27 February 2011. 
  3. ↑ "Jun 1969 - Orissa. - Report on Inquiry into Corruption Charges against Former Ministers". Keesing's Record of World Events. 1 June 1969. http://www.keesings.com/search?kssp_selected_tab=article&kssp_a_id=23416n01ind. பார்த்த நாள்: 1 March 2011. 
  4. ↑ http://timesofindia.indiatimes.com/city/chennai/AIADMK-list-out-Jaya-to-enter-fray-from-Srirangam/articleshow/7724607.cms
  5. ↑ "Karunanidhi to contest from Tiruvarur". The Hindu. 17 March 2011. http://www.thehindu.com/news/states/tamil-nadu/article1547644.ece. பார்த்த நாள்: 18 March 2011. 
  6. ↑ "The State Legislature - Origin and Evolution". Tamil Nadu Government. பார்த்த நாள் 27 November 2009.
  7. ↑ மதிமுக அதிமுக உறவு இல்லை, 2011 தேர்தலில் மதிமுக போட்டியில்லை
  8. ↑ polling in Tamil Nadu
  9. ↑ அதிமுக 160 தொகுதிகளில் போட்டியிடும் வேட்பாளர்கள் பெயர் அறிவிப்பு
  10. ↑ அதிமுக 160 வேட்பாளர்கள் அறிவிப்பு தட்ஸ்தமிழ் செய்தி
  11. ↑ 11.0 11.1 பொதுவுடமை கட்சிகளுடன் உடன்பாடு
  12. ↑ சரத்குமார் கட்சிக்கு 2 தொகுதிகள் - தட்ஸ்தமிழ்
  13. ↑ தனியரசு தலைமையிலான தமிழ்நாடு கொங்கு இளைஞர் பேரவைக்கு 1 தொகுதி - தட்ஸ்தமிழ்
  14. ↑ திமுக கூட்டணி கட்சிகள் போட்டியிடும் தொகுதிகளின் எண்ணிக்கை அறிவிப்பு
  15. ↑ காங்கிரசுக்கு 63 தொகுதிகள்-பாமகவுக்கு 1 இடம் குறைப்பு
  16. ↑ திமுக போட்டியிடும் தொகுதிகள் தினமலர்
  17. ↑ திமுக போட்டியிடும் தொகுதிகள் நக்கீரன்
  18. ↑ திமுக வேட்பாளர்கள் அறிவிப்பு
  19. ↑ காங்கிரசுக்கான தொகுதிகள் அறிவிப்பு
  20. ↑ பாமகவுக்கான தொகுதிகள் அறிவிப்பு
  21. ↑ விசி க்கான தொகுதிகள் அறிவிப்பு
  22. ↑ கொமுக போட்டியிடும் தொகுதிகள்
  23. ↑ 23.0 23.1 23.2 திமுகவின் உதய சூரியன் சின்னத்தில் போட்டியிடும்The three-day battle of nerves ends
  24. ↑ முலீக்குக்கான தொகுதிகள் அறிவிப்பு 3 தொகுதிகளில் போட்டி - கருணாநிதி தாராளம்
  25. ↑ மூமுக போட்டியிடும் தொகுதி
  26. ↑ திமுகவில் பெருந்தலைவர் மக்கள் கட்சி-ஒரு சீட் ஒதுக்கீடு
  27. ↑ பெமக போட்டியிடும் தொகுதி
  28. ↑ BJP in poll pact with Janata Party
  29. ↑ 'சசிகலா குடும்பத்தினரின் பிடியில் ஜெயலலிதா': சுப்பிரமணிய சாமி
  30. ↑ ஐக்கிய ஜனதா தளம் போட்டியிடும் ஐந்து தொகுதிகள்
  31. ↑ மக்கள் சக்கி கட்சி போட்டியிடும் தொகுதிகள்
  32. ↑ மக்கள் சக்தி கட்சி வேட்பாளர் பெயர் & தொகுதி

வெளி இணைப்புகள்[தொகு]

"https://ta.wikipedia.org/w/index.php?title=தமிழ்நாடு_சட்டமன்றத்_தேர்தல்,_2011&oldid=2015947" இருந்து மீள்விக்கப்பட்டது